I YOHANE 21
21
Ondae i Yesu mepopokita a ana guru-Do a wiwi rano Tiberia
21:1-14
1Ka Do'amba i Yesu mepopokita mbo'u a ana guru-Do a wiwi rano Tiberia ka Dopepopokita kanandio. 2A wiwi rano atuu mpepumpu ira i Simo Peturu, i Toma anu nineeako i Didimu, i Natanae inso i Kana i wita Galilea, luwuno anano i Sebedeu ka orua ira ana guru susua. 3#Luk. 5:5 Ipotaeako ira i Simo Peturu, ”Aku lumako mobuani.” Dompotaeakono, ”kami me'aiwa mentondako.” Mpelungka iramo ka dompe'ula a bangka, sine wongi atuu nahina hapa-hapa dompohawe. 4Mansano mompu'uomo meene, Ondae i Yesu mentade a wiwi rano; sine nahi domento'ori Ira ana guru, nine Ondaemo i Yesu atuu. 5Motae Ira i Yesu ndi ondae, ”Hei ana-Ku, hinaoke pe'inahu ndi omiu?” Mesangki ira, ”Nahina.” 6#Luk. 5:6 Onaemo ka Dopotaeako ira i Yesu, ”Imentendeo buanimiu i koanano bangka, asalakono komiu mpohawe.” Ka do'amba mentendeo buanido ka nami dompokopadiio mbo'u hangano hadiono bou. 7Motaeomo ana guru anu pinehohawa-Do i Yesu atuu ndi Peturu, ”Ondae i Ue atuu.” Mansano rumongeo i Peturu, nine Ondae i Ue atuu, onaemo ka ipokonao sangkano, hangano nahi pesangka, ka i'amba mentoa a rano. 8Ana guru anu mehano aiwa mpebangka hangano komba me'olai ira inso a ntuwu wita, bara'ura butu rua etu hiku koa ka domempadiio buani anu bukeako bou atuu. 9Tempono domehawe a ntuwu wita, domengkitao hinao waro api ka i wawono bou ka roti. 10Dopotaeako ira i Yesu, ”Imewawaomo ba te'opia bou, anu pinongko'alamiu da sarai atuu.” 11Mewuatako i Simo Peturu a bangka ka i'amba padiio buani atuu a ntuwu wita, buke bou melolangkai: asa etu ka lima pulu ka otolu botoli hadiono, ka maupo ihadio kanatuu, buani atuu nahi teberi. 12Dopotaeako ira i Yesu, ”Ime'aiwamo ka impebaku.” Nahina i olodo ana guru atuu anu sapa mesikeno ndi Ondae, ”Isemake Omiu?” Hangano domento'orio, nine Ondaemo i Ue. 13Ondae i Yesu lumako i arono, Do'alao roti ka Doweeako ira, kanatuu koa mbo'u bou atuu. 14Onaemo atuu kopentoluno Dopepopokita i Yesu a ana guru-Do umari-Do mewangu inso i olodo mia mate.
Pakambi iramo bimba-Ku
21:15-19
15Umarido mpebaku Dopotaeakono i Yesu i Simo Peturu, ”Simo, anano i Yohane, Nde upehohawa Aku koake laluaopo sekono ondae andio?” Isangki Ira i Peturu, ”Mentee Ue, Ito'orio, nine kupehohawa Komiu.” Dopotaeakono i Yesu, ”Pakambi iramo bimba-Ku.” 16Dopotaeakono mbo'u i Yesu anu kompenduano, ”Simo, anano i Yohane, nde upehohawa Aku koake?” Isangki Ira i Peturu, ”Mentee Ue, Ito'orio, nine kupehohawa Komiu.” Dopotaeakono i Yesu, ”Pakambi iramo bimba-Ku.” 17Dopotaeakono i Yesu anu kopentoluno, ”Simo, anano i Yohane, nde upehohawa Aku koake?” Masusaomo aroano i Peturu hangano pentolumo Dopotaeakono i Yesu, ”Nde upehohawa Aku koake?” Ka ipotaeako Ira, ”Ue, Ito'orio luwuakoano, Ito'orio, nine kupehohawa Komiu.” Dopotaeakono i Yesu, ”Pakambi iramo bimba-Ku. 18Kupauakomu: Menteeano tempono da umongura meboo ntongako omuemu ka upelempa ba isuamo koa inehemu, sine tewala mota'ukomo, kotumasio kaemu ka mia susua ta umonggoko ka wawako a mpo'ianga anu nahi ukakahanio.” 19Ka Dopauo mongkona andio mopoto'orio kana'umpe ba imate i Peturu ka ipokomaramba Ira Ue Ala. Umari-Do mepau kanandio Dopotaeakono i Peturu, ”Tonda Akumo.”
