लूका 15
15
गुम थ्यल रिढअ जी मिसालअ
(मत्ती 18:12-14)
1 #
लूका 5:29,30 हिकअ दफ़े सब महसूल उगा॒ड़ींदड़अ ऐं पापी येशुअ वट आया ताकि हुन जी सिख्या खे बु॒धन। 2इयो डि॒सी फ़रीसी ऐं धर्मशास्त्री कुड़कुड़ाए करे इंय चवण लगा॒, “हे त पापिन सां गड॒ मेल-झोल तो रखे ऐं उनन सां गड॒ रोटी बी तो खाए।#लूका 5:30” 3इन ते येशुअ उनन खे हिक मिसाल डि॒नईं#लूका 19:10; यहेज 34:11; 16, 4“मञो तवां मां कें वट सऔ रिढूं हुजन ऐं उनन मां हिकअ गुम थी वञे, त छा उहो उन नवानवे रिढुन खे जंगलअ में महफूज जग॒ऐ ते छडे॒ करे, उन हिकअ रिढअ खे तेसताईं न गो॒लींदो जेसताईं उहा उन खे मिली नथी वञे? 5ऐं जड॒ऐं उहा उन खे मिली ती वञे, त उहो उन रिढअ खे आनंदअ सां पांजे कुल्हन ते खणी तो वठे; 6ऐं पांजे घर वञी दोस्तन ऐं पाड़ेवारन खे इकट्ठो करे चहे तो, त ‘मुसां गड॒ आनंद मनायो, छोके मुंजी गुम थ्यल रिढअ मुखे वापस मिली वई आहे।’ 7मां तवां खे चवां तो, के इंय ही हिकअ पापीअ जे बारे में बी आहे जेको पांजे पापन खां तौबां तो करे उन जे लाए स्वर्ग॒अ में वधीकअ आनंद मनायो वेंदो परअ उनन नवानवे धर्मिन जे लाए न जेंखे पांजे पापन खां तौबां करण जी ज़रूरत नथी लगे॒।”
गुम थ्यल सिक्‍के जी मिसालअ
8“यां मञो कें स्त्रीअ वट ड॒ह चांदीअ जा सिक्‍का हुजन ऐं अगर उनन मां हिक सिक्‍को गुम थी वञे, त छा उहा डी॒ओ बा॒रे करे, सुठी तरां घरअ में बु॒आरी हणी तेसताईं उन सिक्‍के खे न गो॒लींदी जेसताईं उहो संदस खे मिली नथो वञे? 9ऐं जड॒ऐं उहो उन खे मिली तो वञे, त उहा पांजे पाड़ेवारिन ऐं साहेरिन खे इकट्ठो करे चहे ती, ‘के मुसां गड॒ आनंद मनायो, छोके मुंजो गुम थ्यल सिक्‍को मुखे वापस मिली वयो आहे।’ 10मां तवां खे चवां तो के, इंय हीं हिकअ पापीअ जे बारे में बी आहे जेको पांजे पापन खां तौबां तो करे, उन जे लाए स्वर्ग॒अ में परमेश्वरअ जे स्वर्ग॒दूतन जे सामूं आनंद मनायो वेंदो आहे।”
भटक्यलअ पुटअ जो मिसाल
11येशुअ उनन खे इंय बी चयो, “कें मांणूअ जा ब॒ पुटअ हुवा। 12जेमां नंढे पुटअ पांजे पिता खे चयो, ‘हे बाबा, मिलक्यतअ मां जेको हिस्सो मुंजो आहे उहो मुखे डे॒।’ सो उन पांजी मिलक्यतअ बि॒नी पुटन में विराए छडी॒। 13कुछ डी॒ंहन खां पो नंढे पुटअ पांजी सजी॒ मिलक्यतअ खे गड॒ कयो ऐं घरअ खां डा॒ढो परते बे॒ देश हली वयो। उते उन पांजी सजी॒ मिलक्यत बुरी आदतुन में उडा॒ए छड॒यईं।#नीति 29:3 14जड॒ऐं उन सब कुछ विञाए करे पूरो कयो, त इंय थ्यो के उन देशअ में डा॒ढो वडो॒ अकाल पयो ऐं उहो भुखअ मरण लगो॒। 15सो उहो उन देशअ जे हिकड़े मांणूअ वट वञी कम करण लगो॒। उन मांणूअ उन खे पांजे खेतन में सूअरन खे चढ़ाएण जो कम डि॒नईंस। 16उन जी हालतअ एड़ी थी वई हुई, के जेके फरियूं सूअरअ खाईंदा हुवा, उनन सां हीं पांजो पेट भरण जे लाए तरसंदो हो; परअ उन खे केर कुछ बी न डी॒ंदो हुयो। 17जड॒ऐं उन जी एड़ी हालत थी, तड॒ऐं हू होशो-हवाज़अ में आयो ऐं पांजे पाण खे चवण लगो॒, ‘के मुंजे पिता जे घरअ में सबनिन नौकरन खे ज़रूरतअ खां वधीकअ रोटी मिलंदी आहे ऐं मां हिते भुखअ प्यो तो मरां। 18हाणे मां इंय कंदुम के पांजे पिता डे॒ वञी उन खे चवंदुम, हे बाबा, मां परमेश्वरअ जे ऐं तुंजे खिलाफ पाप कयो आहे#भजन 51:4; 19ऐं हाणे मां इन लायक बी कोन आयां के तुंजो पुट चवाएजां, मुखे पांजे हिकअ नौकरअ वांगुर ही रखी छड॒।’ ”
20“तड॒ऐं हू उथी करे पांजे पिता जे घरअ डा॒ं वञण लगो॒। अञा हू परते ही हो, त उन जे पिता संदस खे डि॒सी वरतईं। उन खे डि॒संदे ही उहो क्यासअ सां भरजी वयो ऐं डुक पाए करे संदस खे भाकुर पातईंस ऐं डा॒ढो चुमयईंस। 21तड॒ऐं पुटअ पांजे पिता खे चयईं, ‘बाबा, मां परमेश्वरअ जे ऐं तुंजे खिलाफ पाप कयो आहे; ऐं हाणे मां इन लायक बी कोन आयां के तुंजो पुट चवाएजां।’ 22परअ उन पिता पांजे नौकरन खे चयईं, ‘झट कयो, सुठे में सुठा कपड़ा खणी अचो ऐं हिन खे पारायो ऐं संदस जे हथअ में मुंडी ऐं पेरन में जूता बी पारायोस, 23ऐं हिकअ थुले जानवरअ खे खणी अचो ऐं उन खे मारयो ताकि असां खाई करे आनंद मनायूं। 24छोके मां इंय सोचो हो, के मुंजो हे पुट मरी वयो आहे परअ डि॒सो हे जिंदो आहे; ऐं हे गुम थी वयो हो परअ हाणे मुखे वापस मिली वयो आहे।’ पो उहे मिली करे आनंद मनाएण लगा॒।#इफि 2:1-5”
25“उन जो वडो॒ पुट उन वक़्त खेतअ में हो। जड॒ऐं उहो खेतअ मां मोटी करे घरअ जे पासे पौंतो, त उन गा॒एण-वजा॒एण ऐं नचण जो आवाज़ बु॒धो। 26सो उन हिकअ नौकरअ खे सड॒ करे पुछयईंस, ‘हे सब छा थी रयो आहे?’ 27नौकरअ उन खे चयईं, ‘तुंजो नंढो भा वापस आयो आहे, सो उन जी ख़ुशीअ में तुंजे पिता थुलो जानवर कटायो आहे, छो के तुंजे पिता उन खे बिल्कुल सही सलामत वापस पातो आहे।’ 28इयो बु॒धी करे उहो एतरे हद ताईं गुस्से में अची वयो, के उहो घर जे अंदर बी न प्यो वञे परअ उन जो पिता बा॒हिर अची करे उन खे मनाएण लगो॒।#लूका 15:2 29परअ उहो पांजे पिता खे गुस्से में चवण लगो॒, ‘डि॒स, मां एड॒न सालन खां गुलामन वांगुर तुंजी सेवा करे रयो आयां ऐं कड॒ऐं बी तुंजी आज्ञा न टारी आहे परअ त बी तूं मुखे कड॒ऐं हिक ब॒करीअ जो वछड़ो बी न डि॒नए, के मां पांजे दोस्तन सां वञी आनंद मनायां। 30परअ जीहंईं हे तुंजो पुट घर आयो, जैं तुंजी मिलक्यत वेश्याउन में उडा॒ए छडी॒, त तूं हिन जे लाए थुलो पाल्यल जानवर कटायो तई।’ 31इन ते पिता उन खे चयईंस, ‘हे पुटअ, तूं त सदाईं मुसां गड॒ आईं; ऐं जेको कुछ बी मुंजो आहे उहो सब त तुंजो ही आहे।#यूह 17:10 32परअ हाणे असां खे आनंद मनाएण ऐं डा॒ढो ख़ुश थ्यण खपे; छोके तुंजो हे भा मरी वयो हो परअ हाणे हे जिंदो आहे; ऐं हे गुम थी वयो हो परअ हाणे असां खे वापस मिली वयो आहे’।”
Trenutno izabrano:
लूका 15: SND
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi