Populära bibelverser från Matayo 7

Dela

“Rombi, nyeenoo muufewa, fenji, nyeenoo muuhanga, fëndui, nyeenoo muughenyifwa.

Nëugurombaa ugufewaa, nëugufenjaa uguhangaa, na nëugufëndua ugughenyifwaa.

“Uvii, muu muntu nëuguyitegheeya nkhani yanë na uyikwatëëra, ugikhoriwa na muntu nëwina mahaa, nëagajenga nyumba akwe gunto a italaghwe.

Vatendei vangëja asaa nëmuuyafenja veeso vëmutendëe nyee. Ërëë unë riana ra seria amwa Musa na masëyo aa anyagëdaghu.

Ëgweeso njëa nëëgwëndaa guufanga unë mënye, na gënyamwaango gagingëërëa kuuko unë gëfinye antu akeevuu nëvëudaha umëmanya njëa ësëë.

“Ingëi gwa ukëëra gënyamwaango nëgëfinye. Gusoko njëa nëinjë guuyaghao unë ngarë, na gënyamwaango gagingëërëa kuuko unë gëgharë, nëvëukëërëe munjia ësëë unë vingë.

Nësa uvii, mbesa nyee në mweavëë mumanyie uvafa vana vanyu mantu nëmaja, tutë tuutë Tata wanyu wa girunde ugutenda nanguu; uguvafa nëmaja vasaa nëvëumurombaa.

“Mutavaramwëyee vangëja mutajee uramwëywa nyeenoo. Gusoko mwino muuvaramwëya vangëja uu uvii nyee mujie uramwëywa, na ngeero ëyëëyo ëyëëyo nëmuuvagheera vangëja ësëë unë Muungu ujie umugheera nyeeno.

Na muu muntu nëuguyitegheeya nkhani iyii na udëa uyikwatëëra, ugikhoriwa na muntu mufütu nëagajenga nyumba akwe gunto a mahangahanga.

Sokokë nëugugoona gafaara nëgëë muriho ra muunako, na muufafo utirëgune ifaja nërë muuriho rako? Ugudaha wurë umwëëra muunako, ‘Mbuyanë, ika nëguhegheye ifaara muriho rako,’ muufafo veve mughonjo ukweti ifaja muriho rako?

“Ighoji na anyagëdaghu va weegheeghe. Vasaa vëujaa kunë nyee vërye masaa ankhoo gwa gunji, gweesogwayo gwa ukhatë unë mbughi nënkharë. Muuvamanya gwa ntendo yawe. Wurë, antu vëukhaa sabibu mu mëtë a maghuyana, namba tini mu mbëghëëna? Tiuvuu!

Uvii, mutë në uja uguduyaa nkhari në njija na mutë në ubë uguduyaa nkhari mbë.

Mutë në uja utiudaha uduya nkhari në mbë na ëgweeso gwayo mutë në ubë utiudaha uduya nkhari në njija.

Mu mutë nëutiuduyaa ukhari në njija ugutemwa na ughumëwa mumoto.