Mistari Maarufu ya Biblia kutoka Mit 21

Shirikisha

Aandamaye haki na fadhili, Ataona uhai na haki na heshima.

Mawazo ya wenye bidii huuelekea utajiri tu; Bali kila mwenye pupa huuelekea uhitaji.

Mtu azuiaye kinywa chake na ulimi wake, Atajilinda nafsi yake na taabu.

Kila njia ya mtu ni sawa machoni pake mwenyewe; Bali BWANA huipima mioyo.

Farasi huwekwa tayari kwa siku ya vita; Lakini BWANA ndiye aletaye wokovu.

Kutenda haki na hukumu Humpendeza BWANA kuliko kutoa sadaka.

Hapana hekima, wala ufahamu, Wala shauri, juu ya BWANA.

Azibaye masikio yake asisikie kilio cha maskini, Yeye naye atalia, lakini hatasikiwa.