Mistari Maarufu ya Biblia kutoka Zabúr 91

Shirikisha

Maiṉ Yahowáh se kahúṉgá, kí “Merí já i panáh aur mera hisár, mera Ḳhudá Tú hi hai, jis par maiṉ bharosa rakhúṉgá.”

Haqq Taạ́lá ke parde meṉ baiṭhnewálá Qádir i Mutlaq ke sáye tale rahá karegá.

Wuh mujhe pukáregá aur maiṉ us kí sunúṉgá. Tangí meṉ Maiṉ us ke sáth húṉ. Maiṉ use chhuṛáúṉgá aur use ịzzat bakhshúngá.

Kyúṉki wuh tere liye apne firishtoṉ ho hukm karegá, táki terí sárí ráhoṉ méṉ terí hifázat kareṉ.

Wuh apne par se tujhe ḍhámp legá, aur us ke bázúoṉ ke tale tú panáh páegá; us kí amánatdárí sipar aur ḍhál hai.

Kyúṉki, Ai Yahowáh, Tú hí merí já i panáh hai. Tú ne Haqq Taạ́lá ko apná maskan ṭhahráyá hai. Áfat tujh tak áne na páegí, aur wabá tere ḳhaime meṉ qurbat na páegí.

Kyúṉki wuh tujhe saiyád ke phande se, aur kharábíoṉ kí wabá se riháí baḳhshegá.

Terí bag̣al meṉ hazár girenge, aur tere dahne háth hazárhá hazár; par yih halákat tujh tak na pahunchegí.

Tú rát kí haibat se na ḍaregá, aur na us tír se jo din ko uṛtá hai; na us wabá se jo andhere meṉ chaltí hai, na us marí se jo do pahar ko wírán kartí hai.