John 4
4
Chapter 4.
1JOHN telg tl kwon Jesus gin shkotadas gien ishin tla il baptize-das Pharisee haade gudang-an tlistleuon Shalana un ūnshidalandlu,
2(Gum Jesus kodan tl baptize-dang-gangan, lagia disciplesgai ū waugang-an),
3Judæa sta il kaidan gien, housen Galilee ā il kaidan.
4Waigien gum tliku Samaria kalthgūt kā ādan il islthing-e kang-gang-an.
5Waigien Samaria ilnagai swon Sychar hin kyās un il katlagan, waigien Jacob Joseph git-ang ga tliga isdaian un dōng-āgan;
6Waigien Jacob gia untlai wau gu lthēa-lāgan. Waigien Jesus ung kā-ahgalandlu untlai jin-gu il kouon. Waudlu ashkoshgit tlū-unalan.
7Gu nung Samaria jitga ga jiitlagan; Di lth hūtldi, hin Jesus il shudaian.
8Lagia disciplesgai ilnagai ā tou dah-waugan altha.
9Gushintlou dung Jew haadas kianan di Samaria jitgas di alth dung hūtlang? hin nung Samaria jitgas il shudaian. (Jews haade alth gum Samaria haade gut ga stalthang-gang-an altha.)
10Shanuug-itlagadas shou-ādan tla ga gin isdas gien, Di lth hūtldi hin dung nung shudas ishin un dung ūnshidasdlu, la alth dung kianan-lthing-āgan, waigien untl hēnung-a dung ga il isdalthing-āgan, hin Jesus hang-lthang il shudaian.
11Nung itlagadas, gum gin alth untl isda-lthing-e dung dā-ung-gung, waigien untlai lthdīing-āgung; gījisdu untl hēnung-as dung isdalthing-āgung?
12Itil aung Jacob isgien, il gitalung ishin, lagia gin tīigagai ishin adshi untlai nīlgang-an gien, itil ga il isdaian, waigien gu la telg dung etūsh? hin nung jadas il shudaian.
13Tl wautliwon-hun adshi untlai hūtlasi housen kutō-ashang;
14Untl nung ga lth isdāases ū hūtlasdlu tlou, gum il kutō-swonung-ung-ashang; untl la ga lth isdaases tlou untl hēla la ā isīlths gien, hēnung-a swonung un kwa-yang-ashang, hin Jesus hang-gang il shudaian.
15Nung itlagadas, adshi untlai lth di ga isdi, gum di kutō-uns gien, gum adlun ga ltha ga jiā-ung-ai una, hin nung jadas il shudaian. 16Tlal-ung un lth ai-ang-a, waigien lth althgwī kang, hin Jesus il shudaian.
17Gum tlal lth dā-ung-ga, waigien hin nung jadas hanglthang il shudaian. Gum tlal lth dā-ung-ga, hin dung shugundlu, kwaulthang-an dung shugun;
18Dung tlal-alung tlēlthagun altha; waigien wēt nung dung īnas gum dung tlal isang-gung; adshi yenki dung shudagun, hin Jesus il shudaian.
19Nung itlagadas, dung prophetgas un di ūnshidulgung.
20Itil aung-alung adshi tldāwe ing-gu singlthgang gushugang-an; dalung tlou Jerusalem tligai gu tl haada singlthgang gushue lang shugung, hin nung jadas il shudaian.
21Nung jadas, di kil lth yetdi; gum adshi tldāwe gu isgien, gum Jerusalem gu ishin, nung Aung-as ā singlthgang dalung gushu-ung-ai ashkoshgadē dōng-ēlgung.
22Gum gin un dalung ūnshidans ā singlthgang dalung gushugung-gung; itil tlou gin un itil unshits ā singlthgang talung gushugung-gung; gin alth tl koguns Jews haade sta isis altha.
23Singlthgang gushoulē-alung yikī gudung-ung alth isgien, yenki gin et alth ishin, Nung Āung-as ā singlthgang gushu-ases ashkoshgadē dōng-ēlths gien, wēt ishin ijung; hin ga etsgai la ā singlthgang gushue da nung Aung-as gudung-gung-us altha.
24Shanung-itlagadas Hants ijung; waigien la ā singlthgang ga gushusgai gudung-ung alth isgien, yenki gin et alth ishin la ā singlthgang gushue lāgung, hin Jesus il shudaian.
25Messiah (Ohrist hin kyās) katla-ung-kasas un di ūnshidung; il katlasdlu, gin wautliwon unsta itil ga il shu-ashang, hin nung jadas il shudaian.
26Dung ā lth gushus, ltha ū il ijung, hin Jesus il shudaian.
