Mistari Maarufu ya Biblia kutoka Zaburi 119

Shirikisha

Neno lako ni taa ya miguu yangu na mwanga katika njia yangu.

Nimelificha neno lako moyoni mwangu ili nisikutende dhambi.

Kijana aifanye njia yake kuwa safi jinsi gani? Ni kwa kutii, akilifuata neno lako.

Heri wale wanaozishika shuhuda zake, wamtafutao kwa moyo wao wote.

Wewe ni kimbilio langu na ngao yangu, nimeweka tumaini langu katika neno lako.

Nipe ufahamu, nami nitaishika sheria yako na kuitii kwa moyo wangu wote.

Ugeuze moyo wangu kuelekea sheria zako, na siyo kwenye mambo ya ubinafsi.

Ilikuwa vyema mimi kupata shida ili nipate kujifunza maagizo yako.

Faraja yangu katika mateso yangu ni hii: Ahadi yako inahifadhi maisha yangu.

Niongoze kwenye njia ya amri zako, kwa kuwa huko napata furaha.

Ee BWANA, nifundishe kuyafuata maagizo yako, nami nitayashika mpaka mwisho.

Nafsi yangu imechakazwa kwa huzuni, uniimarishe sawasawa na neno lako.

Aha! Tazama, sheria yako naipenda mno ajabu. Ninaitafakari mchana kutwa.