Mistari Maarufu ya Biblia kutoka San Juan 1

Shirikisha

Ba'ale' yaan dze'edzec tu kamajo'ob yéetel tu yocsaj u yóolo'ob ti'. Tu dzaj páajtalil ti'ob u béeychajlo'ob u paalalo'ob Ku.

Le ca j chu'unpaj tuláacale', yanili' le t'aano'. Le t'aano' ti' yanili' tu yicnal Kue', leti'e' Kuli'e'.

Le sáasilila' cu léembal ich éekjoch'e'enil, le éekjoch'e'enilo' ma' páatac u tupqui'.

Le t'aano' tu beetubáa máaquil ca j cajlaj ichilo'on. To'one' t ilaj u qui'ichquelemil, u qui'ichquelemil u jun túulili' u Paal le Taatao', chuup yéetel yaacunaj yéetel jaaj.

Tu yo'olal leti'e' Kue' tu beetaj tuláacal ba'al. Ti' le ba'alo'ob yano' mixba'al beeta'ab wa ma' tu yo'olal leti'. Ti' leti' yanili' le cuxtalo', le cuxtalo' tu taasaj sáasil ti' máaco'ob.

Ti' u jeel kiine' Juane' tu yilaj Jesús táan u náadzal tu yicnal, ca tu ya'alaj: Ile'ex, lela' u j taman Ku, máax cu lukesic u keban yóokolcaab.

Le T'aano' ti' yaan yóokolcaabe'. Quex tumen Ku tu beetaj yóokolcaab tu yo'olal leti'e', u máaquilo'ob yóokolcaabe' ma' tu kaj óoltajo'obi'. J taal ti' jun p'éel yóokolcaab u ti'al, ba'ale' ma' j ka'am tumen le u ti'alo'obo'.

Le jaajil sáasilo', le cu sáasilcuntic tuláacal máaco'obe', táan u kuchul yóolkolcaab.

Le a'almaj t'aano' j dza'ab tu yo'olal Moisés, le yaacunaj yéetel le jaajilo' j taalo'ob tu yo'olal Jesucristo.