Maku 14
14
Kumuwayisha Yesu kuBetani
(Mat 26:2-5; Luk 22:1-2; Yow 11:47-53)
1Dichi chikwasheli mafuku ayedi naChipandakenu niMankendi Akadi Iluŋi, akulumpi jawatupristu niansoneki hiyakukeŋakeŋa #Mat 12:14hakumukwatila Yesu namakasu, kulonda amujahi;
2muloŋa elili nawu, Bayi mumafuku achawijaku, antu akenda kaleta ipumba.
3Chadiŋiyi muBetani mwitala damukwambumba Shimona, chashakaminiyi nakudya, hikukwinza mumbanda #Mat 26:6-13; Luk 7:37-39; Yow 12:1-8namanji evumba dadiwahi abadika kulema wuseya, muchipunda chelola dalubanji. Hakufumpa chipunda, hakuyihuŋunwina manji hamutu windi.
4Ilaŋa kwadiŋi amakwawu atiyili kutama nankashi munyichima yawu, nawu, Chanakisaŋanuwu manji awa analondidi?
5Manji awa neyi ayilandisha adi kufwika mali akubadika nkulakaji jisatu (300), ayinki atuzweŋi. Hiyakumunyinyita owu mumbanda.
6Ilaŋa Yesu nindi, Mulekenu kwindi, mukumukabishiladi? Naŋilili mudimu wawuwahi.
7Muloŋa #Kuhit 15:11atuzweŋi mudi nawu mafuku ejima, honsu munakeŋeli kuyila chachiwahi mukutwesha; ilaŋa ami hinidi nenu mafuku ejimaku.
8Yena kwindi neli mwashika ŋovu jindi; #Yow 19:40nawayishaŋahu dehi mujimba wami nanochu chakanjiikawu.
9Nukuyileja chalala nami, kwejima kwamba kashimunawu nsaŋu yayiwahi mwahita matuŋa ejima, amba katenaŋa chaneliyi mumbandiwu kulonda kumwanuka nachu.
10 #
Mat 26:14-16; Luk 22:3-6; Yow 6:71 Yudasi Isakaroti wahekumi nayedi (12), hakuya kudi akulumpi jawatupristu kulonda akamufukeji kudi wena.
11Niwena chanachitiyuwu, atiya nikuwaha, hiyakumukana kumwinka mali. Hakukeŋa hatela kumulubwilayi.
Chawija chaMwanta
(Mat 26:17-19; Luk 22:7-13; Kuhit 16:5)
12Hefuku damuchimu daMankendi Akadi Iluŋi, hajahaŋawu mukoku waChipandakenu, atumbanji twindi hiyakumwila nawu, Wukukeŋa tuyi kudihi, twakakuloŋesheli kwakudiila Chipandakenu?
13Hakutemesha atumbanji twindi ayedi, hakuyila nindi, Yenu muŋanda, mwakabulakani neyala nasendi nsaba yamenji; mwakamulondeli.
14Mwonsu mwakeŋilayi mwakamwili mwiniitala nenu, Nkuluŋaŋa nindi, Itala dami dawenyi munukudiila Chipandakenu nawatumbanji twami didi kudihi?
15Yomwenindi wakayileja itala deneni dahewulu, mudi yuma yakupoŋomwena dehi; mwakatuloŋesheli mwenomu.
16Owu atumbanji hiyakuya, hiyakushika muŋanda, hiyakuwana mwomwayilejeliyi; aloŋesha niChipandakenu.
17Chikuneli melela, hakwinza #Mat 26:20-25; Luk 22:14, 21-23; Yow 13:21nekumi nayedi (12).
18Chanashakamuwu nakudya, Yesu hakwila nindi, Nukuyileja chalala nami, hadi mwinenu wumu #Mas 41:9wukumfukeja, yowu tudi nakudya nindi.
19Hiyakutachika kuneŋa, hiyakumwila hamuntu hamuntu, iwu nindi, Yami tahindi? iwu nindi, Yami tahindi?
