Luke 13
13
1ᩅᩮᩃᩣᨿᩣ᩠ᨾᨶ᩠ᨶᩢᩢ ᨤ᩠ᨶᩫᩃᩣ᩠ᨦᨹ᩠ᩋ᩵ᨦᨡᩮᩣᩢᩉᩱ᩠ᩅᩢ ᩈᩣᨳ᩠ᨦᩨᨴᩦ᩵ᨴ᩠ᨶᩤ᩵ᨧᩮᩣᩢᩢᩅᩤ᩵ ᨾᩮ᩠ᩋᩨ᩵ᨷᩢᨻᩳᩉ᩠ᨦᩨᨶᩣ᩠ᨶᨶ᩠ᨶᩢᩢ ᨹᩪᩢᨸ᩠ᨠᩫᨤ᩠ᩋᨦᨷᩥᩃ᩠ᨯᩢ ᨧᩢᩈ᩠ᨦᩫ᩵ᩃᩪᨠᩈ᩠ᨠᩧᨾ᩠ᨶᩢᨻᩱᨥᩣ᩵ᨤ᩠ᨶᩫᨾᩮ᩠ᨦᩨᨣᩤᩃᩥᩃᩯ ᩋ᩠ᨶᩢᨾᩣᨷᩪᨩᩣ ᨻᩕᨧᩮᩣᩢᩢᩀᩪ᩵ᨶ᩠ᨶᩢᩢᩓ᩠ᩅᩢ᪩ 2ᨿᩣ᩠ᨾᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᩅᩤ᩵ “ᨡᩮᩣᩢᩢᨩᩮ᩠ᩋᩨᨶ᩠ᨶᩢᩢ ᨾᩦᨶ᩠ᨠᩢᨴᩰ᩠ᩇᨴᩩᨧᩁ᩠ᨲᩥᩉᩮᩖᩨᩋᨤ᩠ᨶᩫᨾᩮ᩠ᨦᩨᨣᩤᩃᩥᩃᩯ ᨠᩣᩴᩢᨹ᩠ᩋ᩵ᨦᨠ᩠ᩋ᩵ᩁ ᨧ᩠ᨦᩥ᩵ᩅᩤ᩵ᨯᩱᩢᨳ᩠ᨷᩫᨽᩮᨯ᩠ᨦᩢ᩵ᨶᩦᩋ᩠ᨶᩢᩅᩤ᩵ᨶ᩠ᨶᩢᩢ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ ᨶ᩠ᨠᩧᩅᩤ᩵ᨯ᩠ᨦᩢ᩵ᨶᩦᩢᩌᩣᩢ᪩ 3ᨷᩢᨩᩱ᩵ᨣᩣᩴᨯ᩠ᨿᩴᩓ᪩ ᨣᩪᨧᩢᨷ᩠ᩋᨠᨠᩣ᩠ᩅ᩵ᩉᩨᩢᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ᪩ ᨳᩣᩢᩅᩤ᩵ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨴ᩠ᨦᩢᩈ᩠ᨿᨦᩢ ᨷᩢᨯᩱᩢᩈᩴᩅᩮ᩠ᨣᨣ᩠ᨯᩧᨹ᩠ᨯᩥ ᨠ᩠ᨶᩥᩉᩯ᩠ᨶᨦᨶ᩠ᨶᩢᩢ ᨣᩢᨧᩢᨯᩱᩢᩃᩩᩉᩯᩖᩅᩉᩮ᩠ᨾᩨᩁᨯ᩠ᨦᩢ᩵ᨶᩦᩢᩓ᪩ 4ᨤ᩠ᨶᩫᩈ᩠ᨷᩥᨸᩯ᩠ᨯᨣᩳᩢᨡᩮᩣᩢᨩᩮ᩠ᩋᩨᨶ᩠ᨶᩢᩢ ᨾᩮ᩠ᩋᩨ᩵ᩉᩳᨾᩩ᩵ᨦᩈᩥᩃ᩠ᩋ᩵ᨦm ᨯᩱᩢᨠ᩠ᨦᩢᨻᩱᨶ᩠ᨶᩢᩢᨯᩱᩢ ᩃ᩠ᨾᩫᩢᨲᩮ᩠ᨦᩈᩱ᩵ᩓ᩠ᩅᩢ ᨯᩱᩢᨲᩣ᩠ᨿᨻᩱᩅᩤ᩵ᩋ᩠ᨶᩢᩢᩓ᪩ ᨡᩮᩣᩢᨩᩮ᩠ᩋᩨᨶ᩠ᨶᩢᩢ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨶ᩠ᨠᩧᩅᩤ᩵ ᨡᩮᩣᩢᨾᩦᨶ᩠ᨠᩢᨴᩰ᩠ᩇᨴᩩᨧᩁ᩠ᨲᩥᩉᩮᩖᩨᩋ ᨤ᩠ᨶᩫᨠᩣᩴᩢᨹ᩠ᩋ᩵ᨳᩋ᩠ᨶᩢᩀᩪ᩵ᨴᩦ᩵ᩅ᩠ᨿᨦᨩᩮᩁᩩᩈᩃᩮ᩠ᨾᨶ᩠ᨶᩢᩢᩌᩣᩢ᪩
ᨲ᩠ᨶᩫᩢᩉ᩠ᨾᩣ᩠ᨠᩃᩮ᩠ᩋᩨ᩵ᩋ᩠ᨶᩢ ᨷᩢᩋ᩠ᩋᨠᩉ᩠ᩅ᩠ᨿ᩠ᨶ᩵ 56ᩅᩣ᩠ᨿᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢ ᨷ᩠ᩋᨠᨠᩣ᩠ᩅ᩵ᩉᩯ᩠ᨶᩏᨷᨾᩣ ᨠᩯ᩵ᩃᩪᨶ᩠ᩋᨦᩢᩅᩤ᩵ “ᨤ᩠ᨶᩫᨣᩳᩢ ᪑ ᨴᩦ᩵ᨶᩱᩈ᩠ᩅᩁᩉ᩠ᨾᩣ᩠ᨠᩋ᩠ᨯᩦ ᩉᩯ᩠ᨦ᩵ᨾ᩠ᨶᩢᨯᩱᩢᩐᩣᩢᨩᩮ᩠ᩋᩨᨲ᩠ᨶᩫᩢᩉ᩠ᨾᩣ᩠ᨠᨯᩮ᩠ᩋᩨ᩵ᨲ᩠ᨶᩫᩢ ᪑ ᨸᩪᨠᩅᩱᩢᨶ᩠ᨶᩢᩢ ᨾᩦᩅ᩠ᨶᩢ ᪑ ᨾ᩠ᨶᩢᨤᩱ᩵ᨯᩱᩢᩉ᩠ᨾᩣ᩠ᨠᩃᩮ᩠ᩋᩨ᩵ ᨧ᩠ᨦᩥ᩵ᨯᩱᩢᨻᩱᨴ᩠ᩅ᩠ᨿᨴᩦ᩵ᨶᩱᩈ᩠ᩅᩁᩋ᩠ᨶᩢᨾ᩠ᨶᩢᨸᩪᨠᩅᩱᩢᨶ᩠ᨶᩢᩢ ᨷᩢᩉ᩠ᨶᩢᨾᩦᩉ᩠ᩅ᩠ᨿ᩠ᨶ᩵ᩉ᩠ᨾᩣ᩠ᨠᩃᩮ᩠ᩋᩨ᩵”᪩ 7ᨼᩰ᩠ᩋᩡᩈ᩠ᨶᩢᨶ᩠ᨶᩢᩢ ᨾ᩠ᨶᩢᨧ᩠ᨦᩥ᩵ᩁ᩠ᩋᨦᩢᩐᩣᩢᨧᩣ᩵ᩈ᩠ᩅᩁ ᨹᩪᩢᨻᩱᩢᩈ᩠ᩅᩁᩈᩮᩓ᩠ᩅᩢ ᨳᩣ᩠ᨾᨴ᩠ᩅ᩠ᨿᩅᩤ᩵ ᨲ᩠ᨶᩫᩢᩉ᩠ᨾᩣ᩠ᨠᨯᩮ᩠ᩋᩨ᩵ᨶᩦᩢᨸᩪᨠᩅᩱᩢᨾᩦᩈᩣ᩠ᨾᨸᩦᩓ᩠ᩅᩢ᪩ ᩉ᩠ᨾᩣ᩠ᨠᨣᩢᨷᩢᩉ᩠ᨶᩢᨾᩦ᪨ ᨷᩢᨾᩦᨷᩕᨿᩰ᩠ᨯᩋ᩠ᨶᩢᨯᩱ ᩈ᩠ᨾᩫᨣ᩠ᩅᩁᨯᩦᨲ᩠ᨯᩢᨻᩯ᩠ᨯᨣᩭᩓ᪩ 8ᨲᩯ᩵ᩅᩤ᩵ ᨧᩣ᩵ᩈ᩠ᩅᩁᨪᩣᩴᩢᩅᩤ᩵ ᨻᩱᩢᨴ᩠ᩅ᩠ᨿᨳᩯ᩠ᨦᩢᨸᩦ ᪑ ᨠ᩠ᩋ᩵ᩁᩓ᪩ 9ᨻᩳᩅᩤ᩵ᩋ᩠ᨶᩢᩢ “ᨣᩢᨻᩱᩢᨴ᩠ᩅ᩠ᨿᨳᩯ᩠ᨦᩢᨸᩦ ᨳᩣᩢᨷᩢᩋ᩠ᩋᨠᩉ᩠ᩅ᩠ᨿ᩠ᨶ᩵ᨴᩯᩢ ᨣᩢᨧᩢᨯᩱᩢᨲ᩠ᨯᩢᨻᩯ᩠ᨯᩈᩮᩓ ᨸ᩠ᨦᩫᩋᩣᨩ᩠ᨬᩣ” ᩅᩤ᩵ᨯ᩠ᨦᩢ᩵ᨶᩦᩢᨯᩯ᩵᪩
ᨿᩰ᩠ᨠᨿᩣᨸ᩠ᨶᩢᩉᩨᩢᨶᩣ᩠ᨦᨿ᩠ᨦᩥᨣᩳᩢ ᪑ ᨾᩮ᩠ᩋᩨ᩵ᩅ᩠ᨶᩢᩈ᩠ᩃᩦ 10ᨾᩦᩅ᩠ᨶᩢᩈ᩠ᩃᩦᩅ᩠ᨶᩢ ᪑ ᨴ᩠ᨶᩤ᩵ᨧᩮᩣᩢᩢᨯᩱᩢᨴᩮᩈᨶᩣ ᩈ᩠ᨦᩢ᩵ᩈ᩠ᩋᩁᩀᩪ᩵ᨴᩦ᩵ᨶᩱᩁᩰ᩠ᨦᨵᨾ᩠ᨾ᩼ᩉᩯ᩠ᨦ᩵ ᪑ ᨶ᩠ᨶᩢᩢ᪩ 11ᨯᩱᩢᨾᩦᨶᩣ᩠ᨦᨿ᩠ᨦᩥᨤ᩠ᨶᩫ ᪑ ᨳᩪᨠᨹᩦᩁᩣ᩠ᨿᩢᨡᩮᩣᩢᩢᩈᩮᩓ᩠ᩅᩢ ᩉᩮ᩠ᨯᩉᩨᩢᩉᩖᨦᩢᨣᩳ ᨷᩢᨩᩣ᩠ᨦ᩵ᨧᩩᨠᨯᩱᩢᨪᩨ᩵᩵ᪧ ᨯᩱᩢᩈ᩠ᨷᩥᨸᩯ᩠ᨯᨸᩦᩓ᩠ᩅᩢᩅᩤ᩵ᩋ᩠ᨶᩢᩢ᪩ 12ᨴ᩠ᨶᩤ᩵ᨧᩮᩣᩢᩢᨯᩱᩢᩉ᩠ᨶᩢᩓ᩠ᩅᩢ ᨣᩢᩁ᩠ᩋᩢᨦᩐᩣᩢᨹᩪᩢᨿ᩠ᨦᩥᨶ᩠ᨶᩢᩢᨾᩣᩉᩣ “ᨶᩣ᩠ᨦᨿ᩠ᨦᩥ ᨲ᩠ᨦᩢᩢᩐᩣᩢᨿᩣ᩠ᨾᨶᩦᩢᨻᩱᨴ᩠ᨶᩤ᩵ᩉᩣ᩠ᨿᨯᩦ ᩉᩮ᩠ᨾᩨᩁᨠᩮᩣᩢ᩵ᩓ᩠ᩅᩢᩓ” ᩅᩤ᩵ᩋ᩠ᨶᩢᩢᩓ᩠ᩅᩢ᪩ 13ᨣᩢᩐᩣᩢᨾᩨᨴ᩠ᨶᩤ᩵ᨧᩮᩣᩢᩢ ᨲᩣ᩠ᨦ᩵ᩉᩮ᩠ᨶ᩠ᩋᩨ ᩉ᩠ᩅᩫᨾ᩠ᨶᩢᨶᩣ᩠ᨦᨶ᩠ᨶᩢᩢ ᨣᩢᩃ᩠ᩅᨯᨣ᩠ᨦᩨᩢᨣ᩠ᨦᩤᩢᨿ᩠ᨠᩫᩋᩯ᩠ᩅᨯᩱᩢ ᨧᩩᨠᨡ᩠ᨶᩨᩢᨾᩣᩓ᩠ᩅᩢ ᨿ᩠ᨠᩫᨿᩳᨣᩩᨱᨻᩕᨧᩮᩣᩢᩢᩅᩤ᩵ᩋ᩠ᨶᩢᩢᩓ᪩ 14ᨲᩉ᩵ᩅᩤ᩵ ᨾᩮ᩠ᩋᩨ᩵ᩅ᩠ᨶᩢᩈ᩠ᩃᩦᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᨿᩮ᩵ᨪᩩ ᨠᩣᩴ᩠ᨴᩉᩨᩢᩁᩰ᩠ᨣᨧᩮ᩠ᨷᩉᩣ᩠ᨿᨤᩯ᩠ᩅᩁᨻᩱᨯ᩠ᨦᩢ᩵ᨶ᩠ᨶᩢᩢ᪨ ᨹᩪᩢᨩᩣ᩠ᨿᩋ᩠ᨶᩢᩁ᩠ᨷᩢᩉ᩠ᨶᩣᩢᨴᩦ᩵ᨻᩱᩢᨴᩦ᩵ᩁᩰ᩠ᨦᨵᨾ᩠ᨾ᩼ᨶ᩠ᨶᩢᩢ ᨯᩱᩢᩋ᩠ᩋᨠᨴᩮᩤᩈ ᨾᩦᨣ᩠ᩅᩣ᩠ᨾᨣ᩠ᨿᨯᨩᩣᩢᩈᩮᩓ᩠ᩅᩢ ᩅᩤ᩵ᩉᩨᩢᨤ᩠ᨶᩫᨴ᩠ᨦᩢᩉᩖᩣ᩠ᨿᩅᩤ᩵ “ᩅ᩠ᨶᩢᩉᩮ᩠ᨯᨠᩣ᩠ᩁᨶᩦᩢᨾᩦᩉ᩠ᨠᩫᩅ᩠ᨶᩢ ᩉᩨᩢᨾᩣᨿᩰ᩠ᨣᨿᩣᨯᩱᩢ ᩅ᩠ᨶᩢᩈ᩠ᩃᩦᨶᩦᩢᨷᩢᨲ᩠ᩋᩢᨦᨾᩣ” ᩅᩤ᩵ᨯ᩠ᨦᩢ᩵ᩋ᩠ᨶᩢᩢ᪩ 15ᨿᩣ᩠ᨾᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢᩅᩤ᩵ “ᨤ᩠ᨶᩫᩋ᩠ᨶᩢᩉᩮ᩠ᨯᨹᩪᩢᩏᨽᩥᨸᩮ᩠ᨶᨤ᩠ᨶᩫᨯᩦᨡᩮᩣᩢᨶ᩠ᨶᩢᩢ᪩ ᨾᩮ᩠ᩋᩨ᩵ᩅ᩠ᨶᩢᩈ᩠ᩃᩦᨸ᩵ᩭᩅ᩠ᩅᩫᨻᩱ ᨸ᩵ᩭᨾᩣᩢᨻᩱᨠ᩠ᨶᩥᨶᩣᩴᩢᨷᩢᨩᩱ᩵ᩌᩣᩢ᪩ 16ᨻᩳᩅᩤ᩵ᨯ᩠ᨦᩢ᩵ᩋ᩠ᨶᩢᩢ ᨶᩱᩈ᩠ᨷᩥᨸᩯ᩠ᨯᨸᩦᩃᩩᨾᪧ ᨯᩱᩢᩁ᩠ᨷᩢᨴᩕ᩠ᨦᩫᨼ᩠ᨿᩣᨾᩣ᩠ᨶᨹᩦᩁᩣ᩠ᨿᩢᩉᩮ᩠ᨯᩉᩨᩢ ᩃᩪᨠᨿ᩠ᨦᩥᩋᩣᨻ᩠ᩃᩡᩉᩴ ᨣ᩠ᩅᩁᨯᩦᨸ᩵ᩭᩉᩨᩢᨶᩱᩅ᩠ᨶᩢᩈ᩠ᩃᩦᨶ᩠ᨶᩢᩢ ᨣᩭᨷᩢᨩᩱ᩵ᩌᩣᩢ” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᩓ᪩ 17ᨯ᩠ᨦᩢ᩵ᨴ᩠ᨶᩤ᩵ᨧᩮᩣᩢᩢᨯᩱᩢ ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᩋ᩠ᨶᩢᩢ ᨠᩣᩴ᩠ᨴᩉᩨᩢᨹᩪᩢᩋ᩠ᨶᩢᨡ᩠ᨯᩢᨤᩣ᩠ᨶᩢᨴ᩠ᨶᩤ᩵ᨧᩮᩣᩢᩢᨡᩮᩣᩢᨩᩮ᩠ᩋᩨᨶ᩠ᨶᩢᩢ ᩋᩣ᩠ᨿᩈᩮᩓ᩠ᩅᩢ ᨯ᩠ᨦᩢ᩵ᨤ᩠ᨶᩫᨾᩮ᩠ᨦᩨᨴ᩠ᨦᩢᩉᩖᩣ᩠ᨿᨴᩯᩢ ᨸᩮ᩠ᨶᩋ᩠ᨶᩢᩋᩔᨧ᩠ᨶᩢᩓ᩠ᩅᩢ ᨣᩢᨸᩮ᩠ᨶᩋ᩠ᨶᩢᨩ᩠ᨾᩫᨩ᩠ᨶᩨ᩵ᨿ᩠ᨶᩥᨯᩦ ᨯ᩠ᩅ᩠ᨿᩢᨴ᩠ᨶᩤ᩵ᨧᩮᩣᩢᩢᨣᩢᨾᩦᩅ᩠ᨶᩢᨶ᩠ᨶᩢᩢᩓ᪩ 18ᩅᩣ᩠ᨿᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢᩅᩤ᩵ “ᩈᩣᩈᨶᩣᨻᩕᨧᩮᩣᩢᩢᨶᩦᩢ ᨾ᩠ᨶᩢᩉᩮ᩠ᨾᩨᩁᩀ᩵ᩣ᩠ᨦᨯᩱ᪩ ᨧᩢᨯᩱᩢᨷᩕ᩠ᨿᨷᨴ᩠ᨷᨾᩉᩯ᩠ᨶᩀ᩵ᩣ᩠ᨦᨯᩱᩋ᩠ᨶᩢᩅᩤ᩵ᨶ᩠ᨶᩢᩢ᪩ 19ᩉᩮ᩠ᨾᩨᩁᨯ᩠ᨦᩢ᩵ᨩᩮ᩠ᩋᩨᩢ ᨾᩮ᩠ᨯᨹ᩠ᨠᩢᨠᩣ᩠ᨯᨯᩣᩴnᨶ᩠ᨶᩢᩢᩓ᪩ ᨳᩣᩢᩅᩤ᩵ᨤ᩠ᨶᩫᨣᩳᩢ ᪑ ᩐᩣᩢᨩᩮ᩠ᩋᩨᩢᨾᩮ᩠ᨯᨻᩱᨸᩪᨠᨴᩦ᩵ᨶᩱᩈ᩠ᩅᩁᨶ᩠ᨶᩢᩢ ᩃᩩᨠᨧᩣ᩠ᨠᨴᩦ᩵ᨩᩮ᩠ᩋᩨᩢᨾᩮ᩠ᨯᨶ᩠ᨶᩢᩢᩈᩮᩓ᩠ᩅᩢ᪩ ᨲ᩠ᨶᩫᩢᨧᩢᩉᩱ᩠ᨿ᩵ᨡ᩠ᨶᩨᩢᨾᩣ ᨾᩦᨠ᩠ᨦᩥ᩵ᨾᩱᩢᨠᩣ᩠ᨶᩢᩈᩣᨡᩣᨲᩮ᩠ᨾᨳ᩠ᩅᩁᩢᩓ᩠ᩅᩢ ᨴ᩠ᩋᨦᩢᨼᩣᩢᨧᩢᨸᩮ᩠ᨶᨴᩦ᩵ᩀᩪ᩵ ᩁ᩠ᨦᩢᨶ᩠ᨠᩫᨴ᩠ᨦᩢᩉᩖᩣ᩠ᨿᩓ” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᩓ᪩ 20ᨪᩣᩴᩢᨳᩯ᩠ᨦᩢᨴ᩠ᨶᩤ᩵ᨧᩮᩣᩢᩢᩅᩤ᩵ “ᩈᩣᩈᨶᩣᨡ᩠ᩋᨦᨻᩕᨧᩮᩣᩢᩢᨶᩦᩢ ᨪᩣᩴᩢᩉᩮ᩠ᨾᩨᩁᨯ᩠ᨦᩢ᩵ᩁᩨᨳᩯ᩠ᨦᩢ ᨯᩱᩢᨷᩕ᩠ᨿᩣᨴ᩠ᨿᨾᩉᩯ᩠ᨶ 21ᩋ᩠ᨶᩢᨶᩦᩢᩉᩮ᩠ᨾᩨᩁᨯ᩠ᨦᩢ᩵ᨸᩯ᩠ᨦᩢᨶ᩠ᨶᩢᩢᩓ᪩ ᨳᩣᩢᩅᩤ᩵ᨶᩣ᩠ᨦᨿ᩠ᨦᩥᨤ᩠ᨶᩫ ᪑ ᩐᩣᩢᨸᩯ᩠ᨦᩢᩋ᩠ᨯᩥᪧᩉ᩠ᨶᩭᪧ ᩐᩣᩢᨷᩕᩈ᩠ᨾᩫᨠ᩠ᨷᩢᨡᩮᩣᩢᩢᨧᩩ᩵ᨦ ᩈᩣ᩠ᨾᩈ᩠ᩅ᩵ᩁᨶ᩠ᨦᩨ᩵ᩈ᩠ᩅ᩵ᩁᨶ᩠ᨶᩢᩢ ᨠᩣᩴ᩠ᨴᩉᩨᩢᨡᩮᩣᩢᩢᨾᩩᩁᨶ᩠ᨶᩢᩢ ᨣᩱ᩵ᨡ᩠ᨶᩨᩢᨾᩣᩓ” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᨣᩢᨾᩦᨯᩯ᩵᪩ 22ᩅᩣ᩠ᨿᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢᨶᩦᩢ ᩅᩮᩃᩣᨾᩮ᩠ᩋᩨ᩵ᨯᩮ᩠ᨶᩨᨴᩤ᩠ᨦᨻᩱᨩ᩠ᩋᨾᨷᩤ᩠ᨶᩢᨩ᩠ᩋᨾᩅ᩠ᨿᨦᨩᩮ᩠ᩋᩨᨶ᩠ᨶᩢᩢ ᨣᩢᨯᩱᩢᨴᩮᩈᨶᩣᩈ᩠ᨦᩢ᩵ᩈ᩠ᩋᩁᩉᩨᩢ ᨤ᩠ᨶᩫᨾᩮ᩠ᨦᩨᨴ᩠ᨦᩢᩉᩖᩣ᩠ᨿᩓ᩠ᩅᩢ ᨯᩱᩢᨻᩱᨳ᩠ᨦᩨᨴᩦ᩵ᩅ᩠ᨿᨦᨩᩮᩁᩩᩈᩃᩮ᩠ᨾᩉ᩠ᨶᩢᩢᩓ᪩ 23ᨤ᩠ᨶᩫᨣᩳᩢ ᪑ ᨯᩱᩢᩉᩱ᩠ᩅᩢᩈᩣᩅᩤ᩵ “ᨧᩮᩣᩢᩢ᪨ ᨹᩣ᩠ᨿᨷᩕᩰ᩠ᨯᨤ᩠ᨶᩫᩋ᩠ᨯᩥ ᪑ ᨣᩭᩌᩣᩢ”
ᨳᩣ᩠ᨾᩅᩤ᩵ᨯ᩠ᨦᩢ᩵ᩋ᩠ᨶᩢᩢ᪩ 24ᨿᩣ᩠ᨾᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᨪᩣᩴᩢᩅᩤ᩵ ᨡᩳᩉᩨᩢᨡ᩠ᨯᩢᨧᩱᨡᩮᩣᩢᩢᨻᩱᨶᩱᨸᩡᨲᩪ ᩋ᩠ᨶᩢᨣᩯ᩠ᨷᨶ᩠ᨶᩢᩢᩓ᪩ ᨣᩪᨧᩢᩅᩤ᩵ᩉᩯ᩠ᨶ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ᪩ “ᨴᩦ᩵ᨸᩡᨲᩪᨶ᩠ᨶᩢᩢᨤ᩠ᨶᩫᨴ᩠ᨦᩢᩉᩖᩣ᩠ᨿᨧᩢᨡ᩠ᨯᩢᨧᩱᨡᩮᩣᩢᩢᨻᩱᩈᩮᨴᩤᩢ ᨷᩢᨩᩱ᩵ᨩᩣ᩠ᨦ᩵ᨡᩮᩣᩢᩢᨻᩱᨯᩱᩢ”᪩ 25ᨼᩰ᩠ᩋᩡᩅᩤ᩵ᨧᩮᩣᩢᩢᩁᩮ᩠ᨶᩨ ᩃᩩᨠᨾᩣᩋ᩠ᨯᩧᨸᩡᨲᩪᩈᩮᩓ᩠ᩅᩢ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ ᨧᩢᨯᩱᩢᨧᩩᨠᩀᩪ᩵ᨻᩣ᩠ᨿᨶ᩠ᩋᨠᩈᩮ “ᨧᩮᩣᩢᩢᩁᩮ᩠ᨶᩨᨧᩮᩣᩢᩢᩁᩮ᩠ᨶᩨ᪨ ᨹ᩠ᨿᩩ᩵ᨸᩡᨲᩪᨸ᩠ᨶᩢᨹ᩠ᩋ᩵ᨦᩓ” ᩅᩤ᩵ᩋ᩠ᨶᩢᩢ᪩
ᨣᩭᨲᩯ᩵ᩅᩤ᩵ᨧᩮᩣᩢᩢᩁᩮ᩠ᨶᩨᨧᩢᩅᩤ᩵ “ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨶᩦᩢ ᩃᩩᨠᨾᩣᨧᩣ᩠ᨠᨴᩦ᩵ᨯᩱᨣᩢᨷᩢᩁᩪᩢ” ᨧᩢᨲ᩠ᩋᨷᩅᩤ᩵ᩋ᩠ᨶᩢᩢ᪩ 26ᩈᩪᨴ᩠ᨶᩤ᩵ᨪᩣᩴᩢᩅᩤ᩵ ᨡᩣᩢᨡᩮᩣᩢᨶᩦᩢ ᨣᩮ᩠ᨿᩨᨯᩱᩢᨠ᩠ᨶᩥᨡᩮᩣᩢᩢᨩ᩠ᩋᨾᨴ᩠ᨶᩤ᩵ᨧᩮᩣᩢᩢᩀᩪ᩵ᩓ᪩ ᨴᩦ᩵ᩅ᩠ᨿᨦᩋ᩠ᨶᩢᨡᩣᩢᨡᩮᩣᩢᩀᩪ᩵ᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᨣᩮ᩠ᨿᩨᨴᩮᩈᨶᩣ ᩈ᩠ᨦᩢ᩵ᩈ᩠ᩋᩁᨸ᩠ᨶᩢᩀᩪ᩵ᩓ᪩ ᨾ᩠ᨶᩢᨪᩣᩴᩢᩅᩤ᩵᪩ 27ᨣᩪᨧᩢᨷ᩠ᩋᨠᨸ᩠ᨶᩢᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ᪩ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨶᩦᩢ ᩃᩩᨠᨧᩣ᩠ᨠᨴᩦ᩵ᨯᩱᨾᩣᨴᩯᩢᨣᩢᨷᩢᩁᩪᩢ᪩ ᨤ᩠ᨶᩫᩁᩣ᩠ᨿᩢᨡᩮᩣᩢᨩᩮ᩠ᩋᩨᨶᩦᩢ᪨ ᩋ᩠ᩋᨠᨻᩱᨧᩣ᩠ᨠᨴᩦ᩵ ᩉ᩠ᨶᩦᩢᩈᩮᨣᩣᩴᩓ ᨧᩢᩅᩤ᩵ᨯ᩠ᨦᩢ᩵ᨶᩦᩢᩓ᪩ 28ᨳ᩠ᨦᩨᨾᩮ᩠ᩋᩨ᩵ᨿᩣ᩠ᨾᨶ᩠ᨶᩢᩢ ᩋᩣᨻ᩠ᩃᩡᩉᩴoᩎᨩᩮ᩠ᨯᩓᩢ ᨿᩣᨣᩰ᩠ᨠᩡ ᩋᩁᩥᨿᩣᨹᩪᩢᨧᩱᨷᩩᨬ᩼ᨡᩮᩣᩢᩃᩣ᩠ᨦᨹ᩠ᩋ᩵ᨦ ᨧᩢᨯᩱᩢᩉ᩠ᨶᩢᩈᩣᩈᨶᩣᨻᩕᨧᩮᩣᩢᩢᩓ᩠ᩅᩢ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨪᩣᩴᩢ ᨳᩪᨠᨡ᩠ᨷᩢᩃᩱ᩵ᩋ᩠ᩋᨠᨻᩣ᩠ᨿᨶ᩠ᩋᨠᨶ᩠ᨶᩢᩢ ᩈᩪᨧᩢᨡ᩠ᨯᩢᨲ᩠ᨷᩢᩈᩮᩓ᩠ᩅᩢ ᨸᩮ᩠ᨶᩋ᩠ᨶᩢᨧᩱᩃᩮ᩠ᨠᨧᩱᨶᩭᩢᩓᩢᩁ᩠ᩋᨦᩢᩉᩱᩢᩀᩪ᩵ᨣᩭᩓ᪩ 29ᩅ᩠ᨶᩢᩋ᩠ᩋᨠ ᩅ᩠ᨶᩢᨲ᩠ᨠᩫ ᩉ᩠ᨶᩫᨲᩱᩢ ᩉ᩠ᨶᩢᩉᩮ᩠ᨶ᩠ᩋᩨ ᨤ᩠ᨶᩫᨴᩩᨠᨴᩦ᩵ᨴᩩᨠᩉᩯ᩠ᨦ᩵ᨡᩮᩣᩢᨯᩱᩢᨡᩮᩣᩢᩢᨾᩣᨶᩱ ᩈᩣᩈᨶᩣᨻᩕᨧᩮᩣᩢᩢᩓ᩠ᩅᩢᨯᩱᩢᨠ᩠ᨶᩥᨴᩤ᩠ᨦ ᨠ᩠ᨶᩥᩋ᩠ᨶᩢᨯᩦᩋ᩠ᨶᩢᨦᩣ᩠ᨾᨩᩮ᩠ᩋᩨᨶ᩠ᨶᩢᩢᩀᩪ᩵ᩓ᪩ 30ᩅᩮᩃᩣᨾᩮ᩠ᩋᩨᨯ᩠ᨿᩴᨶᩦᩢᨤ᩠ᨶᩫᨩᩮ᩠ᩋᩨᩋ᩠ᨶᩢᩀᩪ᩵ ᨻᩣ᩠ᨿᩉᩖᨦᩢᨶ᩠ᨶᩢᩢ ᨧᩢᩁ᩠ᩋᨯᨹᩯ᩠ᩅᨻᩣ᩠ᨿᩉ᩠ᨶᩣᩢᩈᩮ ᨤ᩠ᨶᩫᩋ᩠ᨶᩢᩀᩪ᩵ᨻᩣ᩠ᨿᩉ᩠ᨶᩣᩢᨪᩣᩴᩢᨯᩱᩢᨻᩱᩀᩪ᩵ᨻᩣ᩠ᨿᩉᩖᨦᩢᩅᩤ᩵ᩋ᩠ᨶᩢᩢ ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᨯᩯ᩵᪩
(ᨨ᩠ᨶᩥᨾᩔᩢ ᪂᪃.᪃᪇-᪃᪉) 31ᨾᩮ᩠ᩋᩨ᩵ᩅᩮᩃᩣᨿᩣ᩠ᨾᨶ᩠ᨶᩢᩢ ᨹᩣᩁᩥᨪᩯᨡᩮᩣᩢᩃᩣ᩠ᨦᨹ᩠ᩋ᩵ᨦᩁ᩠ᩋᨯᨹᩯ᩠ᩅᨴᩦ᩵ ᨴ᩠ᨶᩤ᩵ᨧᩮᩣᩢᩢᨿᩮ᩵ᨪᩩᩓ᩠ᩅᩢ “ᨹᩪᩢᨸ᩠ᨠᩫᨤ᩠ᩋᨦᩉᩮᩁᩩᨯ ᨻᩪ᩵ᩁᨧᩢᨲ᩠ᩋᨦᩢᨠᩣ᩠ᩁᨥᩣ᩵ᨴ᩠ᨶᩤ᩵ᨧᩮᩣᩢᩢᩀᩪ᩵ ᩈ᩠ᨶᩢᨶ᩠ᨶᩢᩢᨡᩳᩉᩨᩢᨴ᩠ᨶᩤ᩵ᨧᩮᩣᩢᩢᩋ᩠ᩋᨠᨻᩱ ᨧᩣ᩠ᨠᨴᩦ᩵ᩉ᩠ᨶᩦᩢᩈᩮᨣᩣᩴᩓ” ᩉᩱ᩠ᩅᩢᩈᩣᨯ᩠ᨦᩢ᩵ᨶᩦᩢᨯᩯ᩵᪩ 32ᨿᩣ᩠ᨾᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢ ᨣᩢᨯᩱᩢᨷ᩠ᩋᨠᨠᩣ᩠ᩅ᩵ᨡᩮᩣᩢᩅᩤ᩵ “ᩉᩨᩢᨻᩱᨷ᩠ᩋᨠᨠᩣ᩠ᩅ᩵ᩉ᩠ᨾᩣᨧ᩠ᨦᩥ᩵ᨧ᩠ᩋᨠᨡᩮᩣᩢ᪩ ᨣᩪᨧᩢᨡ᩠ᨷᩢᩃᩱ᩵ᨹᩦᩁᩣ᩠ᨿᩢᩈᩮᩓ᩠ᩅᩢ ᨠᩣᩴ᩠ᨴᩉᩨᩢᨤ᩠ᨶᩫᩋ᩠ᨶᩢᩀᩪ᩵ᨷᩢᨯᩦᨡᩮᩣᩢ ᩉᩨᩢᩉᩣ᩠ᨿᨤᩯ᩠ᩅᩁᨾᩣᨶᩱᩅ᩠ᨶᩢᨶᩦᩢᩓᩢ ᩅ᩠ᨶᩢᨽᩪᨠᩅᩤ᩵ᩋ᩠ᨶᩢᩢ᪩ ᩅ᩠ᨶᩢᨳ᩠ᩅᩁᩢᩈᩣ᩠ᨾᨾᩣᩉ᩠ᨶᩣᩢᨴᩦ᩵ᨣᩪᨧ᩠ᨦᩥ᩵ᩓ᩠ᩅᩢᨠᩣ᩠ᩁᩓ᪩ 33ᨣᩭᨲᩯ᩵ᩅᩤ᩵ ᩋᩁᩥᨿᩣᨹᩪᩢᨧᩱᨷᩩᨬ᩼ᨡᩮᩣᩢ ᨶ᩠ᩋᨠᨧᩣ᩠ᨠᩅ᩠ᨿᨦᨩᩮᩁᩩᩈᩃᩮ᩠ᨾ ᨷᩢᨻᩱᨲᩣ᩠ᨿᨲᩣ᩠ᨦ᩵ ᨴᩦ᩵ᨯᩱᩢᨶ᩠ᨶᩢᩢ ᨣᩪᨧᩢᩈ᩠ᨷᩨ ᩀᩪ᩵ᨲᩳ᩵ᨻᩱᩅ᩠ᨶᩢᨶᩦᩢ ᩅ᩠ᨶᩢᨽᩪᨠᩓᩢ ᨳᩯ᩠ᨦᩢᩅ᩠ᨶᩢ ᪑ ᨠ᩠ᩋ᩵ᩁᩅᩤ᩵ᩋ᩠ᨶᩢᩢᨯᩯ᩵᪩ 34“ᩋ᩠ᩅᩫ ᩅ᩠ᨿᨦᨩᩮᩁᩩᩈᩃᩮ᩠ᨾ᪨ ᩅ᩠ᨿᨦᨩᩮᩁᩩᩈᩃᩮ᩠ᨾ᪨ ᨤ᩠ᨶᩫᨷᩤ᩠ᨶᩢᨤ᩠ᨶᩫᨾᩮ᩠ᨦᩨᩉᩯ᩠ᨦ᩵ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨡᩮᩣᩢᨶ᩠ᨶᩢᩢ ᨯᩱᩢᨥᩣᩋᩁᩥᨿᩣᨹᩪᩢᨧᩱᨷᩩᨬ᩼ᩓ᩠ᩅᩢ ᩃᩪᨠᨶ᩠ᩋᨦᩢᩋ᩠ᨶᩢᨻᩕᨧᩮᩣᩢᩢ ᩈ᩠ᨦᩫ᩵ᨾᩣᨶ᩠ᨶᩢᩢ ᨣᩢᩐᩣᩢᨠ᩠ᩋᩁᩢᩉ᩠ᨶᩥᨪ᩠ᨦᩨᩈᩱ᩵ᨡᩮᩣᩢᩅᩤ᩵ᩋ᩠ᨶᩢᩢᩓ᪩ ᩉᩮ᩠ᨾᩨᩁᨯ᩠ᨦᩢ᩵ᨠᩱ᩵ᨾᩯ᩵ᨿᩳᩢᨸ᩠ᨠᩦᩉᩯ᩠ᨦ᩵ᨾ᩠ᨶᩢᩈᩮᩓ᩠ᩅᩢ ᨸ᩠ᨠᩫᩉ᩠ᨾᩫ᩵ᩁ᩠ᨠᩢᩈᩣᨸ᩠ᨶᩢ ᩃᩪᨠᨠᩱ᩵ᨶᩭᩢᩋ᩠ᩋ᩵ᩁᨴᩦ᩵ᩉ᩠ᨶᩣᩢᩋ᩠ᨠᩫᨾ᩠ᨶᩢᨶ᩠ᨶᩢᩢ ᨣᩪᨣᩢᨡ᩠ᨯᩢᨧᩱᩉᩖᩣ᩠ᨿᨻ᩠ᩋᨠ ᨻᩮ᩠ᩋᩨ᩵ᨤᩱ᩵ᩁ᩠ᨻᩢᩈᩣᨤ᩠ᨶᩫᨷ᩠ᨶᩤᩢᨤ᩠ᨶᩫᨾᩮ᩠ᨦᩨᩁᩮᩣᩢ ᩉᩮ᩠ᨾᩨᩁᩀᩪ᩵ᨶᩱᩋ᩠ᨾᩫᩢᩋ᩠ᨠᩫᨶ᩠ᨶᩢᩢ ᨣᩭᨲᩯ᩵ᩅᩤ᩵ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨷᩢᨿ᩠ᩋᨾᩁ᩠ᨷᩢ᪩ 35ᩅᩥᨾᩣ᩠ᨶᨤᩣᩴᩢᩉᩯ᩠ᨦ᩵ ᩈᩪᨴ᩠ᨶᩤ᩵ᨶ᩠ᨶᩢᩢ ᨣᩢᨩᩣ᩠ᨦ᩵ᨯᩱᩢᨸ᩵ᩭᨻᩯ᩠ᨯᩋᩮ᩠ᩋᩨᩢ᪩ ᨤ᩠ᨶᩫᨴᩦ᩵ᩋ᩠ᨶᩢᩐᩣᩢᩈ᩠ᩆᩥ ‘ᩋᩣᩴᨶᩣ᩠ᨧᩉᩯ᩠ᨦ᩵ᨻᩕᨧᩮᩣᩢᩢ ᨻ᩠ᩋᨠᨾᩣᨩᩮ᩠ᩋᩨᨶ᩠ᨶᩢᩢ ᨣᩢᨾᩦᨾᨣᩘᩃᨴᩯᩢᩓᩢ’ ᨲᩳ᩵ᨳ᩠ᨦᩨᨻᩳᨷᩢᨷ᩠ᩋᨠᨠᩣ᩠ᩅ᩵ᨶ᩠ᨶᩢᩢ ᨲ᩠ᨦᩢᩢᨲᩯ᩵ᨶᩦᩢᨻᩱ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ ᨧᩢᨷᩢᨯᩱᩢᩉ᩠ᨶᩢ ᨣᩪᨳᩯ᩠ᨦᩢᨻ᩠ᩋᨠ” ᪑ ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᨯᩯ᩵᪩
Zvasarudzwa nguva ino
Luke 13: ktpv-rv
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
This translation of the Khun Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.