Luhzaz 22
22
Dungzlaemh Hoakzaqrawz Kaj Yezsuz
1Zaekgaj taeng Jeng Gvaq, Jeng Gvaq goj rongx hoak Jeng Mboq Miz Fahfaenx,#22:1 Jeng Gvaq daj Jeng Mboq Miz Fahfaenx naeh zawh puj Yixsowhleh bi ux gvaq gonghhw ux nyen ndaej zwzpujjeq dij Sen zowz paenqdix ni ndaw Aizjih. Zwz paenqdix daeq Aizjih og daeuj naeh, paenqdix zoah dij goanz Aizjih choi ni, baenzzaqnaeh paenqdix hoak binx paenqdix baeuh mboq goq aeu fahfaenx dwk. Lez Sw Ni Aizjih 11-12. 2sowh goanz gvanx puj mbud dij Sen naeh daj sowh lauxswz zau Sw Dij Sen naeh naengz gaj nwh hoakrawz kaj Yezsuz, gaj paenqdix mbu kaj Yezsuz goanzlai rux luanq mbukmbuk. 3Zwz naeh, Sazdanz bae ndaw zaw Yaeuhdaq goanz ndaw Zazyoah naeh. Laemh goanz Yaeuhdaq naeh, mbaednduq zawh sipngih goanz dij goanz zawxkauq Yezsuz naeh goanz ux. 4Yaeuhdaq mwz daj sowh goanz gvanx puj mbud dij Sen naeh, sowh puj saeq dawz rownz dij Sen naeh dungzlaemh, hoakrawz aeu Yezsuz hawj paenqdix. 5Paenqdix faengz taeuq, hax rux aeu ngaenz hawj dix. 6Yaeuhdaq venq, dix daz cha sowh gau goanzlai mboq yuq haenz Yezsuz naeh, aeu Yezsuz hawj paenqdix.
Hoak Byaeuz Jeng Gvaq
7Taeng Jeng Mboq Miz Fahfaenx vaenz kaj dij mbej naeh. 8Yezsuz nemz Bihdowh daj Yezhanq, gaenqdix hax: "Gaenqsu mwz saeh raeuz hoak byaeuz Jeng, hawj raeuz jin." 9Paenqdix cham dix: "Mawz hawj piu mwz rawz hoak oah?" 10Yezsuz yaeng: "Gaenqsu mwz ndaw chaenh, miz goanz zaiz ux tw doangj naemx ux daeq maz doq su mboqyaq, gaenqsu zoq nowngz dix, dix ndonj mwz rownz gawz, 11su zoq daj zaeujrownz naeh hax: ‘Lauxswz piu cham mawz: "Gowh puj qiag jinkaeuj naeh yuq rawz? Gux daj cohsaenz gux yuq inxnaeh jin byaeuz Jeng."’ 12Dix zowz su mwz hauh baihnow gowh dwx ux za'hoq haeuz baiz ndae'ndowq, su zoq yuq gowh naeh saeh gaenqraeuz hoak byaeuz." 13Paenqdix zoq mwz, paenqdix mex gaeng goj daj gaemz Yezsuz hax naeh dungzlumj, paenqdix zoq yuq dih gaengnaeh hoak byaeuz Jeng.
