Yoáni 3
3
Yéso aoaba na Nikɔdɛ́mu
1Ɗátú na nkpa moci sɔsɔɓɛ á Ɓaphaisáyɔ ina akɛ Nikɔdɛ́mu. Ɗátú ka ɓakɔta ndea Ɓayúda. 2Cɔ, yɛ áombikia Yéso kǐpha áongoɗea: «Ngoisigi, ɓeoúba gea, Mokonga aámbé ɗáoteki k'aphe á goisaga asu ka nyɔngɔ nde, nkpa nnaɔtɔka n'atɔtɔkisi ketangaɔ ɓíndɔ ɔɔtɔtɔkisa, kaɓɛ Mokonga na nna kimoci na yɛ.» 3Yéso áonsikisia: «Nekongoɗi ɗoni gea, nkpa nde káɓɔkɔtɛani mɔngɔ á ko iɓɛ, káɔnɛku koɓoamɛ ndea Mokonga.» 4Nikɔdɛ́mu â gǎkɛ omúsia: «Ngbɛga aɓɔkɔtɛanande mɔngɔ á ko iɓɛ ɓo? Aɔtɔka n'angí goto ka sɔphɔ á amakɛ gea, áɓɔkɔtɛanɛ?»
5Yéso áonsikisia: «Nekongoɗi ɗoni gea, nkpa nde káɓɔkɔtɛani ka iɓo na ka ɓukpɛkpɛ á Měma, kángiɛku ka koɓoamɛ ndea Mokonga. 6Ɓaɓɔkɔti asu á kokpa, ɓáɔɓɔkɔta nyama asu, Měma á Mokonga, aɔɓɔkɔta měma suɓi asu. 7Cɔ, koyayamɛmbɛ ɓî nekongoɗi, akeni ɓenu ɓɔbu ɓɔ́ɓɔkɔtɛanɛ mɔngɔ á ko iɓɛ. 8Nga, sumbu aosinda ɓî akondi, ɔ̂ɔ́ka ndǔ í. Kó gǎkɛ oúba ɔma nde atóki na ɔma nde aoga. A phɔtɔ ɓó ka nkpa buakɛ mmbé aɓɔkɔtɛani ka ɓukpɛkpɛ á Měma á Mokonga.»
9Nikɔdɛ́mu â gǎkɛ omúsia: «Nyɔngɔ ndɔ aɔtɔka n'atɔtɔkɛani ɓo?» 10Yéso áonsikisia: «Oɓɛ, onde ngoisigi angbóngbó ka Isilaɛ́li. Cɔ, kó gǎkɛ oúba nyɔngɔ nde?» 11«Nekongoɗi ɗoni gea, ɓe tɔ ɔtɔmiaga nnde ɓeoúba, ɓéoɗigimisa nnde ɗɛ́ɓɛɔni. Ɓókó gǎkɛ oɓeekea ú. 12Aoɓá na ɓókóomoɓeekea mbenɔ nde nɛɔnɔtɔmiaga nyɔngɔ á ka mokonda, cɔ, ɓomoɓeekeande ɓo aoɓá na nɛɔnɔtɔmiaga nyɔngɔ á na koba? 13Nga nna na nkpa nde atáimbɛ mɔnɔ na koba, tɔndɔ eme Muna-Nkpa, mmbé ɗédidi ka toka na koba.
14A tɔ ɓíndɔ Mósa ɗáɗáphisi iii á njɔka nde ɓáconji na ngɔa gǔ á gbútuka á me ka nkanda#Ɔna Mɔɔ 21.9, a phɔtɔ ɓó unge akeni ɓámoɗáphisɛ eme Muna-Nkpa, 15ka gea, nkpa buakɛ mmbé amoɓeeki, áɓɛ na enda á mɛyɔ. 16Nga, Mokonga ɗékondi ɓato á ka mokonda phɛɛ. Kaɓondɔ, ɗěɓophi ngɔmu nɛkɛ gea, nkpa buakɛ mmbé amɓeeki, kákuwɛku#3.16 Kukuwa ndɔ, ande kukuwa á ka měma, katana na Mokonga., áɓɛ ndiu na enda á mɛyɔ. 17Mokonga ɗákánteki gǎkɛ Anakɛ ka gea te, átenɛ nyɔngɔ á ɓato á ka mokonda akpɛ. A ndiu ka gea, yɛ, éamisɛ ɓato á ka mokonda. 18Mmbé amɓeeki Anakɛ, Mokonga kátenɛku nyɔngɔ nɛkɛ akpɛ. Cɔ, mmbé kámɓeeki gǎkɛ, Mokonga ateni ye tɔ nyɔngɔ nɛkɛ akpɛ. Nga, yɛ káɓeeki ina á ngɔmu ndea Mokonga.
19Cina á tena á nyɔngɔ nɛkɛ akpɛ a ɓe: owanga ndea Mokonga abiki ka mokonda. Ɓakpa ɓáyé gǎkɛ owanga ndɔɔ, ɓâ ndiu okonda kaiphiɔ. Nga, tambea aɓɔ aájeɗe. 20Cɔ, nkpa buakɛ mmbé aogea ájeɗe, akangei owanga, nna phɔtɔ okonda gǎ kuɓî owanga aɔ, ka gea, tambea akɛ ájeɗe áúbikanɛ base. 21Mmbé a ndiu otambea ánjá ka ɓeá á koɗoni ndea Mokonga, aoga kuɓî owanga aɔ ka gea te, áúbikanɛ base, atambei ɓíndɔ Mokonga akondi.»
Yoáni na Yéso
22Mbusa índɔ, Yéso na ɓagoigi nɛkɛ ɓáoga na Yudɛ́a. Áoika na ɓɔ kó ka mbenɔ ábɔa, yɛ, n'aoɓatisa. 23Yoáni-Mɓatisi ɗá phɔtɔ oɓatisa ka nji á Ainɔ́ni, bíbí na Saími nga, iɓo ásii ɗátú kó. Ɓakpa ɗáɓátúombikia, yɛ áǒɓatisa. 24Nga, ɗáɓákámakimbɛ phɔ́ Yoáni ka mekakɔ#Ɔna Mat 14.3; Mkɔ 6.17; Lók 3.19-20.
25Ka matú ndɔ, ɓagoigi nɛkɛ ɗáɓáopúa na Moyúda moci ka nyɔngɔ á moangɔ á tokisa á ɓojeɗe. 26Kaɓondɔ, ɓagoigi ndɔ ɓáɔngɛndɛa Yoáni, ɓáongoɗea te: «Ngoisigi, mmbɔ ɗátú n'oɓɛ kubi á Yɔɔdáni, mmbɔ ɗɔ́ɔtɔmiaga nyɔngɔ akɛ, a ye tɔ oɓatisa. Ɓakpa ɓɔbu ɓámɓǐ.»
27Mpɔ, Yoáni áǒsikisia gea te: «Nkpa nnaɔtɔka n'atɔi kema kaɓɛ Mokonga n'akamophi. 28Ɓenu sasanu, ɓɔɔ́kima ɓî nɛyɔngima gea, eme, ké Kiísito. Ne ndiu mmbé Mokonga anteki mosá akɛ#Ɔna Mki 3.1. 29Munya-mpakai, aámbé ande munya nke. Dakɛ na mǒko gǎkɛ a tɔ bíbí akɛ, áotúma na maseye ɓî aɔɔ́ka ɛsɔ á mǒko ndɔɔ. Kaɓondɔ, netúmi na maseye phɛɛ. 30Cɔ, akeni ɓoombia nɛkɛ átáiɛ, nɛmɔ ádidɛ.»
31Mmbé atóki na koba, a gǔ á ɓakpa ɓɔbu. Mmbé a gǎkɛ ka mokonda, ana ebigɔ á ka mokonda. Aɔyɔnga ɓea ɓato á ka mokonda. Mmbé atóki na koba a gǎkɛ gǔ á ɓakpa ɓɔbu. 32Aoɗigimisa nyɔngɔ nde aɔni na ɔ́ka í. Nna ndiu na nkpa nde aomɓeekea. 33Mmbé aɓeeki nyɔngɔ nde aɗigimisi, aɓeeki phɔtɔ gea, Mokonga ande nto á ɗoni. 34Mmbé Mokonga anteki a tɔ ɔyɔnga nyɔngɔ á Mokonga. Nga, yɛ antúmisi na Měma akɛ. 35Eya, Mokonga ankondi Anakɛ, áobisa kema bui ka njaga akɛ. 36Cɔ, mmbé amɓeeki Anakɛ, a ye tɔ na enda á mɛyɔ. Mmbé an'yé, káɓɛku na enda ndɔ, Mokonga a gǎkɛ n'esúia gǔ akɛ.
Zvasarudzwa nguva ino
Yoáni 3: KMW
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2021, Wycliffe Bible Translators, Inc.
