Mistari Maarufu ya Biblia kutoka မ︀တ︀်တ︀ႄး 1

Shirikisha

မ︀ꩫ︀်းလ︀ုက︀်ႉꩡ︀ႆ︀ၢးက︀ူဝ်ႇလ︀ိူင︀်ႈ တ︀ီယ︀င︀်းမ︀ႃးꩫ︀မ︀်။ လ︀ုက︀်ႉꩡ︀ႆ︀ၢးဢ︀မ︀ႂ်းယ︀ႃႇ က︀ူဝ်ႇဢ︀ꩫ︀်ႈၸ︀ꩫ︀်းၸ︀ူႛꩡ︀ဝ်ႛမ︀ႆ︀ႛ လ︀ုက︀်ႉဢ︀ပ︀ႅတ︀်ႉမ︀ႆ︀ႛ တ︀ီၵ︀ေꩬ︀ေꩭႂ်ႛꩫ︀မ︀်။ င︀ႆ︀းꩫ︀ႆ︀ႇꩬ︀ီ မ︀ꩫ︀်းမ︀ႆ︀ႛ ယ︀ေꩬ︀ုꩫ︀ꩬ︀ီꩡ︀ိုဝ်ႈꩬ︀ႂ်ꩭႂ်ႛတ︀ႃႉ။

ပ︀ရ︀ေႃးၸ︀ႅတ︀်ႉဢ︀မ︀ႂ်းယ︀ႃႇ “ၸ︀ူႛꩬ︀ၢဝ်ꩡ︀ႅတ︀်ႉꩰက︀ူဝ်ႇလ︀ိူင︀်ႈပ︀ီꩫ︀်ႈမ︀ဝ်တ︀ူဝ်ႈꩫ︀ႆ︀ၢႈꩬ︀ီ လ︀ုက︀်ႉꩡ︀ႆ︀ၢးက︀ူဝ်ႇလ︀ိူင︀်ႈတ︀ီယ︀င︀်းမ︀ႃးꩫ︀မ︀်။ ꩡ︀ိုဝ်ႈလ︀ုက︀်ႉꩡ︀ႆ︀ၢးဢ︀မ︀ႂ်းယ︀ႃႇ “ဢ︀ေမ︀ႃꩫ︀ွေလ︀” ꩫ︀ꩫ︀မ︀်တ︀ီꩭွင︀်ႇꩫ︀ႆ︀ႇ” ꩫ︀ဝꩫ︀်ႇ။ ဢ︀ေမ︀ႃꩫ︀ွေလ︀ꩫ︀ꩫ︀ႆ︀ႇယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈတ︀င︀်းက︀ူꩫ︀်းꩭဝ်းၵ︀ိင︀်းလ︀ွေႛ” ꩫ︀ꩫ︀မ︀်။

မ︀ိူဝ်ႈင︀ႆ︀းမ︀ꩫ︀်းꩬ︀ၢင︀်ꩬ︀ီဢ︀ူꩫ︀ႆ︀ႇ ၵ︀ုꩫ︀်ꩬ︀ၢင︀်ꩡ︀ဝ်ႛထႃဝရ︀ၸ︀ြႃးပ︀ႃးလ︀ိူင︀်ႈ ၸ︀ꩫ︀်ꩭꩫ︀်မ︀ꩫ︀်းမ︀ႆ︀ႛဢ︀ွက︀်မ︀ႃးꩬ︀ီ “ယ︀ေႃတ︀ၢတ︀် ၸ︀ꩫ︀်းꩡ︀ဝ်ႛꩭူဝ်ၵ︀မ︀်းၻႃဝိꩴ︀း လ︀ွင︀်ႈဢ︀ꩫ︀်ႈမ︀ႂ်းတ︀ီဢ︀ဝ်ႈမ︀ေရ︀ီꩫ︀ႆ︀ႇမ︀ႆ︀ႛ ပ︀ီက︀ပ︀်ႉꩡ︀ႂ်ႈ၊ လ︀ုက︀်ႉဢ︀ꩫ︀်ႈတ︀ွင︀်ႇမ︀ꩫ︀်းမ︀ႆ︀ႛယ︀င︀်းꩫ︀ႆ︀ႇယ︀ႃႇ ဢ︀ꩫ︀်ႈလ︀ုက︀်ႉၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ိုင︀် ပ︀ီꩫ︀်ႈမ︀ႃးꩫ︀မ︀်။

လ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ၸ︀ႃးမ︀ႃးယ︀ႃႇ ပ︀ီꩫ︀်ႈင︀ႆ︀းꩫ︀မ︀်။ မ︀ေရ︀ီဢ︀ꩫ︀်ႈတ︀ီပ︀ီꩫ︀်ႈၸ︀ူႛမ︀ေႈꩡ︀ဝ်ႛယ︀ေꩬ︀ုယ︀ႃႇ တ︀င︀်းယ︀ေႃတ︀ၢတ︀်ဢ︀ဝ်ႈက︀ꩫ︀်ႈက︀ွတ︀်ꩫ︀ꩬ︀ီ ꩡ︀ူးက︀ꩫ︀်ႈဝႆ︀ႇမ︀ႃးꩫ︀မ︀်။ ꩫ︀ႆ︀ႇꩫ︀က︀ေႃႇ မ︀ိူဝ်ႈꩬ︀ွင︀်ၵ︀ႃꩵ︀ႈပ︀ႆ︀ꩭူမ︀်ႈဢ︀ူꩫ︀ႆ︀ႇ မ︀ေရ︀ီယ︀ႃႇ လ︀ႆ︀ၢးပ︀ိူဝ်ႈတ︀ꩫ︀်းၵ︀ူဝ်းၵ︀ွꩫ︀်ꩡ︀ဝ်ႛထႃဝရ︀ၸ︀ြႃးꩬ︀ီပ︀ီꩫ︀်ႈမ︀ဝ်တ︀ူဝ်ႈꩫ︀ႆ︀ၢႈက︀ႃꩫ︀မ︀်။ ယ︀ေႃတ︀ၢတ︀်ယ︀ႃႇ က︀ူꩫ︀်းဢ︀ꩫ︀်ႈꩬ︀ိုဝ်ႈတ︀ူဝ်လ︀ူင︀်ꩫ︀မ︀်။ ꩫ︀ႆ︀ႇꩫ︀က︀ေႃႇ မ︀ꩫ︀်းယ︀ႃႇ မ︀ေရ︀ီမ︀ႆ︀ႛ ပ︀ၢင︀်ႈꩫ︀ႃႛပ︀ူက︀်ႉက︀ူꩫ︀်းမ︀ႆ︀ႛ ၵ︀ၢꩫ︀်ႇဢ︀ဝ်ႈꩬ︀ူဝ်ႇꩫ︀ႆ︀ႇꩬ︀ီ ဢ︀ꩫ︀်ႈꩬ︀ွင︀်ၵ︀ႃꩡ︀ူးက︀ꩫ︀်ႈဝႆ︀ႇꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛꩫ︀ႆ︀ၢႈတ︀ီတ︀်ꩡ︀ိပ︀်ႉꩰ ꩬ︀ၢင︀်လ︀ိတ︀်ႉပ︀ွက︀်ႉဢ︀ူ။