Luhzaz 24
24
Yezsuz Daeuq Zaeu
1Cinzqiztenz,#24:1 Gaenq raeuz vaenz Cinzqiztenz naeh, nganq puj Yaeuhtaiq maz hax haeuz zawh cinzqiz ux vaenznduq dix naeh. zangnaw zaeux, le yah nyingz naeh tw sowh gaenqhom paenqdix doxnyaengx naeh maz aen ngomz mohbujreuh aeu Yezsuz nyaengx naeh. 2Paenqdix leztaen kvaix tin dingz baeg ngomz naeh haeuz gauq ni yaq. 3Paenqdix ndonj mwz ndaw ngomz, gaj lez mboq taen Yezsuz. 4Gau paenqdix am yowngh am yowngh naeh, hubhaeb miz song goanz in yuq haenz paenqdix, song goanz naeh ndangnungh paenqdix rux rungh. 5Le yah naeh mbu taeuq, gvih bae dihndin, song goanz gaeng naeh daj paenqdix hax: "Gaenqsu baenzzaqrawz yuq dih puj tai cha puj zaeu mux? 6Dix mboq yuq inxnaeh, dij Sen haeuz hawj dix daeuq zaeu yaq, su hoj nyen ndaej zwz dix yuq Zazliqliq naeh dix hoakzaqrawz haxdoq su. 7Hoakri dix hax: ‘Lug Dij Goanz zoah aeu mwz hawj puj hoak loang mboqyaq, puj hoak loang aeu dengdinz doag dix mwz maexngamzchaz, dix tai yaq vaenz daih sam dix daeuq zaeu.’" 8Paenqdix zux nwh ndaej gaemz kauq Yezsuz. 9Yaq paenqdix daeq ndaw ngomz dauh bae, aeu sowh gaenq paenqdix mex naeh haxdoq sip'aet goanz dij goanz zawxkauq Yezsuz daj cohsaenz ndai. 10Le yah naeh zawh, Maxliqyaq ndaw longq Moahdaqlaz naeh, Yezyaqnah, Maxliqyaq yah meh Yaqgowh naeh, naengz miz le yah daj paenqdix zaemh yuq naeh. Paenqdix aeu sowh saeh naeh haxdoq dij goanz zawxkauq Yezsuz. 11Gaj paenq goanz zawxkauq Yezsuz naeh hax paenqdix hax mwz rawz mwz goj mboq ndeq, zoq mboq sinq. 12Gaj Bihdowh dwnq maz, lenh mwz aen ngomz mohbujreuh naeh, gaeuz to lez mwz ndaw ngomz, leztaen gaj kvaix paeng aeu mae'banq si ix ix hoak naeh haeggaj yuq, zoq dauh daeuj. Bihdowh taen baenzzaqnaeh, ndaw zaw dix sawz taeuq.
Yezsuz Yuq Ndaw Yixmaxuxsez Hawj Cohsaenz Dix Taen
13Zaemh vaenzndeu, cohsaenz Yezsuz miz song goanz bae longq ux rongx hoak Yixmaxuxsez, longq naeh liq Yezluqsaxlaengx gvae choaksip swztazdih.#24:13 Choaksip swztazdih gvae teq ngihsip-haj liz ux naeh. 14Song goanz naeh laemh sowh saeh ndaw Yezluqsaxlaengx naeh. 15Gau paenqdix laemh naeh, hoakri Yezsuz daeq maz haenz paenqdix, daj paenqdix zaemh daeq. 16Gaj dix mboq hawj ta paenqdix lez ndaej og dix zawh gawz. 17Yezsuz hax: "Gaenqsu yuq ka loh laemh gaeng ah?" Paenqdix zoq ced yamqdin, najkawq yaengh kawq. 18Miz goanz ux minxzwh rongx hoak Gowhleuhbaz yaeng dix: "Le vaenz naeh, gawz mwz Yezluqsaxlaengx jin'jeng gawz goj ruxndeq yuq ndaw Yezluqsaxlaengx miz gaeng saeh, mawz mboq ruxndeq ix?" 19Yezsuz yaeng: "Gaeng saeh ah?" Paenqdix yaeng: "Zoq zawh sowh saeh Yezsuz ndaw Nazsahlowh naeh, dix zawh puj zawxkauq dij Sen, dix yuq doqnaj dij Sen daj daengzle, hax kauq daj hoak saeh miz riangz taeuq. 20Sowh goanz gvanx puj mbud dij Sen naeh daj puj saeq gaenqpiu aeu dix nyaengx mwz ndaw mungz daenh, panq dix sowxcinh, aeu dengdinz doag dix mwz maexngamzchaz. 