Yohana 12
12
Maryamu a yaɓwa Yesu a Betani
(Matta 26.6-13; Markus 14.3-9)
1Ɓə mbiɗi bətə tukoltaka mya ɗa kwalə Lawuttə da Yawude, Yesu a dɨmə a mɨna pɨrə vor Betani a vɨrata Liyazarus, a nda maddən gə we. 2Mya ɗan sɨzɨmti kaade ka lagbe dan, Marta nə dɨ ɓyana sɨzɨmtɨngɨn, Liyazarus mgban nee nza ɓɨdɨmə wakasərən a haa zɨm shingɨn. 3Maryamu a nggura nzɨ-hubo maara ka pome ɨhɨng-ɨhɨng mya ɗa ka kada mya dɨ wa atɨ nad, sɨnə ka taa kɨr-kɨr, ngga bwaɗa maarəngɨn a mbwayi Yesu, nggi ta fegə mbwayingɨn ka shewo nəngrə. Hwoɗye a luwa kat ka pomə maarəngɨn nɨnyi-nɨnyi.
4Yawuda dɨ Iskariyoti hiɗə dɨ vor lagbengɨn a ma ɓaga vədə Yesu a ɗərdən, a kwo le. Nda sa atɨ, 5“Gəkɨlə mɨnə myaa dɨ ɗərdə maara a nggur taangɨn a ɓyana ji-porita? Gəkɨlə maaranə ka taa kaɓa kpan, ɓə kən taa lyentə kiwatə hiɗə.” 6Yawuda a bwe ləngɨn aa gəkɨlə nda bəgə ji-poritə myenti. Nda boyo sə gəkɨlə ndi mahɨrə, sɨnə dɨ kɨsərən gbɨra taa, fərə-fərə nda dɨ hɨr taangɨn.
7Yesu a san atɨ, “Ɗakarə ɗəng, ngga dɨmaadə maara supo a puke gə fərə yaɓwa wa. 8Hwunə ka ji-poritə a hakəwnə fərə-fərə, shezə hɨn taa dɨ nza kəwnə mba-dɨ-mba.”
9A hangɨn təkə-təkətɨ Yawude də, a shea leyə atɨ Yesu nee a hangɨn, təna shi hangɨn mgban aa gə le da Yesu ɓəmbə, təna shi gəkɨlə təna naa Liyazarus a mya maddən gə we. 10Kɨsehəmi kpan-kpanye ta kɨl ləngɨn, təna shalasə le gə təna ɓɨl Liyazarus, 11gəkɨlə tən leyə atɨ gə le da Liyazarus Yawude hananang a ɗaka koddə kormi kɨsehəmingɨn, a virwo haka Yesu a mwadiyale kan.
Yesu a pɨrə Urshelima
(Matta 21.1-11; Markus 11.1-11; Luka 19.28-40)
12Ite haa a kɨɗa, təkə-təkətɨ ɓwaaree shi haa sɨlangsətɨngɨn a kɨlə atɨ Yesu nee a nə tɨfe dɨ pɨra a vor Urshelima. 13Təna por jibe gangra a dɨma ɓa kultən, təna maddə kormingrən ta ɓondi Yesu atɨ,
“Hosana!#12.13 Naarə Hosana nə “Mbədenə.””
“Fukatə nee ka ma dɨ shi a vor kwakɨ Həmɨmiye!#12.13 Naasə: Dyemshe 118.25,26.”
“Fukatə nee ka həme da mi Israila!”
14Yesu a pa nzə-mbɨrse a liyən, ɓətɨ Malɨmtɨ Ɗəmɗəmtə a boyo atɨ,
15“Ɓe kala a gəwnə,
kwe mi Siyona,#12.15 Siyona kpeyə kwakɨ Urshelima nə.
niyəm həme dəwnə ndə dɨ shi,
sɨndə nza nə nzə-mbɨrse.#12.15 Naasə: Zakariya 9.9.”
16A itɨngɨn, lagbe dan aa lee naarə ləngɨn. Beetɨ ite Yesu mbɨrə, maɗə luu fukatɨ dan,#12.16 Naarə fukadə hangɨn nə ite ɓə maɗə muɗə pwa. təna ɓə shea ɗyanga atɨ mye dorshingɨn a Malɨmtɨ Ɗəmɗəmtə a nə Yesu, təna ɗyanga mgban atɨ gəkɨlə ləngɨn təna ɗa Yesu shingɨn.
17Təkə-təkətɨ ɓwaaree kat koɗə Yesu a ite nda maddə Liyazarus gə we, təna bwe ləməgingɨn a mbəgə hee atɨ Yesu nə maddə Liyazarus gə we. 18Ɓwaare a paya mgban gəkɨlə səkushipa Yesu a ɗa gə nda maddə Liyazarus gə we. 19Farise a boyəsə, “A ndo haa mye ɓa mba lanə fɨli mbəgə hee? Niyəm, vɨratə kat virwo dɨ hakan dɨ koɗən.”
Yesu a bwe le a nə wule wa ɓa kɨttən
20A vor myee zə hiwtə a haa kwaləngɨn, i Heline nee a wakasərən. 21Təna shi haka Filibus, sɨnə dɨ vɨra Betesda dɨ njiya Galili, təna san atɨ, “Makpane, hine dɨ mwa atɨ hina naa Yesu.” 22Filibus a boyə Andrawus, təna kpapə dɨ kpeyə a zə haka Yesu a boyən.
23Yesu a luwa a sarən atɨ, “Ɓəgəng fəre kənə mye ɓa shea fukadi hɨn Nze da Ɓwaara. 24Diyalə na dɨ boyownə, na daasə se aa pɨrə njiya a pomə, ndi ɓa gə hiɗə, shezə ndi kana pɨrə njiya a pomə, ndi ɓa dɨmaadə daase furi-furi. 25Ma kat dɨ mwo myensən, ɓa ɗongərə, ma mgban dɨ kwo myensən a vɨratɨnə ɓa ɗɨm myente kaaru-kaaru. 26Ma dɨ mwi atɨ nda ɗa lyentɨ de ɓa koɗi, a haa na gə də, a hangɨn kɨsa de ɓa gə. Baagi ɓa ndukodə ma dɨ ɗa lyentɨ de.
27“Gəngnə hɨnə ka yedi-kɨttə kɨr-kɨr a vor huboshi. Ɓə a shiya na sa? Na sa atɨ, ‘Baa, mbədi gə fərəngɨn ma’? Ə'ə, taa dɨ saatə, aɓə gə ləngɨn na shi vɨratə a tɨlə fəranə supo. 28Baa, fukadə kwakɨnga!”
A hangɨn korme a dɨma dɨ vor pwa a sa, “Hɨn fukadə kwaka, hɨn ɓa mɨna fukadən ɓə.” 29Təkə-təkətɨ ɓwaaree kangə hangɨn a kɨla korme dɨ vor pwa, təna sa atɨ mgbarati tuwi, imi mgban a sa atɨ malyenə byeli kan.
30Yesu a sarən, “Korma hwuna kɨlan gə le dəwnə gə nda gwadəwnə, aa gə le de. 31Supo fəre kənə, mya ɓashiyə vɨratə, supo mya dɨmdə Shetan ndi hama vɨratə a ɗongdən. 32Hɨnggi, hɨn fəra mye ɓa maddi a pwa a nə kada ɓɨdɨmtə, də na payadə ɓwaare kat a hake.” 33Yesu a boyo sə gə nda bɨldə wule wa ɓa kɨttən.
34Ɓwaare a san atɨ, “Hina bələ vor ɓashita Musa atɨ, Ma Həmɨnpwa a Yaɓwarən ɓa nza ka myentə kaaru-kaaru, ɓə ya hye sa atɨ mya maddə Nze da Ɓwaara a pwa, wonə Nze da Ɓwaarangɨn?”
35Yesu a sarən atɨ, “Ɓəgəng ɓɨrtə nə a vorsəwnə bətə ɓyeləng ɓəmbə, woyomə vor ɓɨrtɨngɨn gə ɓe kulitə aa shi asɨ gbəwnə. Gələ ma dɨ woyo kulitə, ndaa lee haa nda dɨ muɗə də. 36Ɓəgəng hwune ka ɓɨrtə, mwamdiyale gɨɗəmə ma sɨnə ɓɨrtɨngɨn, gə hwuna gəə hwunə je da ɓɨrtə.” Ite Yesu a byelə a mbəə, nda muɗə a ɓodə nəngɨn, təkə-təkətɨ ɓwaarengɨn aa yə mɨna nan.
Ɗongə mwadiyale da Yawude
37Kat ka wule zərgi shikoshopye Yesu a ɗa a humwaasərən, Yawude aa mwakan. 38Angɨn a gə sə gə kpalta Ishaya a gəə diyalə,
“Həmɨmiye, wonə ma mwaka la hina kəndən,
wonə Həmɨmiye a bɨlən gətɨ dan?”#12.38 Naasə: Ishaya 53.1.
39Gə ləngɨn tənaa mwadiyale, ɓətɨ Ishaya a mɨna sa atɨ,
40“Nda weala diingrən,
a gbə kwa-hubosərən,
gəkɨlə ɓe tənaa naa haa,
kwa-hubosərən a banga,
təna virwa a haka Həmɨnpwa
gə nda gəədərən mi hweli.”#12.40 Naasə: Ishaya 6.10.
41Ishaya a boyo sə gə diya mya wunən nda naa fukata Yesu, nda bwe le a nəngrə.
42Kat ka angɨn, imi dɨ vor mi kpan-kpanye da Yawude a mwaka Yesu a gɨɗən. Shezə tənaa mwa a dɨma bwang a bɨldə mwadiyale darən, gə ɓe Farise aa omtɨrən a kərərən pɨrtə a vɨnə kəndəshe darən. 43Gə wule mingɨn a dɨ mwo humwaha da ɓwaare a pɨrgə humwaha da Həmɨnpwa.
44Yesu a maddə kormɨngɨn a pwa a sa atɨ, “Ma mwake gɨɗi, aa hɨnə nda mwake a gɨɗi ɓəmbə, mangɨn mwa gɨɗə ma lyanari mgban. 45Ma kat nee, ɓə naa ma lyanari. 46Na shi vor vɨratə kwa-ɓɨrti gə ma mwake gɨɗi ɓe ndaa nza vor kulitə.
47“Ma kɨl ləməgye de ndaa koddərən, aa hɨnə ɓa ɓashiyə mangɨn, gəkɨlə taa shi gə na ɓashiyə mi vɨratə, na shi gə na mbədə mi vɨratə. 48Ama nee də som ɓa ɓashiyə ma kwori, a ma aa koddə ləməgye de, ləməgyee na dɨ boyo tənə ɓa ɓashidə mangɨn a fərə kpawtɨ vɨratə. 49Gə ləməgyee kat na dɨ boyo aa i nəna nə, Baatə a lyanari nə ɗɨki ləməgingɨn, sɨnə mgban dɨ kəni la na boyo. 50Hɨn leyə atɨ ɓashita Baagi a dɨ vədə myente kaaru-kaaru. Gə-angɨn ləməgyee na boyownə kat, Baatə nə ɗɨkdi atɨ na boyo sə.”
Zvasarudzwa nguva ino
Yohana 12: bcy
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Yohana 12
12
Maryamu a yaɓwa Yesu a Betani
(Matta 26.6-13; Markus 14.3-9)
1Ɓə mbiɗi bətə tukoltaka mya ɗa kwalə Lawuttə da Yawude, Yesu a dɨmə a mɨna pɨrə vor Betani a vɨrata Liyazarus, a nda maddən gə we. 2Mya ɗan sɨzɨmti kaade ka lagbe dan, Marta nə dɨ ɓyana sɨzɨmtɨngɨn, Liyazarus mgban nee nza ɓɨdɨmə wakasərən a haa zɨm shingɨn. 3Maryamu a nggura nzɨ-hubo maara ka pome ɨhɨng-ɨhɨng mya ɗa ka kada mya dɨ wa atɨ nad, sɨnə ka taa kɨr-kɨr, ngga bwaɗa maarəngɨn a mbwayi Yesu, nggi ta fegə mbwayingɨn ka shewo nəngrə. Hwoɗye a luwa kat ka pomə maarəngɨn nɨnyi-nɨnyi.
4Yawuda dɨ Iskariyoti hiɗə dɨ vor lagbengɨn a ma ɓaga vədə Yesu a ɗərdən, a kwo le. Nda sa atɨ, 5“Gəkɨlə mɨnə myaa dɨ ɗərdə maara a nggur taangɨn a ɓyana ji-porita? Gəkɨlə maaranə ka taa kaɓa kpan, ɓə kən taa lyentə kiwatə hiɗə.” 6Yawuda a bwe ləngɨn aa gəkɨlə nda bəgə ji-poritə myenti. Nda boyo sə gəkɨlə ndi mahɨrə, sɨnə dɨ kɨsərən gbɨra taa, fərə-fərə nda dɨ hɨr taangɨn.
7Yesu a san atɨ, “Ɗakarə ɗəng, ngga dɨmaadə maara supo a puke gə fərə yaɓwa wa. 8Hwunə ka ji-poritə a hakəwnə fərə-fərə, shezə hɨn taa dɨ nza kəwnə mba-dɨ-mba.”
