Mistari Maarufu ya Biblia kutoka ယူဝ်းႁၢၼ်ႇ 1

Shirikisha

တီႈ​ၶဝ်​ၸိူဝ်း​ဢၼ်​ႁပ်ႉ​တုင်း​ဢဝ်​မၼ်း​ၼၼ်ႉ ၵႃႈ​မီး​တင်း​သဵင်ႈ​တင်း​လူင်​ဢၼ်​ဝႃႈ ၶဝ်​ၸိူဝ်း​ဢၼ်​ယုမ်ႇ​မၢတ်ႈ ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​တင်း​လၢႆ​ၼၼ်ႉ၊ မၼ်း​ၸဝ်ႈ​ပၼ်​ဢၶႂၢင်ႉ ဢၼ်​လႆႈ​ပဵၼ်​လုၵ်ႈ​ၽြႃး​ပဵၼ်​ၸဝ်ႈ​ဢေႃႈ။

မိူဝ်ႈ​ၵေႃႇၸႃႉ​ႁူဝ်​ပိုင်း​ၼၼ်ႉ မီး​ၼုၵ်ႈၵပၢတ်ႈ​ၸဝ်ႈ​ဢေႃႈ။ ၼုၵ်ႈၵပၢတ်ႈ​ၸဝ်ႈ​ၼၼ်ႉ မီး​ယူႇ​လူၺ်ႈ​ၵၼ်​တင်း​ၽြႃး​ပဵၼ်​ၸဝ်ႈ​ဢေႃႈ။ ၼုၵ်ႈၵပၢတ်ႈ​ၸဝ်ႈ​ၼၼ်ႉ​ၵေႃႈ​ပဵၼ်​ၽြႃး​ပဵၼ်​ၸဝ်ႈ​ဢေႃႈ။

ဢၼ်​လႅင်း​ၼၼ်ႉ​ႁိူဝ်ႈ​လႅင်း​ၼႂ်း​ဢၼ်​လပ်း​သိင်ႇ​လႄႈ ဢၼ်​လပ်း​သိင်ႇ​ဢမ်ႇ​ၶၢမ်ႇ​ဢမ်ႇ​ဢဝ်။

ၼုၵ်ႈၵပၢတ်ႈ​ၸဝ်ႈ​ၼၼ်ႉ​ၵေႃႈ ၶၢမ်ႇ​ဢဝ်​ၸႃႇ​တီႉ​ၵူၼ်း​လႄႈ ပျေႉ​ၸုမ်ႇ​တင်း​ၵျေး​ၸူး​ၸဝ်ႈ ဢိၵ်ႇ​တင်း​သဵတ်ႈ​ၸႃႇ​ၸဝ်ႈ​ယူႇ​သေ​လႄႈ တႄႇ​ယူႇ​ၼႂ်း​ႁဝ်း​လႄႈ ႁဝ်း​ၼႆႉ​လႆႈ​ႁၼ်​မုၼ်​ၽုင်း​မၼ်း​ပဵၼ်​ၸိူဝ်ႉ​ၼင်ႇ​မုၼ်​ၽုင်း​လုၵ်ႈ​ၸဝ်ႈ ဢၼ်​မီး​ယူႇ​တီႈ​ပေႃႈ​ၸဝ်ႈ​ပႃး​လဵဝ်​ၵူၺ်း​ၼၼ်ႉ​ယဝ်ႉ။

မၼ်း​ၸဝ်ႈ​ၼၼ်ႉ ၽၢၼ်ႇ​သၢင်း​ႁဵတ်း​ပဵၼ်​ၶိူင်ႈ​ပိူင်​တင်း​သဵင်ႈ​တင်း​လူင်​ဢေႃႈ။ ၶိူင်ႈ​ပိူင်​ဢၼ်​ၵၢင်း​လွတ်ႈ​သေ​တၢင်း​ဢၼ်​မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ၼၼ်ႉ​ဢမ်ႇ​မီး​သေ​ၸိူဝ်ႉ​သေ​ပိူင်။- ၵႃႈ​ၼႂ်း​မၼ်း​ၸဝ်ႈ​ၼၼ်ႉ​မီး​ဢသၢၵ်ႈ​ဢေႃႈ။ ဢသၢၵ်ႈ​ၼၼ်ႉ​ၵေႃႈ​ပဵၼ်​ဢၼ်​လႅင်း​တီႈ​ၵူၼ်း​တင်း​လၢႆ​ဢေႃႈ။

ဝၼ်း​မိူဝ်ႈ​ၽုၵ်ႈ ယူဝ်းႁၢၼ်ႇ ​ၼၼ်ႉ ႁၼ်​ ယေႇသူႉ ​မႃး​လႄႈ လၢတ်ႈ​လႄႈ​ဝႃႈ၊ တူၺ်း​သူဝ်း​ဢွၼ်ႇ​ၽြႃး​ပဵၼ်​ၸဝ်ႈ​ဢၼ်​ဢဝ်​ဢပႅတ်ႈ​လေႃးၵႃႉ​ၼႆႉ​ၵႂႃႇ​ၼၼ်ႉ​တႃႉ။

မၼ်း​ၼၼ်ႉ​မႃး​ၼႂ်း​လေႃးၵႃႉ​ၼႆႉ​ယဝ်ႉ။ လေႃးၵႃႉ​ၼႆႉ​ၵေႃႈ​မၼ်း​ၽၢၼ်ႇ​သၢင်း​ႁဵတ်း​ပဵၼ်​ယဝ်ႉ၊ ၼႂ်း​ဝႃႈ​ၼၼ်​သေ​ၵေႃႈ လေႃးၵႃႉ​ၼႆႉ​ဢမ်ႇ​ႁူႉ​မၼ်း​ၼၼ်ႉ။- ပိၵ်ႉ​သမ်ႉ​မၼ်း​မႃး​ၸူး​တီႈ​ယူႇ​မၼ်း​သေ​ၵေႃႈ၊ ၵူၼ်း​မဵဝ်း​မၼ်း​တင်း​လၢႆ ယင်း​ဢမ်ႇ​ႁပ်ႉ​တုင်း​ဢဝ်​မၼ်း​လႄႈ​ယူႇ​ဢေႃႈ။

ဢၼ်​လႅင်း​ဢၼ်​ၸိုဝ်ႈ​ဢၼ်​ၸႂ်ႈ​ၼၼ်ႉ​ၸမ်ႉ မႃး​ၼႂ်း​လေႃးၵႃႉ​ၼႆႉ​ယူႇ​သေ​လႄႈ ပဵၼ်​ၵေႃႉ​ဢၼ်​ပၼ်​ဢၼ်​လႅင်း တီႈ​ၵူၼ်း​တင်း​သဵင်ႈ​တင်း​လူင်​ဢေႃႈ။

လွင်ႈ​မၼ်း​ၸမ်ႉ ပိင်း​ၺၢပ်ႈ​တြႃး​ၸိုင်၊ မၼ်း​ၸဝ်ႈ​ပၼ်​ၼႂ်း​မိုဝ်း​ မူဝ်းသေႇ ​ၼၼ်ႉ​ဢေႃႈ။ ၵျေး​ၸူး​တြႃး​တင်း​သဵတ်ႈ​ၸႃႇ​တြႃး​ၸမ်ႉ ပဵၼ်​မႃး​ၼႂ်း ယေႇသူႉ​ၶရိၸ်ႈ ​ဢေႃႈ။