WINEWEUDO TINENA 24
24
I Paulu i arono i Pelikisi
24:1-27
1Olima oleo umarino atuu haweomo Sando Mpesomba Langkai Anania meronga saru ba opia mia mempinemota'u ka asa mia po'ala-alaako meneeako i Teretulu. Mpe'aro ira a mpetewawa i wita atuu ka domengkalakio i Paulu. 2Pinoboiomo i Paulu me'aro ka mompu'uomo i Teretulu kumalakio, ipotae, ”Pelikisi anu pinelangkai, hangano inanggamiu memanangai kami mpiha, ka hangano pandemiu mosongka hadio ntu'u anu pinokomoiko tiano tongkumami. 3Luwuno atuu ba isua-suamo koa kiwela mentarimao tedoa mpontarimakasi. 4Sine ka si hadio lahi montadi-tadi tempo, ku'emao, a mpe'aroamiu anu teto'ori atuu ka iperorongeakami sarai. 5Mengkaaomo ndi omami, nine mia andio onaemo haki lele, asa mia anu mompokomarisu i olodo luwuno to Yahudi i asa wawontolino anu mponto'ori gau, ka nine onae asa mia petewawado mia Sarani. 6Tamoako lahi i'arahakono lumaloo memporino Raha-Do Ue Ala. Onaemo pu'uno ka kimerakoo ka mingki mebitarao montonda songka Tauramami. 7Sine i Lisiasi petewawado sorodadu hawe kumaduduio ka i'alangkorao inso a ngkaemami, 8ka i'amba tumena ira anu mpekalaki me'aiwa mpe'aro ndi omiu. Tewala omiu isa'a paresao, komiumo mokonto'orio luwuakoano anu kimentuluriakono.” 9Ka to Yahudi mbo'u mpokomorosoo pekalaki atuu dompotae, nine kara-kara atuu mentee ntu'u kanatuu.
10Ka i'amba petewawa i wita atuu moweeakono petondoni ndi Paulu, nine moikoomo ipepau. Ka mepauomo i Paulu, ”Kuto'orio, nine mapata'u-ta'uomo tehineno igagi puu mpobitara a tongku andio. Onaemo pu'uno nahi kunanta-nanta tumeahakono kara-karaku andio i aromiu: 11Komiu mokomanasao, nine nahi torea inso a hopulu ka orua oleo anu telalo aku hawe mesomba i Yerusale. 12Ka nahi dohori mia mehawe aku tekonai mengengeakono asa mia ke moweweu marisua, moiko a laro Raha-Do Ue Ala, maupo a laro raha tepumpua, ke a mpo'ianga susua a ngkota. 13Ka nahi domempolio mpotisoakomiu hapa anu kanandio-andio domentuluriakune. 14Sine kumangakuakono ndi omiu, nine ongkue mesomba ndi Ondae Ue Alado uempu'umami saru montonda Sala ndi Ondae i Ue, onaemo anu nineedo Sala anu susua dompeleluakono. Kupe'ala-alao luwuakoano anu teburi a songka Taura ka a wuntado nabi. 15Ongkue momperorohi ndi Ondae Ue Ala, mengkena koa mbo'u kana ondae, nine ta hina pewanguado luwuno mia mate, moiko mia anu mentee maupo mia anu nahi mentee. 16Onaemo pu'uno ka kuwela umungkeakono tuwu a aroa anu molino i aro-Do Ue Ala ka mia. 17#Tin. 21:17-28 Ka mansano ba opia nta'u tehineno wali aku hawe i Yerusale mowawa pompowee tiado tongkuku ka mesombaakono luwuno pesomba. 18Kontongaaku weweuo luwuno atuu, ba opia ira to Yahudi inso i Asia mehawe aku a laro Raha-Do Ue Ala, umariku mokomorinao koroiku, nahina mia hadio ka nahina pegagaa. 19Ondaemo bakanaano anu asalakono aiwa mpe'aro ndi omiu i ndi'ai ka mempauo pekalakido, tewala hinao salaku ndi ondae. 20Sine po'ineeomo mia anu mekongko i ndi'ai kanandio-andio mempokomengkaao wineweu mosa'o hapa anu hinawedo, tempono ongkue i arodo Puu Mpobitara Agama. 21#Tin. 23:6 Ke bara'ura hangano aasa koa pau anu kupebooliako, tempono kupentade i tonga-tongado, onaemo: Hangano mongkona pewangudo mia mate, ongkue oleo andio winawa i aromiu.”
22Sine i Pelikisi anu tumo'orio ntu'u Sala ndi Ondae i Ue, ipotuluo kara-karado, ipotae, ”Sahaweno i Lisia petewawado sorodadu i ndi'ai, ka ku'amba pakosio kara-karamiu.” 23Ka i'amba tumenao sorodadu langkai pangkano atuu kongko tumorungkuo i Paulu, sine a monongkoano, ka si dome'inonto sambe-sambe'eno mpekakaakono.
24Ka mansano ba opia oleo haweomo i Pelikisi meronga saru kombiano i Durusila, aasa to Yahudi; onae metena moboio i Paulu, ka i'amba rumongeo inso ndi onae mongkona pompe'ala-ala ndi Ondae i Yesu Kerisituu. 25Sine mansano mepau i Paulu mongkona menteea, meteao po'eheno koroi ka pobitaraa anu ta hawe, i Pelikisi gagi doito ka ipotae, ”Sompoomo ari ka kanandio-andio lakomo; tewala hinao tempo moiko, ka ku'amba metena moboiko.” 26Kontongaano atuu iperorohio, nine i Paulu ta moweeakono doi. Onaemo pu'uno ka imararu ipoboio ka dopepau-pau.
27Sine mansano sompoomo orua nta'u, i Pelikisi i'euo i Parekiu Pesutu, ka hangano ta mo'ala-ala aroado to Yahudi, ipo'ineeo mpiha i Paulu a laro torungku.
Zvasarudzwa nguva ino
WINEWEUDO TINENA 24: XMZ
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
WINEWEUDO TINENA 24
24
I Paulu i arono i Pelikisi
24:1-27
1Olima oleo umarino atuu haweomo Sando Mpesomba Langkai Anania meronga saru ba opia mia mempinemota'u ka asa mia po'ala-alaako meneeako i Teretulu. Mpe'aro ira a mpetewawa i wita atuu ka domengkalakio i Paulu. 2Pinoboiomo i Paulu me'aro ka mompu'uomo i Teretulu kumalakio, ipotae, ”Pelikisi anu pinelangkai, hangano inanggamiu memanangai kami mpiha, ka hangano pandemiu mosongka hadio ntu'u anu pinokomoiko tiano tongkumami. 3Luwuno atuu ba isua-suamo koa kiwela mentarimao tedoa mpontarimakasi. 4Sine ka si hadio lahi montadi-tadi tempo, ku'emao, a mpe'aroamiu anu teto'ori atuu ka iperorongeakami sarai. 5Mengkaaomo ndi omami, nine mia andio onaemo haki lele, asa mia anu mompokomarisu i olodo luwuno to Yahudi i asa wawontolino anu mponto'ori gau, ka nine onae asa mia petewawado mia Sarani. 6Tamoako lahi i'arahakono lumaloo memporino Raha-Do Ue Ala. Onaemo pu'uno ka kimerakoo ka mingki mebitarao montonda songka Tauramami. 7Sine i Lisiasi petewawado sorodadu hawe kumaduduio ka i'alangkorao inso a ngkaemami, 8ka i'amba tumena ira anu mpekalaki me'aiwa mpe'aro ndi omiu. Tewala omiu isa'a paresao, komiumo mokonto'orio luwuakoano anu kimentuluriakono.” 9Ka to Yahudi mbo'u mpokomorosoo pekalaki atuu dompotae, nine kara-kara atuu mentee ntu'u kanatuu.
10Ka i'amba petewawa i wita atuu moweeakono petondoni ndi Paulu, nine moikoomo ipepau. Ka mepauomo i Paulu, ”Kuto'orio, nine mapata'u-ta'uomo tehineno igagi puu mpobitara a tongku andio. Onaemo pu'uno nahi kunanta-nanta tumeahakono kara-karaku andio i aromiu: 11Komiu mokomanasao, nine nahi torea inso a hopulu ka orua oleo anu telalo aku hawe mesomba i Yerusale. 12Ka nahi dohori mia mehawe aku tekonai mengengeakono asa mia ke moweweu marisua, moiko a laro Raha-Do Ue Ala, maupo a laro raha tepumpua, ke a mpo'ianga susua a ngkota. 13Ka nahi domempolio mpotisoakomiu hapa anu kanandio-andio domentuluriakune. 14Sine kumangakuakono ndi omiu, nine ongkue mesomba ndi Ondae Ue Alado uempu'umami saru montonda Sala ndi Ondae i Ue, onaemo anu nineedo Sala anu susua dompeleluakono. Kupe'ala-alao luwuakoano anu teburi a songka Taura ka a wuntado nabi. 15Ongkue momperorohi ndi Ondae Ue Ala, mengkena koa mbo'u kana ondae, nine ta hina pewanguado luwuno mia mate, moiko mia anu mentee maupo mia anu nahi mentee. 16Onaemo pu'uno ka kuwela umungkeakono tuwu a aroa anu molino i aro-Do Ue Ala ka mia. 17#Tin. 21:17-28 Ka mansano ba opia nta'u tehineno wali aku hawe i Yerusale mowawa pompowee tiado tongkuku ka mesombaakono luwuno pesomba. 18Kontongaaku weweuo luwuno atuu, ba opia ira to Yahudi inso i Asia mehawe aku a laro Raha-Do Ue Ala, umariku mokomorinao koroiku, nahina mia hadio ka nahina pegagaa. 19Ondaemo bakanaano anu asalakono aiwa mpe'aro ndi omiu i ndi'ai ka mempauo pekalakido, tewala hinao salaku ndi ondae. 20Sine po'ineeomo mia anu mekongko i ndi'ai kanandio-andio mempokomengkaao wineweu mosa'o hapa anu hinawedo, tempono ongkue i arodo Puu Mpobitara Agama. 21#Tin. 23:6 Ke bara'ura hangano aasa koa pau anu kupebooliako, tempono kupentade i tonga-tongado, onaemo: Hangano mongkona pewangudo mia mate, ongkue oleo andio winawa i aromiu.”
22Sine i Pelikisi anu tumo'orio ntu'u Sala ndi Ondae i Ue, ipotuluo kara-karado, ipotae, ”Sahaweno i Lisia petewawado sorodadu i ndi'ai, ka ku'amba pakosio kara-karamiu.” 23Ka i'amba tumenao sorodadu langkai pangkano atuu kongko tumorungkuo i Paulu, sine a monongkoano, ka si dome'inonto sambe-sambe'eno mpekakaakono.
24Ka mansano ba opia oleo haweomo i Pelikisi meronga saru kombiano i Durusila, aasa to Yahudi; onae metena moboio i Paulu, ka i'amba rumongeo inso ndi onae mongkona pompe'ala-ala ndi Ondae i Yesu Kerisituu. 25Sine mansano mepau i Paulu mongkona menteea, meteao po'eheno koroi ka pobitaraa anu ta hawe, i Pelikisi gagi doito ka ipotae, ”Sompoomo ari ka kanandio-andio lakomo; tewala hinao tempo moiko, ka ku'amba metena moboiko.” 26Kontongaano atuu iperorohio, nine i Paulu ta moweeakono doi. Onaemo pu'uno ka imararu ipoboio ka dopepau-pau.
27Sine mansano sompoomo orua nta'u, i Pelikisi i'euo i Parekiu Pesutu, ka hangano ta mo'ala-ala aroado to Yahudi, ipo'ineeo mpiha i Paulu a laro torungku.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda