PIENCILNA 30
30
1Rachel in Jacob tawh ta a nei lo lam a kimu bepin ama in a sanggamnu a eng hi; tuale ama in Jacob kungah, “Ta ei neisah in, tua ahi sih mawh leh kisi ta vang!” a ci hi. 2Rachel tungah Jacob lungthah mama a, tuale ama in, “Na naubu a khahtan thei dingin Pasien’ muna om ka hi son amah?” a ci hi. 3Tua ciengin ama in, “Ka nasem numei Bilhah tanah om hi; ama in ka phei tungah ta suohin ama ziehin ken zong ta ka nei thei nadingin ama luppi in,” a ci hi. 4Tuaci’n ama in Jacob kungah a nasem numei Bilhah a zi dingin a pie hi; tuale Jacob in tua nu a luppi hi. 5Bilhah gai-in Jacob tawh tapa khat nei hi. 6Tua ciengin Rachel in, “Pasien in kei thu ei khen zo a, ama in ka aw zong za zo-in tapa khat ei pie zo hi,” a ci hi; tua ahi ziehin ama in a min Dan#30:6 “Ama in thukhen hi” a cina ahi hi. phuo hi. 7Rachel’ nasem numei Bilhah gaikia-in Jacob tawh tapa a nina nei hi. 8Tua ciengin Rachel in, “Nahpitaha kibuonna tawh ka sanggamnu buonin#30:8 Heb “niphtal” ka zo ta hi,” a ci hi; tuaci’n ama in a min Naphtali phuo hi.
9Leah in a tathang zo ahi lam a kithei ciengin ama in a nasem numei Zilpah la-in a zi dingin Jacob a pie hi. 10Tua ciengin Leah’ nasem numei Zilpah in Jacob tawh tapa khat a nei hi. 11Tuale Leah in, “Kampha!” ci a, tuaci’n a min Gad#30:11 “Kampha” a cina ahi hi. phuo hi. 12Leah’ nasem numei Zilpah in tapa a nina nei hi. 13Leah in, “Lungdam sam ing e! Azieh pen numeite in kei mi lungdamnu ei ci ding uhi,” a ci hi; tuaci’n ama in a min Asher#30:13 “Lungdam” a cina ahi hi. phuo hi.
14Mangbu lah hun laitahin lolai-ah Reuben a vahkawi leh zawldei-ai kungte mu a, a nu Leah kungah tuate a puoh hi. Tua ciengin Rachel in Leah kungah, “Hepina tawh na tapa’ zawldei-ai themkhat ei pie vawi” a ci hi. 15Ahi vangin Leah in, “Ka pasal nei lahpieh thuneu na sa amah? Ka tapa’ zawldei-ai zong ei lahpieh lai ding na mah?” a ci hi. Rachel in, “Ahi leh na tapa’ zawldei-ai man dingin nang tawh tuzanin ama ang lumton thei ding hi,” a ci hi. 16Nitahin a lo panin Jacob vai a tun ciengin a dawn dingin pusuoh a, “Ka kunga nang lup kul ding hi. Azieh pen ka tapa’ zawldei-ai tawh nang kang thapsa ahi hi,” a ci hi. Tuaci’n khum zanin ama tawh a lumton hi. 17Tuale Pasien in Leah’ ngetna ngai a, ama gai-in Jacob tawh tapa a ngana nei hi. 18Leah in, “Ka pasal tungah ka nasem numei ka pieh ziehin Pasien in ka thaciel#30:18 Heb “sakar” ei piezo ta hi,” a ci hi; tuaci’n a min Issachar phuo hi. 19Tuale Leah gaikia a, Jacob tawh tapa a guhna nei hi. 20Tua ciengin Leah in, “Pasien in kei moken hoi khat ei pie zo hi. Tu-in ka pasal in kei ei patawi#30:20 Heb “zabal” ding hi. Azieh pen ama tawh tapa guh ka nei ta hi,” a ci hi; tuaci’n ama in a min Zebulun phuo hi. 21Tua ciengin ama in tanu khat nei a, a min Dinah phuo hi.
22Tua ciengin Pasien in Rachel phawh a, Pasien in ama’ thu ngai-in a naubu a honpieh hi. 23Ama gai-in tapa khat nei a, “Pasien in ka zalatna a lamang ta hi,” a ci hi; 24tuale ama in a min Joseph#30:24 “Ama in belap hi” a cina ahi hi. phuo a, “Topa in tapa dang khat ei piehbe heh!” a ci hi.
Laban Ziehin Jacob Cithei
25Rachel in Joseph a nei zaw ciengin Jacob in Laban kungah, “Ka inn le ka gamah ka pei thei nadingin kei ei sawl in. 26Nang kunga ka thalawsa ka zite ka tate ei pie inlen ei peisah in, azieh pen na na kang seppieh lam na thei hi,” a ci hi. 27Ahi vangin Laban in ama kungah, “Tua banga thu nei gensah leh, ka aisanna tung panin nang vang tawh Topa in kei thupha ei piezo hi, ci ka thei hi. 28Na thaman ding hing gen inlen kang pie ding hi,” a ci hi. 29Jacob in ama kungah, “Na na bang ka ci sep a, ka khut sungah na gante bang hing cipun ahei ci nang mama in na thei hi. 30Azieh pen kei ang tun masangin na gantate tawmno khat ahi a, tuate tampitahin a khang hi; tuale ka kiheina muncin tengah Topa in nang thupha ang pie hi. Ahi vangin tu-in ka innkuonpite ading zong bang cih ciengin vaihawm ta ding ka hei?” a ci hi. 31Ama in, “Nang bang kang pie diei?” a ci hi. Jacob in, “Bangma zamtawng ei pie sin; tami nei bawlpieh ding po leh na tuuhonte va-in kang cinpieh ding hi: 32Na tuuhon zosie lahah ei vahsah inlen, tuate lah panin tuu a puong zosie, a pawl zosie, tuuno a vom zosie, le keelte lah panin a pawl le a puong zosie ei pieh in; tua teng ka thaman hi taheh. 33Tuaci’n mailam hunah ka thamante en dinga nang pei ciengin ka thumanna kei adingin teci ahi ding hi. Keel lahah a puong lo le a pawl lo poma le tuuno lahah a vom lo poma, kei kunga a kimu khah leh, guhin kisim pailien ding hi,” a ci hi. 34Laban in, “Hoi e! Na cisa bangin hi taheh,” a ci hi. 35Ahi vangin Laban in khum ni-in keeltang a dung pawl le a bem pawlte, keelpi a puong le a pawlte, a ci tunga themkhat a kang pawl tapo ladawhin a tapate a cingsah hi; 36tuale Jacob in Laban’ tuuhon a omlai teng a cin laitahin ama in ama le Jacob kikal nithum khuolzinna munah tua ganhonte peipi hi.
37Tua ciengin Jacob in hieng sing, zuonmuot sing, le theiba panin a ba thate sat a, a hawte khe siengin a sunga a kangte a kidawhsah hi. 38Ama in tuipiehna kuong sunga gantate mai-ah a haw kikhesa singbate koi hi. Tam pen gantate tui dawn dinga a peina uh tuidawnna mun ahi hi. Tui dawn dinga amate a pei ciengun a kizangmat vua, 39tuale singbate mai-ah gantate kizangmatin, tuaci’n gantate in a dung pawl, a puong le a pawl tate a nei uhi. 40Jacob in tuunote khenkhie a, tua gantate Laban’ gantate lahah a dungpawl le a vomcip teng lam a ngasah hi; tuale ama’ tan ding teng tuom koi-in Laban’ tuuhonte tawh koiton lo hi. 41Ganta thahatte a zangmat hun sielin, singbate lahah a kizangmat thei nadingun Jacob in tuuhonte masanga gan tuipiehna kuong sungah singbate koi hi. 42Ahi vangin ganta zawngkhalte mai-ah tua singbate koi lo hi; tuaci’n ganta zawngkhal teng pen Laban-a’ suohin ganta thahat teng pen Jacob-a’ a suoh hi. 43Tua ci bangin mipa nahpitahin hau a, ama in ganta honpi, sila numei, sila pasal, kalaohte le laa tampitah a nei hi.
Iliyochaguliwa sasa
PIENCILNA 30: ZBOTF01
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Zo Bible © Bible Society of Myanmar, 2018.