Ardhja: Udhëtimi drejt KrishtlindjesShembull

Ji Besnik në Gjërat e Vogla

Zotit i pëlqen të veprojë ndryshe nga këndvështrimi i botës. Ai nuk i nderon njerëzit për të njëjtat arsye që i nderon bota. Ai e vlerëson besnikërinë mbi famën dhe përulësinë ndaj pushtetit. Natën e mrekullisë së Tij më të madhe, në vend që t'ia zbulonte atë më parë mbretërve ose udhëheqësve të botës, Zoti dërgoi një engjëll për t'i treguar barinjve të zakonshëm. Luka 2:8 na thotë se barinjtë ishin “duke jetuar në fushat aty pranë, duke ruajtur kopetë e tyre.” Vlen të përmendet se këta njerëz ishin punëtorë të përkushtuar, që jetonin pranë deleve të tyre dhe kujdeseshin mirë për gjërat që i ishin besuar administratorit. Barinjtë ishin me status të ulët shoqëror, por ata ishin njerëz besnikë dhe Zoti i zgjodhi ata të ishin marrësit e parë të lajmit më të madhë në histori. Prandaj, ata ishin në krye të radhës për të takuar personalisht Birin e Perëndisë!

Nëse ndihesh i parëndësishëm ose i nënvlerësuar sot, mos ndalo së investuari në atë që të ka dhënë Zoti për të bërë. Edhe nëse mendon se detyra jote është e vogël, jep gjithçka që ke. Mos u dekurajo! Zoti po kërkon njerëz që do të jenë besnikë me pak, në mënyrë që Ai t'u besojë atyre më shumë. Çfarëdo që të është caktuar të bësh sot, bëje atë me gjithë fuqinë tënde. Zoti e sheh zellin tënd dhe i shpërblen ata që me besnikëri e kryejnë detyrën që kanë përpara.

Lutje: At, faleminderit që i dhe vlerë asaj që duket se bota e nënvlerëson. Pavarësisht se çfarë detyre më jep, unë angazhohem të punoj për të me gjithë zemër. Më ndihmo të mos dekurajohem nga standardet e kësaj bote, por përkundrazi të kujtoj sesi Ti zgjodhe barinjtë e përulur, të zellshëm, që të ishin të parët që të dinin për mrekullinë e Krishtlindjes. Ashtu si barinjtë, faleminderit që më zgjodhe që të jem bartës i Lajmit tënd të Mirë. Dhe të falënderoj paraprakisht që më dhe më shumë pasi jam besnik me atë që më ke besuar.

Shkarko imazhin e sotëmkëtu.