Lúqá Dí Injíl 2
2
1TE uhnáṉ dináṉ vichch aiuṉ hoiá, jo Qaisar Augustus walloṉ hukm járí hoiá, paí sárí dunyá de lokáṉ de náṉ likhe ján. 2Jis vele Kurínius Súriá dá hákim sí, pahlí mardam shumárí kítí gayí 3Tad sab log apne apne shahr núṉ náṉ likhán gaye. 4Te Yúsuf bhí is laí, jo uh Dáúd de gharane te aulád vichchoṉ sí, Galíl de Násarat shahr vichchoṉ uṭṭhke Dáúd de shahr Baitlaham núṉ gayá jihṛá Yahúdiá vichch hai. 5Táṉ jo uh Mariyam de nál, jihṛí uh dí mang sí, apná náṉ likháwe, te uh nún ummedwárí sí; 6Te aiuṉ hoiá, pai uhnáṉ de utthe hundiáṉ us de jaman de din púre ho gaye. 7Te uh apní paleṭhí dá puttar jammiá, te uh núṉ kapṛe vichch waleṭke khurlí vichch rakkhiá, kyúṉ jo saráṉ vichch uhnáṉ núṉ tháṉ nahíṉ sí miliá. 8Te us des vichch ayálí sán júh vichch rahanwále, jihṛe rát núṉ apne ijjaṛáṉ dí rákkhí laí pahrá pae den de sán. 9Te Ḳhudáwand dá firishta uhnáṉ de kol áke khalo gayá, te Ḳhudáwaud dá núr uhnáṉ de chauphere chamkiá, te uh baṛe hí ḍar gaye. 10Tad firishte uhnáṉ núṉ ákhiá, Ḍaro ná: kyúṉ jo vekho, main tuháṉúṉ baṛí ḳhushí dí ḳhabar sunáná háṉ, jihṛí sárí qaum laí hoegí, 11Paí Dáúd de shahr vichch ajj tuháḍe laí ikk naját denwálá paidá hoiá hai; uh Masíh Ḳhudáwaud hai. 12Te tuháḍe lai ih pata hai, jo tusíṉ ikk ayáne núṉ kapṛe vichch waleṭiá khurlí vichch piá hoiá vekhoge. 13Te ikk dam firishte de nál ásmání fauj dá ikk guroh ho gayá, jihṛá Ḳhudá dí waḍiáí kardá, te aiuṉ ákhdá sí, paí 14Asmánáṉ utte Ḳhudá dí waḍiáí te zamín utte uhnáṉ lokáṉ vichch sulh, jihnáṉ nál uh rází hai. 15Te aiuṉ hoiá, paí jád firishte uhnáṉ koloṉ asmán núṉ tur gaye, táṉ ayálíáṉ ne ápo vichch ákhiá, paí Challo, hun asíṉ Baitlaham tíkur challie, te is gall núṉ, jihṛí hoí hai, vekhie, jih dí Ḳhudáwand ne sánúṉ ḳhabar dittí hai. 16Tad uhnáṉ chhetí nál áke Mariyam te Yúsuf núṉ te nále ayáne núṉ khurlí vichch plá hoiá ḍiṭṭhá. 17Te vekhke uhnáṉ us gall dí, jihṛí is bachche de haqq vichch uhnáṉ núṉ ákhí gayí si, dhumá dittá. 18Te sáre jihnáṉ uhnáṉ galláṉ núṉ suníáṉ, jihṛíáṉ ayalíáṉ uhnáṉ núṉ sunáíáṉ sáṉ, hairán hoe. 19Par Mariyam ihnáṉ sabhnáṉ galláṉ núṉ apne mann vichch dhián karke rakhdí rahí. 20Te ayálí jis tarah uhnáṉ núṉ dassiá gayá sí, use tarah sárá hál vekh sunke Ḳhudá dí taʼríf te waḍiáí karde hoe muṛ gaye. 21Te jadoṉ uh de suntí bahán karáun de aṭṭh din púre hoe, táṉ us dá náṉ Yisúʼ rakkhiá gayá, jihṛá uh de garbh vichch pain thoṉ pahláṉ firishe ne rakkhiá sí. 22Te jad Músá dí sharíʼat mújib uhnáṉ de pák hon de din púre hoe, tad uh núṉ Ḳhudáwand de agge házir karan laí Yarúshalam vichch liáe. 23Jis tarah Ḳhudáwand dí sharíʼat vichch likhiá hoiá hai, paí Har ikk pahlauṭhá nar Ḳhudáwand laí pák akhwáegá; 24Te us gall mújib, jihṛí Ḳhudáwand dí sharíʼat vichch ákhí gaí hai, paí Ikk jorá khumriaṉ dá, jáṉ do bachche kabútaráṉ de qurbání charhán. 25Te vekho, Yarúshalam vichch Shamaʼún náṉ ikk ádmí sí, te uh ádmí nek te dharmí banda sí, te uh Isráíl dí tasallí dí uḍík vichch sí, te Pák Rúh us utte sí. 26Uh de utte Pák Rúh záhir kítá hoiá sí, paí Jad tíkur túṉ Ḳhudáwand de Masíh núṉ vekh na laweṉ, túṉ maut núṉ na vekheṉgá. 27Te uh Rúh dí hidáyat nál haikal vichch áyá, te jis vele máṉ piú us bachche Yisúʼ núṉ andar liáunde sán, jo us de laí sharíʼat dí rít púrí karan, 28Tad us uh núṉ apne hattháṉ utte chukk liá, te Ḳhudá dí waḍiáí karke ákhiá, paí 29Ai Málik, hun túṉ apne bande núṉ apne suḳhan mújib salámatí nál widáʼ karná haiṉ; 30Kyúṉ jo meríáṉ akkhíáṉ ne terí naját ḍiṭṭhí hai; 31Jihṛí túṉ sáreáṉ lokáṉ de sámne tiár kiti hai; 32Parda haṭánwálá núr g̣air qaumáṉ wáste, te apní ummat Isráíl dá jalál. 33Uh de báp te us dí máṉ uhnáṉ galláṉ thoṉ, jihṛíáṉ uh de haqq vichch ákhíáṉ gayíáṉ sán, taʼajjub karde rahe. 34Te Shamaʼún uhnáṉ núṉ barakat dittí, te us dí máṉ Mariyam núṉ ákhiá, Vekh, ih laṛká Isráíl vichch batereáṉ de ḍiggan te uṭṭhan laí muqarrar kítá hoiá hai: te nále ajihá nishán hon laí jih de muḳhálif karange. 35Sagoṉ terí hí ján de vichch talwár phar jáegí, táṉ jo batereáṉ de manáṉ díáṉ socháṉ khul ján. 36Te Áshír de gharáne vichchoṉ Fanuel dí dhí Hannáh karke ikk nabiya sí. Uh waḍḍí ʼumr dí si, te us apne kawárepune de pichchhe ikk ḳhasam nál satt warhe kaṭṭe sán. 37Te uh chaurásíáṉ warheáṉ thoṉ bewá sí. Uh haikal núṉ nahíṉ sí chhaḍḍdi, par rátíṉ dine roziáṉ te duʼáwáṉ nál Ḳhudá dí bandagi kardí rahí. 38Te us bhí us vele áke Ḳhudá dá shukr kítá, te uhnáṉ sabhnáṉ nál uh dá zikr kítá, jihṛe Yarúshalam vichch chhuṭkáre núṉ pae uḍíkde sán. 39Te jad Ḳhudáwand dí sharíʼat mújib uhnáṉ sab kujh púrá kítá, tadoṉ uh Galíl wall apne shahr Násarat núṉ muṛ gaye. 40Te munḍá wadhdá te zor phaṛke dánáí nál bhardá gayá; te Ḳhudá dá fazl uh de utte sí. 41Te uh de máṉ piú warhe de warhe ʼId-i-Fasah utte Yarúsahlam núṉ jánde huṉde sán. 42Te jad uh báráṉ warheáṉ dá hoiá, tad uh ʼId dí rasm mújib gaye. 43Te uhnáṉ dináṉ núṉ púrá karke jáṉ muṛan lagge, uh munḍá Yisúʼ Yarúshalam vichch rah gayá te uh de máṉ piú núṉ pata na laggá. 44Par ih samajhke paí uh qáfile de nál hai, ikk manzil ṭur gaye, te uh núṉ apne sákáṉ te ján pachánáṉ vichch labbhde phirde. 45Te jáṉ na labbhiá, tán uh dí bhál karde hoe Yarúshalam núṉ muṛ gaye. 46Te tinnáṉ dináṉ pichchhoṉ aiuṉ hoiá, jo uhnáṉ uh núṉ ustádáṉ de vichkár baiṭhíáṉ te uhnáṉ dí sundíáṉ, nále uhnáṉ thoṉ suwál puchchhdiáṉ, haikal de andar labbhiá. 47Te sáre sunanwále us dí samajh utte te us de jawábáṉ thoṉ taʼajjub karde sán. 48Te uh núṉ vekhke uh bahut hairán hoe, te uh dí máṉ uh núu ákhiá, Ai putt, túṉ sáḍe nál ih ki kítá? Vekh táṉ, terá piú te maiṉ bhí afsos karde hoe tainúṉ labbhde phirne háṉ. 49Te us ne uhnáṉ núṉ ákhiá, Tusíṉ mainúṉ káhnúṉ labbhde sao? Tusíṉ nahíṉ sáo jánde, paí mainúṉ apne Báp diáṉ kammáṉ vichch ruddhiáṉ rahná cháhídá sí? 50Te uh us gall núṉ, jihṛí us ne uhnáṉ núṉ ákhí sí, na samjhe. 51Te uh uhnáṉ de nál ṭurke Násarat núṉ áyá, te uhnáṉ dí tábiʼdárí vichch rahiá. Te us dí máṉ sabhnáṉ galláṉ núṉ apne dil vichch rakkh chhaḍḍiá. 52Te Yisúʼ dánáí te qadd vichch te Ḳhudá te ádmíáṉ de agge fazal vichch wadhdá gayá,
Aktualisht i përzgjedhur:
Lúqá Dí Injíl 2: PNT1927R
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Historical texts published by British and Foreign Bible Society 1917-1927.