Ardhja: Udhëtimi drejt KrishtlindjesShembull

Ndjekja Çon në Rritje

Luka 2:22 na tregon se kur Jezusi ishte fëmijë, Maria dhe Jozefi e shpunë Atë në tempullin në Jeruzalem, për ta paraqitur para Zotit dhe për të respektuar ligjet e Zotit. Ne pastaj lexojmë se Jezusi u rrit, u bë i fortë, ishte i mbushur me dituri dhe hiri i Zotit ishte mbi Të (vargu 40). Jezusi jep shembullin se si duhet të jetojmë, por mund të duket e pamundur nëse përqendrohemi vetëm në faktin se Ai ishte Perëndi. Jezusi ishte gjithashtu plotësisht njeri, dhe sipas Shkrimit, madje Ai kishte mundësinë të zhvillohej dhe të rritej. Por çfarë nxiti rritjen e Shpëtimtarit tonë?

Në kulturën moderne, ne jemi të bombarduar me marketingun vetë-ndihmues që na tregon se si mund t'i bëjmë trupat tanë më të fortë, të bëhemi më të suksesshëm në biznes, të ndihmojmë veten të kapërcejmë depresionin... Për vetëm disa dollarë, mund të mësojmë më shumë dhe të bëjmë më shumë dhe ta bëjmë veten më të mirë.

Eshtë e rëndësishme të theksohet se Fjala flet për rritjen e Jezusit, ndërsa Ai dhe familja e Tij nderuan Perëndinë. Sigurisht, ka hapa që ne mund të ndërmarrim bazuar në forcën tonë për t'u rritur, por asnjë masë vetë-ndihmuese nuk mund ta përgatiste Jezusin për thirrjen në jetën e Tij. Dhe asnjë sasi vetë-ndihmuese nuk do të zërë vendin e hirit të Zotit në jetën tonë. Ne shohim të Krishterë në shtretërit e tyre të vdekjes me mençuri dhe forcë më të madhe, se udhëheqësit ose atletët më të suksesshëm. Ne nuk do të vazhdojmë të fitojmë mençuri dhe forcë duke u munduar të ndihmojmë veten. Ato janë një nënprodukt i ndjekjes dhe nderimit të Zotit dhe përjetimit të hirit të Tij jetë-ndryshues.

Gjatë këtij sezoni të Krishtlindjes, përqendrohu në atë që është e mundur kur i afrohesh Jezusit. Ti nuk ke pse të përpiqesh të matesh me disa standarde të paarritshme të kësaj bote. Pusho duke e ditur se mençuria dhe forca e vërtetë do të vijnë nga afrimiteti yt me Të. Kur e ndjek Atë çdo ditë, je i garantuar se do të rritesh dhe të pajisesh për qëllimin tënd.

Lutje: At, faleminderit që je burimi im i mençurisë dhe forcës. Hiri Yt më jep shpresë për të ardhmen time. Unë e di që Ti je shumë më i mrekullueshëm nga sa mund të jem unë ndonjëherë, dhe vazhdoj të jem mirënjohës për gatishmërinë Tënde për të ndarë forcën Tënde me mua. Kur kam mundime, më ndihmo të mbështetem tek Ti sesa tek vetja ime.

Shkarko imazhin e sotëm këtu.