Imilimo 24
24
Awa Yuda awalongola Pauli
1Ayala amanda yasano yasila e simapepo mukulu e Ananiya aya kwe Kesariya apaliponga nawasongo nga nukamanya masundo wino wi twanga izina lyakwe Tertulasi. Awaya kwekapanzya mukulu Feliz akuno waya walongola e Pauli. 2Tertulasi apalamila alongola Pauli ati,
Mulali! Uwutesi wako uwamano watuteka umutende impindi ntali yonsi, nukutuchitila ivintu vivule ivizima munsi yitu. 3Tukawanzya vyonsi impindi zyonsi, swinya tukakusalifya penye. 4Nsinakulonda ukukusumbila impindi, ukuwa kweni, nkukulambilizya ukuti uteyelezye amazwi yitu. 5Tuzanile kuno umuntu wee wechivulungania mukulu; akuvulungania awa Yuda munsi yonsi nuwukulu, swinya wekakolelela wamupanda wawa Nazara. 6Swinya walondanga ukukombezya ing'anda yakwe Leza, achaleka twamulemile. [Twalondanga ukuti tumupanzye ndimuno isundo litu lyayila, 7ukuwa musika wavita e Lisiasi watwizizile nichipulukuta chikulu wiza wamupoka. 8Ngapano Lisiasi wakomelezya ukuti wano wakulongola Pauli wize kwewewenye.] Wala nanti awewenye ndi wawuzichisya umuntunye wee wandi umanye wenganye ivintu vino tukumulongolela. 9Nawa Yuda awazumilizyania ukumulongola kuvintu vyonsi vyonye-vyoo.
Pauli avwanga amazwi yakuyichinjilila kwe Felix
10Kapanzya asinizya Pauli ukuti avwange, ngapano Pauli asimpuka avwanga ati,
Manyile kuno wekapanzya wamwikonye woo kumyaka mivule, achaleka indi nichimwemwe nkaninye ukuti njichinjilile pakwe wewe. 11Amuno wandi ulole kuno amanda yatalusizye pamanda ikumi nayawili pano nayizile kwe Yerusalemu mukupepa. 12Awa Yuda watetela wanzane mung'anda yakwe Leza tukupanzyania numuntu wumwi, nanti akukwakwania iwumba lyawantu, muzyang'anda zyakupepela nanti akunjinye mukaya. 13Watanga nanti akupanichisya wakunene ivintu vino wakundongolela. 14Nkuyizumilila pakwe wewe: nenji nkapepa Leza wakwe watatakulu munzila yino weni wakutanji ayawufi. Ukuwa naninye nkakonka vyonsi vino vyawalikwa mumasundo yakwe Musa navino vili mwewakalata wawatumwa. 15Indi nisuwilo ilililyonga mwakwe Leza lino nawonye walimanya, kuno awantu wonsi, awazima nawawipe, walizyulupuka kumfwa. 16Muno achochonye nkwelezyanga penye ukuti imbe numwezo wuzima kwakwe Leza nakuwantu.
17Muno imyaka yatezile yavula pano nafumizile mwe Yerusalemu, pakuya kweneko nasenzile indalama zimwi izyakuti nkape awantu wane swinya mfime ninzuwi. 18Pano nachitanga wonye-woo apano wanzanile mung'anda yakwe Leza, ye njiswefizye kali. Ntalinji niwumba limwi, swinya kutalinji ichiwipe nanti chonga. 19Ukuwa awa Yuda wamwi wane wafumile muchipya chansi ya Asia walinjipo; nawonye wazipila wapalamile pakwe wewe wandongole vino wali navyo, ndiwali nichiwipe chimwi ichakundongola. 20Pamwi leka awantu wane wali paa wavwange umulandu wuno nachita wuno wanjimichila mwiwumba— 21suka ndi akwizwi lyonga lino napunzile pano nimilile pakwe woliwo: ilyakuti, Nkupanzwa namwe ilelo-lyoo muno akusuwila kuno awafwe walizyulukupa.
22E Felix wino watezile anenilwe ichete-chete ivya nzila, ayeka umulandu. Ati, Ndipanzya umulandu winu pano Lisiasi wiza-wiza. 23Ngapano akomelezya musika wino wasunganga Pauli ukuti amusunjilile, lelo aleke iviwuza vyakwe wamupempula nukumwavwilizya vino akulonda.
E Pauli pankolelo pakwe Felix nu Drusila
24Ukuwa ayala amanda yamwi yapita Felix numuchi e Drusila, wino walinji amu Yuda awaya kweneko. Atuma kwe Pauli ukuti aye akamwivwe vino akulanda ivyisuwilo lyakwe Klistu e Yesu. 25Ala pane Pauli akulanda avyawulungamane, nivyakuyisunga, nivyawanda wipanzyo, Felix atina ati, Utele ufume. Nandi nkwite swinya ndinalola impindi. 26Kukwelengania kwakwe wasuwilanga ukuti Pauli wandi amupe indalama zimwi; achaleka aianga akumwita penye akuvwanga nawe.
27Ukuwa ila imyaka yiwili yasila, Porkio Festasi apyanila pakwe Felix ekapanzya. Felix walondanga ukusechelesya awa Yuda, achaleka asya Pauli muvingololo.
Zvasarudzwa nguva ino
Imilimo 24: WWN82
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Chinamwanga Bible © United Bible Societies, 1981.
Imilimo 24
24
Awa Yuda awalongola Pauli
1Ayala amanda yasano yasila e simapepo mukulu e Ananiya aya kwe Kesariya apaliponga nawasongo nga nukamanya masundo wino wi twanga izina lyakwe Tertulasi. Awaya kwekapanzya mukulu Feliz akuno waya walongola e Pauli. 2Tertulasi apalamila alongola Pauli ati,
Mulali! Uwutesi wako uwamano watuteka umutende impindi ntali yonsi, nukutuchitila ivintu vivule ivizima munsi yitu. 3Tukawanzya vyonsi impindi zyonsi, swinya tukakusalifya penye. 4Nsinakulonda ukukusumbila impindi, ukuwa kweni, nkukulambilizya ukuti uteyelezye amazwi yitu. 5Tuzanile kuno umuntu wee wechivulungania mukulu; akuvulungania awa Yuda munsi yonsi nuwukulu, swinya wekakolelela wamupanda wawa Nazara. 6Swinya walondanga ukukombezya ing'anda yakwe Leza, achaleka twamulemile. [Twalondanga ukuti tumupanzye ndimuno isundo litu lyayila, 7ukuwa musika wavita e Lisiasi watwizizile nichipulukuta chikulu wiza wamupoka. 8Ngapano Lisiasi wakomelezya ukuti wano wakulongola Pauli wize kwewewenye.] Wala nanti awewenye ndi wawuzichisya umuntunye wee wandi umanye wenganye ivintu vino tukumulongolela. 9Nawa Yuda awazumilizyania ukumulongola kuvintu vyonsi vyonye-vyoo.
Pauli avwanga amazwi yakuyichinjilila kwe Felix
10Kapanzya asinizya Pauli ukuti avwange, ngapano Pauli asimpuka avwanga ati,
Manyile kuno wekapanzya wamwikonye woo kumyaka mivule, achaleka indi nichimwemwe nkaninye ukuti njichinjilile pakwe wewe. 11Amuno wandi ulole kuno amanda yatalusizye pamanda ikumi nayawili pano nayizile kwe Yerusalemu mukupepa. 12Awa Yuda watetela wanzane mung'anda yakwe Leza tukupanzyania numuntu wumwi, nanti akukwakwania iwumba lyawantu, muzyang'anda zyakupepela nanti akunjinye mukaya. 13Watanga nanti akupanichisya wakunene ivintu vino wakundongolela. 14Nkuyizumilila pakwe wewe: nenji nkapepa Leza wakwe watatakulu munzila yino weni wakutanji ayawufi. Ukuwa naninye nkakonka vyonsi vino vyawalikwa mumasundo yakwe Musa navino vili mwewakalata wawatumwa. 15Indi nisuwilo ilililyonga mwakwe Leza lino nawonye walimanya, kuno awantu wonsi, awazima nawawipe, walizyulupuka kumfwa. 16Muno achochonye nkwelezyanga penye ukuti imbe numwezo wuzima kwakwe Leza nakuwantu.
17Muno imyaka yatezile yavula pano nafumizile mwe Yerusalemu, pakuya kweneko nasenzile indalama zimwi izyakuti nkape awantu wane swinya mfime ninzuwi. 18Pano nachitanga wonye-woo apano wanzanile mung'anda yakwe Leza, ye njiswefizye kali. Ntalinji niwumba limwi, swinya kutalinji ichiwipe nanti chonga. 19Ukuwa awa Yuda wamwi wane wafumile muchipya chansi ya Asia walinjipo; nawonye wazipila wapalamile pakwe wewe wandongole vino wali navyo, ndiwali nichiwipe chimwi ichakundongola. 20Pamwi leka awantu wane wali paa wavwange umulandu wuno nachita wuno wanjimichila mwiwumba— 21suka ndi akwizwi lyonga lino napunzile pano nimilile pakwe woliwo: ilyakuti, Nkupanzwa namwe ilelo-lyoo muno akusuwila kuno awafwe walizyulukupa.
22E Felix wino watezile anenilwe ichete-chete ivya nzila, ayeka umulandu. Ati, Ndipanzya umulandu winu pano Lisiasi wiza-wiza. 23Ngapano akomelezya musika wino wasunganga Pauli ukuti amusunjilile, lelo aleke iviwuza vyakwe wamupempula nukumwavwilizya vino akulonda.
E Pauli pankolelo pakwe Felix nu Drusila
24Ukuwa ayala amanda yamwi yapita Felix numuchi e Drusila, wino walinji amu Yuda awaya kweneko. Atuma kwe Pauli ukuti aye akamwivwe vino akulanda ivyisuwilo lyakwe Klistu e Yesu. 25Ala pane Pauli akulanda avyawulungamane, nivyakuyisunga, nivyawanda wipanzyo, Felix atina ati, Utele ufume. Nandi nkwite swinya ndinalola impindi. 26Kukwelengania kwakwe wasuwilanga ukuti Pauli wandi amupe indalama zimwi; achaleka aianga akumwita penye akuvwanga nawe.
27Ukuwa ila imyaka yiwili yasila, Porkio Festasi apyanila pakwe Felix ekapanzya. Felix walondanga ukusechelesya awa Yuda, achaleka asya Pauli muvingololo.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Chinamwanga Bible © United Bible Societies, 1981.