Mistari Maarufu ya Biblia kutoka Methali 16

Shirikisha

Mwekee Mwenyezi-Mungu kazi yako, nayo mipango yako itafanikiwa.

Mtu aweza kufanya mipango yake, lakini Mwenyezi-Mungu huongoza hatua zake.

Maneno mazuri ni kama asali; ni matamu rohoni na yenye kuupa mwili afya.

Binadamu hupanga mipango yake, lakini kauli ya mwisho ni yake Mwenyezi-Mungu.

Asiye mwepesi wa hasira ni bora kuliko mwenye nguvu; aitawalaye nafsi yake ni bora kuliko autekaye mji.

Kiburi hutangulia maangamizi; majivuno hutangulia maanguko.

Matendo ya mtu huonekana kwake kuwa sawa, lakini Mwenyezi-Mungu hupima nia ya mtu.

Anayezingatia mafundisho atafanikiwa; heri mtu yule anayemtumainia Mwenyezi-Mungu.

Afadhali mali kidogo kwa uadilifu, kuliko mapato mengi kwa udhalimu.

Mtu aweza kuona njia yake kuwa sawa, lakini mwishowe humwongoza kwenye kifo.

Mtu mpotovu hueneza ugomvi, mfitini hutenganisha marafiki.