Wïlöölö 8
8
Kanya Døø Jwïïö Piny
1'Ba Jwøk wïïe kär wïl ki Nöa ki lääc paap bëët ki lääc paac bëët moa en buute yi jääy. Ni ö Jwøki ni wëëk jamø kwönnö bäät piny; ni ö pïïyi ni døøkge. 2Ni ö pïï jwïïö ni cuŋge, ni ö kwöra käl kuunhnhi yïthge maal ni cïëgi, ni ö køthi mana pädhö ni cööe. 3Kanyøgø pïï aput tägö ki man døøkge bäät piny ki yïth nïne bëët; ni put pïïyi døø døc køør nïne ma dïpa ki pïërabïïc. 4'Ba kanya tïme na ri bïriet dwäde ni nïr dwääy apaar ka abïriiø, jääy ajïtö ki kany mo cuŋŋe yie bäät kïdi mo cwøl na Ararat. 5Ni tïm pïïyi ni cäätha piny këël mana këët ri paac dwäde. 'Ba na tïme na ri paac dwäde, ni dïcäŋa täk nïr dwääy yie na aciel, wïth kïte atïmö ni nëënö wøk.
6'Ba na tïme na køør nïne ma pïëraŋween, Nöa dha awëërnyeŋ mana tïïe ri jääy ajabe; 7ni jääŋ agaak wøk, ni aae ni määde jaak, ni cøøa kun ni cøøa kun këël mana tal pïïyi bäät piny. 8Køøre Nöa akuuru na en buute ajääŋŋe wøk kiper nee pïï liee ki man näk mo odwön bäät piny. 9'Ba akuuru bäŋ kany mo ee joodø mo këël tiete piny yie; køøre ena duu baŋ Nöa yi jääy, kiper atïmö ni pïï poot dagø dï piny bäre. Ni ö Nöa ni rwaak cere wøk baŋ gø ni mak gø ni käl gø baŋe yi jääy. 10Kanyøgø ena kurö ki nïne abïriiø møøk ni cäŋ akuuru jääŋŋö wøk ki yi jääy. 11Ni duu akuuru baŋe kanya tïme na kur abøøya, ni käädö ki ïth jaath mo marr ki dhee; ni puti ya Nöa ŋäc ni pïï onø dwön bäät piny. 12Køøre Nöa acäŋ kurö ki nïne abïriiø møøk ni cäŋ akuuru jääŋŋö wøk, 'ba akuuru kär duu baŋ Nöa këët.
13'Ba kanya tïm cwiic Nöa moa beede na dïpe abïciel ka aciel, kanya täk nïr dwääyi mana dïkwøŋ na aciel, pïï adwön bäät piny. Køøre Nöa wï jääy ajabe, ni räŋŋe ni joot piny bäre ni cäätha kur talø. 14'Ba na tïme na ri riet dwäde, ni nïr dwääy pïërariiø ka abïriiø, piny atal.
15Køøre Jwøk acäänö ki Nöa, ni kööe, 16ni «Ci wøk ki yi jääy, ïïni ki cïïï ki wäätï ki määr wäätï ni en buutï. 17Ni kälï gïïa näk kwøw bëët wøk na en buutï thuwø, na näk weny ki lääy ki gïï wø muuli bäät piny bëët, kiper nee nyöötge ni tïmge ni thööth, ni jïtge ki nyïëdi, ni nyaacge bäät piny.»
18Køøre Nöa aci wøk ki yi jääy; ni ö wääte ki cïïe ki määr wääte ni cige wøk ki eni. 19Ni ö lääyi bëët ki gïï wø muuli ki weny bëët, na näk gïï wø cäädhi bäät ŋøøm bëët, ni cige wøk ki yi jääy na wï tuuŋ man nø.
20Køøre Nöa atïïö ki gïn wø cïp olämme bääte jï Wuuö Jwøk, ni lwöte røk lääya beyø bëët ki røk weny moa beyø bëët, ni waaŋ geni no olämme bäät gïn wø cïp olämme bääte. 21Ni ö Wuuö Jwøki ni ŋwääc gïna duuŋ ni met, ni kööe ki cwïnye, ni «Aani køør man nø, piny ba cäŋa ciennø këët kiper gïna tïïc dhaanhe. Kiper acaac dhaanhø man wø caare ki cwïnye ki mana täge thïnhö cøøn beeye acaara mo raac cooth. Aani thuwø gïïa näk kwøw bëët ba cäŋa raanynyø këët kaawat mana tïïa en.
22«'Ba ennø, kaawat man bëët pinynyi ni nut en,
kar pïïdhö ki kar kac, ki lïëth piny ki ŋec piny, oput bëëtö ni nut cooth.
Ni ö dhi køthi ka arïïa ni bëëtge ni dagø cooth;
ni put waŋcäŋŋi ki wäär bëëdö ni ba cuŋ këët.»
Zvasarudzwa nguva ino
Wïlöölö 8: AnyuB
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© The Bible Society of Ethiopia
Wïlöölö 8
8
Kanya Døø Jwïïö Piny
1'Ba Jwøk wïïe kär wïl ki Nöa ki lääc paap bëët ki lääc paac bëët moa en buute yi jääy. Ni ö Jwøki ni wëëk jamø kwönnö bäät piny; ni ö pïïyi ni døøkge. 2Ni ö pïï jwïïö ni cuŋge, ni ö kwöra käl kuunhnhi yïthge maal ni cïëgi, ni ö køthi mana pädhö ni cööe. 3Kanyøgø pïï aput tägö ki man døøkge bäät piny ki yïth nïne bëët; ni put pïïyi døø døc køør nïne ma dïpa ki pïërabïïc. 4'Ba kanya tïme na ri bïriet dwäde ni nïr dwääy apaar ka abïriiø, jääy ajïtö ki kany mo cuŋŋe yie bäät kïdi mo cwøl na Ararat. 5Ni tïm pïïyi ni cäätha piny këël mana këët ri paac dwäde. 'Ba na tïme na ri paac dwäde, ni dïcäŋa täk nïr dwääy yie na aciel, wïth kïte atïmö ni nëënö wøk.
6'Ba na tïme na køør nïne ma pïëraŋween, Nöa dha awëërnyeŋ mana tïïe ri jääy ajabe; 7ni jääŋ agaak wøk, ni aae ni määde jaak, ni cøøa kun ni cøøa kun këël mana tal pïïyi bäät piny. 8Køøre Nöa akuuru na en buute ajääŋŋe wøk kiper nee pïï liee ki man näk mo odwön bäät piny. 9'Ba akuuru bäŋ kany mo ee joodø mo këël tiete piny yie; køøre ena duu baŋ Nöa yi jääy, kiper atïmö ni pïï poot dagø dï piny bäre. Ni ö Nöa ni rwaak cere wøk baŋ gø ni mak gø ni käl gø baŋe yi jääy. 10Kanyøgø ena kurö ki nïne abïriiø møøk ni cäŋ akuuru jääŋŋö wøk ki yi jääy. 11Ni duu akuuru baŋe kanya tïme na kur abøøya, ni käädö ki ïth jaath mo marr ki dhee; ni puti ya Nöa ŋäc ni pïï onø dwön bäät piny. 12Køøre Nöa acäŋ kurö ki nïne abïriiø møøk ni cäŋ akuuru jääŋŋö wøk, 'ba akuuru kär duu baŋ Nöa këët.
13'Ba kanya tïm cwiic Nöa moa beede na dïpe abïciel ka aciel, kanya täk nïr dwääyi mana dïkwøŋ na aciel, pïï adwön bäät piny. Køøre Nöa wï jääy ajabe, ni räŋŋe ni joot piny bäre ni cäätha kur talø. 14'Ba na tïme na ri riet dwäde, ni nïr dwääy pïërariiø ka abïriiø, piny atal.
15Køøre Jwøk acäänö ki Nöa, ni kööe, 16ni «Ci wøk ki yi jääy, ïïni ki cïïï ki wäätï ki määr wäätï ni en buutï. 17Ni kälï gïïa näk kwøw bëët wøk na en buutï thuwø, na näk weny ki lääy ki gïï wø muuli bäät piny bëët, kiper nee nyöötge ni tïmge ni thööth, ni jïtge ki nyïëdi, ni nyaacge bäät piny.»
18Køøre Nöa aci wøk ki yi jääy; ni ö wääte ki cïïe ki määr wääte ni cige wøk ki eni. 19Ni ö lääyi bëët ki gïï wø muuli ki weny bëët, na näk gïï wø cäädhi bäät ŋøøm bëët, ni cige wøk ki yi jääy na wï tuuŋ man nø.
20Køøre Nöa atïïö ki gïn wø cïp olämme bääte jï Wuuö Jwøk, ni lwöte røk lääya beyø bëët ki røk weny moa beyø bëët, ni waaŋ geni no olämme bäät gïn wø cïp olämme bääte. 21Ni ö Wuuö Jwøki ni ŋwääc gïna duuŋ ni met, ni kööe ki cwïnye, ni «Aani køør man nø, piny ba cäŋa ciennø këët kiper gïna tïïc dhaanhe. Kiper acaac dhaanhø man wø caare ki cwïnye ki mana täge thïnhö cøøn beeye acaara mo raac cooth. Aani thuwø gïïa näk kwøw bëët ba cäŋa raanynyø këët kaawat mana tïïa en.
22«'Ba ennø, kaawat man bëët pinynyi ni nut en,
kar pïïdhö ki kar kac, ki lïëth piny ki ŋec piny, oput bëëtö ni nut cooth.
Ni ö dhi køthi ka arïïa ni bëëtge ni dagø cooth;
ni put waŋcäŋŋi ki wäär bëëdö ni ba cuŋ këët.»
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© The Bible Society of Ethiopia