मत्ती 13
13
बी बाणै बाऐरा उदाहरण
1ऐ गल तैस धियाड़िरी आ, यीशु जेख्णी घरा किना भेईर गलील झीलिरै किनारै गहि करि उपदेश दींणा लगा। 2जां तैस किनि मैहणुवां केरी ऐतेई बड़ी भीड़ किट्ठी भुई कि सै गहि करि किश्ती पन चढ़ी ग्या, जां सारी भीड़ किनारै पनि खड़ी भौ गैई। 3जां तेनी तैन्हांं सेईतै उदाहरणा मझ बड़ी सारी गलै बोलि, “कि अक किसान बी बाणनि निकोत्था। 4जां बांतै टैंमा कुछ बी बत्तेरै किनारै गियु जां पंछियै अईछी करि खा लियु। 5कुछ बी घोड़ूली जमींनि पन गियु, जेठि तेसनी जादा मिट्टी ना मेयि, जां सै झट जंमि गियु केईनी कि मिट्टी डुघी ना थी। 6पण दीह निकूंणा पन सै फुकि गियु, जां सीरै ना भूंणै ला सै शुकि गियु। 7किछ बी ऐतेई जगाय पन गियु जेठि झिल्है थ्यै, बी जमी गियु जां झिल्है मोटी करि सै ढकि लियु। 8पण कुछ बी अच्छी जमींनि पन गियु जां अच्छी फसल पेईदा भुई। बी ज्योतु बाउरू थियु तैस किना फसल तीह गुणा, शठ गुणा शाउ गुणा जादा भुई। 9जै बि मिंडी गल शुणता, सै ध्यान दी करि शुणियां जां समझिया।”
उदाहरणा केरा मकसद
(मरकुस. 4:10-12; लूका 8:9-10)
10जेख्णी यीशुरै चैलै तैस किना नीड़ ऐईछी करि पुच्छु, “तु मैहणुवां सिंउ उदाहरणा मझ केईनी गलै काता?” 11तेनी उत्तर दित्ता, “तुहांनि ता मीं परमेश्वरेरै राज्यरी गुप्त गलै समझांंणैरी अक्ल दितोरी आ पण तेन्हांनि ना। 12केईनी कि जै मिंडी गल ध्यान सिंउ शुणता जां समझता परमेश्वर तैस होरै जादै समझदार बंणाता। पण जै मिंडी गल ध्यान सिंउ ना शुणता जां समझता, तैस सैकेई गलै बि भुलि गांहणी जैन्हां सै पेहिलै किना जांणता।” 13आंउ तैन्हांं सिंउ ऐठणीरै तेईनी उदाहरणा मझ गलै काता, कि तैन्हांं लहि करि बि ना लेईंथु, जां तैन्हांं शुणि करि बि ना शुणींतु जां ना समझतै। 14जां तेन्हैरै बारै मझ यशायाहेरी ऐ भविष्यवाणी पूरी भूंती कि तुवे शुणैलै जां शुणतै रैहलै, पण तुवाड़ी समझि किछ बि ना ऐईंणु; तुवे सिर्फ तकांतै रींहणै, पण तुहां किछ बि लाधी ना ऐईंणु। 15केईनी कि ऐक्यै मैहणु मिंडी गलै शुणनेरै लायक नत्तै, मिंडी गलै तेन्हैरै मंना मझ ना पूंती; ताकि सै अपड़ै टीरै ला किछ बि ना तकाईया, जां सै कन्नै ला किछ बि ना शुणिया जां अपड़ै मंने ला कदि ना समझिया, जां सै कदि मूं धेरै मुड़ि करि ऐईछिया ता जेनि ला आंउ तेन्हैरा उद्धार करूं।
16पण धन्य अत्तै तुवाड़ै टीरै, कि सै तकांतै अत्तै, जां तुवाड़ै कंन, कि सै शुणतै अत्तै। 17केईनी कि आंउ तुहां सिंउ सच बोलता आ, कि बड़ै सारै भविष्यवक्तै जां धर्मी मैहणु जै गलै तकाणा चांहथै थ्यै तैन्हां गला तुवे तकांतै अत्तै; पण तैन्हैं सै ना तकाई। जां जैन्हां गला सै शुणना चांहथै थ्यै तैन्हां गला तुवे शुणतै अत्तै, पण तैन्हांं ऐकेई गलै ना शुणि।
बी बाणै बाऐ उदाहरणेरा मतलब
(मरकुस. 4:13-20; लूका 8:11-15)
18“ऐठणीरै तेईनी तुवे बांण बांणारैरा उदाहरण शुणा 19जै कौ परमेश्वरैरा वचन शुणि करि ना समझता, तेसेरै मंना मझ जै किछ बाउरू आ, शैतान तुरंत अईछी करि तैस चोरी करि लै गांहथा। ऐ सैहै बी आ जै बत्तेरै किनारै बाउरू थियु। 20जां कुछ मैहणु ऐतियै अत्तै जैन्हैरी बराबरी तैस बीआ सेईतै करि सकतै जै घोड़ूली जमींनि पन पियु। जै परमेश्वरैरा वचन शुणि करि झट खुशी सिंउ मनि लींतै। 21पण वचन तेंन्हैरै दिला तेईनी ना पुजता, सैक्यै थोड़े टैंमेरै तेईनी विश्वास कातै। सै तैन्हां बुटिया सैयि अत्तै जैन्हैरी सीरै डुघी ना भूँतीं; जां जेख्णी कोई हौरा तैन्हां वचनेंरे कारण सतांता, ता सै मैहणु दुखी भौ करि झटपट परमेश्वरेरै वचना पन विश्वास कांना छडि दींतै। 22किछ मैहणु ऐतियै अत्तै जैन्हैरी बराबरी असै झिल्है बाई जमीनि सिंउ करि सकतै, ऐ सै मैहणु अत्तै, जैन्हैं परमेश्वरैरा वचन शुणा, सै बड़ी सारिया चीजा केरा लालच करि-करि अमीर भूंणैरी ईच्छा कातै। ऐठणीरै तेईनी सै सिर्फ ऐन्हां चीजा केरी चिंता कातै; ऐहीं-चारै सै परमेश्वरेरै वचना मझ अड़चन पेईदा कातै जां तैन्हां परमेश्वरेरी ईच्छाय पन ना चलियूंतु। 23पण कुछ मैहणु उपजाऊ जमीनि पन बाउरू बीया सैयि अत्तै, सें परमेश्वरैरा वचन शुणि करि मनि लींतै जां सै ऐत पन विश्वास बि कातै। सै परमेश्वरेरी ईच्छाय पन चलतै। सै तेंन्हां खरी बुटिया सैही अत्तै जैन्हैरी पैदावार तीह गुणा, शठ गुणा, जां शाउ गुणा जादा भूंती।”
जंगली बीयेरा उदाहरण
24यीशु फिरी तेन्हांनि अक हौरा उदाहरण दित्ता कि स्वर्गेरा राज्य तैस किसाना सैयि आ जेनि अपड़ि पट्टि मझ अच्छु बी बाउ। 25जां जेख्णी तेसेरै सेवक झुलोरै थ्यै ता जमीनिरै मालकेरै दुशमणै अईछी करि किणकेरू बीया मझ जंगली बी बा करि चलि ग्या। 26जां जेख्णी बी जमणा लगु, ता जंगली दांणैरू घाह बि लैहियूंणा लगु। 27ऐत पन जमीनिरै मालिका सिंउ दासै ऐईछी करि बौलु, हे मालिक, क्या तीं अपड़ि पट्टि मझ अच्छु बी ना थियु बाउरू? तैस मझ ऐक्यु बी कोठां निकई गियु? 28मालकै तेन्हांनि बौलु, ऐ कोस्क्यै दुशमणैरा कम आ, दास तैस किना पुछणा लगै, क्या तुवे चाहंथै कि असै गहि करि जंगली बीऐरू घाह उबटि छडिया? 29तेनी तैन्हांं सिंउ बौलु कि ना, ऐहीं मेईं करा, केईनी कि ऐहीं ना भुईया कि जंगली बीऐरू घहा सेईतै किणक बि उतड़ि गहिया बढि यूंणा तेईनी दोईयो सेईतै-सेईतै मोटियूंणा देया। 30फसल बढतै टैंमा मूं बढणारानी बोलणु कि पेहिलै जंगली बीया बटौआ जां फुकणैरे तेईनी तेन्हैरै दठै बंन्ही ल्या, तेठां किना बाद किणक किट्ठी करा।
राईरू बीऐरा उदाहरण
31यीशु तेन्हांनि अक हौरा उदाहरण दिता, कि “परमेश्वरैरा राज्य राईरै दांणा बराबर आ जै कुनि क्यै मैहणु लै करि अपड़ि पट्टि मझ बाउ। 32राईरू दांण धरती पन सभनियांं बीया मझ सभनियांं हल्कु भूंतु। पण जेख्णी बा छडतै, ता जंमि करि सभनियांं बुटा किना मोटी गांहथु, जां तेसैरी ऐतेई बडी डाई भौ गांहथी कि सुरगेरै सारै पंछी अईछी करि तेसैरी ठंडखि मझ बेशतै।”
त्रकोरू अटूरा उदाहरण
33यीशु तेन्हांनि अक हौरा उदाहरण शुणा, कि “स्वर्गेरा राज्य त्रकोरू आटु सैयि आ, जै कुनिक्यै जैनैनि लै करि दश किलो आटु मझ मिला दित्तु जां थोड़ी हांणी बाद सै सारू आटु त्रकि गांहथु। तिहियें-चारै परमेश्वरेरै राज्यरा असर बि पूरै संसारा मझ भूंता।” 34यीशु तेन्हांनि ऐतियै बडै उदाहरण दी करि तेन्हैरी समझिरी अनुसार वचन शुणाईथ्या। जेख्णी सै अपड़ा चैला सिंउ बोलींथ्या, ता सै हरबारी उदाहरणा मझ बोलींथ्या; 35कि जै वचन भविष्यवक्तै बोलौरा थ्या, सै पूरा भुईया कि, “मूं उदाहरण शुणांणनी अपड़ु मँह खोलणु, मूं सैकेई गलै जै संसारेरी उत्पत्ति किना गुप्त अत्ति सै प्रकट कांनी।
जंगली बीयेरै उदाहरणेरा मतलब
36यीशु भीड़ि विदा करि-करि घरै या, जां तेसेरै चैलै तैस किनि अईछी करि बौलु, पटिरै जंगली दांणैरा उदाहरण असुनि समझा।” 37यीशु तेन्हांनि उत्तर दित्ता, अच्छु बी बांणै वा किसान यानि आंउ मैहणुरा पुत्र आ। 38जमीन संसार आ; अच्छु बी स्वर्गेरै राज्यरै मैहणु अत्तै, जां जंगली बी दुष्ट शैतानेरै मैहणु अत्तै। 39जंगली बी बांणै वा दुशमण शैतान आ, बढणेरै टैंमेरा मतलब संसारैरा अंत आ, जां बढणै बाऐ स्वर्गदूत अत्तै। 40ऐठणीरै तेईनी जिहीं जंगली डाई बटोयूंती जां फुकि छडतै, तिहियें संसारेरै अंत मझ भूंणु। 41मैहणुरै पुत्रा मतलब मूं अपड़ै स्वर्गदूत भेईजणै, जां तेसेरै विरोधा मझियें सारै मैहणु जां पाप कांनार कुकर्मी मैहणु किठै करि नष्ट कर दींणै। 42जां स्वर्गदूता सैक्यै नर्केरी आगी मझ सुटि दींणै, तैड़ी तैन्हां मैहणुवां रूंणु जां दंत चापणैं। 43तैस टैंमा धर्मी मैहणु अपड़ै पिता परमेश्वरेरै राज्य मझ दीहा सैयि चमकणै। “जै बि मिंडी गल शुणता, सै ध्यान दी करि शुणियां जां समझिया।”
छपाउरा खजाना
44स्वर्गेरा राज्य एकि खजानै सैयि आ, जै कोसक्यै मैहणुनी मैआ जां फिरी सै तैठिऐ दबि छडा। सै यौउता खुश भुआ कि तेनी जै किछ तैस किनि थियु, गहि करि बैचि छडु जां सै पट्टि खरीदी लैई।
अनमोल मोतिया केरा उदाहरण
45फिरी स्वर्गेरा राज्य एकि व्यापारिरै समान आ, जै अच्छै मोतिया केरी खोजि मझ थ्या। 46जां तेसनी अक बड़ा कीमति मोती मैई गिया, ता तेनी गहि करि अपड़ु सभ किछ बैचि दित्तु, जां सै मोती खरीदी लियै।
जालैरा उदाहरण
47फिरी स्वर्गेरा राज्य तैस मछली पकड़ने बाऐ बडै जाला सैयि आ, जै समुद्रा मझ सुटा, जां हर प्रकारेरी मछली किट्ठैरी लै अंणि। 48जां जेख्णी सै जाल पूरा भरी ग्या, ता सै छिकि-करि किनारै पन लै अंणा, जां बेशि करि अच्छी-अच्छी मछली भांडा मझ किट्ठी केयि जां बेकार मछली सुटि दित्ती। 49संसारेरै अंत मझ ऐतियु ऐ भूंणु, स्वर्गदूता ऐईछी करि धर्मी मैहणु, पापी मैहणुवां किना अलग कांने, 50जां पापी मैहणु नर्केरी आगी मझ सुटि दींणै, तैड़ी तैन्हां मैहणुवां रूंणु जां दंत चापणैं।
पुराणी जां नवीं शिक्षायरा महत्व
51यीशु पुच्छु, “क्या तुहैं ऐकेई सारी गलै समझि?” चैलै तैस सिंउ बौलु, “हाँ।” 52यीशु तैन्हां सिंउ बौलु, “तका, ऐठणीरै तेईनी हर-अक यहूदी शास्त्री जै स्वर्गेरै राज्यरा चैला बणौरा, एकि ऐतियै घरेरै मुखियै समान आ जै अपड़ै भण्डारा मझां नवीं जां पुरांणी हर-एकि चीजै कढि अंणता।”
नासरत मझ यीशुरा अनादर
53जां यीशु ऐ सारै उदाहरण बोलि करि तेठां किना चलि ग्या। 54जां अपड़ै नगरा मझ अईछी करि आरामेरी धियाड़ी तेनी यहूदी सभा घरा मझ परमेश्वरेरै सन्देशैरा प्रचार कांना शुरू केया; ऐनि ला हर-कौ मैहणु हैरान भौ करि बोलणा लगै, कि “ऐनि ऐ बुद्धिरी गलै जां सामर्थैरै कम कोठां किना शिख्रे? 55क्या ऐक्या एकि लकड़िरै मिस्त्रीरा छोकरा ना? क्या ऐक्या मरियमैरा पुत्र ना, याकूब, योसेस, यहूदा जां शमौन ऐसेरै भाई ना अत्तै? 56जां क्या ऐसेरी सारी भींणी असु सेईतै ना रींहथी? फिरी ऐनि ऐ सभ कोठां किना शिख्रु?” 57ऐठणीरै तेईनी तैन्हांं यीशुरै बारै मझ शक पेईदा भुआ, पण यीशु तैन्हांं सिंउ बौलु, “भविष्यवक्तैरा होरतियै सभतियै जगाईया आदर भूंता पण अपड़ै देशा जां रिश्तैदारा मझ ना भूंता।” 58जां तैस तेन्हैरै अविश्वासा पन हैरानी भुई। ऐठणीरै तेईनी तेनी तैठि बड़ै सामर्थैरै कंम ना कियै।
Zvasarudzwa nguva ino
मत्ती 13: CDJNT
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.
मत्ती 13
13
बी बाणै बाऐरा उदाहरण
1ऐ गल तैस धियाड़िरी आ, यीशु जेख्णी घरा किना भेईर गलील झीलिरै किनारै गहि करि उपदेश दींणा लगा। 2जां तैस किनि मैहणुवां केरी ऐतेई बड़ी भीड़ किट्ठी भुई कि सै गहि करि किश्ती पन चढ़ी ग्या, जां सारी भीड़ किनारै पनि खड़ी भौ गैई। 3जां तेनी तैन्हांं सेईतै उदाहरणा मझ बड़ी सारी गलै बोलि, “कि अक किसान बी बाणनि निकोत्था। 4जां बांतै टैंमा कुछ बी बत्तेरै किनारै गियु जां पंछियै अईछी करि खा लियु। 5कुछ बी घोड़ूली जमींनि पन गियु, जेठि तेसनी जादा मिट्टी ना मेयि, जां सै झट जंमि गियु केईनी कि मिट्टी डुघी ना थी। 6पण दीह निकूंणा पन सै फुकि गियु, जां सीरै ना भूंणै ला सै शुकि गियु। 7किछ बी ऐतेई जगाय पन गियु जेठि झिल्है थ्यै, बी जमी गियु जां झिल्है मोटी करि सै ढकि लियु। 8पण कुछ बी अच्छी जमींनि पन गियु जां अच्छी फसल पेईदा भुई। बी ज्योतु बाउरू थियु तैस किना फसल तीह गुणा, शठ गुणा शाउ गुणा जादा भुई। 9जै बि मिंडी गल शुणता, सै ध्यान दी करि शुणियां जां समझिया।”
उदाहरणा केरा मकसद
(मरकुस. 4:10-12; लूका 8:9-10)
10जेख्णी यीशुरै चैलै तैस किना नीड़ ऐईछी करि पुच्छु, “तु मैहणुवां सिंउ उदाहरणा मझ केईनी गलै काता?” 11तेनी उत्तर दित्ता, “तुहांनि ता मीं परमेश्वरेरै राज्यरी गुप्त गलै समझांंणैरी अक्ल दितोरी आ पण तेन्हांनि ना। 12केईनी कि जै मिंडी गल ध्यान सिंउ शुणता जां समझता परमेश्वर तैस होरै जादै समझदार बंणाता। पण जै मिंडी गल ध्यान सिंउ ना शुणता जां समझता, तैस सैकेई गलै बि भुलि गांहणी जैन्हां सै पेहिलै किना जांणता।” 13आंउ तैन्हांं सिंउ ऐठणीरै तेईनी उदाहरणा मझ गलै काता, कि तैन्हांं लहि करि बि ना लेईंथु, जां तैन्हांं शुणि करि बि ना शुणींतु जां ना समझतै। 14जां तेन्हैरै बारै मझ यशायाहेरी ऐ भविष्यवाणी पूरी भूंती कि तुवे शुणैलै जां शुणतै रैहलै, पण तुवाड़ी समझि किछ बि ना ऐईंणु; तुवे सिर्फ तकांतै रींहणै, पण तुहां किछ बि लाधी ना ऐईंणु। 15केईनी कि ऐक्यै मैहणु मिंडी गलै शुणनेरै लायक नत्तै, मिंडी गलै तेन्हैरै मंना मझ ना पूंती; ताकि सै अपड़ै टीरै ला किछ बि ना तकाईया, जां सै कन्नै ला किछ बि ना शुणिया जां अपड़ै मंने ला कदि ना समझिया, जां सै कदि मूं धेरै मुड़ि करि ऐईछिया ता जेनि ला आंउ तेन्हैरा उद्धार करूं।
16पण धन्य अत्तै तुवाड़ै टीरै, कि सै तकांतै अत्तै, जां तुवाड़ै कंन, कि सै शुणतै अत्तै। 17केईनी कि आंउ तुहां सिंउ सच बोलता आ, कि बड़ै सारै भविष्यवक्तै जां धर्मी मैहणु जै गलै तकाणा चांहथै थ्यै तैन्हां गला तुवे तकांतै अत्तै; पण तैन्हैं सै ना तकाई। जां जैन्हां गला सै शुणना चांहथै थ्यै तैन्हां गला तुवे शुणतै अत्तै, पण तैन्हांं ऐकेई गलै ना शुणि।
बी बाणै बाऐ उदाहरणेरा मतलब
(मरकुस. 4:13-20; लूका 8:11-15)
18“ऐठणीरै तेईनी तुवे बांण बांणारैरा उदाहरण शुणा 19जै कौ परमेश्वरैरा वचन शुणि करि ना समझता, तेसेरै मंना मझ जै किछ बाउरू आ, शैतान तुरंत अईछी करि तैस चोरी करि लै गांहथा। ऐ सैहै बी आ जै बत्तेरै किनारै बाउरू थियु। 20जां कुछ मैहणु ऐतियै अत्तै जैन्हैरी बराबरी तैस बीआ सेईतै करि सकतै जै घोड़ूली जमींनि पन पियु। जै परमेश्वरैरा वचन शुणि करि झट खुशी सिंउ मनि लींतै। 21पण वचन तेंन्हैरै दिला तेईनी ना पुजता, सैक्यै थोड़े टैंमेरै तेईनी विश्वास कातै। सै तैन्हां बुटिया सैयि अत्तै जैन्हैरी सीरै डुघी ना भूँतीं; जां जेख्णी कोई हौरा तैन्हां वचनेंरे कारण सतांता, ता सै मैहणु दुखी भौ करि झटपट परमेश्वरेरै वचना पन विश्वास कांना छडि दींतै। 22किछ मैहणु ऐतियै अत्तै जैन्हैरी बराबरी असै झिल्है बाई जमीनि सिंउ करि सकतै, ऐ सै मैहणु अत्तै, जैन्हैं परमेश्वरैरा वचन शुणा, सै बड़ी सारिया चीजा केरा लालच करि-करि अमीर भूंणैरी ईच्छा कातै। ऐठणीरै तेईनी सै सिर्फ ऐन्हां चीजा केरी चिंता कातै; ऐहीं-चारै सै परमेश्वरेरै वचना मझ अड़चन पेईदा कातै जां तैन्हां परमेश्वरेरी ईच्छाय पन ना चलियूंतु। 23पण कुछ मैहणु उपजाऊ जमीनि पन बाउरू बीया सैयि अत्तै, सें परमेश्वरैरा वचन शुणि करि मनि लींतै जां सै ऐत पन विश्वास बि कातै। सै परमेश्वरेरी ईच्छाय पन चलतै। सै तेंन्हां खरी बुटिया सैही अत्तै जैन्हैरी पैदावार तीह गुणा, शठ गुणा, जां शाउ गुणा जादा भूंती।”
जंगली बीयेरा उदाहरण
24यीशु फिरी तेन्हांनि अक हौरा उदाहरण दित्ता कि स्वर्गेरा राज्य तैस किसाना सैयि आ जेनि अपड़ि पट्टि मझ अच्छु बी बाउ। 25जां जेख्णी तेसेरै सेवक झुलोरै थ्यै ता जमीनिरै मालकेरै दुशमणै अईछी करि किणकेरू बीया मझ जंगली बी बा करि चलि ग्या। 26जां जेख्णी बी जमणा लगु, ता जंगली दांणैरू घाह बि लैहियूंणा लगु। 27ऐत पन जमीनिरै मालिका सिंउ दासै ऐईछी करि बौलु, हे मालिक, क्या तीं अपड़ि पट्टि मझ अच्छु बी ना थियु बाउरू? तैस मझ ऐक्यु बी कोठां निकई गियु? 28मालकै तेन्हांनि बौलु, ऐ कोस्क्यै दुशमणैरा कम आ, दास तैस किना पुछणा लगै, क्या तुवे चाहंथै कि असै गहि करि जंगली बीऐरू घाह उबटि छडिया? 29तेनी तैन्हांं सिंउ बौलु कि ना, ऐहीं मेईं करा, केईनी कि ऐहीं ना भुईया कि जंगली बीऐरू घहा सेईतै किणक बि उतड़ि गहिया बढि यूंणा तेईनी दोईयो सेईतै-सेईतै मोटियूंणा देया। 30फसल बढतै टैंमा मूं बढणारानी बोलणु कि पेहिलै जंगली बीया बटौआ जां फुकणैरे तेईनी तेन्हैरै दठै बंन्ही ल्या, तेठां किना बाद किणक किट्ठी करा।
राईरू बीऐरा उदाहरण
31यीशु तेन्हांनि अक हौरा उदाहरण दिता, कि “परमेश्वरैरा राज्य राईरै दांणा बराबर आ जै कुनि क्यै मैहणु लै करि अपड़ि पट्टि मझ बाउ। 32राईरू दांण धरती पन सभनियांं बीया मझ सभनियांं हल्कु भूंतु। पण जेख्णी बा छडतै, ता जंमि करि सभनियांं बुटा किना मोटी गांहथु, जां तेसैरी ऐतेई बडी डाई भौ गांहथी कि सुरगेरै सारै पंछी अईछी करि तेसैरी ठंडखि मझ बेशतै।”
त्रकोरू अटूरा उदाहरण
33यीशु तेन्हांनि अक हौरा उदाहरण शुणा, कि “स्वर्गेरा राज्य त्रकोरू आटु सैयि आ, जै कुनिक्यै जैनैनि लै करि दश किलो आटु मझ मिला दित्तु जां थोड़ी हांणी बाद सै सारू आटु त्रकि गांहथु। तिहियें-चारै परमेश्वरेरै राज्यरा असर बि पूरै संसारा मझ भूंता।” 34यीशु तेन्हांनि ऐतियै बडै उदाहरण दी करि तेन्हैरी समझिरी अनुसार वचन शुणाईथ्या। जेख्णी सै अपड़ा चैला सिंउ बोलींथ्या, ता सै हरबारी उदाहरणा मझ बोलींथ्या; 35कि जै वचन भविष्यवक्तै बोलौरा थ्या, सै पूरा भुईया कि, “मूं उदाहरण शुणांणनी अपड़ु मँह खोलणु, मूं सैकेई गलै जै संसारेरी उत्पत्ति किना गुप्त अत्ति सै प्रकट कांनी।
जंगली बीयेरै उदाहरणेरा मतलब
36यीशु भीड़ि विदा करि-करि घरै या, जां तेसेरै चैलै तैस किनि अईछी करि बौलु, पटिरै जंगली दांणैरा उदाहरण असुनि समझा।” 37यीशु तेन्हांनि उत्तर दित्ता, अच्छु बी बांणै वा किसान यानि आंउ मैहणुरा पुत्र आ। 38जमीन संसार आ; अच्छु बी स्वर्गेरै राज्यरै मैहणु अत्तै, जां जंगली बी दुष्ट शैतानेरै मैहणु अत्तै। 39जंगली बी बांणै वा दुशमण शैतान आ, बढणेरै टैंमेरा मतलब संसारैरा अंत आ, जां बढणै बाऐ स्वर्गदूत अत्तै। 40ऐठणीरै तेईनी जिहीं जंगली डाई बटोयूंती जां फुकि छडतै, तिहियें संसारेरै अंत मझ भूंणु। 41मैहणुरै पुत्रा मतलब मूं अपड़ै स्वर्गदूत भेईजणै, जां तेसेरै विरोधा मझियें सारै मैहणु जां पाप कांनार कुकर्मी मैहणु किठै करि नष्ट कर दींणै। 42जां स्वर्गदूता सैक्यै नर्केरी आगी मझ सुटि दींणै, तैड़ी तैन्हां मैहणुवां रूंणु जां दंत चापणैं। 43तैस टैंमा धर्मी मैहणु अपड़ै पिता परमेश्वरेरै राज्य मझ दीहा सैयि चमकणै। “जै बि मिंडी गल शुणता, सै ध्यान दी करि शुणियां जां समझिया।”
