लूका 14
14
फ़रीसीअ जे घरअ में येशु
1हिकअ सबधअ जे डी॒ंहं ते येशु कें फ़रीसी अधिकारीअ जे घर रोटी खाएण वयो; ऐं हर कोई हुन खे डा॒ढो ध्यान सां डि॒से प्यो।#लूका 11:37 2उते हिक मांणू येशुअ जे सामूं आयो जेंजियूं टंगूं ऐं बा॒ंहूं सुज॒यल हुयूं। 3इन ते येशुअ धर्मशास्त्रिन ऐं फ़रीसिन खां पुछयईं, “छा असां जी व्यवस्था में सबधअ जे डीं॒हं ते बीमारअ खे ठीक करण सही आहे के न?” 4परअ उहे चुप रया। तड॒ऐं येशुअ उन मांणूअ जे मथां हथअ रखी संदस खे ठीक कयईं ऐं उन खे मोकले छड॒यईं। 5तड॒ऐं येशुअ उनन खे चयईं, “अगर तवां जो पुट यां ढगो॒ सबधअ जे डीं॒हं ते कें खडे॒ में किरी पए, त तवां मां एड़ो केर आहे जेको उन खे ओढी॒ मलई बा॒हिर न कढंदो?”#लूका 13:15; मत्ती 12:11 6परअ उहे इन जो कोई जवाब न ड॒ई सग॒या।
निविड़तअ ऐं महेमाननवाज़ी
7जड॒ऐं येशुअ इयो डि॒ठो, के आयल महेमानअ कीअं पांजे लाए अग॒यां-अग॒यां मुख्य जगे॒हुन खे ता चूंडिन, तड॒ऐं येशुअ उनन खे इया मिसालअ ड॒ई चयो#मत्ती 23:6, 8“जड॒ऐं कोई तवां खे शादीअ जी दावतअ में अचण जो न्योतो डे॒, त उते तवां कें मुख्य जग॒ऐ ते न वेझो, छोके थी सगं॒दो आहे, के उन तवां खां बी कें वधीकअ मानअ वारे मांणूअ खे न्योतो डि॒नो हुजईं,#नीति 25:6 9ऐं जैं मांणूअ तवां बि॒निन खे न्योतो डि॒नो आहे उहो तो वट अची करे चहे, ‘के इन खे हिते व्यण डे॒’। त पो तोखे शर्मसार थी करे पोयां वञी व्यणो पवंदए। 10परअ जड॒ऐं तोखे न्योतो मिले, त उते सबनिन खां पोयां वञी वेझां, त जैं तोखे न्योतो डि॒नो आहे उहो अची करे तोखे चहे, ‘मुंजा दोस्तअ, हल अग॒यां हली वे।’ इन सां जेके बि॒या महेमानअ तोसां गड॒ वेठा आइन उनन जे अग॒यां तुंजो मान थींदो।#नीति 25:6,7 11छोके जेको पांजे पाण खे वडो॒ तो सडा॒ए उहो नंढो कयो वेंदो; ऐं जेको पांजे पाण खे नंढो तो करे उहो वडो॒ कयो वेंदो।#मत्ती 23:12; लूका 18:14” 12इन खां पो येशुअ पांजे न्योतो डि॒यण वारे खे बी चयईं, “जड॒ऐं बी तूं दावतअ जो न्योतो डी॒ं, त पांजे दोस्तन, भावरन, मिट-माइटन ऐं शाहूकार पाड़ेवारन खे न सड॒ कराए जैं। किथे इंय न थे, के उहे बी तोखे न्योतो डि॒यन इंय करण सां तूं जेको कुछ कयो आहे उन जो कोई फायदो न रवंदो। 13परअ जड॒ऐं तूं दावतअ डी॒ं, त कंगालन, लूलन, लंगड़न ऐं अंधन खे न्योतो डि॒जऐं।#व्य 14:29 14तड॒ऐं तूं धन्य थींदे, छोके उनन वट तोखे वापस मोटाएण जे लाए कुछ बी कोने ऐं पो धर्मिन जे मौतअ मां जी उथण ते तोखे इन जो ईनाम मिलंदए।”
वडी॒ दावतअ जो मिसाल
(मत्ती 22:1-10)
15येशुअ सां गड॒ रोटी खाएण वारन मां कें हिकड़े मांणूअ इयो बु॒धी हुन खे चयईं, “धन्य आहे उहो जेको परमेश्वरअ जे राज॒अ में रोटी खाईंदो।#लूका 13:29” 16येशुअ उन खे इयो मिसाल डी॒ंदे चयईं, “कें मांणूअ हिकअ डा॒ढी वडी॒ दावतअ डि॒यण जी तैयारी कई ऐं उन डा॒ढन हीं मांणुन खे न्योतो डि॒नईं। 17पो जड॒ऐं रोटी तैयार थी वई, त उन पांजे कें दासअ जे हथां जेंखे उन न्योतो डि॒नो वईं उनन खे चवाए मोकल्यईं, ‘अचो, हाणे रोटी तैयार आहे।’ 18परअ उहे सब मांणू हिकअ-बे॒ जे पोयां बहानो करण लगा॒। पहेरें ज॒णे उन दासअ खे चयो, ‘मां हिक खेत वरतो आहे ऐं ज़रूरी आहे के मां वञी पहेरयों उन खे डि॒सां; इन करे मां तोखां विनती तो कयां तूं मुंजे तरफां उन खां माफ़ी घुरी छड॒जैं।’ 