Ma-thi-ơ 3
3
Gruk thrap gap rapajan Pô Yê-su
(3:1 – 4:11)
Rapajan Yâng Bap-tit
(Mag 1:1-8; Lu-ka 3:1-18; Yâng 1:19-28)
1Tuk nan Yâng Bap-tit mưrai rao lang dalam bhum kamrang Yu-đê laic: 2#Mat 4:17; Mag 1:15.“Xang tumal, kaywa Dit Biya Thôr Riga krung hu mưrai jek!” 3Yâng êng nạn mưnuix bloh hôr Ê-sai krung hu đôm tal, tuk đôm laic:
“Hu xap mưnuix prêu tagôk dalam bhum kamrang:
‘Xang pagah jalan ka Pô.
Ngak tapak dôm galong Bhô.’”
4Yâng cuk ao bilau unta, pabak talei kaing kalik, ƀang katog thong jaliko glai. 5Bôl bhap mưng dhan Yê-ru-sa-lem, graup nưgar Yu-đê thong abih nưgar jek taphia krong Yô-đar jang mưrai tom ong. 6Khol nhu tao glaic drei, thong bihu ong ngak ƀap-tem dalam krong Yô-đar.
7 #
Mat 12:34; Mat 23:33. Tuk ƀôh ralô urang Pha-ri-si#3:7 Pha-ri-si: Tha kavôm dalam agama Yo Thaic khik hakum jakar Mô-se kloh ghat. thong Sa-đu-xê#3:7 Sa-đu-xê: Tha kavôm dalam agama Yo Thaic bha di tal pakat ginup mưda, kalimah, hu thek thong prưn mưjakar dalam buk kram. mưrai ciup ƀap-tem, Yâng đôm thong khol nhu laic: “Hơic talei pajeh ula tanbôm dêh, thei krung hu brei ka khol hư thau piêh đôic daup truh di binhôr dangih mưkek thi mưrai? 8Yau nan, xang athal jiơng lek thamgôn thong gruk tumal 9#Yâ 8:33.thong jôi êng xanưng: ‘Ap-ra-ham nạn muk kei khol dahlak’; kaywa dahlak đôm ka dôm urang thau laic Pô Lingik hu mưda ngak ka dôm patau ni gilaic jiơng anưk taco Ap-ra-ham. 10#Mat 7:19.Ajong krung hu cek jek gog phun, phun halei ôh pajiơng boh siam gok koh thong parah tamư apui tha bla. 11Dahlak ngak ƀap-tem ka khol hư mưng ia piêh tumal glaic; min Dê mưrai hadei di dahlak, ganuh gon hơl di dahlak, dahlak ôh đang tơk kalik jwak ka Bhô. Mưca Bhô ngak ƀap-tem ka khol hư mưng Pô Nưbi Ginrơh thong apui. 12Tangin Bhô pan kanơh paprôk biak hacih lan padai drei, bloh rik padai tamư gilang, dok pông anrang yơ mưca Bhô cuh dalam apui ôh bik padam.”
Pô Yê-su ciup ƀap-tem
(Mag 1:9-11; Lu-ka 3:21-22)
13Tuk nan, Pô Yê-su mưng nưgar Ga-li-lê mưrai tom Yâng tak krong Yô-đar piêh bihu ong ngak ƀap-tem. 14Min Yâng ran ghak drưh Bhô, thong pathau laic: “Êng dahlak mưng hajat Bhô ngak ƀap-tem, habar Bhô gilaic mai tom dahlak?” 15Pô Yê-su thuuk: “Urak ni kưk ngak mek, kaywa khol drei hajat xang pathik abih bruk kahanôt.” Yau nan, Yâng pang panôic Bhô. 16Tuk bihu ƀap-tem bloh, birau di tuk Pô Yê-su tagôk truh di ia, yơ dêh, dôm pakat lingik pơh tabiak, Bhô ƀôh Nưbi Ginrơh Pô Lingik biđang trun yau katrau đam ngok Bhô. 17#Mat 12:18; Mat 17:5; Mag 1:11; Lu 9:35.Mưni, hu xap mưng thôr riga bican: “Sani nạn Anưk uranam anưd Ita, bui tian Ita purmưta.”
Aktualisht i përzgjedhur:
Ma-thi-ơ 3: CJM2024
Thekso
Ndaje
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2024 Bible Society Vietnam. All rights reserved.