Kumsada 25
25
Utru fijus di Abraon
(1 Kron 1.32-33)
1Abraon toma utru minjer comadu Ketura. 2Es padi ku el Zinran, Joksan, Medan, Midian,#Ŝef 6.1 Jisbak ku Suá.
3Joksan padi Sebá ku Dedan. Fijus di Dedan seduba Asurin, Letusin ku Leumin.
4Fijus di Midian seduba Efá, Efer, Enok, Abida ku Elda. Es tudu e sedu fijus di Ketura.
5Abraon disa tudu#Kap 15.2-4; 24.36 ki teneba pa Isak. 6Ocal bibu inda, i da pursentis pa fijus di si kumadris, i manda elis pa tera ku sta na ladu di saida di sol, lunju di si fiju Isak.
Mortu di Abraon
7Tudu vida di Abraon i sedu di sentu i setenta i sinku anu. 8I muri ku bon#Kap 15.15 bejisa, un omi di idadi; i lebadu pa si pobu. 9Si fijus Isak ku Ismael nteral na koba di Makpela,#Kap 23.9-20 na terenu di Efron, fiju di Zoar, eteu, ku staba pertu di Manre, 10ki terenu ku Abraon kumpraba na mon di fijus di Et. La ku Abraon nteradu, ku Sara si minjer. 11Dipus di mortu di Abraon, Deus bensua si fiju Isak, ku moraba lungu di fonti di Laai-Roi.
Jorson di Ismael
(1 Kron 1.29-31)
12Es i lista di jorson di Ismael, fiju di Abraon, kil ku Agar, di Ejitu, katibu di Sara, padiba ku el.
13Es i nomi di fijus di Ismael, konformi se jorson. Purmeru fiju di Ismael seduba Nebaiot; dipus i padi Kedar, Adbeel, Mibsan, 14Misma, Dumá, Masá, 15Adar, Tema, Jetur, Nafis, ku Kedemá. 16Esis i fijus di Ismael, dozi ŝef#Kap 17.20 di familias; se nomis dadu pa se tabankas ku se moransas. 17Tudu vida di Ismael i sentu i trinta i seti anu. I muri, i lebadu pa si pobu. 18Si jorson moraba na metadi di tera di Avilá ku Sur, pertu di Ejitu, na ladu di saida di sol, na kamiñu pa Asiria. E vivi lunju di tudu utru fijus di Abraon.
Jorson di Isak
19Es i storia di Isak, fiju di Abraon. Abraon padi Isak. 20Oca Isak teneba korenta anu di idadi, i kasa ku Rebeka, fiju di Betuel, arameu di Padan Aran, irma di Labon, ku seduba tambi arameu.
21Isak fika i na ora SIÑOR pa si minjer, pabia i ka ta padi. SIÑOR obi si orason. Rebeka, si minjer, preña. 22Fijus na bulbuliba dentru di si bariga. I punta: “Ke ku manda N sta asin?” I bai punta SIÑOR. 23SIÑOR falal: “Dus nason ku sta na bu bariga.
Bu na padi dus jorson ku na separa.
Un jorson na sedu mas forti di ki ki utru;
Ki mas garandi#Kap 27.29,37,40; 2 Sam 8.14; Rom 9.10-13 na sirbi ki mas pikininu.”
Esaú ku Jakó padidu
24Oca tempu ciga pa i padi, i teneba jemias na si bariga. 25Purmeru padidu burmeju, kurpu kubridu ku kabelu suma ropa di kabelu. Pabia di kila, i pudu nomi di Esaú.#25.25 Esaú pudi signifika kabeludu. 26Dipus si ermon padidu; si mon pega kalkañada#Os 12.3 di Esaú. Pabia di kila, i pudu nomi di Jakó.#25.26 Jakó signifika “I pega kalkañada” ku pudi tene sintidu di nganadur. Isak teneba sesenta anu kontra e padidu.
27Mininus kirsi. Esaú bin ten jitu na montia; i gostaba di vida di matu, ma Jakó sedu un omi ketu, ku ta fika lungu di tendas. 28Isak gostaba di Esaú, pabia i ta kontenti ku karni ki ta montia, ma Rebeka gostaba di Jakó.
29Un dia Jakó kusña un gisadu. Esaú bin di matu kansadu, 30i fala Jakó: “Ten pasensa, tira utru di ki gisadu burmeju pa N kume, pabia N kansa.” Pabia di kila, e pul nomi di#Kap 36.1,9,43; Sai 15.15; Num 20.14-21; 2 Sam 8.14 Edon.#25.30 Edon signifika burmeju.
31Jakó falal: “Son ora ku bu bindin bu diritu di purmeru fiju.”
32Esaú falal: “Jubi, N sta kuas pa muri! Ke ku diritu di purmeru fiju na balin?”
33Jakó falal: “Jurmenta gosi.” I jurmenta, i bindi Jakó diritu di purmeru#Eb 12.16 fiju. 34Jakó da Esaú pon, ku ki gisadu burmeju ku parsi fison. I kume, i bibi, i lanta, i bai. Asin i njuti si diritu di purmeru fiju.
Trenutno izabrano:
Kumsada 25: povB
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 1993-2020, Instituto de Tradução e Alfabetização