Mwngx Byaeuz Doaklaeng Naeh
14Taeng zwz maz, Yezsuz daj sipngih goanz cohsaenz dix naengh zongz jinkaeuj. 15Yezsuz daj paenqdix hax: "Gannaeh gux naengz mboq jin aen kaem gux, gux zawx daj su zaemh jin mwngx byaeuz jeng naeh taeuq. 16Gux haxdoq su, bae'naj gux mboq jin byaeuz Jeng Gvaq ej, taengdeg yuq goh dij Sen jin mwngx zaeh naeh zwzrawz zux jin." 17Yezsuz deq zung laeuj ndiang maz, mbaiq dij Sen yaq, hax: "Gaenqsu deq aen zung naeh, goanz ux ndut i'ux. 18Gux haxdoq su, daeq vaenz naeh mwz, gux mboq ndut laeuj maegkaeu'it eh, taengdeg goh dij Sen daeuj." 19Dix gaem binx, mbaiq dij Sen, peg hawj paenqdix, hax: "Gaenq naeh zawh ndang gux.#22:19 Yezsuz hax: Gaenq naeh zawh ndang gux. Gaemz naeh Yezsuz zawh hax ndang dix daj gaenqjin dungzlumj. Jixzawh dij goanz mboq miz gaenqjin jin, zoq zaeu mboq ndaej; jixzawh Yezsuz mboq aeu ndang dix hawj dij goanz, dij goanz mboq ndaej zaeu daengznauq. Ndang gux zawh cholaeng gaenqsu viangh. Gaenqsu goj kwnz hoakzaqnaeh zaemh jin binx, hoakzaqnaeh su zoq nyenndaej gux." 20Jin nauq yaq, dix goj zaemh hoakzaqnaeh gaem zung laeuj ndiang, hax: "Zung naeh zawh aen dungzdingq mawq, gux aeu lowd gux hawj aen dungzdingq mawq naeh miz luq, gux tai lowd gux zawh cho su lae. 21Su lez, goanz kai gux naeh mungz dix daj mungz gux zaemh yuq now zongz. 22Lug Dij Goanz hoak zaq gaenq dij Sen daz naeh tai mboqyaq. Gaj goanz aeu dix kai naeh zoah yah!" 23Yaq cohsaenz dix goanz lej cham goanz, cham zawh gawz hoak sowh saeh naeh.
Cohsaenz Yezsuz Daeuq Dungzjinj Zawh Gawz Dwx Nyeuz
24Yaq cohsaenz Yezsuz dungzjinj paenqdix zawh gawz dwx nyeuz daengzle. 25Yezsuz daj paenqdix hax: "Laux hongz puj yowngh ndai, paenqdix tuh gvanx dij goanz hoakri, gaj dij goanz hoakri naengz baenz rongx dix hoak: "Puj saeq daj bohmeh dungzlumj." 26Gaj gaenqsu laek hoakzaqnaeh, gaenqsu gawz hoak gaenq dwx nyeuz, gawz zoq hoj hoakzaq sowh puj hoak gaenq ix nyeuz naeh, gawz hoak saeq dwx gawz zoq hoj hoakzaq sowh puj kvej daenh naeh kvej puj ndai. 27Goanz kvej hawj daenh jin naeh dwx nyeuz rux goanz naengh zongz jin naeh dwx nyeuz? Mboq zawh goanz naengh zongz jin naeh dwx nyeuz maj? Gaj gux daj gaenqsu zaemh yuq, gux naengz hoakzaq puj koij naeh kvej su. 28Gaenqgux zoah aen nanq daeg zwzrawz, gaenqsu goj daj gux zaemh yuq. 29Gux aeu goh gux hawj su gvanx, daj dez gux aeu hawj gux gvanx dungzlumj. 30Hoakzaqnaeh, gaenqsu yuq goh gux, naengh zongz gux zaemh jin zaemh ndut, goj naengh aen daengq hoak hongz naeh gvanx sipngih ngah Yixsowhleh."
Yezsuz Hax Bihdowh Rux Mboq Yinq Dix
31Yezsuz daeuq hax: "Cizmaenh! Cizmaenh! Sazdanz zawx ndaej gaenqsu, daz hoakzaq paet kaeujmeg naeh paet gaenqsu. 32Gaj gux haeuz saeh mawz vanz dij Sen yaq, hawj mawz rux sinq taeng mowd. Mawz daeq loang, daeuq dauh maz zwzrawz, mawz yauq hawj bihnongx mawz kaem'zaw daeq ka loh dij Sen mwznaj." 33Bihdowh hax: "Zaeuj aj, daengz hawj gux daj mawz zaemh mwz kaenglauz, zaemh tai, gux goj venq!" 34Yezsuz hax: "Bihdowh, gux haxdoq mawz, vaenznaeh daekgoanq dij gaeq kaen, mawz sam mbaed mboq yinq gux, hax mboq ruxnaj gux."
Laep Jenz, Laep Daeh, Laep Remz
35 Yezsuz daeuq daj paenqdix hax: "Koax daekgoanq gux nemz su og bae, mboq yaix su laep jenz, laep daeh, laep haiz, gaenqsu og bae yaq gaenqsu baenz rawz vah?" Paenqdix yaeng: "Mboq baenz rawz gah." 36Yezsuz hax: "Gaj gannaeh, gaenqsu miz jenz zoq laep jenz, miz daeh zoq laep daeh, mboq miz remz zoq kai ndangnungh swx remz. 37Unj gux haxdoq su, gaemz ndaw Sw Dij Sen laiz gux naeh baenzzaeh mboqyaq, zoq zawh: ‘Daenh aeu dix hoak daj sowh puj luanq hoak luanq bae naeh dungzlumj.’#22:37 Gaemz kauq naeh haeuz yuq Sw Yixsaiqyaq 53:12. Diauq naeh daeuj nowto gux mboqyaq." 38Paenqdix hax: "Zaeuj aj, mawz lez, inxnaeh miz song maeg remz." Yezsuz hax: "Baenz eh, goak gah ndeh."
Yezsuz Yuq Ndaw Bo Maeghit Daj Dij Sen Hax Kauq
39 Yezsuz daj zwzndai dungzlumj mwz Bo Maeghit, cohsaenz dix goj nowngz dix mwz, 40mwz taeng dih naeh, Yezsuz daj cohsaenz dix hax: "Su vanz dij Sen laek hawj gaeng coak zoah su." 41Yezsuz ni paenqdix bae hongj ux gvae baenz zaq teq zwzndai raeuz euj tin naeh, gvih bae dihndin daj dij Sen hax kauq. 42Dix hax: "Dez aj, jixzawh mawz venq, zoq aeu aen zung kaem naeh ni, laek hawj gux jin kaem baenznaeh, gaj mawz laek tw'zaw gux hoak, mawz daz hoakrawz mawz zoq hoakrawz." 43-44#22:43-44 Mbangj bwnz miz gaemz naeh, gaj gaemz naeh ingj mboq zawh Luhzaz hoakri dix laiz: 43Miz goanz bin dij Sen ux yuq ndaw fax hawj dix taen, za doakriangz hawj dix. 44Yezsuz yuqraix taeuq, caqsiq daj dij Sen hax kauq, maet naemx towq daj lowd daek bae dihndin dungzlumj. 45Dix daj dij Sen hax kauq gah, dix zoq dwnq mwz dih cohsaenz dix naeh, leztaen cohsaenz dix noanzlaep, paenqdix yuqraix, moih daengz noanzlaep saw. 46Dix zoq daj paenqdix hax: "Gaenqsu baenzzaqrawz noanzlaep mux? Dwnq maz vanz dij Sen laek hawj gaeng coak zoah su."
Yezsuz Zoah Daenh Goangz
47Gau Yezsuz naengz hax mboq gah naeh, miz boangx goanz ux maz, sipngih goanz dij goanz zawx kauq Yezsuz goanz rongx hoak Yaeuhdaq naeh daeq daekgoanq daengzle, dix daeq maz zawj Yezsuz, daz zup Yezsuz, goakdwk dix.#22:47 Dih paenqdix dungzbownh bihnongx dungzmex dungzzup, hoakzaqnaeh dungzdongx. 48Yezsuz daj dix hax: "Yaeuhdaq, mawz zup gux Lug Dij Goanz, hoakzaqnaeh aeu gux kai hawj daenh max?" 49Sowh puj yuq haenzhenz Yezsuz naeh leztaen ingj rux miz saeh, zoq hax: "Zaeuj aj, hawj piu aeu remz mbaeg vah?" 50Paenqdix miz goanz ux it remz mbaeg zoah chu sa goanz ux. Goanz chu sa zoah daenh mbaeg naeh zawh puj koij laux puj mbud dij Sen laux saeq dwx nyeuz daengzle naeh. 51Yezsuz hax: "Hoak gah ndeh!" Dix lumh mbawchu goanz gaeng naeh, ya goanz gaengnaeh ndae. 52Yezsuz daj sowh puj maz gaep dix naeh hax, zoq zawh daj sowh puj gvanx puj mbud dij Sen naeh, sowh puj saeq dawz rownz dij Sen naeh, sowh puj saeq gvanx puj Yaeuhtaiq naeh, daj paenqdix hax: "Gaenqsu tw remz tw maex maz gaep gux, daj gaep puj laek dungzlumj maj? 53Gaenqgux vaenz vaenz yuq rownz dij Sen zau daenh, daj su zaemh yuq, gaenqsu mboq goangz gux. Gaj gannaeh zawh gau su, zawh gau gaenqndaem gvanx su yah."
Bihdowh Sam Mbaed Mboq Yinq Zaeuj
54Paenqdix gaep Yezsuz, gaemh dix mwz rownz puj mbud dij Sen goanz saeq dwx nyeuz daengzle naeh, Bihdowh liq hongj ux, goq nowngz goq bae. 55Paenqdix yuq gumhhongh ndaengfaez, daengzle zaemh naengh, Bihdowh goj naengh haenz paenqdix. 56Miz goanz puj koij nyingz ux leztaen Bihdowh nau faez, lez bae lez dauh, hax: "Goanz naeh daj Yezsuz zawh zaemh boangx!" 57Gaj Bihdowh mboq yinq, hax: "Mawz ah, gux mboq ruxnaj dix!" 58Gvaq gau ixux yaq, daeuq miz goanz ux leztaen Bihdowh, goanz naeh hax: "Mawz goj zawh daj paenqdix zaemh boangx." Gaj Bihdowh hax: "Mawz ah, gux mboq zawh." 59Gvaq teq aen zungztaeuh ux naeh, daeuq miz goanz ux hax Bihdowh daj Yezsuz zawh zaemh boangx singjringh, dix hax: "Dix goj zawh dij goanz Zazliqliq, dix zawh daj goanz gaengnaeh zaemh boangx zaeh." 60Gaj Bihdowh hax: "Mawz ah, mawz hax mwz rawz mwz, gawz goj mboq ndeq laeng mawz ej!" Gau dix hax kauq naeh, dij gaeq zoq kaen. 61Zaeuj ueq laeng lez Bihdowh, Bihdowh zux nwh ndaej gaemz kauq Zaeuj daj dix hax naeh: "Vaenznaeh, daekgoanq dij gaeq kaen, mawz sam mbaed mboq yinq gux." 62Dix zoq og bae haej zaehzaeh.
Dij Goanz Ndaw Hoiq Yaeuhtaiq Jinj Yezsuz
63Sowh puj dawz Yezsuz naeh, aeu dix hoakfaengz, dup dix, 64gumq ta dix, cham dix: "Jixzawh mawz zawh goanz puj zawxkauq dij Sen ux zaeh, mawz hax ndeh, zawh gawz dup mawz?" 65Paenqdix naengz hax lai yowngh taeuq lez uaj dix.
66Fax hiamq rungh, sowh puj saeq gvanx puj Yaeuhtaiq naeh, sowh goanz gvanx puj mbud dij Sen naeh, sowh lauxswz zau Sw Dij Sen naeh maz zaemh yuq, zowz Yezsuz mwz ndaw hoiq paenqdix. 67Paenqdix hax: "Jixzawh mawz zawh Jizduz, mawz zoq haxdoq piu." Yezsuz hax: "Daengz gux haxdoq su, su goj mboq rux sinq daengzhwx. 68Daengz gux cham su, su goj mboq rux yaeng. 69Daeq vaenznaeh mwz, Lug Dij Goanz naengh baih qensa laux Sen gvanx daengzle naeh." 70Paenqdix hax: "Haenx, mawz zawh lug zaiz dij Sen vah?" Yezsuz hax: "Zawh gaemz su hax naeh." 71Paenqdix hax: "Gaenqraeuz mboq yungq cha sowh dij goanz ndaej taen dix hoak loang naeh eh, gaenqraeuz gaj goanz gaj haeuz haeggaj ndaej ruxnyinz baeg ndiang dix hax dix zawh lug zaiz dij Sen!"
Zvasarudzwa nguva ino
Luhzaz 22: ZHN
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2023, Peace Publishing Co. All rights reserved.
Luhzaz 22
22
Dungzlaemh Hoakzaqrawz Kaj Yezsuz
1Zaekgaj taeng Jeng Gvaq, Jeng Gvaq goj rongx hoak Jeng Mboq Miz Fahfaenx,#22:1 Jeng Gvaq daj Jeng Mboq Miz Fahfaenx naeh zawh puj Yixsowhleh bi ux gvaq gonghhw ux nyen ndaej zwzpujjeq dij Sen zowz paenqdix ni ndaw Aizjih. Zwz paenqdix daeq Aizjih og daeuj naeh, paenqdix zoah dij goanz Aizjih choi ni, baenzzaqnaeh paenqdix hoak binx paenqdix baeuh mboq goq aeu fahfaenx dwk. Lez Sw Ni Aizjih 11-12. 2sowh goanz gvanx puj mbud dij Sen naeh daj sowh lauxswz zau Sw Dij Sen naeh naengz gaj nwh hoakrawz kaj Yezsuz, gaj paenqdix mbu kaj Yezsuz goanzlai rux luanq mbukmbuk. 3Zwz naeh, Sazdanz bae ndaw zaw Yaeuhdaq goanz ndaw Zazyoah naeh. Laemh goanz Yaeuhdaq naeh, mbaednduq zawh sipngih goanz dij goanz zawxkauq Yezsuz naeh goanz ux. 4Yaeuhdaq mwz daj sowh goanz gvanx puj mbud dij Sen naeh, sowh puj saeq dawz rownz dij Sen naeh dungzlaemh, hoakrawz aeu Yezsuz hawj paenqdix. 5Paenqdix faengz taeuq, hax rux aeu ngaenz hawj dix. 6Yaeuhdaq venq, dix daz cha sowh gau goanzlai mboq yuq haenz Yezsuz naeh, aeu Yezsuz hawj paenqdix.
Hoak Byaeuz Jeng Gvaq
7Taeng Jeng Mboq Miz Fahfaenx vaenz kaj dij mbej naeh. 8Yezsuz nemz Bihdowh daj Yezhanq, gaenqdix hax: "Gaenqsu mwz saeh raeuz hoak byaeuz Jeng, hawj raeuz jin." 9Paenqdix cham dix: "Mawz hawj piu mwz rawz hoak oah?" 10Yezsuz yaeng: "Gaenqsu mwz ndaw chaenh, miz goanz zaiz ux tw doangj naemx ux daeq maz doq su mboqyaq, gaenqsu zoq nowngz dix, dix ndonj mwz rownz gawz, 11su zoq daj zaeujrownz naeh hax: ‘Lauxswz piu cham mawz: "Gowh puj qiag jinkaeuj naeh yuq rawz? Gux daj cohsaenz gux yuq inxnaeh jin byaeuz Jeng."’ 12Dix zowz su mwz hauh baihnow gowh dwx ux za'hoq haeuz baiz ndae'ndowq, su zoq yuq gowh naeh saeh gaenqraeuz hoak byaeuz." 13Paenqdix zoq mwz, paenqdix mex gaeng goj daj gaemz Yezsuz hax naeh dungzlumj, paenqdix zoq yuq dih gaengnaeh hoak byaeuz Jeng.
Mwngx Byaeuz Doaklaeng Naeh
14Taeng zwz maz, Yezsuz daj sipngih goanz cohsaenz dix naengh zongz jinkaeuj. 15Yezsuz daj paenqdix hax: "Gannaeh gux naengz mboq jin aen kaem gux, gux zawx daj su zaemh jin mwngx byaeuz jeng naeh taeuq. 16Gux haxdoq su, bae'naj gux mboq jin byaeuz Jeng Gvaq ej, taengdeg yuq goh dij Sen jin mwngx zaeh naeh zwzrawz zux jin." 17Yezsuz deq zung laeuj ndiang maz, mbaiq dij Sen yaq, hax: "Gaenqsu deq aen zung naeh, goanz ux ndut i'ux. 18Gux haxdoq su, daeq vaenz naeh mwz, gux mboq ndut laeuj maegkaeu'it eh, taengdeg goh dij Sen daeuj." 19Dix gaem binx, mbaiq dij Sen, peg hawj paenqdix, hax: "Gaenq naeh zawh ndang gux.#22:19 Yezsuz hax: Gaenq naeh zawh ndang gux. Gaemz naeh Yezsuz zawh hax ndang dix daj gaenqjin dungzlumj. Jixzawh dij goanz mboq miz gaenqjin jin, zoq zaeu mboq ndaej; jixzawh Yezsuz mboq aeu ndang dix hawj dij goanz, dij goanz mboq ndaej zaeu daengznauq. Ndang gux zawh cholaeng gaenqsu viangh. Gaenqsu goj kwnz hoakzaqnaeh zaemh jin binx, hoakzaqnaeh su zoq nyenndaej gux." 20Jin nauq yaq, dix goj zaemh hoakzaqnaeh gaem zung laeuj ndiang, hax: "Zung naeh zawh aen dungzdingq mawq, gux aeu lowd gux hawj aen dungzdingq mawq naeh miz luq, gux tai lowd gux zawh cho su lae. 21Su lez, goanz kai gux naeh mungz dix daj mungz gux zaemh yuq now zongz. 22Lug Dij Goanz hoak zaq gaenq dij Sen daz naeh tai mboqyaq. Gaj goanz aeu dix kai naeh zoah yah!" 23Yaq cohsaenz dix goanz lej cham goanz, cham zawh gawz hoak sowh saeh naeh.
Cohsaenz Yezsuz Daeuq Dungzjinj Zawh Gawz Dwx Nyeuz
24Yaq cohsaenz Yezsuz dungzjinj paenqdix zawh gawz dwx nyeuz daengzle. 25Yezsuz daj paenqdix hax: "Laux hongz puj yowngh ndai, paenqdix tuh gvanx dij goanz hoakri, gaj dij goanz hoakri naengz baenz rongx dix hoak: "Puj saeq daj bohmeh dungzlumj." 26Gaj gaenqsu laek hoakzaqnaeh, gaenqsu gawz hoak gaenq dwx nyeuz, gawz zoq hoj hoakzaq sowh puj hoak gaenq ix nyeuz naeh, gawz hoak saeq dwx gawz zoq hoj hoakzaq sowh puj kvej daenh naeh kvej puj ndai. 27Goanz kvej hawj daenh jin naeh dwx nyeuz rux goanz naengh zongz jin naeh dwx nyeuz? Mboq zawh goanz naengh zongz jin naeh dwx nyeuz maj? Gaj gux daj gaenqsu zaemh yuq, gux naengz hoakzaq puj koij naeh kvej su. 28Gaenqgux zoah aen nanq daeg zwzrawz, gaenqsu goj daj gux zaemh yuq. 29Gux aeu goh gux hawj su gvanx, daj dez gux aeu hawj gux gvanx dungzlumj. 30Hoakzaqnaeh, gaenqsu yuq goh gux, naengh zongz gux zaemh jin zaemh ndut, goj naengh aen daengq hoak hongz naeh gvanx sipngih ngah Yixsowhleh."
Yezsuz Hax Bihdowh Rux Mboq Yinq Dix
31Yezsuz daeuq hax: "Cizmaenh! Cizmaenh! Sazdanz zawx ndaej gaenqsu, daz hoakzaq paet kaeujmeg naeh paet gaenqsu. 32Gaj gux haeuz saeh mawz vanz dij Sen yaq, hawj mawz rux sinq taeng mowd. Mawz daeq loang, daeuq dauh maz zwzrawz, mawz yauq hawj bihnongx mawz kaem'zaw daeq ka loh dij Sen mwznaj." 33Bihdowh hax: "Zaeuj aj, daengz hawj gux daj mawz zaemh mwz kaenglauz, zaemh tai, gux goj venq!" 34Yezsuz hax: "Bihdowh, gux haxdoq mawz, vaenznaeh daekgoanq dij gaeq kaen, mawz sam mbaed mboq yinq gux, hax mboq ruxnaj gux."
Laep Jenz, Laep Daeh, Laep Remz
35 Yezsuz daeuq daj paenqdix hax: "Koax daekgoanq gux nemz su og bae, mboq yaix su laep jenz, laep daeh, laep haiz, gaenqsu og bae yaq gaenqsu baenz rawz vah?" Paenqdix yaeng: "Mboq baenz rawz gah." 36Yezsuz hax: "Gaj gannaeh, gaenqsu miz jenz zoq laep jenz, miz daeh zoq laep daeh, mboq miz remz zoq kai ndangnungh swx remz. 37Unj gux haxdoq su, gaemz ndaw Sw Dij Sen laiz gux naeh baenzzaeh mboqyaq, zoq zawh: ‘Daenh aeu dix hoak daj sowh puj luanq hoak luanq bae naeh dungzlumj.’#22:37 Gaemz kauq naeh haeuz yuq Sw Yixsaiqyaq 53:12. Diauq naeh daeuj nowto gux mboqyaq." 38Paenqdix hax: "Zaeuj aj, mawz lez, inxnaeh miz song maeg remz." Yezsuz hax: "Baenz eh, goak gah ndeh."
Yezsuz Yuq Ndaw Bo Maeghit Daj Dij Sen Hax Kauq
39 Yezsuz daj zwzndai dungzlumj mwz Bo Maeghit, cohsaenz dix goj nowngz dix mwz, 40mwz taeng dih naeh, Yezsuz daj cohsaenz dix hax: "Su vanz dij Sen laek hawj gaeng coak zoah su." 41Yezsuz ni paenqdix bae hongj ux gvae baenz zaq teq zwzndai raeuz euj tin naeh, gvih bae dihndin daj dij Sen hax kauq. 42Dix hax: "Dez aj, jixzawh mawz venq, zoq aeu aen zung kaem naeh ni, laek hawj gux jin kaem baenznaeh, gaj mawz laek tw'zaw gux hoak, mawz daz hoakrawz mawz zoq hoakrawz." 43-44#22:43-44 Mbangj bwnz miz gaemz naeh, gaj gaemz naeh ingj mboq zawh Luhzaz hoakri dix laiz: 43Miz goanz bin dij Sen ux yuq ndaw fax hawj dix taen, za doakriangz hawj dix. 44Yezsuz yuqraix taeuq, caqsiq daj dij Sen hax kauq, maet naemx towq daj lowd daek bae dihndin dungzlumj. 45Dix daj dij Sen hax kauq gah, dix zoq dwnq mwz dih cohsaenz dix naeh, leztaen cohsaenz dix noanzlaep, paenqdix yuqraix, moih daengz noanzlaep saw. 46Dix zoq daj paenqdix hax: "Gaenqsu baenzzaqrawz noanzlaep mux? Dwnq maz vanz dij Sen laek hawj gaeng coak zoah su."
Yezsuz Zoah Daenh Goangz
47Gau Yezsuz naengz hax mboq gah naeh, miz boangx goanz ux maz, sipngih goanz dij goanz zawx kauq Yezsuz goanz rongx hoak Yaeuhdaq naeh daeq daekgoanq daengzle, dix daeq maz zawj Yezsuz, daz zup Yezsuz, goakdwk dix.#22:47 Dih paenqdix dungzbownh bihnongx dungzmex dungzzup, hoakzaqnaeh dungzdongx. 48Yezsuz daj dix hax: "Yaeuhdaq, mawz zup gux Lug Dij Goanz, hoakzaqnaeh aeu gux kai hawj daenh max?" 49Sowh puj yuq haenzhenz Yezsuz naeh leztaen ingj rux miz saeh, zoq hax: "Zaeuj aj, hawj piu aeu remz mbaeg vah?" 50Paenqdix miz goanz ux it remz mbaeg zoah chu sa goanz ux. Goanz chu sa zoah daenh mbaeg naeh zawh puj koij laux puj mbud dij Sen laux saeq dwx nyeuz daengzle naeh. 51Yezsuz hax: "Hoak gah ndeh!" Dix lumh mbawchu goanz gaeng naeh, ya goanz gaengnaeh ndae. 52Yezsuz daj sowh puj maz gaep dix naeh hax, zoq zawh daj sowh puj gvanx puj mbud dij Sen naeh, sowh puj saeq dawz rownz dij Sen naeh, sowh puj saeq gvanx puj Yaeuhtaiq naeh, daj paenqdix hax: "Gaenqsu tw remz tw maex maz gaep gux, daj gaep puj laek dungzlumj maj? 53Gaenqgux vaenz vaenz yuq rownz dij Sen zau daenh, daj su zaemh yuq, gaenqsu mboq goangz gux. Gaj gannaeh zawh gau su, zawh gau gaenqndaem gvanx su yah."
Bihdowh Sam Mbaed Mboq Yinq Zaeuj
54Paenqdix gaep Yezsuz, gaemh dix mwz rownz puj mbud dij Sen goanz saeq dwx nyeuz daengzle naeh, Bihdowh liq hongj ux, goq nowngz goq bae. 55Paenqdix yuq gumhhongh ndaengfaez, daengzle zaemh naengh, Bihdowh goj naengh haenz paenqdix. 56Miz goanz puj koij nyingz ux leztaen Bihdowh nau faez, lez bae lez dauh, hax: "Goanz naeh daj Yezsuz zawh zaemh boangx!" 57Gaj Bihdowh mboq yinq, hax: "Mawz ah, gux mboq ruxnaj dix!" 58Gvaq gau ixux yaq, daeuq miz goanz ux leztaen Bihdowh, goanz naeh hax: "Mawz goj zawh daj paenqdix zaemh boangx." Gaj Bihdowh hax: "Mawz ah, gux mboq zawh." 59Gvaq teq aen zungztaeuh ux naeh, daeuq miz goanz ux hax Bihdowh daj Yezsuz zawh zaemh boangx singjringh, dix hax: "Dix goj zawh dij goanz Zazliqliq, dix zawh daj goanz gaengnaeh zaemh boangx zaeh." 60Gaj Bihdowh hax: "Mawz ah, mawz hax mwz rawz mwz, gawz goj mboq ndeq laeng mawz ej!" Gau dix hax kauq naeh, dij gaeq zoq kaen. 61Zaeuj ueq laeng lez Bihdowh, Bihdowh zux nwh ndaej gaemz kauq Zaeuj daj dix hax naeh: "Vaenznaeh, daekgoanq dij gaeq kaen, mawz sam mbaed mboq yinq gux." 62Dix zoq og bae haej zaehzaeh.
Dij Goanz Ndaw Hoiq Yaeuhtaiq Jinj Yezsuz
63Sowh puj dawz Yezsuz naeh, aeu dix hoakfaengz, dup dix, 64gumq ta dix, cham dix: "Jixzawh mawz zawh goanz puj zawxkauq dij Sen ux zaeh, mawz hax ndeh, zawh gawz dup mawz?" 65Paenqdix naengz hax lai yowngh taeuq lez uaj dix.
66Fax hiamq rungh, sowh puj saeq gvanx puj Yaeuhtaiq naeh, sowh goanz gvanx puj mbud dij Sen naeh, sowh lauxswz zau Sw Dij Sen naeh maz zaemh yuq, zowz Yezsuz mwz ndaw hoiq paenqdix. 67Paenqdix hax: "Jixzawh mawz zawh Jizduz, mawz zoq haxdoq piu." Yezsuz hax: "Daengz gux haxdoq su, su goj mboq rux sinq daengzhwx. 68Daengz gux cham su, su goj mboq rux yaeng. 69Daeq vaenznaeh mwz, Lug Dij Goanz naengh baih qensa laux Sen gvanx daengzle naeh." 70Paenqdix hax: "Haenx, mawz zawh lug zaiz dij Sen vah?" Yezsuz hax: "Zawh gaemz su hax naeh." 71Paenqdix hax: "Gaenqraeuz mboq yungq cha sowh dij goanz ndaej taen dix hoak loang naeh eh, gaenqraeuz gaj goanz gaj haeuz haeggaj ndaej ruxnyinz baeg ndiang dix hax dix zawh lug zaiz dij Sen!"
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2023, Peace Publishing Co. All rights reserved.