9A hangɨn təkə-təkətɨ Yawude də, a shea leyə atɨ Yesu nee a hangɨn, təna shi hangɨn mgban aa gə le da Yesu ɓəmbə, təna shi gəkɨlə təna naa Liyazarus a mya maddən gə we. 10Kɨsehəmi kpan-kpanye ta kɨl ləngɨn, təna shalasə le gə təna ɓɨl Liyazarus, 11gəkɨlə tən leyə atɨ gə le da Liyazarus Yawude hananang a ɗaka koddə kormi kɨsehəmingɨn, a virwo haka Yesu a mwadiyale kan.
Yesu a pɨrə Urshelima
(Matta 21.1-11; Markus 11.1-11; Luka 19.28-40)
12Ite haa a kɨɗa, təkə-təkətɨ ɓwaaree shi haa sɨlangsətɨngɨn a kɨlə atɨ Yesu nee a nə tɨfe dɨ pɨra a vor Urshelima. 13Təna por jibe gangra a dɨma ɓa kultən, təna maddə kormingrən ta ɓondi Yesu atɨ,
“Hosana!#12.13 Naarə Hosana nə “Mbədenə.””
“Fukatə nee ka ma dɨ shi a vor kwakɨ Həmɨmiye!#12.13 Naasə: Dyemshe 118.25,26.”
“Fukatə nee ka həme da mi Israila!”
14Yesu a pa nzə-mbɨrse a liyən, ɓətɨ Malɨmtɨ Ɗəmɗəmtə a boyo atɨ,
15“Ɓe kala a gəwnə,
kwe mi Siyona,#12.15 Siyona kpeyə kwakɨ Urshelima nə.
niyəm həme dəwnə ndə dɨ shi,
sɨndə nza nə nzə-mbɨrse.#12.15 Naasə: Zakariya 9.9.”
16A itɨngɨn, lagbe dan aa lee naarə ləngɨn. Beetɨ ite Yesu mbɨrə, maɗə luu fukatɨ dan,#12.16 Naarə fukadə hangɨn nə ite ɓə maɗə muɗə pwa. təna ɓə shea ɗyanga atɨ mye dorshingɨn a Malɨmtɨ Ɗəmɗəmtə a nə Yesu, təna ɗyanga mgban atɨ gəkɨlə ləngɨn təna ɗa Yesu shingɨn.
17Təkə-təkətɨ ɓwaaree kat koɗə Yesu a ite nda maddə Liyazarus gə we, təna bwe ləməgingɨn a mbəgə hee atɨ Yesu nə maddə Liyazarus gə we. 18Ɓwaare a paya mgban gəkɨlə səkushipa Yesu a ɗa gə nda maddə Liyazarus gə we. 19Farise a boyəsə, “A ndo haa mye ɓa mba lanə fɨli mbəgə hee? Niyəm, vɨratə kat virwo dɨ hakan dɨ koɗən.”
Yesu a bwe le a nə wule wa ɓa kɨttən
20A vor myee zə hiwtə a haa kwaləngɨn, i Heline nee a wakasərən. 21Təna shi haka Filibus, sɨnə dɨ vɨra Betesda dɨ njiya Galili, təna san atɨ, “Makpane, hine dɨ mwa atɨ hina naa Yesu.” 22Filibus a boyə Andrawus, təna kpapə dɨ kpeyə a zə haka Yesu a boyən.
23Yesu a luwa a sarən atɨ, “Ɓəgəng fəre kənə mye ɓa shea fukadi hɨn Nze da Ɓwaara. 24Diyalə na dɨ boyownə, na daasə se aa pɨrə njiya a pomə, ndi ɓa gə hiɗə, shezə ndi kana pɨrə njiya a pomə, ndi ɓa dɨmaadə daase furi-furi. 25Ma kat dɨ mwo myensən, ɓa ɗongərə, ma mgban dɨ kwo myensən a vɨratɨnə ɓa ɗɨm myente kaaru-kaaru. 26Ma dɨ mwi atɨ nda ɗa lyentɨ de ɓa koɗi, a haa na gə də, a hangɨn kɨsa de ɓa gə. Baagi ɓa ndukodə ma dɨ ɗa lyentɨ de.
27“Gəngnə hɨnə ka yedi-kɨttə kɨr-kɨr a vor huboshi. Ɓə a shiya na sa? Na sa atɨ, ‘Baa, mbədi gə fərəngɨn ma’? Ə'ə, taa dɨ saatə, aɓə gə ləngɨn na shi vɨratə a tɨlə fəranə supo. 28Baa, fukadə kwakɨnga!”
