Yohana 18
18
Mye kɨt Yesu
(Matta 26.47-58; Markus 14.43-54; Luka 22.47-54)
1Ite Yesu a hiwo a mbəə, nda dɨmə ka lagbe dan a nggɨrgə Gombo Kidɨrən. A ɓayatɨ gombo hangɨn, gaashi kade zetuntə nə də. Yesu ka lagbe dan a pɨrə hangɨn.
2Ndi Yawuda Iskariyoti, a ma vədən, ɓə lee hangɨn, gəkɨlə Yesu a duwa zədə ka lagbe dan. 3Yawuda a por ji-pakawatə kat ka ji-ɓwesɨtee kɨsehəmi kpan-kpanye ka myee Farise a lyanatɨrən, a zə vor kadangɨn gə nda bɨlərən haa. Mingɨn a shi ka tyekəshe ka shi nyatə.
4Yesu liya lee sa ɓa gən, gə ləngɨn nda dɨma a shi hakarən a ɗiyərən, “Wonə hwuna dɨ ɨlə?”
5Təna luwa a san, “Yesu dɨ Nazarat nə.”
Yesu a sarən atɨ, “Hɨnə mangɨn.” (Yawuda mgban nee kangə vorsərən.) 6Ite Yesu a sa atɨ, “Hɨnə mangɨn,” təna gaasə ka beesərən a fokə njiya kat.
7Nda mɨna ɗiyərən, “Wonə ɓwaa hwuna dɨ ɨlə?”
Təna san atɨ, “Yesu nə a dɨ Nazarat.”
8Yesu a sarən, “Na səwnə atɨ hɨnə mangɨn. Anda hɨnə hwuna dɨ ɨlə, zə ɗakamə minə a təna muɗə.” 9Angɨn a ɗaasə gə ləməgyee Yesu a boyo a naa atɨ, “A vor myee Baatə a vi, taa ɗongə nagi hiɗə dɨ vorsərən.”#18.9 Naasə: Yohana 6.39.
10Siman Bitrus nee ka sungwa, a hangɨn nda dɨɗə a viriwdən dɨ haka kɨsa da Kɨsahəmə kpane a saggə kwakɨngɨn a zɨme a dɨmdən vat. (Kwakɨ kɨsangɨn nə Malkus.)
11Yesu a gɨra Bitrus a san atɨ, “Mɨndə sungwa a vɨnəngɨn! Kpaa tənəte Baagi a vi taa dɨ soɓwi ma?”
Mye zə ka Yesu a haka Anas
12Ji-pakawate paya kat ka gyana kpane darən ka ji-ɓwesɨta Yawude a kɨt Yesu a ɓwerən 13a zəkan a haka Anas, sɨnə shewo Kayafas Kɨsahəmə kpane a kiwatɨngɨn. 14Kayafas tɨngɨn nə gi sa Yawude atɨ ɓa wula anda ma hiɗə ɓa mbɨrə gəkɨlə le da myee mbiɗi kat.#18.14 Naasə: Yohana 11.50.
Məntəmətɨ kwaməta Bitrus
(Matta 26.69-70; Markus 14.66-68; Luka 22.55-57)
15Siman Bitrus ka a lagba da Yesu a koɗə Yesu. Ndi lagbangɨn sɨnə Kɨsahəmə kpane a leerən, gə ləngɨn mya ɗakan nda koɗə Yesu a pɨrə voti ta kɨsahəme, 16hɨnggən ndi Bitrus nda kangə haa bwange a kwatɨfe. Ndi lagbarə təna leesə ka Kɨsahəme a mɨna ka beesən a boyə njite dɨ nidə kwatɨfe le gə ngga ɗaka Bitrus nda pɨra a voti.
17Itɨ nji-kɨsati ite dɨ nidə kwatɨfe a ɗiyə Bitrus atɨ, “Aa hye nee hiɗə dɨ vor lagbe da mangɨn?”
Bitrus a luwa a sa atɨ, “Aa hɨnə.”
18Itɨngɨn tale nee dɨ gii, kɨsee dɨ ɗa lyentə a hangɨn kat ka ji-ɓwesɨte kangə hangɨn dɨ yin ɗiye. Bitrus mgban asɨ kangə hakarən a dɨ yin ɗiye.
Kɨsahəmə kpane a ɗiyə Yesu ləməgye
(Matta 26.59-66; Markus 14.55-64; Luka 22.66-71)
19A itɨngɨn Kɨsahəmə kpane nee dɨ ɗiyə Yesu ləməgye a nə lagbe dan ka shee nda kəndərən.
20Yesu a luwa a san, “Hɨn byelə bwang a humwa mi vɨratə. Fərə-fərə mgban na duwa kəndəshe a hee peta Yawude kat ka vəni kəndəshe dəwnə ka Shafe. Taa bwe i ləməgi a haa ɓotə. 21Ɓə ya hye dɨ ɗiyi le? Ɗiyə myee kɨl ləməgyee na boyo, tən ɓa boyu twa.”
22Ite Yesu a bwe ləməginə kat, hiɗə dɨ vor ji-ɓwesɨta Yawude a fɨlagən a san, “Hyenə mwamdiya boyə Kɨsahəmə kpane le shea?”
23Yesu a sa, “Anda hɨn bwe alə hashi-hashi, zə takale a nəngɨn a haka minə kanyi kat a təna kɨl ləngɨn. Anda diyalə na boyə, mɨnə ɗa hye ɓə fɨlagi?” 24Də Anas a lyenshe kan a haka Kayafas Kɨsahəmə kpane, Yesu a zə hangɨn ka tyefingɨn a ɓwetə.
Bitrus a mɨna məntəmətə
25Ite Siman Bitrus nee kanyi dɨ yin ɗiye, təna ɗiyən atɨ, “Aa hyene hiɗə dɨ vor lagbe dan?”
Nda məntəmətə, a kwo le atɨ, “Ə'ə, aa sə, aa hɨnə.”
26Hiɗə dɨ vor kɨse da Kɨsahəmə kpane a nzə-nuwogə ma Bitrus a saggə kwakɨngɨn, a ɗiyə Bitrus atɨ, “Taa nəw dinəng ka Yesu a vor kade zetun?” 27Bitrus a mɨna məntəmətə. Gbyel a hangɨn ɗeke a wa.
Mye zə ka Yesu a humwa Bilatus
(Matta 27.1-2,11-14; Markus 15.1-5; Luka 23.1-5)
28Də Yawude a dɨmdə Yesu dɨ haka Kayafas a zəkan a haka Bilatus nggwamnatɨ njiya Yawudiya ka haa wure. Shezə gəkɨlə tənaa mwo atɨ təna ryaka nəngrən a kɨɗa kwalə Lawuttɨ darən, a ɗongə zɨmshi kwaləngɨn, tənaa pɨrə vor voti ta nggwamnatɨngɨn. 29Gə ləngɨn Bilatus a dɨma a parən a haa bwange, nda ɗiyərən, “A nə mɨnə hwuna shi ka manə a kaadən a hake?”
30Təna san atɨ, “Na ndi aa nzə-ɗa sɨkpaki, hinaa dɨ nda shikan a hakəw.”
31Bilatus a sarən atɨ, “Muɗəm kan hwuna ɓashiyən a nə wule ɓashitɨ dəwnə.”
Yawude a kwo le a san atɨ, “Ɓashitɨngɨn aa venə humwatə hina ɓɨl ama.” 32Ləngɨn a gə sə gə ləməgyee Yesu a boyo a naa a nə wule wa ndi ɓa mbɨrə kan.
33Bilatus a mɨna pɨrə voti a wa Yesu a humwasən a ɗiyən, “Hyenə həme da Yawude ma?”
34Yesu a ɗiyən atɨ, “Hyenə bwe la a nənanga ma, naasə imi boyu le a na?”
35Bilatus a san atɨ, “A gu ɓətɨ hɨn Yawuda ma? Hɨn kana atɨ myee dəwnə kat ka kɨsehəmi kpan-kpanye nə shikəw a hake. Mɨnə ɓwaa hye ɗa yə?”
36Yesu a san atɨ, “Həmne de, aa wule həmnə vɨratɨnə nə. Anda həmnə vɨratɨnə nə, myee de ɓa nda kangə a nya, Yawude aa dɨ nda kɨtti. Shezə wule həmne de nə som.”
37Bilatus a san atɨ, “Diyalə hye həmə!”
Yesu a san atɨ, “La hye boyo atɨ hɨn həmə sə gən, diyalə. Gəkɨlə ləngɨn mya mwasari na shi vor vɨratə, gə na takale a nə diyale. Ma dɨ koɗə diyale mangɨn a dɨ kɨlti.”
38Bilatus a ɗiyən, “Mɨnə diyale?” Ite Bilatus ɓe kɨl le she, nda dɨmə a boyə Yawude atɨ, “Taa ɗɨmgə manə le, ndaa ɗa a səhasə. 39A fərə kwalə Lawuttə dəwnə, hwuna dɨ nyishi a na parəwnə awa nzə-gbərəwe hiɗə. A na parəwnə awa Həme da Yawude ma?”
40Təna mɨna gəəshe kat a sa atɨ, “Ə'ə! Aa sɨnə, ndɨka hye parenə awa Barabas.” Ndi Barabas, sɨnə maddə nyatə mya kɨttən a vorsə.
Zvasarudzwa nguva ino
Yohana 18: bcy
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Yohana 18
18
Mye kɨt Yesu
(Matta 26.47-58; Markus 14.43-54; Luka 22.47-54)
1Ite Yesu a hiwo a mbəə, nda dɨmə ka lagbe dan a nggɨrgə Gombo Kidɨrən. A ɓayatɨ gombo hangɨn, gaashi kade zetuntə nə də. Yesu ka lagbe dan a pɨrə hangɨn.
2Ndi Yawuda Iskariyoti, a ma vədən, ɓə lee hangɨn, gəkɨlə Yesu a duwa zədə ka lagbe dan. 3Yawuda a por ji-pakawatə kat ka ji-ɓwesɨtee kɨsehəmi kpan-kpanye ka myee Farise a lyanatɨrən, a zə vor kadangɨn gə nda bɨlərən haa. Mingɨn a shi ka tyekəshe ka shi nyatə.
4Yesu liya lee sa ɓa gən, gə ləngɨn nda dɨma a shi hakarən a ɗiyərən, “Wonə hwuna dɨ ɨlə?”
5Təna luwa a san, “Yesu dɨ Nazarat nə.”
Yesu a sarən atɨ, “Hɨnə mangɨn.” (Yawuda mgban nee kangə vorsərən.) 6Ite Yesu a sa atɨ, “Hɨnə mangɨn,” təna gaasə ka beesərən a fokə njiya kat.
7Nda mɨna ɗiyərən, “Wonə ɓwaa hwuna dɨ ɨlə?”
Təna san atɨ, “Yesu nə a dɨ Nazarat.”
8Yesu a sarən, “Na səwnə atɨ hɨnə mangɨn. Anda hɨnə hwuna dɨ ɨlə, zə ɗakamə minə a təna muɗə.” 9Angɨn a ɗaasə gə ləməgyee Yesu a boyo a naa atɨ, “A vor myee Baatə a vi, taa ɗongə nagi hiɗə dɨ vorsərən.”#18.9 Naasə: Yohana 6.39.
10Siman Bitrus nee ka sungwa, a hangɨn nda dɨɗə a viriwdən dɨ haka kɨsa da Kɨsahəmə kpane a saggə kwakɨngɨn a zɨme a dɨmdən vat. (Kwakɨ kɨsangɨn nə Malkus.)
11Yesu a gɨra Bitrus a san atɨ, “Mɨndə sungwa a vɨnəngɨn! Kpaa tənəte Baagi a vi taa dɨ soɓwi ma?”
Mye zə ka Yesu a haka Anas
12Ji-pakawate paya kat ka gyana kpane darən ka ji-ɓwesɨta Yawude a kɨt Yesu a ɓwerən 13a zəkan a haka Anas, sɨnə shewo Kayafas Kɨsahəmə kpane a kiwatɨngɨn. 14Kayafas tɨngɨn nə gi sa Yawude atɨ ɓa wula anda ma hiɗə ɓa mbɨrə gəkɨlə le da myee mbiɗi kat.#18.14 Naasə: Yohana 11.50.
Məntəmətɨ kwaməta Bitrus
(Matta 26.69-70; Markus 14.66-68; Luka 22.55-57)
15Siman Bitrus ka a lagba da Yesu a koɗə Yesu. Ndi lagbangɨn sɨnə Kɨsahəmə kpane a leerən, gə ləngɨn mya ɗakan nda koɗə Yesu a pɨrə voti ta kɨsahəme, 16hɨnggən ndi Bitrus nda kangə haa bwange a kwatɨfe. Ndi lagbarə təna leesə ka Kɨsahəme a mɨna ka beesən a boyə njite dɨ nidə kwatɨfe le gə ngga ɗaka Bitrus nda pɨra a voti.
17Itɨ nji-kɨsati ite dɨ nidə kwatɨfe a ɗiyə Bitrus atɨ, “Aa hye nee hiɗə dɨ vor lagbe da mangɨn?”
Bitrus a luwa a sa atɨ, “Aa hɨnə.”
18Itɨngɨn tale nee dɨ gii, kɨsee dɨ ɗa lyentə a hangɨn kat ka ji-ɓwesɨte kangə hangɨn dɨ yin ɗiye. Bitrus mgban asɨ kangə hakarən a dɨ yin ɗiye.
Kɨsahəmə kpane a ɗiyə Yesu ləməgye
(Matta 26.59-66; Markus 14.55-64; Luka 22.66-71)
19A itɨngɨn Kɨsahəmə kpane nee dɨ ɗiyə Yesu ləməgye a nə lagbe dan ka shee nda kəndərən.
20Yesu a luwa a san, “Hɨn byelə bwang a humwa mi vɨratə. Fərə-fərə mgban na duwa kəndəshe a hee peta Yawude kat ka vəni kəndəshe dəwnə ka Shafe. Taa bwe i ləməgi a haa ɓotə. 21Ɓə ya hye dɨ ɗiyi le? Ɗiyə myee kɨl ləməgyee na boyo, tən ɓa boyu twa.”
22Ite Yesu a bwe ləməginə kat, hiɗə dɨ vor ji-ɓwesɨta Yawude a fɨlagən a san, “Hyenə mwamdiya boyə Kɨsahəmə kpane le shea?”
23Yesu a sa, “Anda hɨn bwe alə hashi-hashi, zə takale a nəngɨn a haka minə kanyi kat a təna kɨl ləngɨn. Anda diyalə na boyə, mɨnə ɗa hye ɓə fɨlagi?” 24Də Anas a lyenshe kan a haka Kayafas Kɨsahəmə kpane, Yesu a zə hangɨn ka tyefingɨn a ɓwetə.
Bitrus a mɨna məntəmətə
25Ite Siman Bitrus nee kanyi dɨ yin ɗiye, təna ɗiyən atɨ, “Aa hyene hiɗə dɨ vor lagbe dan?”
Nda məntəmətə, a kwo le atɨ, “Ə'ə, aa sə, aa hɨnə.”
26Hiɗə dɨ vor kɨse da Kɨsahəmə kpane a nzə-nuwogə ma Bitrus a saggə kwakɨngɨn, a ɗiyə Bitrus atɨ, “Taa nəw dinəng ka Yesu a vor kade zetun?” 27Bitrus a mɨna məntəmətə. Gbyel a hangɨn ɗeke a wa.
Mye zə ka Yesu a humwa Bilatus
(Matta 27.1-2,11-14; Markus 15.1-5; Luka 23.1-5)
28Də Yawude a dɨmdə Yesu dɨ haka Kayafas a zəkan a haka Bilatus nggwamnatɨ njiya Yawudiya ka haa wure. Shezə gəkɨlə tənaa mwo atɨ təna ryaka nəngrən a kɨɗa kwalə Lawuttɨ darən, a ɗongə zɨmshi kwaləngɨn, tənaa pɨrə vor voti ta nggwamnatɨngɨn. 29Gə ləngɨn Bilatus a dɨma a parən a haa bwange, nda ɗiyərən, “A nə mɨnə hwuna shi ka manə a kaadən a hake?”
30Təna san atɨ, “Na ndi aa nzə-ɗa sɨkpaki, hinaa dɨ nda shikan a hakəw.”
31Bilatus a sarən atɨ, “Muɗəm kan hwuna ɓashiyən a nə wule ɓashitɨ dəwnə.”
Yawude a kwo le a san atɨ, “Ɓashitɨngɨn aa venə humwatə hina ɓɨl ama.” 32Ləngɨn a gə sə gə ləməgyee Yesu a boyo a naa a nə wule wa ndi ɓa mbɨrə kan.
33Bilatus a mɨna pɨrə voti a wa Yesu a humwasən a ɗiyən, “Hyenə həme da Yawude ma?”
34Yesu a ɗiyən atɨ, “Hyenə bwe la a nənanga ma, naasə imi boyu le a na?”
35Bilatus a san atɨ, “A gu ɓətɨ hɨn Yawuda ma? Hɨn kana atɨ myee dəwnə kat ka kɨsehəmi kpan-kpanye nə shikəw a hake. Mɨnə ɓwaa hye ɗa yə?”
36Yesu a san atɨ, “Həmne de, aa wule həmnə vɨratɨnə nə. Anda həmnə vɨratɨnə nə, myee de ɓa nda kangə a nya, Yawude aa dɨ nda kɨtti. Shezə wule həmne de nə som.”
37Bilatus a san atɨ, “Diyalə hye həmə!”
Yesu a san atɨ, “La hye boyo atɨ hɨn həmə sə gən, diyalə. Gəkɨlə ləngɨn mya mwasari na shi vor vɨratə, gə na takale a nə diyale. Ma dɨ koɗə diyale mangɨn a dɨ kɨlti.”
38Bilatus a ɗiyən, “Mɨnə diyale?” Ite Bilatus ɓe kɨl le she, nda dɨmə a boyə Yawude atɨ, “Taa ɗɨmgə manə le, ndaa ɗa a səhasə. 39A fərə kwalə Lawuttə dəwnə, hwuna dɨ nyishi a na parəwnə awa nzə-gbərəwe hiɗə. A na parəwnə awa Həme da Yawude ma?”
40Təna mɨna gəəshe kat a sa atɨ, “Ə'ə! Aa sɨnə, ndɨka hye parenə awa Barabas.” Ndi Barabas, sɨnə maddə nyatə mya kɨttən a vorsə.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.