Ma-thi-ơ 1
1
Vang bilei thong gruk jrang mưnưk Pô Yê-su Krist
(1:1 – 2:23)
Vang bilei anưd Pô Yê-su Krist
(Lu-ka 3:23-38)
1Vang bilei anưd Pô Yê-su Krist, anưk taco Đa-vit, anưk taco Ap-ra-ham.
2Ap-ra-ham pajiơng I-sag; I-sag pajiơng Ya-kôp; Ya-kôp pajiơng Yu-đa thong dei ai nhu. 3Yu-đa kaywa Ta-ma pajiơng Phê-rêt thong Sê-rac. Phê-rêt pajiơng Hêt-rôn; Hêt-rôn pajiơng A-ram; 4A-ram pajiơng A-mi-na-đap; A-mi-na-đap pajiơng Na-ha-sôn; Na-ha-sôn pajiơng Sar-môn. 5Sar-môn kaywa Ra-hap pajiơng Ƀô-ô. Ƀô-ô kaywa Ru-tơ pajiơng Ô-ƀêt. Ô-ƀêt pajiơng Ye-sê;#1:5 Hu mưda xalih xap: I-sai. 6Ye-sê pajiơng patao Đa-vit.
Đa-vit kaywa hadiup U-ri pajiơng Sa-lô-môn. 7Sa-lô-môn pajiơng Rô-ƀô-am; Rô-ƀô-am pajiơng A-ƀi-ya; A-ƀi-ya pajiơng A-sa 8A-sa pajiơng Yô-sa-phat; Yô-sa-phat pajiơng Yô-ram; Yô-ram pajiơng Ô-xia. 9Ô-xia pajiơng Yô-tham; Yô-tham pajiơng A-ca; A-ca pajiơng Ê-xê-cia. 10Ê-xê-cia pajiơng Ma-na-se; Ma-na-se pajiơng A-môn; A-môn pajiơng Yô-si-a. 11Yô-si-a, dahlau di bangyau aniai yak tapa Ƀa-ƀi-lôn, pajiơng Yê-kô-nia thong dôm adei nhu.
12Hadei di tuk gok aniai yak tapa Ƀa-ƀi-lôn, Yê-kô-nia pajiơng Sa-la-thi-ên,#1:12 Angan ni dalam Jan Ji Yao tik nạn Sa-ar-thi-ên. Sa-la-thi-ên pajiơng Xô-rô-ba-bên, 13Xô-rô-ba-bên pajiơng A-bi-ut; A-bi-ut pajiơng Ê-li-a-kim; Ê-li-a-kim pajiơng A-xô. 14A-xô pajiơng Sa-đôg; Sa-đôg pajiơng A-cim; A-cim pajiơng Ê-li-ut 15Ê-li-ut pajiơng Ê-lê-a-sa,#1:15 Hu mưda xalih xap: Ê-lê-a-xa. Ê-lê-a-sa pajiơng Ma-than; Ma-than pajiơng Ya-kôp 16Ya-kôp pajiơng Yô-sep nạn pathang Ma-ri; Ma-ri nạn mưnuix pajiơng Yê-su, iêu laic Dê Krist.
17Yau nan, mưng Ap-ra-ham ka tal Đa-vit hu abih tha pluh pāk rai; mưng Đa-vit ka tal tuk gok aniai yak tapa Ƀa-ƀi-lôn hu tha pluh pāk rai; thong mưng tuk gok aniai yak tapa Ƀa-ƀi-lôn ka tal Dê Krist lijang hu tha pluh pāk rai.
Pô Yê-su jrang mưnưk
(Lu-ka 2:1-7)
18 #
Lu 1:27. Gruk jrang mưnưk Pô Yê-su Krist krung hu mưjiơng tabiak yau ni: Ma-ri amek Bhô, krung hu cek xanôi thong Yô-sep, min dahlau di tuk đih dok thong gaup, yơ kanai bak tian kaywa Pô Nưbi Ginrơh. 19Yô-sep, pathang kanai nạn urang kahanôt,#1:19 Hu mưda dul nạn mưnuix mưghơh, hu hati tiak. ôh ưng ngak pamưlau ƀok kanai, nan ka jarô klāk gaup jwa. 20Tuk Yô-sep krưh dok mưnưgxa ka bruk ni yơ tha umat Pô bhat mưrai tom ong dalam panik lipei thong tathit laic: “Hơic Yô-sep talei pajeh Đa-vit, hư jôi kađa khing Ma-ri ngak hadiup, kaywa linhang bloh kanai krưh dok bak tian nan nạn kaywa Pô Nưbi Ginrơh. 21#Lu 1:31.Mưca kanai mưnưk tha anưk likei; hư xang patah angan nạn Yê-su, kaywa êng anưk likei nan mưca dong bôl drei tabiak truh di glaic.” 22Dôm bruk ni mưjiơng tabiak piêh thit panôic Pô krung hu bican kaywa pakat hôr:
23“Mưni, tha urang kamei kanưrup mưca bak tian, thong mưnưk tha anưk likei,
Bloh mưca mưnuix urang patah angan anưk likei nan nạn Em-ma-nu-ên,”
ar nạn Pô Lingik dok thubik khol drei. 24Tuk mưdơh, Yô-sep klan njaup yau kabha umat Pô krung hu tathit, thong khing Ma-ri ngak hadiup, 25#Lu 2:21.Min ôh ƀang đih thong kanai ka tal tuk kanai mưnưk tha anưk likei#1:25 tha anưk likei: Dalam tha thanôn blah vak tangin nạn anưk likei kacwa anưd kanai. thong patah angan nạn Yê-su.
Aktualisht i përzgjedhur:
Ma-thi-ơ 1: CJM2024
Thekso
Ndaje
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2024 Bible Society Vietnam. All rights reserved.