लूका 13
13
पांजे पापन खां तौबां कयो
1उन वक़्त कुछ मांणुन अची करे येशुअ खे उन गलील्युन जे बारे में बु॒धायो जेंखे पिलातुसअ माराए छड॒यो ऐं संदन जो खून उनन जे ही ब॒ली क्यल जानवरन सां गड॒ मिली वयो, जेके ब॒ली उहे मंदरअ में कन पया। 2इयो बु॒धी येशुअ उनन खे चयो, “तवां छाता समझो, के इहे गलीली ब्॒यन सबनिन गलीलिन खां वधीकअ पापी हुवा, के उनन सां गड॒ इंय थ्यो?#यूह 9:1-3 3मां तवां खे चवां तो इंय कोने; परअ अगर तवां पांजन पापन खां तौबां न कंदव, त तवां सब बी सागे॒ ही तरीके सां नाश थींदव।#भजन 7:12 4यां, तवां छाता समझो के उहे अरणां ज॒णा जेके शीलोह जी मिनारअ किरण सां दब॒जी मरी वया उहे सबनिन यरूशलेमअ में रवण वारन खां वधीकअ पापी हुवा? 5मां तवां खे चवां तो इंय कोने; परअ अगर तवां पांजन पापन खां तौबां न कंदव, त तवां सब बी इन हीं तरीके सां नाश थींदव।”
बिना फ़लअ जे अंजीरअ जो वण
6पो येशुअ मांणुन खे हिकअ मिसालअ डीं॒दे चयईं, “हिकड़े मांणूअ जे अंगूरअ जे बाग़॒अ में अंजीरअ जो वण लग॒ल हो। उहो उन में फल गो॒लण आयो परअ संदस खे हिक बी फल न मिल्यो।#लूका 3:9; मत्ती 3:10; 21:19; मर 11:13 7इन ते उन बाग़॒अ जे मालीअ खे चयईं, ‘डि॒स, मां टिन सालन खां इन अंजीरअ जे वण में फल गो॒लण तो अचां परअ इन वण मां मुखे हिक बी फल न मिल्यो आहे। इन करे इन खे कटे छड॒, के इयो ज़मीनअ खे बी छो रोके वे?’ 8परअ मालीअ उन खे चयईं, ‘हे स्वामी, इन वण खे हिक साल अञा रवण डे॒, के मां इन जे चौतरफ़ां खोटे करे इन में खाद विझां।#2 पत 3:9,15 9अगर इन खां पो बी इयो फल नथो डे॒, त पो इन खे कटे छड॒जैं’।”
सबधअ जे डी॒ंहं ते हिकअ स्त्रीअ खे ठीक करण
10हिकअ दफ़े येशु सबधअ जे डीं॒हं ते प्रार्थना-घरअ में सिख्या ड॒ई रयो हो, 11उते हिकड़ी स्त्री हुई जेमें अरणन सालन खां दुष्‍टआत्मा हुई। दुष्‍टआत्मा उन स्त्रीअ खे कमजोर ऐं कुब॒ड़ी करे छड॒यो हुयईंस ऐं उहा कें बी तरीके सां सिधी न पई थी सगे॒। 12जड॒ऐं येशुअ उन खे डि॒ठो, त पाण वट सड॒ करे चयईंस, “हे स्त्री, तूं पांजी बीमारीअ मां आज़ाद थीअं।” 13तड॒ऐं येशुअ उन जे मथां पांजा हथअ रखयईं, त ओढी॒ मलई उहा कुब॒ड़ी स्त्री सिधी थी वई ऐं परमेश्वरअ जी स्तुति करण लगी॒। 14इन ते प्रार्थना-घरअ जे सरदारअ खे गुस्सो लगु॒स, छो त येशुअ सबधअ जे डीं॒हं ते उन स्त्रीअ खे ठीक कयो वईं। उहो सरदार मांणुन खे चवण लगो॒, “छः डीं॒ंहं आइन, कम करण जे लाए। सो उनन डीं॒हन में हीं ठीक थ्यण जे लाए अचो, सबधअ जे डी॒ंहं ते न।”#निर्ग 20:9,10; व्य 5:13,14 15इयो बु॒धी येशुअ उन खे चयो, “हे पाखंडीयो, छा तवां मां हर कोई सबधअ जे डीं॒हं ते पांजे ढगे॒ यां गड॒व खे तबेले मां खोले पाणी पियारण जे लाए न वठी वेंदो आहे? 16त पो छा इयो सही न हो, के इया स्त्री जेकी अब्राहमअ जे वंशज जी आहे सबधअ जे डीं॒हं ते आज़ाद कई वञे आं, जेंखे शैतानअ अरणन सालन खां पांजे ब॒न्धन में ब॒धी रख्यो वईं?#प्रेरि 3:25” 17येशुअ जूं इहे गा॒ल्यूं बु॒धी करे हुन जा सब विरोधी शर्मसार थी वया परअ बाकी सजी॒ भीड़अ हुन जे अजबन जे कमन खे डि॒सी करे ख़ुश थी।
राईअ जे बि॒जअ जो मिसाल
(मत्ती 13:31,32; मर 4:30-32)
18पो येशुअ चयईं, “परमेश्वरअ जो राज॒ कें वांगुर आहे? मां उन खे छा सां भेटियां? 19उहो राईअ जे हिकअ बि॒जअ वांगुर आहे, जेंखे कें मांणूअ खणी पांजे बाग़॒अ में पोख्यो ऐं उहो वधी करे वण थी वयो ऐं आकाशअ जा पखी अची उन जी टारियुन ते घोसलो ठाहे रवण लगा॒।#दानि 4:12,21; यहेज 17:23; 31:6”
ख़मीरअ जो मिसाल
(मत्ती 13:33)
20येशुअ वरी चयईं, “मां परमेश्वरअ जे राज॒अ खे छा सां भेटियां? 21उहो ख़मीरअ वांगुर आहे, जेंखे कें स्त्रीअ खणी अटे सां भरयल वडे॒ थालअ में मिलायईं ऐं मिलाईंदे मिलाईंदे इंय थ्यो, के ख़मीर सजे॒ अटे में फैलजी वयो।”
सोड़ो दरवाज़ो
(मत्ती 7:13,14,21-23)
22येशु नगर-नगर ऐं गाम-गामअ में सिख्या डी॒ंदो यरूशलेम शहेरअ जी तरफ वञी रयो हो, 23त कें मांणूअ येशुअ खां पुछो, “प्रभु! छा उद्धार पाएण वारा थोड़ा ही आइन?” इन ते येशुअ उन खे चयईं, 24“सोड़े दरवाज़े मां अंदर दाख़िल थ्यण जी दिलजान सां कोशिश कयो, छोके मां तवां खे चवां तो के डा॒ढा अंदर दाख़िल थ्यण जी कोशिश कंदा परअ घिरी न सग॒ंदा।#1 तीमु 6:12 25जेकड॒ऐं हिकअ दफ़े घरअ जे धणीअ दरवाज़ो बंद करे छड॒यो, त पो तवां बा॒हिर बीह करे केतरोही दर खड़काए करे चओ, ‘हे मालिकअ, असां जे लाए दर खोल’ परअ हू तवां खे जवाब डीं॒दो, ‘के मां तवां खे न सुञाणींदो आयां, के तवां किथां आया आयो?#मत्ती 25:11-12’ 26इन ते तवां चवंदव, ‘असां तोसां गड॒ खादो-पीतो हो ऐं तो असां जे चौंकन में सिख्या डि॒नी हुई।#मत्ती 7:22-23’ 27परअ हू तवां खे चवंदो, ‘मां तवां खे न सुञाण्यां के तवां किथां आया आयो। हे कुकर्म करण वाराओ तवां सब मुंजे सामूंअ खां हली वञो।’#भजन 6:8 28पो जड॒ऐं तवां अब्राहम, इसहाक, याकूब ऐं सब भविष्यवक्‍ताउन खे परमेश्वरअ जे राज॒अ में डि॒संदव ऐं पांजे पाण खे उन मां बा॒हिर पाईंदव तड॒ऐं तवां रोईंदव ऐं पांजा ड॒ंदअ पीसींदव।#मत्ती 22:13; 25:30 29ओभर ऐं ओलहा; उत्तर ऐं ड॒खण खां मांणू अची परमेश्वरअ जे राज॒अ जे दावतअ में शामिल थींदा।#मत्ती 8:11-12; लूका 14:15; यशा 49:12; भजन 107:3 30डि॒सो, केत्रा ही जेके हाणे पोयां आइन उहे अग॒यां थींदा; ऐं केत्रा ही जेके हाणे अग॒यां आइन उहे पोयां थींदा।#मत्ती 19:30; 20:16; मर 10:31”
हेरोदअ जो कपट
31उन वक़्त कुछ फ़रीसी येशुअ वट आया ऐं संदस खे चयऊं, “तूं हितां निकरी हल्यो वञ, छोके हेरोद तोखे मारण तो चाहे।” 32येशुअ उनन खे चयो, “वञो ऐं उन लोमड़ीअ खे चओ, के मां अज॒ ऐं सुभाणे दुष्‍टआत्माउन खे कढंदुम ऐं बीमारन खे ठीक कंदो रवंदुम ऐं टें डी॒ंहं ते पांजो मकसद खे पूरो कंदुम#13:32 अज॒, सुभाणे खे आलंकारिक तरीके सां चयल आहे, इन जो मतलब आहे: कुछ डी॒ंहन खां ताईं ऐं टें डी॒ंहं जो मतलब आहे के इन खां पो।।। 33परअ तड॒ऐं बी मुंजे लाए इयो ज़रूरी आहे के अञा थोड़े समय जे लाए पांजो सफ़र जारी रखां, छोके इंय न थी सग॒ंदो आहे, के कोई भविष्यवक्‍ता यरूशलेम खां बा॒हिर मारयो वञे।”
यरूशलेमअ जे लाए येशुअ जो प्रेम
(मत्ती 23:37-39)
34“हे यरूशलेम! हे यरूशलेम! उहो शहेर जेको भविष्यवक्‍ताउन खे मारे छडी॒ंदो आहे ऐं परमेश्वरअ जे दूतन ते पथराव कंदो आहे। मां केतराही दफ़ा चायो के जीअं मुर्गी पांजे बा॒रन खे पांजे परन जे हेठां इकट्ठो कंदी आहे, उअं हीं मां बी तुंजे बा॒रन खे इकट्ठो कयां परअ तो मुखे इज़ाजतअ न डि॒नी। 35इन करे हाणे डि॒सो, तवां जो घर तवां जे लाए वीरान कयो वेंदो।#यिर्म 22:5 मां तवां खे चवां तो, के तेसताईं तवां मुखे वरी कड॒ऐं न डि॒संदव जेसताईं इंय न चवंदव, ‘धन्य आहे उहो जेको प्रभुअ जे नाले सां तो अचे’।#भजन 69:25; 118:26; लूका 19:38”
Trenutno izabrano:
लूका 13: SND
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi