प्रेरित.कामी 1

1-2 # सं.लुका 1:1–4 ए थियोफिलुस,

ईङ पहिला पुथी रे होना जामा बात रआ बारे रे बखनाव तदिङ, जेके ईसु पहिल तरअः ईदी केते जे हिला जगुत अपन निबाड़ लिनकु प्रेरितकु के पबितर आतमा तरअः हुकूम एम केते सिरमा अलगअ हिला जगुत जे जे काम कामी एकाय केनाय, आउर सिखाव एका कु केनाय। 3ईसु आएंग आला कुरूस रआ मराईन तयोम, हुंकू कुलगोःड उनकु के ढेर साबुत एम केते साबित लःअय ची हुनी जिवीःड एदानिया। हुनी चालीस रोज जगुत हुनी हुंकू रे दिसतारोः केनाय आउर हुंकू लोः परमेसर रअः राईज रअः बारे बाते केनाय। 4#सं.लुका 24:49ईसु कुलगोःड उनकु लोः घोटो जोमे केनाय, हिमीन रे “हुंकू के हुकूम एमा लिकुआय ची जिरोसलेम के आलपे बाई के, बकिर बाबा परमेसर जे वादा तदाय के नेल आसरय पे, हुनी कंहड़ी लःअय ईङ आपे के होना वादा लअः बारे उदूः तडपिईङ। 5#सं.मत्‍ती 3:11; सं.मर 1:8; सं.लुका 3:16; सं.जोह 1:33होना करार नोःआँ हेके ची, जोहन दो दाअः तरअः बतिस्मा एमा कु केनाय, बकिर थोड़ेक दिन तयोम तरअः आपे के पबितर आतमा रअः बतिस्मा एमा केपेआकु।”

ईसु सिरमा आलगाव नेनाय

6जे बेरा ईसु दुबाःड़े जवार नेनाकु हिमीन रे ईसु के कुली लियाकु, “परभु, आम इसराइल रअः राईज के नेए घड़ीक फिन बनाव समहा केआम एतान?” 7“होना बेरा आउर होना घड़ीक के पापाड़ी आपे आला काम नलागे जेके बाबा अपन हक रे दोहो तदाय” मेन केते, ईसु कंहड़ी रूवाड़ोः लिकुआय। 8#सं.मत्‍ती 28:19; सं.मर 16:15; सं.लुका 24:47,48“बकिर पबितर आतमा आपे तेङ रे हीःग कोआ, हिमीन रे आपे सवांग नाम केआपे आउर आपे जिरोसलेम, गोटा जाहुदिया तेकार समारिया रे, आउर धरती रेनअः आखरी छोर जगुत ईङ आला गोवाह पाड़ी कोआपे।” 9#सं.मर 16:19; सं.लुका 24:50,51नोकान कंहड़ी तयोम, ईसु हुंकू नेनेल तेगी तेङ सिरमा रे अलगाव नेनाय, आउर रिम्बिल हुनी के चेलाकु आला मेःड तरअः छेका किदयाय।

10ईसु सेनोः केनाय आउर चेलाकु सिरमा के सांगीले केनाकु गी दो, हिमीन रे बरिया मरदाना फिट-फिट गेन्दरअ ऊयु लिनकिन हुंकू दुबाःड़े अचाका हीःग तिंगुः नकीन 11आउर हुंकू के कंहड़ीओ दिकुआकिन, “ए गलीली, मरदानाकु आपे तिंगु केते सिरमा पखा एता लःअय नेल दापे? निईः ईसु, जे आपे दुबाःड़े तरअः सिरमा अलगाव नेनाय, जे लकान आपे सिरमा पखा सेनोः नेल तदिया पे, हिना लकान रूवाड़ हीःग कोआय, मेन केते कंहड़ीओ लिद कुआकिन।”

जहुदा रआ ठाँव रे मतियस

12प्रेरितकु जैतुन बुरु तरअः जिरोसलेम रूवाड़ हीःग नेनाकु। नोःआँ बुरु जिरोसालेम तरअः हेनाःड हिमने लंका एदनाअ जेतना लंका सथाअ हिला मुसिङ रअः होरा डिडोअ दाड़ीआकु। 13#सं.मत्‍ती 10:2–4; सं.मर 3:16–19; सं.लुका 6:14–16होनाःड़े सोदोर केते, तेंग पटान रे रकाःब नेनाकु, जे एड़े हुंकू डेरा थिलाआकु। हुंकू नुकू थिनाकु पतरस तेकर जोहन, याकुब आउर अंध्रियस फिलिप्पी तेकर थोमस, बरथोलोमी तेकर संत.मत्‍ती, आलफाई आली होपोन याकुब, तेकर सिमोन जुरजुट, तेकर याकुब आली होपोन जहुदा। 14नुकू जवार केते मिहोंड़-बनहोंड़ आउराईतकु आउर ईसु आली एंगा मरियम, तेकर ईसु आलकु बोकोते मि-चित्‍त केते दिन भाईर बिनती एकाय केनाकु।

15हिमीन बेरा रे होनाःड़े जे हिसी मि-साय लकान बिसवासी होड़ जवार ताही नेनाकु। हिमीन रे पतरस, बोकोकु तलारे तिंगु केते कंहड़ी लःअय, 16“ए बोकोकु धरम पुथी रेनअः होना कथा, ढेर पहिल कंहड़ी लअः ताहिना होना पुरायोअ जरूरी ताहिनेना, जे पबितर आतमा दाऊद आला आहा तरअः जहुदा आला बारे कंहड़ी थिलाआय, युदस ईसु के ससःब ची रे मदाईत थिलकुआय। 17एता लःअय ची हुनी दो आबु मेसे मिहोंड़ ताही नेनाय, आउर नोःआँ सेवा काम रे गाती थिनाय।” 18#सं.मत्‍ती 27:3–8हुनी आएंग आला अधरम रेनअः कमाई रे मियांड ओत किरिंङ लःअय, तियोर केते नुर नेनाय तेकर हुनी आला लाहीःग फाड़ाः ना आउर जामा पोटा ताय बाहरी उडुंग ना। 19जिरोसलेम रिनकु जामा ताहिन कु नोःआँ बात के पाड़ी केदाकु, आउर नोःआँ चलते आकु आला भाखा रे हकेलदमा पड़ाव नेना, जेकर मने मयोम ओत हेके। 20#सिरिंग 69:25; सिरिंग 109:8एता लःअय ची भजन संहिता रअः पुथी रे नोकान लिखा लअः एदनाअ हुनी आला ओड़ाअ खंघार जुनोः, होना ओड़ाअ रे ओके होः आलकु ताही दाड़ी के, हुनी आला ठाँव जाहें एटाअ ईदीकु। 21-22#सं.मत्‍ती 3:16; सं.मर 1:9; सं.लुका 3:21; सं.मर 16:19; सं.लुका 24:51हिना लःअय जे बेरा जगुत परभु ईसु आबु तलारे आवा जाही एकाय केनाय, होना रअः मतलब जोहन आला बतिस्मा तरअः ईदी केते, ईसु आला आबु दुबाःड़े तरअः सिरमा आ अलगाव जगुत, जे होड़कु बराबईर आबु लोः ताही नेनाकु। हुंकू मेसे मिहोंड़ के चुचुनाव दरकार एदनाअ। आउर हुनी आबु लोः जिवीःड-बिरिडोः रेनअः गोवाह पड़ीयोए। 23हुंकू बनहोंड़ के तिंगु लिकनाकु, मियांड जोसेफ के जे बरसबा होः बेताईयाकु हुनी आला एटाअ नुमू युसतुस ताही नेना, तेकर मतियस के। 24ए परभु आम जे जामेकु आला मन के पाड़ी आम, नोःआँ उदूः गेमे ची नुकिन मेसे ओके के आम निबाड़ तदियाम, नोकान मेन केते हुंकू बिनती लअकु। 25हुनी नोःआँ सेवा-सुसार आउर प्रेरित बनाअः रअः हक रअः ठाँव एदीई, जेके जहुदा बाई केते हुनी अपन ठाँव सेनोः नाय। 26हुंकू हुनी आला नुमू रे चिठी कु साला लआ चिठी मतियस आला नुमू रे उडुंग नेना। तेकर हुनी ग्यारहो प्रेरितकु लोः लेखा नेनाय।

Zvasarudzwa nguva ino

प्रेरित.कामी 1: ASR

Sarudza vhesi

Pakurirana nevamwe

Yenzanisa

Sarudza zvinyorwa izvi