छपाउरा खजाना
44स्वर्गेरा राज्य एकि खजानै सैयि आ, जै कोसक्यै मैहणुनी मैआ जां फिरी सै तैठिऐ दबि छडा। सै यौउता खुश भुआ कि तेनी जै किछ तैस किनि थियु, गहि करि बैचि छडु जां सै पट्टि खरीदी लैई।
अनमोल मोतिया केरा उदाहरण
45फिरी स्वर्गेरा राज्य एकि व्यापारिरै समान आ, जै अच्छै मोतिया केरी खोजि मझ थ्या। 46जां तेसनी अक बड़ा कीमति मोती मैई गिया, ता तेनी गहि करि अपड़ु सभ किछ बैचि दित्तु, जां सै मोती खरीदी लियै।
जालैरा उदाहरण
47फिरी स्वर्गेरा राज्य तैस मछली पकड़ने बाऐ बडै जाला सैयि आ, जै समुद्रा मझ सुटा, जां हर प्रकारेरी मछली किट्ठैरी लै अंणि। 48जां जेख्णी सै जाल पूरा भरी ग्या, ता सै छिकि-करि किनारै पन लै अंणा, जां बेशि करि अच्छी-अच्छी मछली भांडा मझ किट्ठी केयि जां बेकार मछली सुटि दित्ती। 49संसारेरै अंत मझ ऐतियु ऐ भूंणु, स्वर्गदूता ऐईछी करि धर्मी मैहणु, पापी मैहणुवां किना अलग कांने, 50जां पापी मैहणु नर्केरी आगी मझ सुटि दींणै, तैड़ी तैन्हां मैहणुवां रूंणु जां दंत चापणैं।
पुराणी जां नवीं शिक्षायरा महत्व
51यीशु पुच्छु, “क्या तुहैं ऐकेई सारी गलै समझि?” चैलै तैस सिंउ बौलु, “हाँ।” 52यीशु तैन्हां सिंउ बौलु, “तका, ऐठणीरै तेईनी हर-अक यहूदी शास्त्री जै स्वर्गेरै राज्यरा चैला बणौरा, एकि ऐतियै घरेरै मुखियै समान आ जै अपड़ै भण्डारा मझां नवीं जां पुरांणी हर-एकि चीजै कढि अंणता।”
नासरत मझ यीशुरा अनादर
53जां यीशु ऐ सारै उदाहरण बोलि करि तेठां किना चलि ग्या। 54जां अपड़ै नगरा मझ अईछी करि आरामेरी धियाड़ी तेनी यहूदी सभा घरा मझ परमेश्वरेरै सन्देशैरा प्रचार कांना शुरू केया; ऐनि ला हर-कौ मैहणु हैरान भौ करि बोलणा लगै, कि “ऐनि ऐ बुद्धिरी गलै जां सामर्थैरै कम कोठां किना शिख्रे? 55क्या ऐक्या एकि लकड़िरै मिस्त्रीरा छोकरा ना? क्या ऐक्या मरियमैरा पुत्र ना, याकूब, योसेस, यहूदा जां शमौन ऐसेरै भाई ना अत्तै? 56जां क्या ऐसेरी सारी भींणी असु सेईतै ना रींहथी? फिरी ऐनि ऐ सभ कोठां किना शिख्रु?” 57ऐठणीरै तेईनी तैन्हांं यीशुरै बारै मझ शक पेईदा भुआ, पण यीशु तैन्हांं सिंउ बौलु, “भविष्यवक्तैरा होरतियै सभतियै जगाईया आदर भूंता पण अपड़ै देशा जां रिश्तैदारा मझ ना भूंता।” 58जां तैस तेन्हैरै अविश्वासा पन हैरानी भुई। ऐठणीरै तेईनी तेनी तैठि बड़ै सामर्थैरै कंम ना कियै।
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.