WINEWEUDO TINENA 22
22
I Paulu mepau a nto Yahudi
22:1-22
1”Hei pepaekompo ka luwuno ama, imerongeomo, hapa anu aku pauo ndi omiu gagi pe'alaakoku.” 2Mansado merongeo mia hadio atuu ipepauako pau Ibarani, tepahe iramo mpomperodo. Ipotae, 3#Tin. 5:34-39 #Tin. 9:1-19a; 26:4-18 ”Ongkue to Yahudi, hina i Tarusu i wita Kilikia, sine ongkue langkai i kota andio; ipetu'uio i Gamalie paguruakune songkado uempu'uto, onaemo ka kugagi mokua mo'angaako Ira Ue Ala mengkena kana omiu luwu i tempo andio. 4#Tin. 8:3 Ka kubobarasai iramo anu mpontonda Sala-Do i Ue ranta ka domemate; tama ka beine kurako ira ka kupeweengako ira a laro torungku. 5Mongkona anu atuu moiko Sando Mpesomba Langkai maupo Majelisi Pinemota'u megagi sakosii. Inso ndi ondae kuwawa iramo wunta tiado pepaekompo i Damasi ka lumako akumo i ra'ai aku rumako ira anu mpontonda Sala-Do i Ue, anu mehinawe mbo'u i tu'ai ka wawa ira i Yerusale ka domehinuku.
6Sine a mpelempaaku lumako i ra'ai, tempono umpeda akumo i Damasi, onaemo tempono ntonga oleo, borono mepansariomo wanta anu mompokohiloa inso i langi lumimbu aku. 7Ka tebangku akumo a wita ka kurongeo suara anu mepauakune: Saulu, Saulu, tembio ka ubobarasai Aku? 8Sumangki aku: Isema Omiu, Ue? Mepau Ira: Ongkuemo i Yesu, to Nasare, anu binobarasaimu atuu. 9Ka ondae anu mentonda aku, lano domengkitao wanta atuu, sine suara-Do anu mepauakune, nahi domerongeo. 10Onaemo ka kupotae: Ue, hapake anu asalakono kuweweuo? Pau-Do i Ue ndi ongkue: Pentademo ka lakomo i Damasi. I ra'ai kopinauako luwuakoano anu kotinenaako. 11Ka hangano nami kupongkita pe'aluano wanta anu mompokohiloa mata atuu, onaemo ka dome'inio wali-waliku kaeku ka mentaate aku lumako i Damasi. 12I tu'ai hinao asa mia meneeako i Anania, asa mia anu mesomba ntu'u anu tumondao songka Taura ka teto'ori moiko i olodo to Yahudi anu mekongko i tu'ai. 13Onae aiwa mentade umpedaakune ka ipotae: Saulu, pepaekompoku, pematamo ka pongkitamo! Ka i tempo koa mbo'u atuu wali akumo mongkita ka mengkita ndi onae. 14Ka i'amba motae: Dopakosikomo Ue Alado uempu'uto ka uto'orio po'ehe-Do, ka ukitao Anu Mentee ka urongeo suara anu meluarako inso a nganga-Do. 15Hangano omue asalakono gagi sakosii-Do a luwuno mia mongkona hapa anu kinitamu ka rinongemu. 16Ka kanandio-andio, tembio ka da unanta-nanta? Pentademo ka pepebahomo ka luwuno halamu pinokomempori ka upebooli a nee-Do i Ue!
17Mansaku mekule i Yerusale ka tempo atuu kontongaaku mekakai a laro Raha-Do Ue Ala, penaaku ipabawaio pabawa-Do i Ue. 18Kukita Ira, anu mepau ndi ongkue: Pontuturakomo, rongamo bintao Yerusale, hangano nahi ira mentarimao pesakosiimu mongkona Ongkue. 19Sumangki aku: Ue, domento'orio, nine ongkuemo anu lumako inso a raha tepumpua anu aasa lumako a raha tepumpua anu susua ka anu winso ira anu mpompe'ala-ala ndi Omiu a laro torungku ka bobarasai ira. 20#Tin. 7:58 Ka tempono ka i'inuwu reano i Setepanu sakosii-Miu atuu, kongko aku i tu'ai ka me'iduakono wineweu atuu ka kudagaio sangkado anu mpepateo. 21Sine pau-Do i Ue ndi ongkue: Lakomo, hangano Aku tumenako olai inso i ndi'ai a luwuno tongku susua.”
22Palili mperorongeakono hawe a mpau atuu; sine umarino atuu, mpompu'u iramo mpebooli, dompotae, ”Impepateo mia andio inso i wawontolino! Nahi pototono tuwu!”
A mpo'iangado sorodadu
22:23-29
23Mpebooli ira mpiha saru mpetadiakono lemba meloedo ka mporawo pampawu i laro meene. 24Onaemo pu'uno ka ipeparenta petewawado sorodadu ka iwinawa i Paulu a mpo'iangado sorodadu ka metena ka ipinaresa ka domebarasaio, ka domento'orio hapa pu'uno mia hadio atuu ka dompeboo-booliakono kanatuu. 25Sine mansano pinombole i Paulu ta sinesepi, ipotaeakono petewawa sorodadu anu metugasi, ”Moiko koake imebobarasaio aasa to Roma, tamoako napi ranta binitara?” 26Rumongeo pauno atuu sorodadu anu langkai potorono atuu pauakono petewawado, ipotae, ”Hapake anu komiu weweuo? Mia atuu to Roma.” 27Ka aiwaomo petewawado sorodadu atuu ndi Paulu ka ipotae, ”Pauomo, menteeke omue miano topoparenta Roma?” Sumangki i Paulu, ”Mentee.” 28Ka i'amba motae petewawado sorodadu atuu, ”Gagi miano topoparenta atuu ku'olio masuli olino.” Sumangki i Paulu, ”Sine ongkue lano to Roma hangano hinaaku.” 29Ka ondae anu asalakono mebobarasaio, ronga mposuka; ka petewawado sorodadu mbo'u atuu doito, mansano tumo'orio, nine i Paulu, anu tinenano ponguo atuu, onaemo to Roma.
I Paulu i arodo Puu Mpobitara Agama
22:30–23:11
30Sine petewawado sorodadu atuu ineheno tumo'orio ntu'u hapa anu domentuluriakono to Yahudi ndi Paulu. Onaemo pu'uno tisomono onae metena umalao i Paulu inso a ntorungku ka meparenta, ka dompepumpu petewawado sando mpesomba ka luwuno Puu Mpobitara Agama. Ka i'amba winawa i Paulu inso a mpo'iangado sorodadu ka ipino'aro ndi ondae.
Zvasarudzwa nguva ino
WINEWEUDO TINENA 22: XMZ
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
WINEWEUDO TINENA 22
22
I Paulu mepau a nto Yahudi
22:1-22
1”Hei pepaekompo ka luwuno ama, imerongeomo, hapa anu aku pauo ndi omiu gagi pe'alaakoku.” 2Mansado merongeo mia hadio atuu ipepauako pau Ibarani, tepahe iramo mpomperodo. Ipotae, 3#Tin. 5:34-39 #Tin. 9:1-19a; 26:4-18 ”Ongkue to Yahudi, hina i Tarusu i wita Kilikia, sine ongkue langkai i kota andio; ipetu'uio i Gamalie paguruakune songkado uempu'uto, onaemo ka kugagi mokua mo'angaako Ira Ue Ala mengkena kana omiu luwu i tempo andio. 4#Tin. 8:3 Ka kubobarasai iramo anu mpontonda Sala-Do i Ue ranta ka domemate; tama ka beine kurako ira ka kupeweengako ira a laro torungku. 5Mongkona anu atuu moiko Sando Mpesomba Langkai maupo Majelisi Pinemota'u megagi sakosii. Inso ndi ondae kuwawa iramo wunta tiado pepaekompo i Damasi ka lumako akumo i ra'ai aku rumako ira anu mpontonda Sala-Do i Ue, anu mehinawe mbo'u i tu'ai ka wawa ira i Yerusale ka domehinuku.
6Sine a mpelempaaku lumako i ra'ai, tempono umpeda akumo i Damasi, onaemo tempono ntonga oleo, borono mepansariomo wanta anu mompokohiloa inso i langi lumimbu aku. 7Ka tebangku akumo a wita ka kurongeo suara anu mepauakune: Saulu, Saulu, tembio ka ubobarasai Aku? 8Sumangki aku: Isema Omiu, Ue? Mepau Ira: Ongkuemo i Yesu, to Nasare, anu binobarasaimu atuu. 9Ka ondae anu mentonda aku, lano domengkitao wanta atuu, sine suara-Do anu mepauakune, nahi domerongeo. 10Onaemo ka kupotae: Ue, hapake anu asalakono kuweweuo? Pau-Do i Ue ndi ongkue: Pentademo ka lakomo i Damasi. I ra'ai kopinauako luwuakoano anu kotinenaako. 11Ka hangano nami kupongkita pe'aluano wanta anu mompokohiloa mata atuu, onaemo ka dome'inio wali-waliku kaeku ka mentaate aku lumako i Damasi. 12I tu'ai hinao asa mia meneeako i Anania, asa mia anu mesomba ntu'u anu tumondao songka Taura ka teto'ori moiko i olodo to Yahudi anu mekongko i tu'ai. 13Onae aiwa mentade umpedaakune ka ipotae: Saulu, pepaekompoku, pematamo ka pongkitamo! Ka i tempo koa mbo'u atuu wali akumo mongkita ka mengkita ndi onae. 14Ka i'amba motae: Dopakosikomo Ue Alado uempu'uto ka uto'orio po'ehe-Do, ka ukitao Anu Mentee ka urongeo suara anu meluarako inso a nganga-Do. 15Hangano omue asalakono gagi sakosii-Do a luwuno mia mongkona hapa anu kinitamu ka rinongemu. 16Ka kanandio-andio, tembio ka da unanta-nanta? Pentademo ka pepebahomo ka luwuno halamu pinokomempori ka upebooli a nee-Do i Ue!
17Mansaku mekule i Yerusale ka tempo atuu kontongaaku mekakai a laro Raha-Do Ue Ala, penaaku ipabawaio pabawa-Do i Ue. 18Kukita Ira, anu mepau ndi ongkue: Pontuturakomo, rongamo bintao Yerusale, hangano nahi ira mentarimao pesakosiimu mongkona Ongkue. 19Sumangki aku: Ue, domento'orio, nine ongkuemo anu lumako inso a raha tepumpua anu aasa lumako a raha tepumpua anu susua ka anu winso ira anu mpompe'ala-ala ndi Omiu a laro torungku ka bobarasai ira. 20#Tin. 7:58 Ka tempono ka i'inuwu reano i Setepanu sakosii-Miu atuu, kongko aku i tu'ai ka me'iduakono wineweu atuu ka kudagaio sangkado anu mpepateo. 21Sine pau-Do i Ue ndi ongkue: Lakomo, hangano Aku tumenako olai inso i ndi'ai a luwuno tongku susua.”
22Palili mperorongeakono hawe a mpau atuu; sine umarino atuu, mpompu'u iramo mpebooli, dompotae, ”Impepateo mia andio inso i wawontolino! Nahi pototono tuwu!”
A mpo'iangado sorodadu
22:23-29
23Mpebooli ira mpiha saru mpetadiakono lemba meloedo ka mporawo pampawu i laro meene. 24Onaemo pu'uno ka ipeparenta petewawado sorodadu ka iwinawa i Paulu a mpo'iangado sorodadu ka metena ka ipinaresa ka domebarasaio, ka domento'orio hapa pu'uno mia hadio atuu ka dompeboo-booliakono kanatuu. 25Sine mansano pinombole i Paulu ta sinesepi, ipotaeakono petewawa sorodadu anu metugasi, ”Moiko koake imebobarasaio aasa to Roma, tamoako napi ranta binitara?” 26Rumongeo pauno atuu sorodadu anu langkai potorono atuu pauakono petewawado, ipotae, ”Hapake anu komiu weweuo? Mia atuu to Roma.” 27Ka aiwaomo petewawado sorodadu atuu ndi Paulu ka ipotae, ”Pauomo, menteeke omue miano topoparenta Roma?” Sumangki i Paulu, ”Mentee.” 28Ka i'amba motae petewawado sorodadu atuu, ”Gagi miano topoparenta atuu ku'olio masuli olino.” Sumangki i Paulu, ”Sine ongkue lano to Roma hangano hinaaku.” 29Ka ondae anu asalakono mebobarasaio, ronga mposuka; ka petewawado sorodadu mbo'u atuu doito, mansano tumo'orio, nine i Paulu, anu tinenano ponguo atuu, onaemo to Roma.
I Paulu i arodo Puu Mpobitara Agama
22:30–23:11
30Sine petewawado sorodadu atuu ineheno tumo'orio ntu'u hapa anu domentuluriakono to Yahudi ndi Paulu. Onaemo pu'uno tisomono onae metena umalao i Paulu inso a ntorungku ka meparenta, ka dompepumpu petewawado sando mpesomba ka luwuno Puu Mpobitara Agama. Ka i'amba winawa i Paulu inso a mpo'iangado sorodadu ka ipino'aro ndi ondae.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda