Popularni biblijski stihovi iz ROM 6

Podeli

Sual man chu thihna a ni si a; Pathian thilthlâwnpêk erawh chu, kan Lalpa Krista Isua zârah chuan chatuana nunna a ni.

Sualnain in chungah thu a nei dâwn tawh si lo, dân rorêla awm in ni lo va, khawngaihna rorêla awm in ni zâwk si a.

Chuvângin, a thihnaah baptisma kan chanin, a hnêna phûm vein kan awm; Pa ropuinain mitthi zîng ata Krista a kaihthawh ang khân, keini pawh nunna tharin kan awm theih nân.

In taksa pêngte pawh fel lohna hriamhrei atân sualna hnênah pe phal hek suh u; amaherawhchu, mitthi zîng ata nung leh angin Pathian hnênah inpe ula, in taksa pêngte pawh chu felna hriamhrei atân Pathian hnênah pe phal zâwk rawh u.

Hêng hi hria ila: kan mihring hlui chu a hnênah khenbehin a awm ve ta, sual pu taksa chu tihborala a awm theih nân, tûn achinah sual bâwiha kan awm lohna tûrin.

Chutiang bawkin nangni pawh sual lam kawngah thi tawhah inruat ula, Pathian lam kawngah erawh chuan Krista Isuaah nungah inruat rawh u.

Eng nge kan sawi tâk ang le? Khawngaihna chu a pun lehzual theih nân sualin kan awm reng dâwn em ni? Hnai lo ve. Keini sual kawnga thi tawh sualin engtin nge kan la nun theih cheu vang?

Tu hnênah pawh an thu âwih tûra bâwiha in luh chuan (thihna khawpa sual bâwih emaw, felna khawpa thu âwih bâwih emaw), a thu in awiha bâwih chu in ni tih in hre lo vem ni?

Amaherawhchu, sual bâwihte ni mah ula, zirtîr dân a hnêna in inpêkna chu rilru tak zetin in lo âwih a; tin, sual lak ata chhuahin in awm a, felna bâwihte in lo ni ta a; chuvângin, Pathian hnênah lâwmthu awm rawh se