Mistari Maarufu ya Biblia kutoka Mateo 1

Shirikisha

Adoshombic dada bacuë tishacsho Esus cuënta. Aidëmbi matsesën icsambuen naid bedshunquin Nuquin Papa aton matses cuidmenquio iquendac, quequin Esus cuënta, quequin Nuquin Papabëd icquidën Ose ushquin ismepanëdash.

Dadan inacmaidëmbi bacuë usundoshon dada bacuë tishendac. Aidi Emanued cuënendac. Nuquin Papapadquidquiobidi matsesbëd tabadnuec choaid nec, quequin Emanued cuënendac, quequin Esus tishte chuiquin Nuquin Papan dada uamepampic.

Aden Osen tantiasho Nuquin Papan abëd icquid budmiaidën naden chuiquin Ose ushquin ismepanëdash: Dabid yampidën tsiuecquid icsho mibi chuinu. Tantia, Ose. Chudenquio icquin Nuquin Papan Mayan Bëdan Madia bacuë usundomiaque. Dacuëdenda. Dacuëdenquio icquin Madia min chido icmequin min shubuno buanta.

Nëbi Esus tishaidquio chuinu. Esus tishabi yec aton tita Madia icpanëdash. Abi bednu, quequid Osen chudabi icshobi Nuquin Papan Mayan Bëdan nadatiambocquin Madia bacuë usundomepanëdash. Aden usundomiacsho issun: Abi bednu, quequidën Osen dada utsin chudaid danquin: Mibi bedenquio iquembi, quequin dada uashun Madia menenu, queuidpanëdash. Aidi Nuquin Papan chiacpadombuen naquidquio yec bëdambocquid icquin naden aton matses chiambo icpanëdash: Umbi bedabi bacuë usundoaque. Cuidquimbien ictiad, quequin aton matses chienquio iquequi: Bedenquio icnuen dada uaid menenu, queuidpanëdash.