21Gaj gaenqpiu daeq zwzrawz maz, bwnz ngwz dix zawh goanz daeuj jeuq dij goanz Yixsowhleh naeh. Piu haxdoq mawz, dix tai yaq, vaenz naeh haeuz zawh vaenz daih sam. 22Naengz miz tem, gaenqpiu miz jij yah ux hawj piu sawz taeuq, paenqdix zangnaw zaeux mwz aen ngomz aeu Yezsuz nyaengx naeh, 23gaj lez mboq taen Yezsuz. Le yah naeh zoq dauh daeuj haxdoq piu, paenqdix hax paenqdix taen bin dij Sen, bin dij Sen haxdoq paenqdix Yezsuz haeuz daeuq zaeu. 24Gaenqpiu miz jij goanz ux mwz dih aen ngomz aeu Yezsuz nyaengx naeh, leztaen daj sowh le yah gaengnaeh hax naeh dungzlumj, gaj lez mboq taen Yezsuz." 25Yezsuz hax: "Pujuaj aj, gaenqsu baenzzaqrawz ndowj ndowj naengz mboq sinq kauq puj zawxkauq dij Sen mux! 26Jizduz mboq zawh baenz jin suq kaem naeh daekgoanq, yaq zoq ndaej sowh najta bwnz aeu nyaengx hawj dix naeh maj?" 27Yezsuz hax gaemz kauq naeh yaq, dix daeuq laemh dwk paenqdix, ndaw Sw Dij Sen gaemz rawz hax zoah hoakri dix, dix zoq aeu gaemz rawz laemh dwk paenqdix. Zoq zawh aeu sw Moahciz daj daengzle puj zawxkauq dij Sen laiz naeh laemh dwk paenqdix.
28Gau paenqdix zaekgaj mwz daeux longq Yixmaxuxsez naeh, Yezsuz lumj zaq naengz gaj daz daeq mwz baihnaj, 29gaj paenqdix lanx dix, hax: "Fax haeuz zaekgaj ndaem, mwz daj piu zaemh ndowj ndeh!" Yezsuz zoq daj paenqdix zaemh ndonj mwz ndaw longq naeh. 30Taeng sowh gau jin byaeuz naeh, Yezsuz aeu binx maz, mbaiq dij Sen, peg binx, aeu yenh hawj paenqdix. 31Dix zoq hawj ta paenqdix lez ndaej og dix zawh gawz. Sowh gau naeh Yezsuz mbaed yaepta ux cenq mwz rawz, lez mboq taen. 32Paenqdix goanz lej hax mwz doq goanz: "Gau dix daj raeuz yuq ka loh hax kauq, haxdoq raeuz sowh kauq ndawSw Dij Sen laiz naeh zawh hax gaeng, sowh gau naeh ndaw zaw raeuz mboq zawh daj faez dungzlumj ndaed raedraed mawx?" 33Paenqdix cenq dauh mwz Yezluqsaxlaengx. Yuq ndaw Yezluqsaxlaengx, paenqdix cha mex sip'aet goanz dij goanz zawxkauq Yezsuz daj sowh puj daj paenqdix zaemh yuq naeh. 34Gau doiq naeh mwz taeng naeh, doiq dix ruxnyinz miz dij goanz hax: "Zaeuj haeuz daeuq zaeu zaeh, haeuz hawj Cizmaenh taen." 35Doiq naeh zoq aeu sowh saeh ka loh naeh, daj sowh saeh gau peg binx paenqdix hoakrawz ruxnaj Yezsuz naeh, haxdoq paenqdix nauq.
Yezsuz Hawj Cohsaenz Dix Taen Dix
36Gau paenqdix hax gaemz kauq naeh, Yezsuz in yuq haenz paenqdix, hax: "Ngwz gaenqsu yuqvangq!" 37Paenqdix mbu taeuq, faeklaih zawh taen minghkoan. 38Yezsuz hax: "Gaenqsu baenzzaqrawz dij mux? Baenzzaqrawz naengz mboq sinq nauq mux? 39Gaenqsu lez mungz gux, din gux, zoq ruxndeq zawh gux zaeh. Gaenqsu ciq lumh gux, minghkoan mboq miz nduk, mboq miz nowx, gaenqsu lez, gaenqgux miz." 40Hax gaemz kauq naeh, dix zoq ed mungz dix daj din dix hawj paenqdix lez.
41Paenqdix zaemz daengz mboq ganz sinq saw, sawz taeuq. Yezsuz hax: "Gaenqsu inxnaeh miz gaeng jin vah?" 42Paenqdix zoq aeu sowh dij bya aeu pin suk naeh hawj dix ndeaj ux. 43Dix deq maz, yuq doqnaj paenqdix jin.
44Yaq Yezsuz daj paenqdix hax: "Koax daekgoanq gux daj su zaemh yuq naeh, gaenqsu nyen ndaej, gux ndaej daj su hoakzaqnaeh hax: ‘Sw fahlih Moahciz mai naeh, sw puj zawxkauq dij Sen mai naeh, sw lownx mai naeh, sowh gaemz paenqdix mai gaenq gux naeh, baenzzaeh mboqyaq.’" 45Yaq dix hawj paenqdix ruxndeq singjringh, hawj paenqdix ruxndeq sowh kauq ndaw Sw Dij Sen laiz naeh zawh hax gaeng. 46Dix daeuq daj paenqdix hax: "Ndaw Sw Dij Sen hoakzaqnaeh mai: Jizduz zoah jinkaem mboqyaq, tai yaq vaenz daih sam zux daeuq zaeu. 47Yaq rux miz dij goanz aeu zwh dix koanx diauq gawz gaix gaenq hoakloang gawz zoq ndaej yangq naeh, daeq chaenh Yezluqsaxlaengx goq bae bae, hawj dij goanz changz rawz, dij goanz goh rawz goj ruxnyinz. 48Gaenqsu zawh sowh goanz ndaej ta taen singjringh naeh, zawh sowh goanz bae koanx dwk daenh naeh. 49Gux aeu sowh dez gux yinq hawj naeh hawj su, gaenqsu yuq chaenh naeh taj, taengdeg gaenqsu ndaej sowh doakriangz daeq ndaw fax daeuj naeh."
Yezsuz Zoah Raep Mwz Ndaw Fax
50 Yezsuz zowz paenqdix bae haenz Boahdaqnih, yuq dih naeh, dix ed mungz mwz doq ndaw fax vanz dij Sen gumx paenqdix. 51Gau dix vanz dij Sen gumx paenqdix naeh, dix zoq ni paenqdix mwz, zoah raep mwz ndaw fax. 52Paenqdix zoq biangz dix, faengz nyauznyauz dauh mwz Yezluqsaxlaengx, 53kwnzkwnz mwz rownz dij Sen biangz dij Sen.
Zvasarudzwa nguva ino
Luhzaz 24: ZHN
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2023, Peace Publishing Co. All rights reserved.
Luhzaz 24
24
Yezsuz Daeuq Zaeu
1Cinzqiztenz,#24:1 Gaenq raeuz vaenz Cinzqiztenz naeh, nganq puj Yaeuhtaiq maz hax haeuz zawh cinzqiz ux vaenznduq dix naeh. zangnaw zaeux, le yah nyingz naeh tw sowh gaenqhom paenqdix doxnyaengx naeh maz aen ngomz mohbujreuh aeu Yezsuz nyaengx naeh. 2Paenqdix leztaen kvaix tin dingz baeg ngomz naeh haeuz gauq ni yaq. 3Paenqdix ndonj mwz ndaw ngomz, gaj lez mboq taen Yezsuz. 4Gau paenqdix am yowngh am yowngh naeh, hubhaeb miz song goanz in yuq haenz paenqdix, song goanz naeh ndangnungh paenqdix rux rungh. 5Le yah naeh mbu taeuq, gvih bae dihndin, song goanz gaeng naeh daj paenqdix hax: "Gaenqsu baenzzaqrawz yuq dih puj tai cha puj zaeu mux? 6Dix mboq yuq inxnaeh, dij Sen haeuz hawj dix daeuq zaeu yaq, su hoj nyen ndaej zwz dix yuq Zazliqliq naeh dix hoakzaqrawz haxdoq su. 7Hoakri dix hax: ‘Lug Dij Goanz zoah aeu mwz hawj puj hoak loang mboqyaq, puj hoak loang aeu dengdinz doag dix mwz maexngamzchaz, dix tai yaq vaenz daih sam dix daeuq zaeu.’" 8Paenqdix zux nwh ndaej gaemz kauq Yezsuz. 9Yaq paenqdix daeq ndaw ngomz dauh bae, aeu sowh gaenq paenqdix mex naeh haxdoq sip'aet goanz dij goanz zawxkauq Yezsuz daj cohsaenz ndai. 10Le yah naeh zawh, Maxliqyaq ndaw longq Moahdaqlaz naeh, Yezyaqnah, Maxliqyaq yah meh Yaqgowh naeh, naengz miz le yah daj paenqdix zaemh yuq naeh. Paenqdix aeu sowh saeh naeh haxdoq dij goanz zawxkauq Yezsuz. 11Gaj paenq goanz zawxkauq Yezsuz naeh hax paenqdix hax mwz rawz mwz goj mboq ndeq, zoq mboq sinq. 12Gaj Bihdowh dwnq maz, lenh mwz aen ngomz mohbujreuh naeh, gaeuz to lez mwz ndaw ngomz, leztaen gaj kvaix paeng aeu mae'banq si ix ix hoak naeh haeggaj yuq, zoq dauh daeuj. Bihdowh taen baenzzaqnaeh, ndaw zaw dix sawz taeuq.
