Populära bibelverser från Yɔn 16

Dela

I po fɔfȧnɛ nu mȧtȧy ame bɛ, kȧmȧ nə ba məthɔfəl ro mi. Ka ȧdȧru nə tə ba asɔmpanɛ: kɛrɛ bȧk nu təbuth, i po tham ȧdȧru.

Kɛrɛ ma kɔnɔŋ, ɔYina ka təteŋ, ɔ der-e, ɔ tə kora nu ka tȧteŋ bɛ; kotȧy-e, ɔ fɔf hɛ ka ȧŋmerȧ ŋɔŋ; kɛrɛ mȧtȧy bɛ ama ɔ təl, ame ma mɔ fɔf: ɔwa ɔ tə tɔri nu mȧtȧy ama ba tə kəder.

Haŋ ka-ake nə tha thola hɛ koko ka ȧŋes a mi: ɔwa thola nu, nə tə sɔthɔ, kȧmȧ mabɔnɛ ma nu mə lasər.

Ɔwa i kanɛ nu tȧteŋ, pə tə yi ɔfinɔ ta ȧtȧ nu bepi i kɔnɛ: ȧtesoma-e, bepi i kɔ hɛ-e, ɔBɛfəth ɔ ba hɛ kəder ro nu; kɛrɛ bepi i kɔ-e, i ti som kɔ ro nu. Ɔwa ma ɔ po der-e, ɔ tə gbanthir ȧdȧru ta ahakɛ, ta məlompi, yi ta kəthoŋkas ɛpa

Tiyȧŋ naŋ nə ba ɔnɔsinɛ ka-ake; kɛrɛ i ti kȧl sɔ nənk nu, ɔwa ɛmerȧ ɛ nu ɛ tə yasanɛ yi məbɔnɛ, ɔwa wuni o wuni ɔ gbəli hɛ nɔy mabɔnɛ ma nu. Ka ȧŋrey ŋati nə ba hɛ kəyif mi tȧy o tȧy. I kanɛ nu tɛntɛnɛ, tȧy o tȧy ȧte mə nə tholir ɔKas ka ȧŋes a mi, ɔ tə sɔŋ nu ti.

Tɛntɛnɛ i kanɛ nu, nə tə bok ɔwa nə tə kulɔ, kɛrɛ ȧdȧru rə tə sel məbɔnɛ: naŋ nə tə ba ɔnɔsinɛ, kɛrɛ ɔnɔsinɛ ɔ nu ɔ tə səkɛ nu məbɔnɛ.