19बे॒ ज॒णे उन दासअ खे चयो, ‘मां ढग॒न जा पंजअ जोड़ा वरता आइन ऐं मां उनन खे जांचण तो वञा। इन करे मां तोखे विनती तो कयां तूं मुंजे तरफां उन खां माफ़ी घुरी छड॒जैं।’ 20टें ज॒णे उन दासअ खे चयो, ‘मां हाणे अञा नईं-नईं शादी कई आहे तैं करे मां न अची सगं॒दुम।’ 21उन दासअ मोटी करे, उहे सबही गा॒ल्यूं पांजे मालिकअ खे चई बु॒धायूं। इयो बु॒धी मालिकअ गुस्से में अची पांजे दासअ खे चयईंस, ‘जल्दी वञी नगरअ जे बज़ारुन ऐं घिटियुन मां कंगालन, लूलन, अंधन ऐं लंगड़न खे हिते वठी अचो।’ 22उहो दास वयो ऐं मोटी अची पांजे मालिकअ खे चयईं, जीअं तूं आज्ञा डि॒नी हुई असां इंय हीं कयो परअ तैं हुंदे बी अञा जग॒ऐ बची आहे। 23इन ते मालिकअ पांजे दासअ खे चयईं, ‘रोडन ऐं फुटफाटन ते वञो ऐं मांणुन खे मनाए करे वठी अचो जेसां मुंजो घर भरजी वञे। 24छोके मां तवां खे चवां तो, के जेंखे बी पहेरयों दावतअ में न्योतो डि॒नो वयो हो उनन मां कोई बी मुसां गड॒ रोटी न खाई सग॒ंदो’।”
चेलो ठवण जी कीमतअ
(मत्ती 10:37,38)
25हिकअ दफ़े वडी॒ भीड़अ येशुअ सां गड॒ हली रई हुई तड॒ऐं हुन पोयां मुड़ी करे उनन खे चयईं, 26“अगर कोई मुंजो चेलो ठवण चाहे ऐं मुखां वधीकअ पांजी जान ऐं पांजे माता-पिता ऐं ज़ालअ, बा॒रअ ऐं भावरअ ऐं भेनरुन खे तो प्यार करे त उहो मुंजो चेलो ठवण जे लाएक कोने#व्य 33:9-10; लूका 18:29-30; यूह 12:25 ; 27ऐं जेको बी पांजो क्रूस खणी करे मुंजे पोयां न हले उहो बी मुंजो चेलो न थी सग॒ंदो आहे।#मत्ती 10:38; 16:24; मर 8:34; लूका 9:23 ”
28“तवां मां एड़ो केर आहे जेको मिनार ठाराएण चाहे ऐं पहेरयों वई करे खर्चअ जो हिसाब-किताब न करे, के मां उन खे पूरो करे सग॒ंदुम, यां न? 29छोके अगर हिसाब-किताब करे बिना मिनारअ जी बुनियाद विझे तो ऐं उन खे पूरो नथो करे सगे॒, त इन ते सब डि॒सणवारा उन जी ठठोली करे चवण लग॒ंदा, 30‘हिन मांणूअ बुनियाद त विधी परअ मिनारअ खे पूरो न करे सग॒यो।’ 31यां एड़ो केर राजा आहे जेको बे॒ राजा सां लड़ाई करण वञे परअ उन खां पहेरयों पांजे सलाहकारन सां गड॒ वई करे सोच-विचार न कंदो, के जेको राजा वीअ हज़ार सैनिकअ खणी असां जे मथां चढ़ाई करण जे लाए अची रयो आहे, त छा असां पांजे ड॒हन हज़ारन सैनिकन सां उन जो सामनो करे सग॒ंदासीं यां न? 32अगर उहो विचार करण खां पो इन नतीजे ते पहुचें, के मां उन जो सामनो न करे सगं॒दुम, त उहो उन राजा जे डा॒ढो परते हुंदे ही पांजन राज-दूतन खे उन राजा वट मोकले करे संदस खां मेल-मिलाप करण जूं शरतूं पुछंदो। 33सो इंय हीं जेको बी तवां मां पांजो सब कुछ त्यागे॒ न छडे॒, त उहो मुंजो चेलो न थी सग॒ंदो आहे। ”
बेस्वादी लूण जो मिसाल
(मत्ती 5:13; मर 9:50)
34“लूण त सुठो आहे, परअ जड॒ऐं हू पांजो स्वाद विञाए तो छडे॒, त पो भला तवां उन खे वरी केड़ी शए सां स्वादिष्‍ट कंदव?#मत्ती 5:13; मर 9:50 35छोके बेस्वादी लूण न त ज़मीनअ जे ऐं न हीं भाण#14:35 भाण जो हिते मतलब आहे, खाद जेकी खेतीअ खे उपजाऊ करण जे लाए इस्तेमाल थींदी आहे। जे कम ईंदो आहे। उन खे त मांणू बा॒हिर फिटी करे छडी॒ंदा आइन। जेको बु॒धोता उन खे समझो।”
Trenutno izabrano:
लूका 14: SND
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi