Populära bibelverser från Yɔn 15

Dela

Minɛ yi ralek, naŋ nə yi mara: wuni ɔwe mə tiyȧ ro mi, ɔwa minɛ sɔ ro ŋɔŋ-e, ɔwe ɔ tə wur məkomi məgbathi: Ȧtesoma-e nə gbəli hɛ yɔ koko bepi nə tiyȧ hɛ ro mi.

Tia nu rokor kȧmi ɔwa minɛŋ rokor ka nu. Mɔ mə aŋra aŋ ba hɛ afɔsɔ tə kəwur məkomi, thambe aŋ tiyȧ ka ralek; ya pə yi sɔ naŋ nə gbəli hɛ, thambe nə tiyȧ ro mi.

Bepi nə tiyȧ rokor kȧmi, ɔwa ȧsim ta mi tə tiyȧ rokor ka nu-e, yif nu tȧy o tȧy ȧte nə yema, ɔwa a tə yɔna nu ti.

Naŋ, na tha thith mi, kɛrɛ minɛ thith nu, ka i bot nu, kȧmȧ nə kɔnɛ nə wur məkomi, ɔwa kȧmȧ mȧkomi ma nu mə tiyȧ: kȧmȧ tȧy o tȧy ȧte mə nə tholir ɔKas ka ȧŋes a mi, ɔ tə sɔŋ nu ti.

Wuni o wuni ɔ ba hɛ məbɔthər ama yi məbana məthasi ame, kəpa ɔ tə sɔnd aŋesəm ŋɔŋ ta aŋyathki ŋɔŋ.

Ara o ra ro mi aŋa mə te wur məkomi ɔ gbək ŋi; ɔwa ara o ra aŋa mə wur məkomi, ɔ wasər ŋi, kȧmȧ aŋ bȧr wur məkomi.

Aŋyamari a mi ŋi aŋe, Kama nə bɔthərȧnɛ, mɔ mə minɛŋ i po bɔthər nu.

Ka ȧte a tə yikis ɔKas kȧmi, bepi nə wur məkomi məgbathi; ɔwa ya nə tə yi akarande a mi.

Minɛ yi ralek rəgbeŋ, ɔwa ɔKas kȧmi kɔnɔ yi ɔbaf.

Bepi wuni ɔ tiyȧ hɛ ro mi-e, a tə fitha kɔ rokaŋ mɔ ara, ɔwa aŋ wos; ɔwa a thoŋkla ma, a fitha ma ro nȧnt ɔwa a thɔi ma.

I po kanɛ nu mȧtȧy ame, kȧmȧ mabɔnɛ ma mi mə tiyȧ ro nu, ɔwa kȧmȧ mabɔnɛ ma nu mə gbenthis.

Bepi nə wop aŋyamari a mi-e, nə tə tiyȧ ka mabɔthər ma mi: mɔ mə i po wop aŋyamari ŋa ɔKas kȧmi, ka i tiya ka mȧbɔthər mɔŋ.

Mȧtȧy ame i yamari nu kȧmȧ nə bɔthərȧnɛ.

Bepi nə yi aŋa ȧdȧru, ȧdȧru rə tə bɔthər aŋɔŋ: kɛrɛ ma nə te yi aŋa ȧdȧru, kɛrɛ i po thith nu kəwur ka ȧdȧru-e tiyȧŋ ȧdȧru rə gbɛŋa nu.