मत्ती 24
24
मंदरेरै विनाशैरी भविष्यवाणी
(मरकुस. 13:1-31; लूका 21:5-33)
1जेख्णी यीशु मंदरा किना निकोहि करि गांहथा थ्या, तां तेसेरै चैलै तेसनी मंदरैरी रचना लुहानेरै तेईनी तैस किनि यै। 2यीशु तैन्हांं सिंउ बौलु, “तुवे ऐन्हां इमारतिया ऐठि सिधि खड़ी भोरी तकांतै अत्तै!” पण आंउ तुहां सिंउ सच बोलता कि, “ऐ सारी कंथै जां इमारते नष्ट भौ गांहणी।”
संकट जां मुसीबती
3जां जेख्णी सै जैतून पहाड़ा पनि बेठौरा थ्या, ता चैलै अलग यीशु किनि अईछी करि बौलु, “असु सिंउ शुणा कि ऐकेई गलै केख्णी भूंणी? जां तांउ ऐईंणैरा, जां संसारा मुकणैरा कितु चिन्ह भूंणा?” 4यीशु तेन्हांनि उत्तर दिता, “चोखै भौ करि बेशा, केईनी कि कौ तुहांनि धोखा ना दिया।” 5केईनी कि बड़ै सारै ऐतियै भूंणै जैन्हां मिंडु नाँ लै करि ऐईणु जां बोलणु, कि “आंउ मसीह आ” जां तैन्हांं बड़ै सारै मैहणु भरमा दींणै। 6जां जेख्णी तुवे लड़ाईया केरा हूला जां दूरियां लड़ाईया केरी गलै शुणैलै, ता घबरांतै मेईं। केईनी कि ऐन्हां गला केरू भूंणु जरूरी आ, पण तैस टैंमा बि अंत ना भूंणा। 7केईनी कि अक जाति होरी जातिरै खिलाफ, जां एकि राज्य होरै राज्य पन चढ़ाई कांनी। बड़ी सारी जगाईया मझ भुंजल भूंणै, जां अकाल भूंणै। ऐन्हां सभनियांं गलै ला मैहणुवां पीड़ाईया केरी शुरूवातिरा पता लगणा। 8ऐन्हां सभनियांं गला केरी शुरूवात तैस दुखा सैयि भूंणी, जेतिया दुख जनेनी लाउखियुंतै टैंमा भूंता।
9तेख्णी फिरी तैन्हांं मैहणुवां जै तुवाड़ै विरोधा मझ भूंणै दुख दींणैरै तेईनी तुवे पकड़वांणै, जां तुवे मारी छडणै, जां तुवे मूं पन विश्वास कातै ऐठणीरी वजहि सिंउ सभनियांं जातिया तुहां सिंउ बैर रखणा। 10तैस टैंमा बड़ा-सारा मैहणुवां विश्वास कांना छडि दींणा जां यौउख पकड़वांणा जां योकिया मझ दुशमणी रखणी। 11जां बड़ै सारै झूठै भविष्यवक्ता ऐईणै जां बड़ा मैहणुवंनी धोखा दींणा। 12जां अधर्म बधणै ला तैन्हांं योकिया सिंउ प्रेम कांना छडि दींणा 13पण जै अपड़ि मोउती तेईनी मिंडै विश्वासा मझ बंणौरा रैहला, सै बचाई गांहणा। 14जां स्वर्गेरै राज्येरी ऐकेई खुशखबरी सारै संसारा मझ प्रचार करियूंणा जां संसारेरै हर मैहणुनी खुशखबरी पनि विश्वास कांनेरा मौका भूंणा, तेख्णी संसारैरा अंत भूंणा।
महासंकटैरी शुरूआत
15जेख्णी तुवे तैस उजाड़नै बाई ऐयिड़ी चीजै, जेसैरी चर्चा दानिय्येल भविष्यवक्तै क्यौरी थी, पवित्र जगाय खड़ी भोरी तकालै, (जै पढ़िया सै समझिया) 16तेख्णी जै यहूदिया प्रदेशा मझ भुवै, सै पहाड़ा पन नशि गहिया। 17जै छत्ति पन भुईया, सै अपड़ै घरा किना किछ समान लींणैरै तेईनी हैट ना ऐईछिया। 18जां जै पट्टि मझ भुईया, सै अपड़ै लिकड़ै लींणनी पीछै अपड़ै घरेनी ना ऐईछिया। 19तैन्हांं धियाड़िया मझ जै जनेनी दुपरांणी जां बच्चैनी दुध पिवांणै बाई भूंणी, तेन्हैरै तेईनी कियोतु दर्दनाक भूंणु। 20जां प्रार्थना कातै रिहा, कि तुहां सर्दिया मझ या आरामेरी धियाड़ी नशणुं ना पुईया। 21केईनी कि तैस टैंमा ऐतिया भारी कलैश भूंणा, जेतिया संसारेरी शुरूआति किना लैकरी ऐम्हीं तेईनी ना भौरा, ना कदि भूंणा। 22परमेश्वरै अपड़ै चुणोरै मैहणुवां केरै बारै मझ सौचि करि ऐकेई बुरी धियाड़ी घट केईथी, नंता संसारा मझ कौ मैहणु ना थ्या बचणा।
23तैस टैंमा अगर कोई तुहां सिंउ बोलिया कि, तका, मसीह इठि आ! या ओठि आ! ता तेन्हैरा विश्वास मेईं कातै। 24केईनी कि झूठै मसीह जां झूठै भविष्यवक्ता ऐईणैं, जां चिन्ह जां अदभुत कम लुहानें जां शायद परमेश्वरेरै चुणौरा मैहणुवां बि भरमा दिया। 25तका, मीं तुहांनि सारी गलै पेहिलै किना शुणा दितोरी अत्ति। 26ऐठणीरै तेईनी अगर सै तुहां सिंउ बोलिया, तका, सै सुनसान जगाय मझ आ, ता भेईर मेईं निकूंथै, तका सै कोठरिया मझ आ तां बि विश्वास मेईं कातै। 27केईनी कि जिहीं अम्बर पूर्व दिशाय किना लैकरी पश्चिम दिशाय तेईनी लपकता तिहियें मैहणुरै पुत्रा मतलब मूं बि ऐईंणु। 28जेठि लास भुईया, तैठि ग्रिझ बि किठै भूंणै।
मैहणुरै पुत्रैरू दुबारे ऐईंणु
29तैन्हांं धियाड़िया मझ, जेख्णी ऐ दुख, संकट भूंणा किना बाद, दीहा जां शुकई दोईयो प्रगड़ु ना दींणु। जां सुरगा किना तारै छुड़खणा लगणै जां असमांणेरी सारी शक्ति इदि-ओदि हिलायुंणी। 30तां मिंडा मैहणुरै पुत्रैरा चिन्ह असमांणा मझ लहियूंणा, जां तेख्णी धरतिरै सभनियांं जातिया केरै मैहणुवां हिक पिटणी; जां आंउ मैहणुरा पुत्र बड़ी महिमा जां सामर्थी सिंउ सुरगेरै बदआ पनि ऐईंता तकांणा। 31जां तैस रणशिंगै बजांतै अपड़ै स्वर्गदूत भेईजणै, जां तैन्हांं स्वर्गदूता चोउवो दिशाय किना, संसारेरै कूंणै-कूंणै किना, परमेश्वरेरै चुणोरै मैहणु किट्ठै कांने।
अंजीरेरू बुटेरी शिक्षा
32अंजीरेरू बुटेरै उदाहरणा किना ऐ शिख्रा कि, जेख्णी तेसैरी डाई नरम भौ गांहथी, जां तैस पन नवें पतरै निकूंथै, तां तुहां पता लगी गांहथा कि बसंद चलि या। 33ठीक ऐहीं चारै जेख्णी तुहां ऐकेई गलै भूंती तकेणी, ता तुवे बुझि गहि कि, मिन्डै ऐईंणैरा टैंम निड़ी ग्या। 34आंउ तुहां सिंउ सच बोलता, कि जेख्णी तेईनी ऐ सारी गलै ना भोली, त्यो-तेईनी ऐ युग ना मुकणा। 35धरती असमांण खत्म भौ गांहणा पण मिंडी बोलोरी गलै पूरी भूंणै बगैर ना रींहणी।
बियुझै बेशा
(मरकुस. 13:32-37; लूका 17:26-30,34-37)
36ऐन्हां गला केरै बारै मझ कौ ना जांणता कि सैकेई गलै केख्णी भूंणी, ना स्वर्गेरै स्वर्गदूत जां ना आंउ परमेश्वरैरा पुत्र जांणता, पण सिर्फ मिंडा पिता जांणता। 37जेतियु नूहैरै टैंमा भौरू थियु, तेतियुऐ मिंडु मैहणुरै पुत्रैरू ऐईंणु बि भूंणु। 38केईनी कि जिहीं जल-प्रलय किना जै पेहिलै धियाड़ी थी तैन्हां धियाड़िया मझ ज्यो तेईनी कि नूह जहाजा पन ना चढ़ा, तैन्हांं धियाड़िया तेईनी मैहणु खांतै पींतै थ्यै, जां तैन्हांं मझ ब्याह शादी भूंती रेय्ही। 39जां ज्यो-तेईनी जल-प्रलय अईछी करि तैन्हांं सभनियांं मैहणुवांं रूढ़ाहि करि लै ना ग्या त्यो-तेईनी तैन्हांं किछ पता ना लगा। तिहियें मिन्डै मतलब मैहणुरै पुत्रा ऐईणेरै टैमां बि भूंणु। 40तैस टैंमा दो जणैं पट्टि भूंणै, अक लैयि गांहणा अक छडि छडणा। 41दो जनेनी चक्की पींहथी भूंणी, अक लैयि गांहणी ता अक छडि छडणी। 42ऐठणीरै तेईनी तुवे तियार बेशा; केईनी कि तुवे ना जांणतै कि तुवाड़ै प्रभु केख्णी ऐईंणु। 43पण ऐ बुझि ल्या कि, अगर घरैरा मालक जांणता भूंता कि चौरा चोरी कांननी कोस टैंमा ऐईंणु, ता तैस बियुझै बेशणु थियु, जां अपड़ै घरै चोरी ना थी भूंणा दींणी। 44ऐठणीरै तेईनी तुवे बि तियार बेशा, केईनी कि जैस घड़िरै बारै तुवे सौचतै बि ना, तेसै घड़ि मूं मतलब मैहणुरै पुत्रा ऐईंणु।
विश्वासयोग्य दास जां दुष्ट दास
(लूका 12:41-48)
45विश्वास योग्य जां बुद्धिमान दास सैहै भूंता, जैस मालिक अपड़ै नौकरा-चाकरा केरा ख्याल रखणैरै तेईनी तैस तेन्हैरै मुखियै बंणाता कि सै टैंमा पन तेन्हांनि रोटी दिया। 46धन्य आ सै दास, जैस तेसैरा मालिक जै मालकै बुलोरू भूंतु, अईछी करि तैन्हां कंमा कातै तकांता। 47आंउ तुहां सिंउ सच बोलता, तेसनी तैस मालका अपड़ि सारी संम्पति तंकाणैरा हक दींणा; 48पण अगर सै दुष्ट दास मंना मझ सौचणा लगिया कि मिंडै मालका ऐईंणा मझ देर लगणी। 49जां अपड़ै साउगिया दासा सिंउ मार-पिटाय करि बुरा व्यवहार काता, जां पियक्ड़ा सिंउ खांता-पींता। 50तां तैस दासेरै मालका तैस टैंमा वापस ऐईंणु जेख्णी सै तैस भाअता ना भूंणा, जां ऐतियै टैंमा ऐईणु जैस टैंमेरा तैस पता ना भूंणा। 51मालका ऐईछी करि तेसनी खतरनाक सजा दींणी, जां सै होरनियां अपराधिया सिंउ छडणा जेठि तैस रूंणु जां दंत चापणैं।
Zvasarudzwa nguva ino
मत्ती 24: CDJNT
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.
मत्ती 24
24
मंदरेरै विनाशैरी भविष्यवाणी
(मरकुस. 13:1-31; लूका 21:5-33)
1जेख्णी यीशु मंदरा किना निकोहि करि गांहथा थ्या, तां तेसेरै चैलै तेसनी मंदरैरी रचना लुहानेरै तेईनी तैस किनि यै। 2यीशु तैन्हांं सिंउ बौलु, “तुवे ऐन्हां इमारतिया ऐठि सिधि खड़ी भोरी तकांतै अत्तै!” पण आंउ तुहां सिंउ सच बोलता कि, “ऐ सारी कंथै जां इमारते नष्ट भौ गांहणी।”
संकट जां मुसीबती
3जां जेख्णी सै जैतून पहाड़ा पनि बेठौरा थ्या, ता चैलै अलग यीशु किनि अईछी करि बौलु, “असु सिंउ शुणा कि ऐकेई गलै केख्णी भूंणी? जां तांउ ऐईंणैरा, जां संसारा मुकणैरा कितु चिन्ह भूंणा?” 4यीशु तेन्हांनि उत्तर दिता, “चोखै भौ करि बेशा, केईनी कि कौ तुहांनि धोखा ना दिया।” 5केईनी कि बड़ै सारै ऐतियै भूंणै जैन्हां मिंडु नाँ लै करि ऐईणु जां बोलणु, कि “आंउ मसीह आ” जां तैन्हांं बड़ै सारै मैहणु भरमा दींणै। 6जां जेख्णी तुवे लड़ाईया केरा हूला जां दूरियां लड़ाईया केरी गलै शुणैलै, ता घबरांतै मेईं। केईनी कि ऐन्हां गला केरू भूंणु जरूरी आ, पण तैस टैंमा बि अंत ना भूंणा। 7केईनी कि अक जाति होरी जातिरै खिलाफ, जां एकि राज्य होरै राज्य पन चढ़ाई कांनी। बड़ी सारी जगाईया मझ भुंजल भूंणै, जां अकाल भूंणै। ऐन्हां सभनियांं गलै ला मैहणुवां पीड़ाईया केरी शुरूवातिरा पता लगणा। 8ऐन्हां सभनियांं गला केरी शुरूवात तैस दुखा सैयि भूंणी, जेतिया दुख जनेनी लाउखियुंतै टैंमा भूंता।
9तेख्णी फिरी तैन्हांं मैहणुवां जै तुवाड़ै विरोधा मझ भूंणै दुख दींणैरै तेईनी तुवे पकड़वांणै, जां तुवे मारी छडणै, जां तुवे मूं पन विश्वास कातै ऐठणीरी वजहि सिंउ सभनियांं जातिया तुहां सिंउ बैर रखणा। 10तैस टैंमा बड़ा-सारा मैहणुवां विश्वास कांना छडि दींणा जां यौउख पकड़वांणा जां योकिया मझ दुशमणी रखणी। 11जां बड़ै सारै झूठै भविष्यवक्ता ऐईणै जां बड़ा मैहणुवंनी धोखा दींणा। 12जां अधर्म बधणै ला तैन्हांं योकिया सिंउ प्रेम कांना छडि दींणा 13पण जै अपड़ि मोउती तेईनी मिंडै विश्वासा मझ बंणौरा रैहला, सै बचाई गांहणा। 14जां स्वर्गेरै राज्येरी ऐकेई खुशखबरी सारै संसारा मझ प्रचार करियूंणा जां संसारेरै हर मैहणुनी खुशखबरी पनि विश्वास कांनेरा मौका भूंणा, तेख्णी संसारैरा अंत भूंणा।
महासंकटैरी शुरूआत
15जेख्णी तुवे तैस उजाड़नै बाई ऐयिड़ी चीजै, जेसैरी चर्चा दानिय्येल भविष्यवक्तै क्यौरी थी, पवित्र जगाय खड़ी भोरी तकालै, (जै पढ़िया सै समझिया) 16तेख्णी जै यहूदिया प्रदेशा मझ भुवै, सै पहाड़ा पन नशि गहिया। 17जै छत्ति पन भुईया, सै अपड़ै घरा किना किछ समान लींणैरै तेईनी हैट ना ऐईछिया। 18जां जै पट्टि मझ भुईया, सै अपड़ै लिकड़ै लींणनी पीछै अपड़ै घरेनी ना ऐईछिया। 19तैन्हांं धियाड़िया मझ जै जनेनी दुपरांणी जां बच्चैनी दुध पिवांणै बाई भूंणी, तेन्हैरै तेईनी कियोतु दर्दनाक भूंणु। 20जां प्रार्थना कातै रिहा, कि तुहां सर्दिया मझ या आरामेरी धियाड़ी नशणुं ना पुईया। 21केईनी कि तैस टैंमा ऐतिया भारी कलैश भूंणा, जेतिया संसारेरी शुरूआति किना लैकरी ऐम्हीं तेईनी ना भौरा, ना कदि भूंणा। 22परमेश्वरै अपड़ै चुणोरै मैहणुवां केरै बारै मझ सौचि करि ऐकेई बुरी धियाड़ी घट केईथी, नंता संसारा मझ कौ मैहणु ना थ्या बचणा।
23तैस टैंमा अगर कोई तुहां सिंउ बोलिया कि, तका, मसीह इठि आ! या ओठि आ! ता तेन्हैरा विश्वास मेईं कातै। 24केईनी कि झूठै मसीह जां झूठै भविष्यवक्ता ऐईणैं, जां चिन्ह जां अदभुत कम लुहानें जां शायद परमेश्वरेरै चुणौरा मैहणुवां बि भरमा दिया। 25तका, मीं तुहांनि सारी गलै पेहिलै किना शुणा दितोरी अत्ति। 26ऐठणीरै तेईनी अगर सै तुहां सिंउ बोलिया, तका, सै सुनसान जगाय मझ आ, ता भेईर मेईं निकूंथै, तका सै कोठरिया मझ आ तां बि विश्वास मेईं कातै। 27केईनी कि जिहीं अम्बर पूर्व दिशाय किना लैकरी पश्चिम दिशाय तेईनी लपकता तिहियें मैहणुरै पुत्रा मतलब मूं बि ऐईंणु। 28जेठि लास भुईया, तैठि ग्रिझ बि किठै भूंणै।
मैहणुरै पुत्रैरू दुबारे ऐईंणु
29तैन्हांं धियाड़िया मझ, जेख्णी ऐ दुख, संकट भूंणा किना बाद, दीहा जां शुकई दोईयो प्रगड़ु ना दींणु। जां सुरगा किना तारै छुड़खणा लगणै जां असमांणेरी सारी शक्ति इदि-ओदि हिलायुंणी। 30तां मिंडा मैहणुरै पुत्रैरा चिन्ह असमांणा मझ लहियूंणा, जां तेख्णी धरतिरै सभनियांं जातिया केरै मैहणुवां हिक पिटणी; जां आंउ मैहणुरा पुत्र बड़ी महिमा जां सामर्थी सिंउ सुरगेरै बदआ पनि ऐईंता तकांणा। 31जां तैस रणशिंगै बजांतै अपड़ै स्वर्गदूत भेईजणै, जां तैन्हांं स्वर्गदूता चोउवो दिशाय किना, संसारेरै कूंणै-कूंणै किना, परमेश्वरेरै चुणोरै मैहणु किट्ठै कांने।
अंजीरेरू बुटेरी शिक्षा
32अंजीरेरू बुटेरै उदाहरणा किना ऐ शिख्रा कि, जेख्णी तेसैरी डाई नरम भौ गांहथी, जां तैस पन नवें पतरै निकूंथै, तां तुहां पता लगी गांहथा कि बसंद चलि या। 33ठीक ऐहीं चारै जेख्णी तुहां ऐकेई गलै भूंती तकेणी, ता तुवे बुझि गहि कि, मिन्डै ऐईंणैरा टैंम निड़ी ग्या। 34आंउ तुहां सिंउ सच बोलता, कि जेख्णी तेईनी ऐ सारी गलै ना भोली, त्यो-तेईनी ऐ युग ना मुकणा। 35धरती असमांण खत्म भौ गांहणा पण मिंडी बोलोरी गलै पूरी भूंणै बगैर ना रींहणी।
बियुझै बेशा
(मरकुस. 13:32-37; लूका 17:26-30,34-37)
36ऐन्हां गला केरै बारै मझ कौ ना जांणता कि सैकेई गलै केख्णी भूंणी, ना स्वर्गेरै स्वर्गदूत जां ना आंउ परमेश्वरैरा पुत्र जांणता, पण सिर्फ मिंडा पिता जांणता। 37जेतियु नूहैरै टैंमा भौरू थियु, तेतियुऐ मिंडु मैहणुरै पुत्रैरू ऐईंणु बि भूंणु। 38केईनी कि जिहीं जल-प्रलय किना जै पेहिलै धियाड़ी थी तैन्हां धियाड़िया मझ ज्यो तेईनी कि नूह जहाजा पन ना चढ़ा, तैन्हांं धियाड़िया तेईनी मैहणु खांतै पींतै थ्यै, जां तैन्हांं मझ ब्याह शादी भूंती रेय्ही। 39जां ज्यो-तेईनी जल-प्रलय अईछी करि तैन्हांं सभनियांं मैहणुवांं रूढ़ाहि करि लै ना ग्या त्यो-तेईनी तैन्हांं किछ पता ना लगा। तिहियें मिन्डै मतलब मैहणुरै पुत्रा ऐईणेरै टैमां बि भूंणु। 40तैस टैंमा दो जणैं पट्टि भूंणै, अक लैयि गांहणा अक छडि छडणा। 41दो जनेनी चक्की पींहथी भूंणी, अक लैयि गांहणी ता अक छडि छडणी। 42ऐठणीरै तेईनी तुवे तियार बेशा; केईनी कि तुवे ना जांणतै कि तुवाड़ै प्रभु केख्णी ऐईंणु। 43पण ऐ बुझि ल्या कि, अगर घरैरा मालक जांणता भूंता कि चौरा चोरी कांननी कोस टैंमा ऐईंणु, ता तैस बियुझै बेशणु थियु, जां अपड़ै घरै चोरी ना थी भूंणा दींणी। 44ऐठणीरै तेईनी तुवे बि तियार बेशा, केईनी कि जैस घड़िरै बारै तुवे सौचतै बि ना, तेसै घड़ि मूं मतलब मैहणुरै पुत्रा ऐईंणु।
विश्वासयोग्य दास जां दुष्ट दास
(लूका 12:41-48)
45विश्वास योग्य जां बुद्धिमान दास सैहै भूंता, जैस मालिक अपड़ै नौकरा-चाकरा केरा ख्याल रखणैरै तेईनी तैस तेन्हैरै मुखियै बंणाता कि सै टैंमा पन तेन्हांनि रोटी दिया। 46धन्य आ सै दास, जैस तेसैरा मालिक जै मालकै बुलोरू भूंतु, अईछी करि तैन्हां कंमा कातै तकांता। 47आंउ तुहां सिंउ सच बोलता, तेसनी तैस मालका अपड़ि सारी संम्पति तंकाणैरा हक दींणा; 48पण अगर सै दुष्ट दास मंना मझ सौचणा लगिया कि मिंडै मालका ऐईंणा मझ देर लगणी। 49जां अपड़ै साउगिया दासा सिंउ मार-पिटाय करि बुरा व्यवहार काता, जां पियक्ड़ा सिंउ खांता-पींता। 50तां तैस दासेरै मालका तैस टैंमा वापस ऐईंणु जेख्णी सै तैस भाअता ना भूंणा, जां ऐतियै टैंमा ऐईणु जैस टैंमेरा तैस पता ना भूंणा। 51मालका ऐईछी करि तेसनी खतरनाक सजा दींणी, जां सै होरनियां अपराधिया सिंउ छडणा जेठि तैस रूंणु जां दंत चापणैं।
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.