Mistari Maarufu ya Biblia kutoka 2 Mose 20

Shirikisha

Mimi ndimi Bwana Mungu wako niliyekutoa katika nchi ya Misri nyumbani, mlimokuwa watumwa. usiwe na miungu mingine ila mimi!

Usijifanyie kinyago wala mfano wo wote wa vitu vilivyoko mbinguni juu, wala vilivyoko nchini chini, wala vilivyomo majini chini ya nchi! Usivitambikie, wala usivitumikie! Kwani mimi Bwana Mungu wako ni Mungu mwenye wivu; manza za baba nitazipatilizia wana, nikifikishe kizazi cha tatu na cha nne, kwao wanichukiao.

Mheshimu baba yako na mama yako, siku zako zipate kuwa nyingi katika nchi, akupayo Bwana Mungu wako!

Ikumbuke siku ya mapumziko kuitakasa!

Usilitaje Jina la Bwana Mungu wako bure! Kwani Bwana hatamwachilia alitajaye Jina lake bure.

Siku sita sharti ufanye kazi, uyamalize mambo yako yote! Lakini siku ya saba ndiyo ya kumpumzikia Bwana Mungu wako. Hapo usifanye kazi yo yote, wala wewe, wala mwanao wa kiume, wala wa kike, wala mtumishi wako wa kiume, wala wa kike, wala nyama wako wa kufuga, wala mgeni wako aliomo malangoni mwako.

Usiitamani nyumba ya mwenzio! Usimtamani mke wa mwenzio, wala mtumishi wake wa kiume wala wa kike, wala ng'ombe wake, wala punda wake, wala cho chote, mwenzio alicho nacho!

Usimshuhudie mwenzio uwongo!

Usizini!

Usiue!

Usiibe!