Lúqá Dí Injíl 3
3
1TIBIRUS Qaisar de ráj de pandrahweṉ warhe vichch, jis wele Pantús Pilátús Yahúdiá dá hákim sí, te Herodís Galíl dá hákim sí, te uh dá bhará Failbús Itúriyá te Traḳhonítis de mulk dá, te Lisániás Abilíní dá hákim sí. 2Jadoṉ Hannáh te Káifá sar-dár káhin sán, us vele Ḳhudá dá kalám Zakaríyáh de puttar Yúhanná utte ujáṛ vichch utriá. 3Te uh Yardan de sáre ále duále de des vichch áke gunáháṉ dí muʼáfí laí tauba de baptisma dí manádí karan laggá. 4Jihá Yasáiáh nabí dí kalám dí kitáb vichch likhiá hoiá hai, paí Ujáṛ vichch hoká denwále dí awáz, paí Ḳhudáwand de ráh núṉ tiár karo, te uh de rasteáṉ núṉ siddheáṉ banáo. 5Har ikk khaḍḍ bharí jáegí, te har ikk paháṛ te ṭibbá níwáṉ kítá jáegá, te jihṛá ḍingá hai, siddhá, te jihṛá uchchá níwáṉ hai, paddará banegá. 6Te sárí ḳhalqat Ḳhudá dí naját vekhegí. 7Tad uhnán bhidán nún, jihṛíáṉ uh de hatthoṉ baptisma lain laí nikal áíáṉ sán, uh ákhan laggá, Ai sappáṉ de bachcheo, kis tuhánúṉ dassiá, paí ánwále g̣azab thoṉ bhajjo. 8So tauba de láiq phal liáo, te apne man vichch na ákho, paí Ibrahím sáḍá piú hai; is lai jo maiṉ tuhánúṉ ákhná háṉ, pai Ibrahím de laí ihnáṉ waṭṭiáṉ vichchoṉ Ḳhudá aulád khalí kar sakdá hai. 9Te nále hun rukkháṉ dí jaṛ utte kuháṛá dhariá hoiá hai; so jihṛá rukkh changá phal nahíṉ liáuṉdá, uh waḍḍhiá jáṉdá, te agg vichch suṭíiá jáṉdá hai. 10Te lokáṉ ne us thoṉ ih ákhke puchchhiá, pai Asíṉ pher kí karíe? 11Us uhnáṉ núṉ jawáb dittá, paí Jih de kol do jhagge hon, uh uhnúṉ de dewe, jih de kol nahíṉ hai; te jih de kol khán núṉ hoe, uh bhí ajihá hí kare. 12Te mahsúlie bhí baptisma lain núṉ áe, te uh núṉ ákhiá, Ai ustád, asíṉ kí karie? 13Us uhnáṉ núṉ ákhiá, Jihṛá tuháḍe laí muqarrar hai, uh de thoṉ wadhík na lao. 14Te sipáhiáṉ bhí uh de koloṉ puchchhiá, paí Asíṉ kí karie? Us uhnáṉ núṉ ákhiá, kise utte zulm na karo; kise koloṉ náhaqq na lao, te apní tanḳhwáh utte rází raho. 15Te jad lok uḍík vichch sán, te sabbhe Yuhanná dí bábat apne diláṉ vichch sochde sán, paí Ih sháyad Masíh na howe. 16Tad Yuhanná ne sabhnáṉ núṉ jawáb dittá, Maiṉ te tuhánúṉ pání nál baptisma dená háṉ, par ikk mere náloṉ wadh táqatwálá áuṉdá hai, jih dí juttí dá maiṉ tasma kholan jogá nahíṉ háṉ. Uh tuhánúṉ Pák Rúh te agg nál baptisma dewegá. 17Uh dá chhajj uh de hath vichch hai, paí uh apne khalwáṛe núṉ changí tarah sáf kare, te dáne apní koṭhí vichch jamaʼ kare, te túṛí núṉ us agg nál sáṛegá, jihṛí bujhanwálí nahíṉ hai. 18Te uh bateríáṉ hor nasíhaiáṉ de deke lokáṉ núṉ ḳhush-ḳhabarí sunáṉdá rahiá. 19Pher chautháí mulk de hákim Herodís ne, jad Yuhanná uh de bhará dí wahuṭí Herodiás dí bábat, te uhnáṉ sáríáṉ buríáiáṉ dí bábat, jihṛiáṉ Herodís ne kítíáṉ sán, uh núṉ malámat kítí. 20Sabhnáṉ thoṉ wadh ih buríáí bhí kítí, paí Yuhanná núṉ qaide páyá. 21Te jád sáreáṉ lokáṉ baptisma le liá sí te Yisúʼ bhí baptisma laike duʼá piá mangdá sí, táṉ aiuṉ hoiá, paí asman khul gavá, 22Te Pák Rúh kabútar wáṉgár us utte uttriá, te asmán thoṉ ikk awáz áí, ki Túṉ merá piyárá Beṭá haiṉ; taithoṉ Maiṉ rází háṉ. 23Te jad Yisúʼ áp sikhálan laggá, tadoṉ uh tíháṉk warheáṉ dá sí, te lokáṉ dí samajh vichch uh Yúsuf dá puttar sí, te uh ʼElí dá, 24Te uh Mattát dá, te uh Lewí dá, te uh Malkí dá, te uh Yanná dá, te uh Yúsuf dá, 25Te uh Mathátiáh dá, te uh Amús dá, te uh Nahúm dá, te uh Asalyáh dá, te uk Nogáh dá, 26Te uh Máʼat dá, te uh Matátiáh dá, te uh Shimʼí dá, te uh Yoseḳh dá, te uh Yodáh dá, 27Te uh Yuhanná dá, te uh Resa dá, te uh Zarabbábal dá, te uh Shaltiel dá, te uh Nerí dá, 28Te uh Malkí dá, te uh Addí dá, te uh Qosám dá, te uh Ilmadám dá, te uh ʼEr dá, 29Te uh Yashúʼ dá, te uh Ilʼázár dá, te uh Yorím dá, te uh Matát dá, te uh Lewí dá, 30Te uh Shamaún dá, te uh Yahúdáh dá, te uh Yúsuf dá, te uh Yonám dá, te uh Illáqím dá, 31Te uh Maleáh dá, te uh Minnáh dá, te uh Matathá dá, te uh Nátán dá, te uh Dáʼúd dá, 32Te uh Yishai dá, te uh ʼObed dá, te uh Boʼaz dá, te uh Salmon dá, te uh Nahshon dá, 33Te uh ʼAmminadáb dá, te uh Ární dá, te uh Hisrom dá, te uh Firis dá, te uh Yahúdáh dá, 34Te uh Yaqúb dá, te uh Izháq dá, te uh Ibrahím dá, te uh Terah dá, te uh Náhor dá, 35Te uh Sarúg dá, te uh Raʼú dá, te uh Filig dá, te uh ʼIbír dá, te uh Shilah dá, 36Te uh Qenán dá te uh Ar-fakshad dá, te uh Shem dá, te uh Núh dá te uh Lamak dá, 37Te uh Mathushaláh dá, te uh Hanúk dá, te uh Yirid dá, te uh Mahalalel dá, te uh Qenán dá, 38Te uh Anosh dá, te uh Shet dá, te uh Ádam dá, te uh Ḳhudá dá sí.
Aktualisht i përzgjedhur:
Lúqá Dí Injíl 3: PNT1927R
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Historical texts published by British and Foreign Bible Society 1917-1927.