Mark 6
6
1kɔ wur ri, ɔ der ka ȧŋthɔf ŋɔŋ, ka aŋkarande ŋɔŋ aŋ tȧŋ kɔ. 2Ma ȧŋrey ŋa aŋsabath aŋ bek-e, ɔ təp kəthəksa ka ȧŋseth agbanɛ. Ɔwa ŋa agbȧthi aŋa təlȧ kɔ aŋ kabanɛ, aŋ pa, Reke ɔlaŋgba ɔwe ɔ sɔthɔ mȧtȧy ame-e? Ɔwa ko kətemp kaŋ a sɔŋ ɔlaŋgba ɔwe-e, kȧmȧ ɔ yɔ məyɔs məbana məwunɔŋ ka mȧta mɔŋ-e? 3Ɔkamdɛr thahɔ ɔwe-i? Ɔwan uruni ka Meri, ɔwɔnt uruni ka Yeməs, Yoses, Yuda yi Saymɔnȧŋ-i? Ɔwa aŋwɔnt ŋɔŋ abɛra aŋ yi hɛ sɔ nɔ yi saŋ-i? kaŋ ba məbaŋ ta atɔŋ 4Kɛrɛ Yisɔs ɔ pa ro ŋaŋ, Unabi ɔ paŋ hɛ yiki, thambe ka ȧŋthɔf ŋɔŋ, kətɔŋ ka aŋfəm ŋɔŋ, yi ka ȧŋseth ŋɔŋ gbeŋ. 5Ɔwa ɔ gbəli hɛ yɔ məyɔs məbana ri, ɔ deŋ gbo mȧta mɔŋ rə aboma athȧn, ɔ yenkəs ŋa. 6kɔ kabanɛ salata kate lanɛ ka ŋaŋ. Kɔ kɔnɛ kəthəksa ka tagbɔm bɛ.
7kɔ tela aŋtɔfɔt ŋarəŋ ro ŋɔŋ, ɔ təp kəsom ŋa ŋarəŋ ŋarəŋ, kɔ sɔŋ ŋa afɔsɔ rokɔm ka aŋkərəfi aləs. 8Ɔ yamari ŋa kȧmȧ aŋ te kera rəka o rəka ka ȧŋbiyas, thambe kətək, hali kəbo, agbaŋfa, hali akala ka ɛbuthu yaŋ. 9Kɛrɛ ta aŋ wɔŋ ɛkɔftha, ɔwa ɔ kȧl pa, Te wɔŋ suma tərəŋ. 10kɔ pa ro ŋaŋ, Rə aseth o seth nə wɔŋ-e, yi ri nu haŋ nə wur ɔdɛr wati. 11Ɔwa dɛr ro a te malanɛ nu-e thalɔm a te təlȧ nu-e, ma nə wur ri-e, koŋkoŋ kabof ȧke yi ka ȧtȧtək ta nu ratha tə kəseri ro ŋaŋ. Tɛntɛnɛ i pa ro nu, Pə tə yi fisa ta Sɔdɔm yi Kɔmɔra ka ȧŋrey ŋa kathoŋkas pəthasi kȧpet kati. 12kaŋ kɔnɛ, aŋ taməs kəpa afəm aŋ yi tə kəthupi. 13kaŋ wurɔ akərəfi agbȧthi, kaŋ sop atuy agbȧthi mȧro, kaŋ yenkəs ŋa.
14Ka ɔbȧy Hɛrɔdȧŋ ɔ təl ta atɔŋ, pəkasifɛ ȧŋes ŋɔŋ aŋ po gbanthɛnɛ dɛr o dɛr, kɔ pa, Yɔn ɔBaftays ɔ po yokanɛ ka rafi. Tiyȧŋ mȧyɔs məkabanɛ ame mə tɔrinɛ ro ŋɔŋ. 15Alɔm aŋ pa, Ilaya, kɔnɔŋ. Ka aŋlɔm aŋ pa, Unabi wɔŋ mɔ aŋnabi abana. 16Kɛrɛ ma Hɛrɔdȧŋ ɔ təl ti-e ɔ pa, Yɔnȧŋ ɔwe i gbetha rabomp-e, ɔ po yokanɛ. 17Ȧtesoma-e Hɛrɔdȧŋ kɔn kɔnɔnɛ ɔ po som tə kəwop Yɔnȧŋ, ɔ sek kɔ ka ȧŋseth ŋa tərəŋka salata Herodias, ɔrani ka Filip ɔwɔnt kɔŋ uruni, kotȧy-e ɔ po nȧntȧ kɔ. 18Ȧtesoma-e Yɔnȧŋ ɔ pa ka Hɛrɔd, Pə yi hɛ ɔlompi tə kənanta ɔrani ka ɔwɔnt mu. 19Tə Herodias ɔ bansȧ ta atɔŋ, ɔ yema naŋ tə kədif kɔ, kɛrɛ ɔ gbəli hɛ. 20Ȧtesoma-e Hɛrɔd ɔ nesa Yɔnȧŋ, ma ɔ tȧrȧ kəpa ɔ yi wuni lompi, ɔwa usəm-e. Kɔ bɛnɛ kɔ. Ma ɔ təlȧ kɔ-e, pə kɛtha kɔ rə ȧmerȧ, kɛrɛ pə bɔnɛ kɔ tə kətəla kɔ. 21Ma ȧrey ȧfɔy tȧy aŋ bek-e, Hɛrɔdȧŋ ɔ fak met salata ȧŋrey aŋa a kom kɔ ta aŋyola-o, aŋkurgba-o, yi aŋfəm abana ŋa ro Kalili bɛ. 22Ma ɔwan ubɛra ka Herodias gbeŋ ɔ wɔŋ ɔ thɔmɔ-e, pə bɔnɛ Herodȧŋ yi ŋaŋ aŋa yirȧ yi kɔnɔŋ-e. Kɔ pa ka ɔwan ubɛra, Koko mə tholir mi bɛ-e i ti sɔŋ mu ri. 23kɔ gbiŋ ka ɔwan ubɛra, Koko mə yif mi i ti sɔŋ mu, hali ras ȧŋthɔf a mi-e, i gbai ŋi ratɔŋ. 24Ka ɔwath ubɛra ɔ wur, ɔ yif ɔkara kɔŋ, Ko rəka raŋ mə i thola-e? Ka ɔkara kɔŋ ɔ pa, Rȧbomp ra Yɔn ɔBaftays. 25Ka ɔwath ubɛra ɔ timɔnɛ kəkɔ ka ɔbay-e, ɔ pa, I yema kȧmȧ mə sɔŋ mi thethe rə alɛfa rȧbomp ra Yɔn ɔBaftays. 26Ka ɔbȧy ɔ ba ɔnɔsinɛ ɔbana, kɛrɛ ta ɛgbiŋ yɔŋ-e, yi ta ŋaŋ aŋa yirȧ yi kɔnɔ-e, ɔ gbəli hɛ pɛnsanɛ kɔ. 27Ka ɔlɛmp wati ɔbȧy ɔ som utim ukin, ɔ yamari kɔ kȧmȧ ɔ kȧrȧ rȧbomp rɔŋ; kɔ kɔnɛ, ɔ gbetha rȧbomp rɔŋ ka ȧŋseth ŋa tərəŋka, 28kɔ kȧrȧ rȧbomp rɔŋ rə alɛfa, ɔ sɔŋ ŋi ka ɔwath ubɛra, ka ɔwath ubɛra ɔ sɔŋ ŋi ka ɔkara kɔŋ. 29Ma aŋkarande ŋɔŋ aŋ təl ti-e, aŋ der aŋ gbasi kabel kɔŋ, aŋ bot ki ka kȧboma.
30Ma aŋsom aŋ kȧl thoŋklanɛ dɛr rɔkin ka Yisɔsȧŋ, aŋ kanɛ kɔ tȧy o tȧy ȧte aŋ po yɔ, yi ȧte aŋ po thəksa. 31kɔ pa, Der nu na son rə dɛr ɔyeŋ, kȧmȧ nə fothanɛ ