Populära bibelverser från Juan 13

Dela

Ow'en amhohen olhämet tä nech'ayekna, oyok, Humnhen aiyhäj. Mälhyej tä olham oaihumnhen, häte humnhen aiyhäj. Chik matche tä lehumnhen aiyhäj, nilhokej wichi nitäfwenhila amejen tä ahäpehen t'at ochufwenkay.

Wet tä ohäpe Maestro lhäy'e tä Awuk, mat olejen amel apach'ol, häte is chik amel lelejen aiyhäj lepach'ol. Olham opäyen amehen m'ak tä owoye häpkhilek amel letenay m'ak tä owoyejne amehen.

Jesús nichulho wet yok: –Athana lehanhiyejt'a m'ak tä owoye, mat lehanhiyeja chik paj.

Matche, matche tä ofwel amhohen, Elh tä n'okawo inuhit'a'pe lewuk, wet elh tä n'ochenek inuhit'a'pe elh tä ichen.

Chik lehanayej m'ayhayna wet lewoyaye, akäjyaj ihlat amejen.

Wet häp ahättaj pajche itiyäjaynho Judas tä Simón Iscariote lhäs lehusek yämthilek yachaj häp Jesús. Jesús ihanej tä lham tälhe Dios, wet ihanej tä yäpnhiyela, lhäy'e tä Lajcha yachaje nilhok len'ohyaj. Wet tä lhamel t'ekhen häp honatsitso, nephä tä iwhäye mesa wet ilanhi lew'uy tä tumphä wet tachuma wesaj lhip wet inayhtejo lesulak. Wet tachumho inät wet itsäyho lehi, wet ilejen lechufwenkay pach'ol wet itamchäytejen wesaj tä inayhtejo lesulak.