Yoáni 3
3
Yéso aoaba na Nikɔdɛ́mu
1Ɗátú na nkpa moci sɔsɔɓɛ á Ɓaphaisáyɔ ina akɛ Nikɔdɛ́mu. Ɗátú ka ɓakɔta ndea Ɓayúda. 2Cɔ, yɛ áombikia Yéso kǐpha áongoɗea: «Ngoisigi, ɓeoúba gea, Mokonga aámbé ɗáoteki k'aphe á goisaga asu ka nyɔngɔ nde, nkpa nnaɔtɔka n'atɔtɔkisi ketangaɔ ɓíndɔ ɔɔtɔtɔkisa, kaɓɛ Mokonga na nna kimoci na yɛ.» 3Yéso áonsikisia: «Nekongoɗi ɗoni gea, nkpa nde káɓɔkɔtɛani mɔngɔ á ko iɓɛ, káɔnɛku koɓoamɛ ndea Mokonga.» 4Nikɔdɛ́mu â gǎkɛ omúsia: «Ngbɛga aɓɔkɔtɛanande mɔngɔ á ko iɓɛ ɓo? Aɔtɔka n'angí goto ka sɔphɔ á amakɛ gea, áɓɔkɔtɛanɛ?»
5Yéso áonsikisia: «Nekongoɗi ɗoni gea, nkpa nde káɓɔkɔtɛani ka iɓo na ka ɓukpɛkpɛ á Měma, kángiɛku ka koɓoamɛ ndea Mokonga. 6Ɓaɓɔkɔti asu á kokpa, ɓáɔɓɔkɔta nyama asu, Měma á Mokonga, aɔɓɔkɔta měma suɓi asu. 7Cɔ, koyayamɛmbɛ ɓî nekongoɗi, akeni ɓenu ɓɔbu ɓɔ́ɓɔkɔtɛanɛ mɔngɔ á ko iɓɛ. 8Nga, sumbu aosinda ɓî akondi, ɔ̂ɔ́ka ndǔ í. Kó gǎkɛ oúba ɔma nde atóki na ɔma nde aoga. A phɔtɔ ɓó ka nkpa buakɛ mmbé aɓɔkɔtɛani ka ɓukpɛkpɛ á Měma á Mokonga.»
9Nikɔdɛ́mu â gǎkɛ omúsia: «Nyɔngɔ ndɔ aɔtɔka n'atɔtɔkɛani ɓo?» 10Yéso áonsikisia: «Oɓɛ, onde ngoisigi angbóngbó ka Isilaɛ́li. Cɔ, kó gǎkɛ oúba nyɔngɔ nde?» 11«Nekongoɗi ɗoni gea, ɓe tɔ ɔtɔmiaga nnde ɓeoúba, ɓéoɗigimisa nnde ɗɛ́ɓɛɔni. Ɓókó gǎkɛ oɓeekea ú. 12Aoɓá na ɓókóomoɓeekea mbenɔ nde nɛɔnɔtɔmiaga nyɔngɔ á ka mokonda, cɔ, ɓomoɓeekeande ɓo aoɓá na nɛɔnɔtɔmiaga nyɔngɔ á na koba? 13Nga nna na nkpa nde atáimbɛ mɔnɔ na koba, tɔndɔ eme Muna-Nkpa, mmbé ɗédidi ka toka na koba.
14A tɔ ɓíndɔ Mósa ɗáɗáphisi iii á njɔka nde ɓáconji na ngɔa gǔ á gbútuka á me ka nkanda#Ɔna Mɔɔ 21.9, a phɔtɔ ɓó unge akeni ɓámoɗáphisɛ eme Muna-Nkpa, 15ka gea, nkpa buakɛ mmbé amoɓeeki, áɓɛ na enda á mɛyɔ. 16Nga, Mokonga ɗékondi ɓato á ka mokonda phɛɛ. Kaɓondɔ, ɗěɓophi ngɔmu nɛkɛ gea, nkpa buakɛ mmbé amɓeeki, kákuwɛku#3.16 Kukuwa ndɔ, ande kukuwa á ka měma, katana na Mokonga., áɓɛ ndiu na enda á mɛyɔ. 17Mokonga ɗákánteki gǎkɛ Anakɛ ka gea te, átenɛ nyɔngɔ á ɓato á ka mokonda akpɛ. A ndiu ka gea, yɛ, éamisɛ ɓato á ka mokonda. 18Mmbé amɓeeki Anakɛ, Mokonga kátenɛku nyɔngɔ nɛkɛ akpɛ. Cɔ, mmbé kámɓeeki gǎkɛ, Mokonga ateni ye tɔ nyɔngɔ nɛkɛ akpɛ. Nga, yɛ káɓeeki ina á ngɔmu ndea Mokonga.
19Cina á tena á nyɔngɔ nɛkɛ akpɛ a ɓe: owanga ndea Mokonga abiki ka mokonda. Ɓakpa ɓáyé gǎkɛ owanga ndɔɔ, ɓâ ndiu okonda kaiphiɔ. Nga, tambea aɓɔ aájeɗe. 20Cɔ, nkpa buakɛ mmbé aogea ájeɗe, akangei owanga, nna phɔtɔ okonda gǎ kuɓî owanga aɔ, ka gea, tambea akɛ ájeɗe áúbikanɛ base. 21Mmbé a ndiu otambea ánjá ka ɓeá á koɗoni ndea Mokonga, aoga kuɓî owanga aɔ ka gea te, áúbikanɛ base, atambei ɓíndɔ Mokonga akondi.»
Yoáni na Yéso
22Mbusa índɔ, Yéso na ɓagoigi nɛkɛ ɓáoga na Yudɛ́a. Áoika na ɓɔ kó ka mbenɔ ábɔa, yɛ, n'aoɓatisa. 23Yoáni-Mɓatisi ɗá phɔtɔ oɓatisa ka nji á Ainɔ́ni, bíbí na Saími nga, iɓo ásii ɗátú kó. Ɓakpa ɗáɓátúombikia, yɛ áǒɓatisa. 24Nga, ɗáɓákámakimbɛ phɔ́ Yoáni ka mekakɔ#Ɔna Mat 14.3; Mkɔ 6.17; Lók 3.19-20.
25Ka matú ndɔ, ɓagoigi nɛkɛ ɗáɓáopúa na Moyúda moci ka nyɔngɔ á moangɔ á tokisa á ɓojeɗe. 26Kaɓondɔ, ɓagoigi ndɔ ɓáɔngɛndɛa Yoáni, ɓáongoɗea te: «Ngoisigi, mmbɔ ɗátú n'oɓɛ kubi á Yɔɔdáni, mmbɔ ɗɔ́ɔtɔmiaga nyɔngɔ akɛ, a ye tɔ oɓatisa. Ɓakpa ɓɔbu ɓámɓǐ.»
27Mpɔ, Yoáni áǒsikisia gea te: «Nkpa nnaɔtɔka n'atɔi kema kaɓɛ Mokonga n'akamophi. 28Ɓenu sasanu, ɓɔɔ́kima ɓî nɛyɔngima gea, eme, ké Kiísito. Ne ndiu mmbé Mokonga anteki mosá akɛ#Ɔna Mki 3.1. 29Munya-mpakai, aámbé ande munya nke. Dakɛ na mǒko gǎkɛ a tɔ bíbí akɛ, áotúma na maseye ɓî aɔɔ́ka ɛsɔ á mǒko ndɔɔ. Kaɓondɔ, netúmi na maseye phɛɛ. 30Cɔ, akeni ɓoombia nɛkɛ átáiɛ, nɛmɔ ádidɛ.»
31Mmbé atóki na koba, a gǔ á ɓakpa ɓɔbu. Mmbé a gǎkɛ ka mokonda, ana ebigɔ á ka mokonda. Aɔyɔnga ɓea ɓato á ka mokonda. Mmbé atóki na koba a gǎkɛ gǔ á ɓakpa ɓɔbu. 32Aoɗigimisa nyɔngɔ nde aɔni na ɔ́ka í. Nna ndiu na nkpa nde aomɓeekea. 33Mmbé aɓeeki nyɔngɔ nde aɗigimisi, aɓeeki phɔtɔ gea, Mokonga ande nto á ɗoni. 34Mmbé Mokonga anteki a tɔ ɔyɔnga nyɔngɔ á Mokonga. Nga, yɛ antúmisi na Měma akɛ. 35Eya, Mokonga ankondi Anakɛ, áobisa kema bui ka njaga akɛ. 36Cɔ, mmbé amɓeeki Anakɛ, a ye tɔ na enda á mɛyɔ. Mmbé an'yé, káɓɛku na enda ndɔ, Mokonga a gǎkɛ n'esúia gǔ akɛ.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2021, Wycliffe Bible Translators, Inc.