27Waudlu lagia disciplesgai istlagan; waigien nung jada ā il gushouon un il kuldung-āwon; waikian, Gushintlou tliku dung ēdung? Gushintlou la ā dung gushugung? gum hin nung shu-ang-an.
28Waigien nung jadas untl dāawē ung-a tush-kustlaian gien, ilnagai ā il kaidan,
29Ūtlāū, nung īlthing-a gin lth isdagīni wautliwon di ga shudagun lth keng-ū; gum gu nung Christgas il isang-ūsh? waigien hin ga ilthansidasgai il shudaian.
30Ilnagai sta tl istiidan gien, la un tl istlagan.
31Althji tālth, Nung itlagadas, lthdanūltha, hin lagia disciplesgai il shudaian.
32Tou gum un dalung ūnshidans tā un lth dāung, waigien hin la il shudāwon.
33Gin talthing-e gu la ā nung isdā-ūcha? waigien hin lagia disciplesgai gu shudaian. 34Di nung kilkaidun kilth ging-an lth ets gien, lthong-gwilie ishin lang-a lth ēlthgīdie giagun tou-e ijung.
35Ehong ke-stunshung hīlusdlu tl tutlīidshang, gum gu hin dalung shugung-ung-ūsh? Gwokeng, kēitlā-ūltha, waigien lth kwulthkotajai tliidai un otgulthsi keng-ū, hin dalung lth shudang.
36Nung tutliids giashou kēigung-gung, waigien hēnung-a swonung un ān gudā il isda-gung-gung; nung tutldsas isgien, nung tutliids ishin gudung-althan gudung-ai ligai una.
37Nung swon tutldsas gien, nung kulat ishin tliidung-gung, hin kwaulthang-an tl shugung-us altha.
38Tlījan gum dalung lthong-gwilang-an ā tutliid un dalung lth kilistīidun; tl kulat lthong-gwilaian gien, dalung ū lthong-gwilie ai tlang-a isdsang, hin Jesus il shudāwon.
39Gin lth isdagun wautliwon di ga il shudagun, hin nung jadas gialthandaian agunan wodshi ilnagai sta Samaria haade kwon il yetdēilan.
40Althji alth ū tlistleuon Samaria haade la un istlagandlu, kwai kwulthgang la tl isalan; waigien shin stung gu il ijan.
41Waigien il kil agunan housen tl kwon il yetdēilan;
42Dung shugun alth wēt gum la talung yetdang-gung; talung kodan il kil guduns altha, waigien Nung alth het-tligai koguns yenki ā is un itil ūnshidung, waigien hin nung jadas tl shudaian.
43Waigien shin stung hīlāwon silīd, sta Galilee ā il kaidan.
44Nung prophetga tliga ung gu gum ga tl gutgīdung-ung-gung, Jesus kodan hin gialthandaian altha.
45Waigien tlistleuon Galilee gu il katlagandlu, Galilee haade il isdaian, Jerusalem gu tl lagunang-andlu gin il isdaian wautliwon tl kang-an altha; gai ishin lagunung-ai ā istīidan altha.
46Waigien Cana Galilee tligai gu ijan gu housen il katlagan, gyāgu untl il wine-gēlthdaian gu-a. Waigien Capernaum gu nung itlagada swonshung ijan git stigan.
47Jesus Judæa sta Galilee gu katlas il gudang-andlu, la ā il kaidan gien, il git il tl-ligal-tulai da la alth il kianang-an; il kotulth-dalan altha.
48Gin kang-udsada isgien, gin unkuldung-a ishin dalung kang-gai gūsdlu, gum lthing-an dalung yetda-ung-ashang, waigien hin Jesus il shudaian.
49Nung itlagadas, di git kotulai kōnast lth kāalth, hin nung itlagadas il shudaian.
50Kaidltha, dung git kogun-gung, hin Jesus il shudaian. Nung ilthing-as tliku Jesus il shudaian yetdaian gien il kaidan.
51Waigien hawun il kāulgundān il gitsadalung la un istlagan gien, Dung git kogun-gun, hin la tl shudaian.
52Waigien tlistleu ashkoshgutēlthsdlu il ligulthīdai da tla alth il kianang-an. Adalth, ashkoshgit jikwau-gundlu, sti kīnas la sta guīlgun, waigien hin la tl shudaian.
53Althji alth, Dung git kogun-gung, hin Jesus il shudaian ashkoshgut gūt ijani un il aung ūnshidan; waigien la isgien, lagia nai dsa-ai wautliwon ishin, yetdēilan.
54Jesus Judæa sta Galilee gu katlagandlu, gin kang-ūdsada housen il isdaian ā ijung.
Nu markerat:
John 4: HAIDA
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
First published by the British and Foreign Bible Society 1891-1899.