A hangɨn korme a dɨma dɨ vor pwa a sa, “Hɨn fukadə kwaka, hɨn ɓa mɨna fukadən ɓə.” 29Təkə-təkətɨ ɓwaaree kangə hangɨn a kɨla korme dɨ vor pwa, təna sa atɨ mgbarati tuwi, imi mgban a sa atɨ malyenə byeli kan.
30Yesu a sarən, “Korma hwuna kɨlan gə le dəwnə gə nda gwadəwnə, aa gə le de. 31Supo fəre kənə, mya ɓashiyə vɨratə, supo mya dɨmdə Shetan ndi hama vɨratə a ɗongdən. 32Hɨnggi, hɨn fəra mye ɓa maddi a pwa a nə kada ɓɨdɨmtə, də na payadə ɓwaare kat a hake.” 33Yesu a boyo sə gə nda bɨldə wule wa ɓa kɨttən.
34Ɓwaare a san atɨ, “Hina bələ vor ɓashita Musa atɨ, Ma Həmɨnpwa a Yaɓwarən ɓa nza ka myentə kaaru-kaaru, ɓə ya hye sa atɨ mya maddə Nze da Ɓwaara a pwa, wonə Nze da Ɓwaarangɨn?”
35Yesu a sarən atɨ, “Ɓəgəng ɓɨrtə nə a vorsəwnə bətə ɓyeləng ɓəmbə, woyomə vor ɓɨrtɨngɨn gə ɓe kulitə aa shi asɨ gbəwnə. Gələ ma dɨ woyo kulitə, ndaa lee haa nda dɨ muɗə də. 36Ɓəgəng hwune ka ɓɨrtə, mwamdiyale gɨɗəmə ma sɨnə ɓɨrtɨngɨn, gə hwuna gəə hwunə je da ɓɨrtə.” Ite Yesu a byelə a mbəə, nda muɗə a ɓodə nəngɨn, təkə-təkətɨ ɓwaarengɨn aa yə mɨna nan.
Ɗongə mwadiyale da Yawude
37Kat ka wule zərgi shikoshopye Yesu a ɗa a humwaasərən, Yawude aa mwakan. 38Angɨn a gə sə gə kpalta Ishaya a gəə diyalə,
“Həmɨmiye, wonə ma mwaka la hina kəndən,
wonə Həmɨmiye a bɨlən gətɨ dan?”#12.38 Naasə: Ishaya 53.1.
39Gə ləngɨn tənaa mwadiyale, ɓətɨ Ishaya a mɨna sa atɨ,
40“Nda weala diingrən,
a gbə kwa-hubosərən,
gəkɨlə ɓe tənaa naa haa,
kwa-hubosərən a banga,
təna virwa a haka Həmɨnpwa
gə nda gəədərən mi hweli.”#12.40 Naasə: Ishaya 6.10.
41Ishaya a boyo sə gə diya mya wunən nda naa fukata Yesu, nda bwe le a nəngrə.
42Kat ka angɨn, imi dɨ vor mi kpan-kpanye da Yawude a mwaka Yesu a gɨɗən. Shezə tənaa mwa a dɨma bwang a bɨldə mwadiyale darən, gə ɓe Farise aa omtɨrən a kərərən pɨrtə a vɨnə kəndəshe darən. 43Gə wule mingɨn a dɨ mwo humwaha da ɓwaare a pɨrgə humwaha da Həmɨnpwa.
44Yesu a maddə kormɨngɨn a pwa a sa atɨ, “Ma mwake gɨɗi, aa hɨnə nda mwake a gɨɗi ɓəmbə, mangɨn mwa gɨɗə ma lyanari mgban. 45Ma kat nee, ɓə naa ma lyanari. 46Na shi vor vɨratə kwa-ɓɨrti gə ma mwake gɨɗi ɓe ndaa nza vor kulitə.
47“Ma kɨl ləməgye de ndaa koddərən, aa hɨnə ɓa ɓashiyə mangɨn, gəkɨlə taa shi gə na ɓashiyə mi vɨratə, na shi gə na mbədə mi vɨratə. 48Ama nee də som ɓa ɓashiyə ma kwori, a ma aa koddə ləməgye de, ləməgyee na dɨ boyo tənə ɓa ɓashidə mangɨn a fərə kpawtɨ vɨratə. 49Gə ləməgyee kat na dɨ boyo aa i nəna nə, Baatə a lyanari nə ɗɨki ləməgingɨn, sɨnə mgban dɨ kəni la na boyo. 50Hɨn leyə atɨ ɓashita Baagi a dɨ vədə myente kaaru-kaaru. Gə-angɨn ləməgyee na boyownə kat, Baatə nə ɗɨkdi atɨ na boyo sə.”
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.