20Hakuyila nindi, Hiwumu wahekumi nayedi (12), yowu wudi nakutanta nanami mucheŋa.
21Muloŋa Mwana kaMuntu hakuya mwomwamusonekeleluwu; ilaŋa oyu yihuŋu yanowu muntu wukufukeja Mwana kaMuntu! Owu muntu neyi havwalikiluku mutenowu chachiwahi.
22Chadiŋi nakudyawu, hakunona #Mat 26:26-29; Luk 22:17-20; 1 Kor 11:23-25dinkendi, #6:41; 8:6; Luk 24:30chanakiswiliyi nkisu hakudihumuna, hakuyinka nindi, Tambulenu, diwu mujimba wami.
23Hakunona lupasa, chanasakililiyi hakuyinka; hiyakunwamu wejima wawu.
24Hakuyila nindi, Diwu #Kwi 24:8; Heb 9:20mashi ami achitiyaŋenu akupwekela antu amavulu.
25Nukuyileja chalala nami, hinamba kanwa cheŋi yanyikabu yamuvinyuku, chiŋa ifuku dinakanwa yayiha muwanta waNzambi.
26 #
Mat 26:30; Luk 22:39 Chanembuwu kamina, hiyakwidika, hiyakuya kumpidi yaOliveta.
Yesu hakushimunaŋahu dehi kudikala kwaPetulu
(Mat 26:33-35; Yow 13:36-38)
27Yesu hakuyila nindi, Mukudimboka wejima wenu; muloŋa anasoneki nawu,
#
Zek 13:7; Yow 16:32 Nakatapa kabiŋa,
Ninyikoku yakapalaŋana ndu-ndu.
28Ilaŋa chakansaŋulawu mudi afu, nakayaŋahu dehi #16:7; Mat 26:32kuŊaliliya.
29Ilaŋa #v66-72; Yow 18:17-18, 25-27Petulu hakumwila nindi, Hela ejima akudimboka, ami nehi.
30Yesu hakumwakula nindi, Nukukuleja chalala nami, eyi lelu, wufuku woweniwu, hakwila ikombu kanda etiyili kayedi, wukudikalami kasatu.
31Ilaŋa yena hakuhosha naŋovu nankashi nindi, Hela chakufwa neyi hamu, hinakadikala eyuku. Wejima wawu ahosheli mwomumu nawa.
Ŋesemani
(Mat 26:36-46; Luk 22:40-46; Heb 5:7-8)
32Hiyakushika kwatenaŋawu nawu kuŊesemani; hakuyila atumbanji twindi nindi, Shakamenu hanu, niyi nilombeli.
33Hakuya nawaPetulu naYakoba niYowanu, atachika nikuneŋa chacheni nikukaba nankashi.
34Hakuyila nindi, Muchima wami #Mat 26:38; Yow 12:27wunaneŋi chakubadika, neyi keŋa nifwi; shalenu hanu nakutona.
35Hakuswila kumbidi chanti, hakudinata hamaseki, hakulombela nindi, Neyi chinatwesheki, mpinji iyi yimfumi.
36Hakwila nindi, #Rom 8:15; Ŋal 4:6Tata Yami, yuma yejima yinatwesheki kudeyi; mfumishili #10:38; Yow 18:11lupasilu; ilaŋa dinu bayi chinukukeŋamuku, chiŋa chiwukukeŋeyi.
37Hakwinza, hakuyiwana mutulu, hakumwila Petulu nindi, Eyi Shimona, wudi mutulu? Hiwunatweshi kutona hela mpinji yimuku?
38 #
Mat 6:13; Luk 11:4 Tonenu, lombelenu, mubuli kwiŋila mukutesha. Chalala spiritu yineteji, ilaŋa mujimba wunazeyi.
39Hakufumaku cheŋi, hakuya nakulombela, wahosheli mwomumu.
40Hakwinza, hakuyiwana cheŋi mutulu, muloŋa mesu awu aswejeli kulema, hiyelukili nimwakumwakwilaku.
