लूका 7
7
सुबेदार को भरोसा
(मत्ती 8:5-13)
1जबा उ लोग गीन ला, गजब सी गोस्टी सांग चुकयो तबा कफरनहुम नगर मा आयो। 2वहान एक सूबेदार को, एक नौकर बिमारी लक, मरन वालो होतो। सुबेदार वोला गजब चाव्हत होत्यो। 3यीसु की गोस्टी ला आयक के, सुबेदार यहूदिगीन आपरा सयानो गीनला, अना कई नावी मानूस, ला यीसु को जवर, बिनती करन धाड़िन, का जायके वोको नौकर ला बचाय लेय। 4गुरू गीन यीसु को कठा आइन, अखीन बिनती करके कव्हन लगीन। “उ सूबेदार यो काबील सेत, का वोको नौकर ला, तू साजरो कर दे। 5काहे का, यो सभाघर ला वोच ना बनवाइसेस। अना उ आमरो लोक गीन लक माया राखासे।”
6यीसु उनको, संग-संग गयो, वय वोको, घर को, कठा पहुचयो होतिन, सुबेदार ना आपरो संगी गीनको जवर, यीसु को लाय यो खबर धाडीस। “पिरभू दुख नोको उठावस, काहेकी, मी यो काबिल नही सेव, का तुमी मोरो छत मा आव। 7एको काजी मी तोरो कठा नही आईसेव, पर तू वहाँच लक हुकूम दे, अना मोरो दास साजरो भय जाहेत। 8मी खुदच सरकारी अधिकारी सेव। अना सिपाई मोरो हात को खाल्या सेत, अना जबा मी, एक ला कव्हसू, तु जाय, तो उ जासे अना दूसरो ला कव्हासू तू आव तो उ आवासे। अखीन अपरो दास ला कव्हासू का तु यो कर त उ करासे।”
9यो आयक के यीसु ला अचंभा भयो, वोना आपरो मंघा आवन वालो ला कव्हयो, “असो भरोसा ठेवन वालो मी, इसरायल लोक मा नही चोवीसेव।”
10अना खबरिया, जबा घर मा आइन, तबा उ दास सजरो भय गयो होतो।
बेवा बायको को टूरा ला जित्तो करनो
11काही दिवस को मंघा, यीसु नाईन नाव को नगर मा गयो। गजब जनता, अखीन चेला गीन वोको संगमा होतिन। 12जब वय नगर मा भीतर धसन को जघा मा गयीन, तब लोक साकोली मा एक लास बाहेर ले जावत होतीन। उ आपरो माय को एकच टूरा होतो, अना वोकी माय बेवा होती, नगर को लगत जनता वोको संग होतीन। 13वोला चोवके यीसु पिरभू दया लक भर गयो, अखीन वोको लक काहीस, “रड़स नोको” 14तबा वोना जवर आयके सकोली ला छिइस अखीन उचलन वारा उभो भईन। तबा वोना कव्हासे “ओ जुवान तोला कव्हसू का उठ जाय,” 15तबा मुरदा जाग के ना बस गयो, अखीन वोना वोकी माय ला सोप देइस।
16यो चोवके सबा डराय गईन, अउर वय, परमेस्वर को बड़ाई करके कव्हन लगीन, का हमारो बिच मा एक मोठयो भविस्यवक्ता आईसे, अखीन परमेस्वर आपरो लोक-बाग गीन पर किरपा करीसेस।
17अना ओको बारे मा यो गोस्टी सप्पा यहुदिया अना अगल-बगल को सब देस मा फैल गयो।
योहन बप्तिस्मा देवनवारा को सवाल
(मत्ती 11:2-19)
18योहन को चेला गीन, यो गोस्टी वोला सांगिन। 19तबा योहन आपरो चेला मा लक दोन ला, यीसु पिरभू को कठा, यो पूसन ला धाड़िस, “का आवनवालो तू च आस? का दुसरो सेत, हमि वोको बाट चोयबीन।”
20तबा वय लोक ओको जवर आवा सेत ता उनना कहिन योहन बप्तिस्मा देन वालो यो कव्हके पूसन ला धाड़िसेस। “का आवनवालो तू च आस, का अखीन कोनी सेत?” 21ओना बेरा, ओना गजब बिमार ला दया लक साजरो करीस, अँधरा गीनको डोरा उघाड़ो, अना भूत-पलीत ला भगायो। 22वोना उनलक कहीस, “जोन काही तुम्ही ना चोवीसेव, अखीन आइकू सेव, जायके योहन लक साँगने का, अँधरा चोवा से, लंगडा हिडंसे, कोढी साजरो होवासे, बहेरा आयकासेत, मरयो हुयो जित्तो होवासे, अखीन गरिब गोर#7:22कंगाल गीनला, परमेस्वर को साजरो बारता सांगासेत। 23अना ‘धन्य किस्मत वारा से’ उ जोन मोरो बारे मा ठोकर ना खाय।”,
24जबा योहन को चेला चले गइन, त यीसु योहन को बारे मा लोग गीन ला संगिस, “तुमी जंगल मा का चोवन गयो होतो? का हवा लक हिलतो, झाड़-झड़ुला ला। 25तुमी का चोवन गयो होतो? का नरम कपरा पहरो हुवो मानूस ला, जोन सजरा कपरा पहिरिसेस, अना सुख लक रव्हसे? उ महीमा लक राज दरबार मा रव्हसे। 26तबा तुमी का चोवन ला गयो होतो, का कोनी भविस्यवक्ता ला? मि तुमरो लक कव्हसु, उ भविस्यवक्ता लक मोठो सेत। 27यो वोच से जेनको बारे मा लिखिसे, चोव मी, आपरो दूत ला, तोरो पूढ़ा-पूढ़ा धाड़सु, जो तोरो पूढ़ा लक रस्ता सीधो#7:27रास्ता साजरो करहेत। करयेत। 28मि तुमी ला कव्हसू, जोन बायको लक जलमो से, उनमा कोनी योहन लक मोठो नहात। पर जोन परमेस्वर को राज मा, सबा लक नाहनो सेत, उ योहन लक मोठो सेत।”
29सबा जनता अखीन जमा लेवन वारा अधिकारी गीन, जबा यो आयकिन तो, उनना योहन को बप्तिस्मा लेवन को कारन, परमेस्वर को न्यायीपन ला खरो मान#7:29परमेस्वर पर भरोसा लेईन। 30अखीन धरमगुरू अना मोसे को नियम को गुरू ना, वोको बप्तिस्मा नही लेइन, अखीन परमेस्वर ना उनको लाय, जोन तरकिब हेड़ो होतो, वोला नापास#7:30परमेस्वर को गोस्टी ला सांगनो कर देईन।
31यीसु ना कव्हयो, “अता मी, यो जुग को लोकगीन ला, कोनी को जसो समझू, यो कोनी को समान सेत? 32वय वोना टूरागिन को जसो से, जो हाट मा बस्यो एक दुसरो लक हाकलके कव्हासे, अमीना तुमरो लाय बंसरी बजाया, अखीन तुमी नही नाचिसेउ, हमी दुखी भयी सेजन, अखीन तुमी नही रड़ीसेव। 33योहन बप्तिस्मा देवन वालो कभी जेवन नही जेवो, न कभी दारू पिविस, मंग तुमीना कव्हयो, एको मा बालजबुल से। 34मानूस को टूरा जेवन करतो अना पिवतो आयो सेत अना तुम्ही कव्हसो चोवो, यो मानूस कसो अघोरी सेत? यो तो, बरगन लेवन वारा पापी गिनको संगी सेत। 35पर परमेस्वर की अक्कल अपरो सबा परजा को लक खरो दिसाईसेस।”
फरीसी को घरमा पापनी बायको ला छिमा करनो
36कोनी मोसे को नियम को गुरू न बिनती करीस,“ की मोरो संग जेवन कर,” तबा धरमगुरू को संग, ठाव मा बस्यो। 37नगर मा एक पापी बायको होति। वोला पता चलयो, का यीसु मोसे को नियम को गुरू को घर मा जेवन ला बसीसे, वहान वोना एक सीसी मा इतर आनिस। 38अखीन रड़त-रड़त यीसु को पाय को जवर उभी भई, अना अपरो आसूँ लक, ओको पाय ला धोवन लगी, अखीन अपरो चुन्दी लक पाय ला पोछन लगी। अना पाय को चुम्मा लेवन लगी, अना इतर ला मलन लगी। 39जोन मोसे को नियम को गुरू यीसु ला निवता देई होतिस, असो चोवके! मन च मा कव्हन लग्यो “यदि यो मानूस भविस्यवक्ता होतो तो जान लेतो का यो बायको कसी से अना काजक करासे? काहे की वातो पापी होती।”
40वोको मन को बिचार जान के यीसु वोला कव्हयो “ओ सिमोन! मि तोला काही कव्हनो चाव्हसू।”
वोना जवाब देइस गुरूजि सांगो।
41तबा यीसु न कहीस, “कोनी साउकार का दुई करजदार होतिन, एक पाँच सौ दीनार#7:41एक दिवस को बन्नी, अना दुजो पचास दीनार लेई होतिस। 42उनको जवर काही पटावन ला नही होतो। तो उ साउकार ना उनको करजा छिमा कर देइस। वोना दुई मा कोनी साउकार लक लगत माया करयेत?”
43सिमोन ना उत्तर दियो, “मोरो समज मा मी तय करासू वोच से, जोनला लगत दे दियो गयो से।”
वोना वोको लक कहीस, “की तु साजरो कव्हासेस।” 44अना वोनो बायको कन मुरकके, सिमोन ला सांगिस, “का तु या बायको ला चोयोसेस, मि तोरो घर मा आयो, पर तु मोरो पाय धोवन लाई पानी नही देइस। पर या बायको, मोरो पाय ला आसूँ लक भिगोय के, अपरो चुन्दी लक पोछिसेस। 45तुना मोला चूमा नही देइस, पर जबा लक मि आईसेऊ, या मोरो पाय ला चुमनो नही छोड़िस। 46तुना डोस्का पर जैतून तेल लगावन नही देइस, पर येना मोरो पाय मा इतर मलन लगी। 47एको लाय मि तोला सांगसु, या बायको को लगत पाप, छिमा भई सेति। काहेका यो मोरो लक, लगत माया करासे। पर जेनको जरासो छिमा भयोसे, वा जरासो माया करासे।”
48तबा यीसु वोना बायको ला कहीस, “आव बाया जाय तोरो पाप छिमा भय गई सेति।”
49तबा जोन, यीसु को संग जेवन लाय बसाया होतीन। वय बिचारन लगीन “यो कोन से? जो पाप ला छिमा करासे।”
50तबा यीसु न वा बायको लक कहीस, “तोला तोरो बिस्वास साजरो मोक्स देइसेस, तु सान्ती लक घर जाय।”
Zvasarudzwa nguva ino
लूका 7: PSP25
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
The Powari Bible© The Word for the World International and Powari Madhya Pradesh, 2025.