John 12
12
Chapter 12.
1WAIGIEN passover-gai konast shin tlū-unilth kogunsdlu, Bethany gu Jesus katlagan, gyāgu Jesus Lazarus kotal sta kālthūdaian gu-a.
2Waigien gu la un tou tl tloulthaian; waigien Martha lthong-gwilaian; Lazarus il swon isāwon tlou tou-e sha la alth kou-aian.
3Waigien Mary spikenard tō kwōyā-euon pound swonshung isdaian, waigien Jesus stai alth il tō-daian, waigien kuts-ung alth il stai il gīshouon; waigien tō shgūnūlie alth nai stahgan.
4Waigien Judas Iscariot, lagia disciplesgai swon la alth gia-dah-ungkashagan, hin shouon,
5Gushintlou gum adshi tō pence hundred-gai lthōnulth tl dah-ung-ūjang, waigien ga kong-ushgidaiga ga tl isdie una? hin il shouon.
6Gum tl kong-ushgidaiga alth il ai-awos gu hin il shu-ang-an; il kwōlthdalēgāgan gien, dāla gwau-alē duman il kang-an gien, ai gin tl isdasi wau sta il isdagang-an alth-u il shouon.
7Waigien Jesus hin shouon, Akwon lth di tl lthēō-wie shantlanai keu duman il kendi.
8Tl kong-ushgidaigas dalung kwulth isgī-gung-us altha; ltha tlou gum dalung kwulth isgī-gung-ung-gung, hin Jesus shouon.
9Waigien Jews haade tligwonan ets gu il ijan un ūnshidalan; waigien gu tl istlagan, gum Jesus agunan swonan tl isang-an, Lazarus kotal sta il kālthūdaian ishin tl kang-ai un ū tl ijan.
10Waigien liplēt un ga ītlagadasgai Lazarus ishin tl tīie ā kāūgaian;
11La agunan Jews haade kwon istīidan gien, Jesus tl yetdēilan altha.
12Waudālēkw tl shkūl-euon lagunung-kāatlagan Jesus Jerusalem ā kā-ungkasas gudang-andlu,
13Palm tlats isdaian gien, la ā tl istīidan, Hosanna: Shalana kyē ā nung katlas, Israel un nung king-gas ū lāgung, waigien hin kwunan tl shouon.
14Waigien Jesus geudan itan-inā geu-jinda kē-aian gien, gwau il dsang-an;
15Zion gūjang-a, gum lth lthwaugang; gwokeng, dung un nung King-gas geudan geu-jinda gīti gwau dsans katlang, hin kālung-āsi ging-an-a.
16Kwunā adshi un lagia disciplesgai gum ūnshidang-an; tlistleuon Jesus un yāgudung-ēlandlu tlou, la edē a gin is kālung-āgan isgien, la un a gin is tl isdaian ishin ai il kēidāwon.
17Waigien tlistleuon Lazarusun shalthung-nagai sta il ai-ing-waugan gien, kotal sta la il kālthūdaiandlu ga shkūla la kwulth ijan la unsta shouon.
18Adshi agunan ishin ga shkūlasgai la ā istīidan, a gin kang-ūdsada il isdaian tl gudang-an altha.
19Gwokeng, gum gin dalung ḵutliēdang-gung; hēt-tligai ashkwau-hun haade la dlā istīidun, waigien hin Pharisee haade gu shudaian.
20Waigien lagunung-ai gu singlthgang gu-shūe un ā tl ijan shu-wīt Greek haade tich ijan;
21Waigien althsgai Philip, Galilee gu Bethsaida haadāgan, ā tl istalan, Nung Itlagadas, Jesus kang-gai da itil gudung-gung, waigien hin la alth tl kiānang-an.
22Philip katlas gien Andrew ga il shudaian, waigien Andrew isgien Philip ishin istlas gien, Jesus ga il shudāwon.
23Waigien hin Jesus hanglthang il shudāwon, Nung haade Git un yāgūdung-gai ashkoshgut waudlu elgung.
24Yenkien, yenkien dalung ga lth shugung, Tliga ai wheat ḵuwis gien, ishin gum kotulthansdlu, ḵu-swonshung-gīgung; gwū-nistlasdlu tlou, wheat kwon gut īnastlagung-gung.
25Hēnung-gang nung kwōyādas ū gūda-gung-gung; waigien adshi hēt-tligai gu hēnung-gang telg nung kens ū hēnung-a-swonung un duman il keng-ashang.
26Di un nung lthong-gwilasdlu lth, akwon di dlā il kogai lāgung; waigien tlījan lth is gu di gītsāda ishin isisang; di un nung lthong-gwilasdlu, nung Aung-as la ga gūtgut-shang.
27Wēt di althandai lthkwidang; waigien gushinū lth shuashang? Aung-a adshi ashkoshgadai sta lth di kogundi. Waigien adshi agunan adshi ashkoshgadai un lth katlagun.
28Aung-a, kyang un lth yāgūdung-ādi, hin Jesus shouon. Waigien sha sta kil ijan, Un lth yāgūdung-ādagun, waigien housen un lth yāgūdung-ādāashang, waigien hin kil shouon. 29Waigien ga shkūlas gu tljūgiang-an gudang-andlu, hīlang-ang tl shouon; Angel ū la ā gushouon, hin ishin tl tīch shouon.
30Gum di agunan adshi kil isang-gun, dalung agunan ū ijun.
31Wēt adshi hēt-tligai ging-kilisalung-āgung; wēt adshi hēt-tligai un nung ītlagadasi wau sta tl dang-ashang.
32Waigien ltha ishin, hēt-tligai sta shi ga di tl isdasdlu, tl haada wautliwon āgang lth isdāashang, hin Jesus hanglthang shouon.
33Tliku kotal et alth il kotulthses un tl ūnshidai un il shouon.
34Waigien tl shkūlas hin hanglthang il shudaian, Nung Christgas isgī-ung king-gogung-ai sta talung gudung-gun; Nung haada Git shi ga tl isdie lāgung, gushintlou waigien hin dung shugung? gīshdū nung haade Git ijung? hin tl shouon.
35Waigien hin Jesus tl shudaian, Kwai-umdsiwun otgagai dalung shu ijung; otgagai dalung kwulth isī talth lth islalū, alga gum dalung telg ēlthang-ai una; waigien algagai ai nung kas gum tlījan ga il kas un il ūnshi-dung-ung-gung.
36Otgagai dalung kwulth is talth lth otgagai yetdāū, otga gitalung dalung isēlē una, hin il shouon. Ashgai Jesus shudaiandlu il kaidan gien, tla sta agung il dutl-lthaian.
37Waigien gin kang-ūdsada kwon tla hang-gu il isdaian-kianan, gum hawun la tl yetdiēlthang-an;
38Tliku Isaiah nung prophetgas shouon wai ging-an etgai un ū edan; Shalana, gīshdū gialthing-e ītila yetdaiang? Waigien gīshdū Shalana hyē kang-ang? hin il shouon.
39Adshi agunan gum tl yetdalthing-ang-an, housen hin Isaiah shouon altha,
40Tl hung-i il tla-kāgan gien, tl gudung-ai ishin il tla-shing-idsaian; gum hung-ung alth gin tl keng-uns gien, gudung-ung alth ishin gum gin un tl ūnshidans gien, ishin gum tla lth tla-ngīstlang-ai una, hin il shouon.
41Ashgai Isaiah shudaian la un yagudung-gai il kang-an gien, la edē il gushouon altha.
42Hīkwon ga itlagadasgai kwon il yetdēilan; waigien Pharisee haade agunan gum unsta tl shuang-an, gum synagogue-nagai sta kyā ga tla tl isdā-ang-ai una;
43Shanung-itlagadas gia un yāgūdung-gai telg tl haada gia un yāgūdung-gai tl kwōyādaian altha.
44Waigien Jesus kwunan hin shouon, Di nung yetdasdlu, gum di il yetdagung-ung-gung, di nung kilkaidun ū il yetdagung-gung.
45Waigien di nung khatsgutsdlu, di nung kilkaidun ū il khatsgīdung-gung.
46Otga un hēt-tligai gu lth katlagun, di nung yetdasdlu gum alga ā il ising-ai una.
47Waigien nung haada di kil gudunsdlu, waigien gum duman il keng-uns gien, gum la lth ging-kilisalung-gung-ung-gung; hēt-tligai ging-kilisalung-ai un gum lth katla-ang-gun altha, hēt-tligai kogundie un tlou lth ijung.
48Di ga nung gwou-wos gien, di kil ishin gum il isdāansdlu, la tl ging-kilisalung-ashang; gushou lth shudagun alth ū shantlan ostlasdlu la tl ging-kilisalung-ashang.
49Nung Aung-as di kilkaidun, la ū tliku lth shū-ases isgien, tliku gin lth shudāases ishin alth di king-gogung-gun.
50Waigien lagia kiug-gogung-ai hēnung-a swon-ung is un di ūnshidung; althji alth gin lth shudasdlu, tliku nung Aung-as di shudagun ging-an lth shugung, hin il shouon.
Nu markerat:
John 12: HAIDA
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
First published by the British and Foreign Bible Society 1891-1899.