Ana guru anu pinehohawa-Do i Yesu
21:20-23
20 #
Yoh. 13:25
Mansano mewolili i Peturu, ikitao nine ana guru anu pinehohawa-Do i Yesu kontongaano tumonda ira, onaemo ana guru anu i tempono kontongaado mpongkaa mperonga mentoro umpeda ndi Ondae i Yesu ka anu motae, ”Ue, isemake onae anu ta meweengako Komiu?” 21Tempono ikitao i Peturu ana guru atuu, ipotaeako Ira i Yesu, ”Ue, hapake anu ta gagi ndi onae andio?” 22Sumangki Ira i Yesu, ”Tewala inehe-Ku ka kongko tuwu ranta ka Kuhawe, komba to'oriamu atuu. Sine omue: tonda Akumo.” 23Ka tepaleleomo lele i olodo anu mpepe'etu atuu, nine ana guru atuu nahi ta mate. Sine Ondae i Yesu nahi Dopauakono i Peturu, nine ana guru atuu nahi ta mate, tendeano, ”Tewala inehe-Ku ka i kongko tuwu ranta ka Kuhawe, komba to'oriamu atuu.”
Pau pokotompa
21:24-25
24Onaemo ana guru anu mesakosii mongkona luwuno andio ka anu buriomo ka tomento'orio, nine pesakosiino atuu mentee.
25Da hadio mbo'u anu susua anu wineweu-Do i Yesu, sine tewala luwuno atuu asalakono ka ibinuri nte'o'asa, ka bara'ura wawontolino andio nahi poko'ulao luwuno wunta anu asalakono binuri atuu.
Zvasarudzwa nguva ino
I YOHANE 21: XMZ
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
I YOHANE 21
21
Ondae i Yesu mepopokita a ana guru-Do a wiwi rano Tiberia
21:1-14
1Ka Do'amba i Yesu mepopokita mbo'u a ana guru-Do a wiwi rano Tiberia ka Dopepopokita kanandio. 2A wiwi rano atuu mpepumpu ira i Simo Peturu, i Toma anu nineeako i Didimu, i Natanae inso i Kana i wita Galilea, luwuno anano i Sebedeu ka orua ira ana guru susua. 3#Luk. 5:5 Ipotaeako ira i Simo Peturu, ”Aku lumako mobuani.” Dompotaeakono, ”kami me'aiwa mentondako.” Mpelungka iramo ka dompe'ula a bangka, sine wongi atuu nahina hapa-hapa dompohawe. 4Mansano mompu'uomo meene, Ondae i Yesu mentade a wiwi rano; sine nahi domento'ori Ira ana guru, nine Ondaemo i Yesu atuu. 5Motae Ira i Yesu ndi ondae, ”Hei ana-Ku, hinaoke pe'inahu ndi omiu?” Mesangki ira, ”Nahina.” 6#Luk. 5:6 Onaemo ka Dopotaeako ira i Yesu, ”Imentendeo buanimiu i koanano bangka, asalakono komiu mpohawe.” Ka do'amba mentendeo buanido ka nami dompokopadiio mbo'u hangano hadiono bou. 7Motaeomo ana guru anu pinehohawa-Do i Yesu atuu ndi Peturu, ”Ondae i Ue atuu.” Mansano rumongeo i Peturu, nine Ondae i Ue atuu, onaemo ka ipokonao sangkano, hangano nahi pesangka, ka i'amba mentoa a rano. 8Ana guru anu mehano aiwa mpebangka hangano komba me'olai ira inso a ntuwu wita, bara'ura butu rua etu hiku koa ka domempadiio buani anu bukeako bou atuu. 9Tempono domehawe a ntuwu wita, domengkitao hinao waro api ka i wawono bou ka roti. 10Dopotaeako ira i Yesu, ”Imewawaomo ba te'opia bou, anu pinongko'alamiu da sarai atuu.” 11Mewuatako i Simo Peturu a bangka ka i'amba padiio buani atuu a ntuwu wita, buke bou melolangkai: asa etu ka lima pulu ka otolu botoli hadiono, ka maupo ihadio kanatuu, buani atuu nahi teberi. 12Dopotaeako ira i Yesu, ”Ime'aiwamo ka impebaku.” Nahina i olodo ana guru atuu anu sapa mesikeno ndi Ondae, ”Isemake Omiu?” Hangano domento'orio, nine Ondaemo i Ue. 13Ondae i Yesu lumako i arono, Do'alao roti ka Doweeako ira, kanatuu koa mbo'u bou atuu. 14Onaemo atuu kopentoluno Dopepopokita i Yesu a ana guru-Do umari-Do mewangu inso i olodo mia mate.
