Mistari Maarufu ya Biblia kutoka Matius 3

Shirikisha

Nga nong uvang kou koidu misti pointalangon mujuno ino gaagaya muju do aandai, koilaan do rinumorogo kou diri duso muju.

Om kivaro dii dolou do Kinoringan minitangar mantad soi suruga do, “Itino TanakKu do au kojuuanKu, om Isidono kaandaianKu marong,” ka.

Nga kobotisai nopo dii i Yisus, om tindalno dii Isido mantad siri vaig om tigogi do minukab ilo suruga. Om naantangan dii Disido i Tatod do Kinoringan mindaau mantad tavan irad do kungkur tumumpo siri Disido.

Nga ioku nopo diti,” kadi Yaya, “om vaig noopo iti pamatisku dikovu tanda do rinumorogo kou. Nga kivaropo iso tulun i sumusuut dogo, om Isidono iri mamatis dikovu do Tatod Tolidang, om tapui do irino mongolidang dikovu irad do tapui mongolidang do amas. Om Isido nopo i rumikot do sumusuut dogo om kikuasapo mantad dogo do kasutJopo nga au oku kobulun monguut.

Om minaganu i Yaya do iso poiradan do oukuman di Kinoringan i tongotulun taraat, do kadisido, “Poinsodiano maino i kapak silo dalid do panagad tikid-tikid diri tongopuun do kaju diri au monguva do aandai, om sorobon nogi dino.

Om irino i Yaya komoion di nabi Yasaya, i popolombus di tinangaran do Kinoringan pogulu, ontok di nakatangar irad diti, “Kivaro nogi dolou do tulun i susuuon do Kinoringan siri padang do kovotuvan do moou-loou do, ‘Tandaianno laaid ino vajaan do Tuhan, om loisonno i ralan di vajaanJo,’ kadi tulun moou-loou,” kadi Yasaya.