Yezsuz Yuq Ndaw Yixmaxuxsez Hawj Cohsaenz Dix Taen
13Zaemh vaenzndeu, cohsaenz Yezsuz miz song goanz bae longq ux rongx hoak Yixmaxuxsez, longq naeh liq Yezluqsaxlaengx gvae choaksip swztazdih.#24:13 Choaksip swztazdih gvae teq ngihsip-haj liz ux naeh. 14Song goanz naeh laemh sowh saeh ndaw Yezluqsaxlaengx naeh. 15Gau paenqdix laemh naeh, hoakri Yezsuz daeq maz haenz paenqdix, daj paenqdix zaemh daeq. 16Gaj dix mboq hawj ta paenqdix lez ndaej og dix zawh gawz. 17Yezsuz hax: "Gaenqsu yuq ka loh laemh gaeng ah?" Paenqdix zoq ced yamqdin, najkawq yaengh kawq. 18Miz goanz ux minxzwh rongx hoak Gowhleuhbaz yaeng dix: "Le vaenz naeh, gawz mwz Yezluqsaxlaengx jin'jeng gawz goj ruxndeq yuq ndaw Yezluqsaxlaengx miz gaeng saeh, mawz mboq ruxndeq ix?" 19Yezsuz yaeng: "Gaeng saeh ah?" Paenqdix yaeng: "Zoq zawh sowh saeh Yezsuz ndaw Nazsahlowh naeh, dix zawh puj zawxkauq dij Sen, dix yuq doqnaj dij Sen daj daengzle, hax kauq daj hoak saeh miz riangz taeuq. 20Sowh goanz gvanx puj mbud dij Sen naeh daj puj saeq gaenqpiu aeu dix nyaengx mwz ndaw mungz daenh, panq dix sowxcinh, aeu dengdinz doag dix mwz maexngamzchaz. 21Gaj gaenqpiu daeq zwzrawz maz, bwnz ngwz dix zawh goanz daeuj jeuq dij goanz Yixsowhleh naeh. Piu haxdoq mawz, dix tai yaq, vaenz naeh haeuz zawh vaenz daih sam. 22Naengz miz tem, gaenqpiu miz jij yah ux hawj piu sawz taeuq, paenqdix zangnaw zaeux mwz aen ngomz aeu Yezsuz nyaengx naeh, 23gaj lez mboq taen Yezsuz. Le yah naeh zoq dauh daeuj haxdoq piu, paenqdix hax paenqdix taen bin dij Sen, bin dij Sen haxdoq paenqdix Yezsuz haeuz daeuq zaeu. 24Gaenqpiu miz jij goanz ux mwz dih aen ngomz aeu Yezsuz nyaengx naeh, leztaen daj sowh le yah gaengnaeh hax naeh dungzlumj, gaj lez mboq taen Yezsuz." 25Yezsuz hax: "Pujuaj aj, gaenqsu baenzzaqrawz ndowj ndowj naengz mboq sinq kauq puj zawxkauq dij Sen mux! 26Jizduz mboq zawh baenz jin suq kaem naeh daekgoanq, yaq zoq ndaej sowh najta bwnz aeu nyaengx hawj dix naeh maj?" 27Yezsuz hax gaemz kauq naeh yaq, dix daeuq laemh dwk paenqdix, ndaw Sw Dij Sen gaemz rawz hax zoah hoakri dix, dix zoq aeu gaemz rawz laemh dwk paenqdix. Zoq zawh aeu sw Moahciz daj daengzle puj zawxkauq dij Sen laiz naeh laemh dwk paenqdix.
28Gau paenqdix zaekgaj mwz daeux longq Yixmaxuxsez naeh, Yezsuz lumj zaq naengz gaj daz daeq mwz baihnaj, 29gaj paenqdix lanx dix, hax: "Fax haeuz zaekgaj ndaem, mwz daj piu zaemh ndowj ndeh!" Yezsuz zoq daj paenqdix zaemh ndonj mwz ndaw longq naeh. 30Taeng sowh gau jin byaeuz naeh, Yezsuz aeu binx maz, mbaiq dij Sen, peg binx, aeu yenh hawj paenqdix. 31Dix zoq hawj ta paenqdix lez ndaej og dix zawh gawz. Sowh gau naeh Yezsuz mbaed yaepta ux cenq mwz rawz, lez mboq taen. 32Paenqdix goanz lej hax mwz doq goanz: "Gau dix daj raeuz yuq ka loh hax kauq, haxdoq raeuz sowh kauq ndawSw Dij Sen laiz naeh zawh hax gaeng, sowh gau naeh ndaw zaw raeuz mboq zawh daj faez dungzlumj ndaed raedraed mawx?" 33Paenqdix cenq dauh mwz Yezluqsaxlaengx. Yuq ndaw Yezluqsaxlaengx, paenqdix cha mex sip'aet goanz dij goanz zawxkauq Yezsuz daj sowh puj daj paenqdix zaemh yuq naeh. 34Gau doiq naeh mwz taeng naeh, doiq dix ruxnyinz miz dij goanz hax: "Zaeuj haeuz daeuq zaeu zaeh, haeuz hawj Cizmaenh taen." 35Doiq naeh zoq aeu sowh saeh ka loh naeh, daj sowh saeh gau peg binx paenqdix hoakrawz ruxnaj Yezsuz naeh, haxdoq paenqdix nauq.
Yezsuz Hawj Cohsaenz Dix Taen Dix
36Gau paenqdix hax gaemz kauq naeh, Yezsuz in yuq haenz paenqdix, hax: "Ngwz gaenqsu yuqvangq!" 37Paenqdix mbu taeuq, faeklaih zawh taen minghkoan. 38Yezsuz hax: "Gaenqsu baenzzaqrawz dij mux? Baenzzaqrawz naengz mboq sinq nauq mux? 39Gaenqsu lez mungz gux, din gux, zoq ruxndeq zawh gux zaeh. Gaenqsu ciq lumh gux, minghkoan mboq miz nduk, mboq miz nowx, gaenqsu lez, gaenqgux miz." 40Hax gaemz kauq naeh, dix zoq ed mungz dix daj din dix hawj paenqdix lez.
41Paenqdix zaemz daengz mboq ganz sinq saw, sawz taeuq. Yezsuz hax: "Gaenqsu inxnaeh miz gaeng jin vah?" 42Paenqdix zoq aeu sowh dij bya aeu pin suk naeh hawj dix ndeaj ux. 43Dix deq maz, yuq doqnaj paenqdix jin.
44Yaq Yezsuz daj paenqdix hax: "Koax daekgoanq gux daj su zaemh yuq naeh, gaenqsu nyen ndaej, gux ndaej daj su hoakzaqnaeh hax: ‘Sw fahlih Moahciz mai naeh, sw puj zawxkauq dij Sen mai naeh, sw lownx mai naeh, sowh gaemz paenqdix mai gaenq gux naeh, baenzzaeh mboqyaq.’" 45Yaq dix hawj paenqdix ruxndeq singjringh, hawj paenqdix ruxndeq sowh kauq ndaw Sw Dij Sen laiz naeh zawh hax gaeng. 46Dix daeuq daj paenqdix hax: "Ndaw Sw Dij Sen hoakzaqnaeh mai: Jizduz zoah jinkaem mboqyaq, tai yaq vaenz daih sam zux daeuq zaeu. 47Yaq rux miz dij goanz aeu zwh dix koanx diauq gawz gaix gaenq hoakloang gawz zoq ndaej yangq naeh, daeq chaenh Yezluqsaxlaengx goq bae bae, hawj dij goanz changz rawz, dij goanz goh rawz goj ruxnyinz. 48Gaenqsu zawh sowh goanz ndaej ta taen singjringh naeh, zawh sowh goanz bae koanx dwk daenh naeh. 49Gux aeu sowh dez gux yinq hawj naeh hawj su, gaenqsu yuq chaenh naeh taj, taengdeg gaenqsu ndaej sowh doakriangz daeq ndaw fax daeuj naeh."
Yezsuz Zoah Raep Mwz Ndaw Fax
50 Yezsuz zowz paenqdix bae haenz Boahdaqnih, yuq dih naeh, dix ed mungz mwz doq ndaw fax vanz dij Sen gumx paenqdix. 51Gau dix vanz dij Sen gumx paenqdix naeh, dix zoq ni paenqdix mwz, zoah raep mwz ndaw fax. 52Paenqdix zoq biangz dix, faengz nyauznyauz dauh mwz Yezluqsaxlaengx, 53kwnzkwnz mwz rownz dij Sen biangz dij Sen.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2023, Peace Publishing Co. All rights reserved.