Pakambi iramo bimba-Ku
21:15-19
15Umarido mpebaku Dopotaeakono i Yesu i Simo Peturu, ”Simo, anano i Yohane, Nde upehohawa Aku koake laluaopo sekono ondae andio?” Isangki Ira i Peturu, ”Mentee Ue, Ito'orio, nine kupehohawa Komiu.” Dopotaeakono i Yesu, ”Pakambi iramo bimba-Ku.” 16Dopotaeakono mbo'u i Yesu anu kompenduano, ”Simo, anano i Yohane, nde upehohawa Aku koake?” Isangki Ira i Peturu, ”Mentee Ue, Ito'orio, nine kupehohawa Komiu.” Dopotaeakono i Yesu, ”Pakambi iramo bimba-Ku.” 17Dopotaeakono i Yesu anu kopentoluno, ”Simo, anano i Yohane, nde upehohawa Aku koake?” Masusaomo aroano i Peturu hangano pentolumo Dopotaeakono i Yesu, ”Nde upehohawa Aku koake?” Ka ipotaeako Ira, ”Ue, Ito'orio luwuakoano, Ito'orio, nine kupehohawa Komiu.” Dopotaeakono i Yesu, ”Pakambi iramo bimba-Ku. 18Kupauakomu: Menteeano tempono da umongura meboo ntongako omuemu ka upelempa ba isuamo koa inehemu, sine tewala mota'ukomo, kotumasio kaemu ka mia susua ta umonggoko ka wawako a mpo'ianga anu nahi ukakahanio.” 19Ka Dopauo mongkona andio mopoto'orio kana'umpe ba imate i Peturu ka ipokomaramba Ira Ue Ala. Umari-Do mepau kanandio Dopotaeakono i Peturu, ”Tonda Akumo.”
Ana guru anu pinehohawa-Do i Yesu
21:20-23
20 #
Yoh. 13:25
Mansano mewolili i Peturu, ikitao nine ana guru anu pinehohawa-Do i Yesu kontongaano tumonda ira, onaemo ana guru anu i tempono kontongaado mpongkaa mperonga mentoro umpeda ndi Ondae i Yesu ka anu motae, ”Ue, isemake onae anu ta meweengako Komiu?” 21Tempono ikitao i Peturu ana guru atuu, ipotaeako Ira i Yesu, ”Ue, hapake anu ta gagi ndi onae andio?” 22Sumangki Ira i Yesu, ”Tewala inehe-Ku ka kongko tuwu ranta ka Kuhawe, komba to'oriamu atuu. Sine omue: tonda Akumo.” 23Ka tepaleleomo lele i olodo anu mpepe'etu atuu, nine ana guru atuu nahi ta mate. Sine Ondae i Yesu nahi Dopauakono i Peturu, nine ana guru atuu nahi ta mate, tendeano, ”Tewala inehe-Ku ka i kongko tuwu ranta ka Kuhawe, komba to'oriamu atuu.”
Pau pokotompa
21:24-25
24Onaemo ana guru anu mesakosii mongkona luwuno andio ka anu buriomo ka tomento'orio, nine pesakosiino atuu mentee.
25Da hadio mbo'u anu susua anu wineweu-Do i Yesu, sine tewala luwuno atuu asalakono ka ibinuri nte'o'asa, ka bara'ura wawontolino andio nahi poko'ulao luwuno wunta anu asalakono binuri atuu.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda