Ageini 49
49
Kope ka Yakobo me Atiekini but Awobe mege
1Di do Yakobo oko lwongo awobe mege di eko waco negi be, “Cokerenu karacel buta me wek awac ne wu gikame bino timere butu i kare me anyim.
2“Cokerenu di ikounu winyo, wun awobe ka Yakobo.
Winyunu kop ka papa wu Isirael.
3“Ruben, in en kao nango,
in en teko na, doko in en anyakini me agege me teko na.
In ikalamo jo apat dedede kede ruom kede teko.
4In icoore bala pii, likame bobo in ibino kalamo jo apat
pien in i yito kabuto na di iko buto kede dako na;
in imunao kabuto ka papa ni.
5“Simeon kede Lebi obedo imiegu.
Gin kitio kede ipimai gi me timo tim me gero.
6Ango akwao be kur adony kaporo kop gi,
akadi ribere kede gin,
pien wangcuny gin bin oko mino kineko jo,
doko kiko totongo tien twonin bala kame oudo cuny gi mito.
7Ilam bed i kom wangcuny gi nono, pien egwai,
doko ebed i kom lilo gi da, pien eger.
Abino popoko gi i diere me jo ka Yakobo,
doko abino sarakino gi i lobo me Isirael.
8“Yuda, in imiegu ni bino paki.
Cingi bino deno ngut jokwor ni.
Imiegu ni bino riebere piny i nyimi.
9 #
Wel 24.9; Gianyuta 5.5 Yuda woda, in ical bala engu,
in itieko mwodo le ni di iko dok kabuto ni.
In idoole piny di iko riere bala engu;
bala engu adako, ngai kame karuno jalere loli?
10Ebela me pug likame bino yai tenge kibut Yuda;
ebela me ajakanut likame bino yai tenge ki dierediere me tiene,
kiton tuno di kokelo ne esolo;
di atekerin ko donyo mine wor.
11En etweo atin me punda mere i kor olok,
en etweo atin punda icuo i kor olok kame ber kalamo apat.
En elwoko igoen mege kede bwini,
elwoko ekanso mere kede bwini akwar bala remo.
12Mato bwini omio wange obokere bubu,
di cak oko mino lake odoko tar kiakia.
13“Sebulun bino bedo i nget nam;
edoket mere bino doko kakame emeri cungo iye,
doko apokini me lobo mere bino bedo Sidon.
14“Isakar cal bala punda atek,
kame tie buto piny i dierediere me esipan me romini;
15en eko neno be kawei nono oudo ber,
doko lobo nono oudo yomo cunye;
manono oko mino en eko yei gungo pi yeno yec,
di eko doko epasoit kame kodio i tic tetek.
16“Dan bino pugo jo mege
bala ateker acel kikom atekerin me Isirael.
17Dan bino bedo bala twol ager i nget yongayo,
ebino bedo bala emosoga kame tie i yongayo,
emosoga kame tongo atitinyo me asigira,
di eko mino ngat kame oudo tie ringo kede asigira poto ataru.
18“Ango akuri pi laka, Okwe Rwot.
19“Joyak bino yako Gad,
do en ebino lokere riamere kede gi di eko eda yako gi.
20“Aser bino puro cam amit.
En ebino mino cam amit kame kotero ne abaka.
21“Naputali cal bala atil kame ringo kakame emito,
en eyamo kope kame mit.
22“Yosepu cal bala yat kame onyak,
yat kame onyak i nget atan;
ajange mege ojanyo kiton i wi apama.
23Jokwor oudo osure kede gero atek;
gin kigwe kede emal di kiko donyo wape.
24Do emal mere bin oko dong di kingiking,
di cinge oko bedo mit yi
pi teko me Won Twer ka Yakobo,
ngat kame obedo Ngakwat kede Lela me Isirael.
25Rubanga ka papa ni bino konyi,
Rubanga Won Twer bino mini winyo.
Ebino mini winyo me kot kayai ki malo,
kede winyo me pii awok ki piny kakatut,
winyo me doke nywal kede mon nywal.
26Winyo kame komio papa ni
dwong kalamo winyo kame wok ki moru kame bedo nakanaka,
ekalamo jamini abeco kame wok ki wi emukura kame bedo nakanaka.
Ango akwao be winyo nogi bed i kom Yosepu,
kibed i tur nyim en ngat kame bin koyero kikom imiegu mege di oko poke.
27“Benjamin cal bala epee ager,
odiko en emwodo le mere,
di otieno eko popoko jamini kame en emao.”
28Jogi dedede obedo jo me atekerin tomon kiwie are me Isirael, doko mago en kop kame papa gi bin oko yamo negi kakame bin en elamo negi kede winyo, di elubo kede bala kame poore ne kede ngat acelacel.
To ka Yakobo kede Ayika mere
29Di do en eko coro gi di ewaco negi be, “Koyapuno tera ot nywako kabedo kede jo na. Yikanu karacel kede joakwari na, i abo me poto ka Epuron Ngakiti, 30#Ageini 23.3-20kame tie Makepela, i nget Mamure, i lobo me Kanan, i poto kame bin Aburaam owilo kibut Epuron Ngakiti pi bedo kakame eyiko iye jo. 31#Ageini 25.9-10; 35.29Kunono en kame bin koyiko iye Aburaam kede dako mere Sara; kunono da en kame bin koyiko iye Isaka kede dako mere Rebeka; doko kunono da en kame ango bin ayiko iye Lea. 32Poto nono karacel kede abo kame tie iye bin kowilo kibut jo Kiti.” 33#Tice 7.15Kakame Yakobo bin otieko coro kede awobe mege, eko dolo tiene edwoko i kabuto, eko omo wei me ajikini, di oko tere ot nywako kabedo kede joakwari mege.
Nu markerat:
Ageini 49: BILK13
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Baibuli I Leb Kumam © Bible Society of Uganda, 2013.