Mistari Maarufu ya Biblia kutoka Juan 1

Shirikisha

Ashtangarin mashnalla Paida japijkunamu, Paibuj shutibi crijkunamunga, Diosbuj wawagunadi tukuchunmi kuga.

Taita Dios imadash narij rurujllabidimi, Parlashka Shimiga ña tiyaga, Parlashka Shimiga Dioskunmiga, chi Parlashka Shimiga Dioslladimiga.

Yanamangabi chi Luzmi p'unllayachin, shinaidi yanamangaga chi Luztaga na vinci pudishkachu.

Chi Parlashka Shimiga aicha tukushami, ñukuchin kausaga. Shujlla Churi gashkamunda Taitamunda japishka Pai k'uilladi gashkadami rikushkanchi. Pachunlladi k'uyi junda, imadash kabishkada parlujmiga.

Paimundami Diosga tuki ima tiyashkadash rurushka; ima tiyashkamundash Pai illujka, imadash na rurugachu. Paibimi kausiga tiyaga, chi kausiga gentegunajka p'unllayachij Luzmiga.

Kayundij p'unlla Jesús paibuj kuchumu kuchuyamujta Juanchu rikushaga, “Rikichi, Paimigun Dios kachashka Malta Oveja shina; Paiga kai pachabi kausujkunaj juchagunadash p'ichajmi gan,” niga.

Chi Parlashka Shimiga kai pachabimi tiyaga, Dios Paiyun kai pachada rurushka gakish, kai pachamundagunaga pi gashkadash na yachushkamundami na rijsigaguna. Paibuj gentegunamumi shamuga, shinash Paibuj gentegunaga na japish nigagunachu.

Tuki gentegunada p'unllayachij kabishkadadi Luzmi kai pachamu chayamuguga.

Diosga mandushkagunadaga Moisesmumi kuga, ashtanbish k'uyidash, kabishka parludash Jesucristomundami japishkanchi.