41Hakwinza cheŋi kamuchisatu, hakuyila nindi, muchidi kukama nikunooka? kunahu! mpinji yinashiki dehi; talenu, Mwana kaMuntu anamufukeji dehi kumakasa awakwanshidi.
42Nyamukenu, tuyenu; talenu wúkumfukeja hadi kwakwihi.
Yesu hiyakumukwata
(Mat 26:47-56; Luk 22:47-53; Yow 18:3-11)
43Hohenohu, iku wuchidi kuhosha, Yudasi wahekumi nayedi (12) hakwinza nezaza dawantu akweti mpoku jakabali ninyitondu, anafumi kudi akulumpi jawatupristu nikudi ansoneki nikudi akulumpi.
44Henohu mukwakumufukeja wayileja dehi chinjikijilu chakwila nindi, Yowu nukupwepujola, diyi mukukwata, mumutwalaŋa chachiwahi.
45Chanashikiyi, hohenohu enza nikudi Yesu, nindi, Eyi Rabi. Hakumupwepujola nankashi.
46Niwena amwolwela nimakasawu, amukwata nikumukwata.
47Wumu wahadi owu emenuku, hakuhola mpoku yindi yakabali, hakutapa nduŋu yakapristu muneni, kutapa kwakumuketula itu dindi.
48Yesu hakuyila nindi, Munenzi nakunkwata neyi chakukwata mukwakubuwa, nampoku jakabali nanyitondu?
49Nadiŋi nenu #12:35; Luk 19:47; Yow 18:19-21muTembeli nakuyitaŋisha hefuku hefuku, enu kunkwata nehi; ilaŋa nyikanda yajila chiŋa yilumbuluki.
50Wejima wawu amushiyili, atemukili.
51Hadiŋi mukwenzi weyala wumu wayili nindi, wadiŋi wadikumbakesha ihina ditooka hamujimba wamukunkulu;
52hiyakumukwata niyena, hakushiya odu ihina ditooka, hakutemuka nzekesi.
Yesu muchota
(Mat 26:57-68; Luk 22:24-55, 63-71; Yow 18:12-24)
53Hiyakumutwala Yesu kudi kapristu muneni; hikukupompa chimu nayena akulumpi jawatupristu ejima, niakulumpi niansoneki.
54Petulu hakumulondela munyima hahalehi, lwe-e nimuchipaŋu chakapristu muneni; hakushakama chimu nawanhembi nakwota kesi.
55Henohu akulumpi jawatupristu nichota chejima hiyakukeŋakeŋa wunsahu wakumujaha nachu Yesu, hiyawumwenuku.
56Muloŋa amavulu ashimwini wunsahu wakumutwambila, wunsahu wawu hiwatiyaŋenuku.
57Amakwawu emeni nakushimuna wunsahu wakumutwambila,
58nawu, Etu twamutiyili nakuhosha nindi, Ami nakasanda #13:2; 15:29; Yow 2:19; Yil 6:14Tembeli iyi yakutuŋa namakasa, nakatuŋa yacheŋi yakadi kutuŋa namakasa mumafuku asatu.
59Hela chochu, wunsahu wawu hiwatiyaŋenuku.
60Kapristu muneni hakwimana mukachi, hakumwihula Yesu nindi, Eyi kwakula nehi? Wunsahu wudi nakushimunawu antu awa wunayi mudihi?
61Ilaŋa Yesu saŋa amwenenayi nzo-o, kwakula nehi. Kapristu muneni hakumwihula nindi, Yeyi #Mat 26:63Kristu, Mwana kaWakiswilewa, tahindi?
62Yesu nindi, Yami. Mwamba kamona #13:26; Dan 7:13Mwana kaMuntu nashakami kuchikasa chachidiilu chaŊovu, hakwinza namavu amwiwulu.
63Kapristu muneni #Yil 14:14; Kuch 14:6hakutabula mahinindi nindi, Ayinsahu amakwawu aadi?
64Munatiyi #Lev 24:16chanatukiyi Nzambi; munatoŋojoki nenudi? Hiyakumuhisha wejima wawu nawu nateli kufwa.
65Amakwawu hiyakutachika #10:34; Mat 26:67kumufwijila mazeŋi, hiyakumubuta kumesu, hiyakumweta makaha, hiyakumwila nawu, #Mat 26:68; Luk 22:64Profwetaku. Nianhembi hiyakumukwata nakumwetola namakasa.
Petulu hakudikala Yesu
(Mat 26:69-75; Luk 22:56-62; Yow 18:16-18, 25-27)
66Chadiŋiyi #v54Petulu mwishina muchipaŋu, hikukwinza wumu wahadi ayaŋadima akapristu muneni;
67chanamoniyi Petulu wudi nakwota kesi, hakumutala nindi, Eyi nawa wadiŋi hamu naniwu Yesu kaNazareta.
68Ilaŋa yena hakudikala nindi, Chiwunahoshi ami hinachilukuku, hela kushinshikamu nehi. Hakwidika, hakuya mwikeki, ikombu etiyila nikwitiyila.
69Owu chaŋadima hakumumona, hakutachika cheŋi kuyileja antu emenuku nindi, Iwu diyi mwinawu.
70Ilaŋa yena hakudikalamu cheŋi. Chihanalehi chanti, antu emenuku hiyakumwila Petulu nawu, Chalala chi, yeyi mwinawu, muloŋa wukaŊaliliya.
71Ilaŋa yena hakutachika kudishiŋa nikusanyika nindi, Iwu muntu mudi nakutena, ami kwami hinamwilukaku.
72Henohu ikombu etiyila nikamuchiyedi. Petulu hakwanuka mazu amwililiyi Yesu nindi, Hakela #v30; Mat 26:75ikombu kanda etiyili kayedi eyi wakadikalami kasatu. Chatoŋojokeliyi mwenomu hakudila.
Zvasarudzwa nguva ino
Maku 14: MWW04
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
The Holy Bible in Lunda Ndembu © United Bible Societies, 2003.
Maku 14
14
Kumuwayisha Yesu kuBetani
(Mat 26:2-5; Luk 22:1-2; Yow 11:47-53)
1Dichi chikwasheli mafuku ayedi naChipandakenu niMankendi Akadi Iluŋi, akulumpi jawatupristu niansoneki hiyakukeŋakeŋa #Mat 12:14hakumukwatila Yesu namakasu, kulonda amujahi;
2muloŋa elili nawu, Bayi mumafuku achawijaku, antu akenda kaleta ipumba.
3Chadiŋiyi muBetani mwitala damukwambumba Shimona, chashakaminiyi nakudya, hikukwinza mumbanda #Mat 26:6-13; Luk 7:37-39; Yow 12:1-8namanji evumba dadiwahi abadika kulema wuseya, muchipunda chelola dalubanji. Hakufumpa chipunda, hakuyihuŋunwina manji hamutu windi.
4Ilaŋa kwadiŋi amakwawu atiyili kutama nankashi munyichima yawu, nawu, Chanakisaŋanuwu manji awa analondidi?
5Manji awa neyi ayilandisha adi kufwika mali akubadika nkulakaji jisatu (300), ayinki atuzweŋi. Hiyakumunyinyita owu mumbanda.
6Ilaŋa Yesu nindi, Mulekenu kwindi, mukumukabishiladi? Naŋilili mudimu wawuwahi.
7Muloŋa #Kuhit 15:11atuzweŋi mudi nawu mafuku ejima, honsu munakeŋeli kuyila chachiwahi mukutwesha; ilaŋa ami hinidi nenu mafuku ejimaku.
8Yena kwindi neli mwashika ŋovu jindi; #Yow 19:40nawayishaŋahu dehi mujimba wami nanochu chakanjiikawu.
9Nukuyileja chalala nami, kwejima kwamba kashimunawu nsaŋu yayiwahi mwahita matuŋa ejima, amba katenaŋa chaneliyi mumbandiwu kulonda kumwanuka nachu.
10 #
Mat 26:14-16; Luk 22:3-6; Yow 6:71 Yudasi Isakaroti wahekumi nayedi (12), hakuya kudi akulumpi jawatupristu kulonda akamufukeji kudi wena.
11Niwena chanachitiyuwu, atiya nikuwaha, hiyakumukana kumwinka mali. Hakukeŋa hatela kumulubwilayi.
Chawija chaMwanta
(Mat 26:17-19; Luk 22:7-13; Kuhit 16:5)
12Hefuku damuchimu daMankendi Akadi Iluŋi, hajahaŋawu mukoku waChipandakenu, atumbanji twindi hiyakumwila nawu, Wukukeŋa tuyi kudihi, twakakuloŋesheli kwakudiila Chipandakenu?
13Hakutemesha atumbanji twindi ayedi, hakuyila nindi, Yenu muŋanda, mwakabulakani neyala nasendi nsaba yamenji; mwakamulondeli.
14Mwonsu mwakeŋilayi mwakamwili mwiniitala nenu, Nkuluŋaŋa nindi, Itala dami dawenyi munukudiila Chipandakenu nawatumbanji twami didi kudihi?
15Yomwenindi wakayileja itala deneni dahewulu, mudi yuma yakupoŋomwena dehi; mwakatuloŋesheli mwenomu.
16Owu atumbanji hiyakuya, hiyakushika muŋanda, hiyakuwana mwomwayilejeliyi; aloŋesha niChipandakenu.
17Chikuneli melela, hakwinza #Mat 26:20-25; Luk 22:14, 21-23; Yow 13:21nekumi nayedi (12).
18Chanashakamuwu nakudya, Yesu hakwila nindi, Nukuyileja chalala nami, hadi mwinenu wumu #Mas 41:9wukumfukeja, yowu tudi nakudya nindi.
19Hiyakutachika kuneŋa, hiyakumwila hamuntu hamuntu, iwu nindi, Yami tahindi? iwu nindi, Yami tahindi?
20Hakuyila nindi, Hiwumu wahekumi nayedi (12), yowu wudi nakutanta nanami mucheŋa.
21Muloŋa Mwana kaMuntu hakuya mwomwamusonekeleluwu; ilaŋa oyu yihuŋu yanowu muntu wukufukeja Mwana kaMuntu! Owu muntu neyi havwalikiluku mutenowu chachiwahi.
22Chadiŋi nakudyawu, hakunona #Mat 26:26-29; Luk 22:17-20; 1 Kor 11:23-25dinkendi, #6:41; 8:6; Luk 24:30chanakiswiliyi nkisu hakudihumuna, hakuyinka nindi, Tambulenu, diwu mujimba wami.
23Hakunona lupasa, chanasakililiyi hakuyinka; hiyakunwamu wejima wawu.
24Hakuyila nindi, Diwu #Kwi 24:8; Heb 9:20mashi ami achitiyaŋenu akupwekela antu amavulu.
25Nukuyileja chalala nami, hinamba kanwa cheŋi yanyikabu yamuvinyuku, chiŋa ifuku dinakanwa yayiha muwanta waNzambi.
26 #
Mat 26:30; Luk 22:39 Chanembuwu kamina, hiyakwidika, hiyakuya kumpidi yaOliveta.
Yesu hakushimunaŋahu dehi kudikala kwaPetulu
(Mat 26:33-35; Yow 13:36-38)
27Yesu hakuyila nindi, Mukudimboka wejima wenu; muloŋa anasoneki nawu,
#
Zek 13:7; Yow 16:32 Nakatapa kabiŋa,
Ninyikoku yakapalaŋana ndu-ndu.
28Ilaŋa chakansaŋulawu mudi afu, nakayaŋahu dehi #16:7; Mat 26:32kuŊaliliya.
29Ilaŋa #v66-72; Yow 18:17-18, 25-27Petulu hakumwila nindi, Hela ejima akudimboka, ami nehi.
30Yesu hakumwakula nindi, Nukukuleja chalala nami, eyi lelu, wufuku woweniwu, hakwila ikombu kanda etiyili kayedi, wukudikalami kasatu.
31Ilaŋa yena hakuhosha naŋovu nankashi nindi, Hela chakufwa neyi hamu, hinakadikala eyuku. Wejima wawu ahosheli mwomumu nawa.
Ŋesemani
(Mat 26:36-46; Luk 22:40-46; Heb 5:7-8)
32Hiyakushika kwatenaŋawu nawu kuŊesemani; hakuyila atumbanji twindi nindi, Shakamenu hanu, niyi nilombeli.
33Hakuya nawaPetulu naYakoba niYowanu, atachika nikuneŋa chacheni nikukaba nankashi.
34Hakuyila nindi, Muchima wami #Mat 26:38; Yow 12:27wunaneŋi chakubadika, neyi keŋa nifwi; shalenu hanu nakutona.
35Hakuswila kumbidi chanti, hakudinata hamaseki, hakulombela nindi, Neyi chinatwesheki, mpinji iyi yimfumi.
36Hakwila nindi, #Rom 8:15; Ŋal 4:6Tata Yami, yuma yejima yinatwesheki kudeyi; mfumishili #10:38; Yow 18:11lupasilu; ilaŋa dinu bayi chinukukeŋamuku, chiŋa chiwukukeŋeyi.
37Hakwinza, hakuyiwana mutulu, hakumwila Petulu nindi, Eyi Shimona, wudi mutulu? Hiwunatweshi kutona hela mpinji yimuku?
38 #
Mat 6:13; Luk 11:4 Tonenu, lombelenu, mubuli kwiŋila mukutesha. Chalala spiritu yineteji, ilaŋa mujimba wunazeyi.
39Hakufumaku cheŋi, hakuya nakulombela, wahosheli mwomumu.
40Hakwinza, hakuyiwana cheŋi mutulu, muloŋa mesu awu aswejeli kulema, hiyelukili nimwakumwakwilaku.
41Hakwinza cheŋi kamuchisatu, hakuyila nindi, muchidi kukama nikunooka? kunahu! mpinji yinashiki dehi; talenu, Mwana kaMuntu anamufukeji dehi kumakasa awakwanshidi.
42Nyamukenu, tuyenu; talenu wúkumfukeja hadi kwakwihi.
Yesu hiyakumukwata
(Mat 26:47-56; Luk 22:47-53; Yow 18:3-11)
43Hohenohu, iku wuchidi kuhosha, Yudasi wahekumi nayedi (12) hakwinza nezaza dawantu akweti mpoku jakabali ninyitondu, anafumi kudi akulumpi jawatupristu nikudi ansoneki nikudi akulumpi.
44Henohu mukwakumufukeja wayileja dehi chinjikijilu chakwila nindi, Yowu nukupwepujola, diyi mukukwata, mumutwalaŋa chachiwahi.
45Chanashikiyi, hohenohu enza nikudi Yesu, nindi, Eyi Rabi. Hakumupwepujola nankashi.
46Niwena amwolwela nimakasawu, amukwata nikumukwata.
47Wumu wahadi owu emenuku, hakuhola mpoku yindi yakabali, hakutapa nduŋu yakapristu muneni, kutapa kwakumuketula itu dindi.
48Yesu hakuyila nindi, Munenzi nakunkwata neyi chakukwata mukwakubuwa, nampoku jakabali nanyitondu?
49Nadiŋi nenu #12:35; Luk 19:47; Yow 18:19-21muTembeli nakuyitaŋisha hefuku hefuku, enu kunkwata nehi; ilaŋa nyikanda yajila chiŋa yilumbuluki.
50Wejima wawu amushiyili, atemukili.
51Hadiŋi mukwenzi weyala wumu wayili nindi, wadiŋi wadikumbakesha ihina ditooka hamujimba wamukunkulu;
52hiyakumukwata niyena, hakushiya odu ihina ditooka, hakutemuka nzekesi.
Yesu muchota
(Mat 26:57-68; Luk 22:24-55, 63-71; Yow 18:12-24)
53Hiyakumutwala Yesu kudi kapristu muneni; hikukupompa chimu nayena akulumpi jawatupristu ejima, niakulumpi niansoneki.
54Petulu hakumulondela munyima hahalehi, lwe-e nimuchipaŋu chakapristu muneni; hakushakama chimu nawanhembi nakwota kesi.
55Henohu akulumpi jawatupristu nichota chejima hiyakukeŋakeŋa wunsahu wakumujaha nachu Yesu, hiyawumwenuku.
56Muloŋa amavulu ashimwini wunsahu wakumutwambila, wunsahu wawu hiwatiyaŋenuku.
57Amakwawu emeni nakushimuna wunsahu wakumutwambila,
58nawu, Etu twamutiyili nakuhosha nindi, Ami nakasanda #13:2; 15:29; Yow 2:19; Yil 6:14Tembeli iyi yakutuŋa namakasa, nakatuŋa yacheŋi yakadi kutuŋa namakasa mumafuku asatu.
59Hela chochu, wunsahu wawu hiwatiyaŋenuku.
60Kapristu muneni hakwimana mukachi, hakumwihula Yesu nindi, Eyi kwakula nehi? Wunsahu wudi nakushimunawu antu awa wunayi mudihi?
61Ilaŋa Yesu saŋa amwenenayi nzo-o, kwakula nehi. Kapristu muneni hakumwihula nindi, Yeyi #Mat 26:63Kristu, Mwana kaWakiswilewa, tahindi?
62Yesu nindi, Yami. Mwamba kamona #13:26; Dan 7:13Mwana kaMuntu nashakami kuchikasa chachidiilu chaŊovu, hakwinza namavu amwiwulu.
63Kapristu muneni #Yil 14:14; Kuch 14:6hakutabula mahinindi nindi, Ayinsahu amakwawu aadi?
64Munatiyi #Lev 24:16chanatukiyi Nzambi; munatoŋojoki nenudi? Hiyakumuhisha wejima wawu nawu nateli kufwa.
65Amakwawu hiyakutachika #10:34; Mat 26:67kumufwijila mazeŋi, hiyakumubuta kumesu, hiyakumweta makaha, hiyakumwila nawu, #Mat 26:68; Luk 22:64Profwetaku. Nianhembi hiyakumukwata nakumwetola namakasa.
Petulu hakudikala Yesu
(Mat 26:69-75; Luk 22:56-62; Yow 18:16-18, 25-27)
66Chadiŋiyi #v54Petulu mwishina muchipaŋu, hikukwinza wumu wahadi ayaŋadima akapristu muneni;
67chanamoniyi Petulu wudi nakwota kesi, hakumutala nindi, Eyi nawa wadiŋi hamu naniwu Yesu kaNazareta.
68Ilaŋa yena hakudikala nindi, Chiwunahoshi ami hinachilukuku, hela kushinshikamu nehi. Hakwidika, hakuya mwikeki, ikombu etiyila nikwitiyila.
69Owu chaŋadima hakumumona, hakutachika cheŋi kuyileja antu emenuku nindi, Iwu diyi mwinawu.
70Ilaŋa yena hakudikalamu cheŋi. Chihanalehi chanti, antu emenuku hiyakumwila Petulu nawu, Chalala chi, yeyi mwinawu, muloŋa wukaŊaliliya.
71Ilaŋa yena hakutachika kudishiŋa nikusanyika nindi, Iwu muntu mudi nakutena, ami kwami hinamwilukaku.
72Henohu ikombu etiyila nikamuchiyedi. Petulu hakwanuka mazu amwililiyi Yesu nindi, Hakela #v30; Mat 26:75ikombu kanda etiyili kayedi eyi wakadikalami kasatu. Chatoŋojokeliyi mwenomu hakudila.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
The Holy Bible in Lunda Ndembu © United Bible Societies, 2003.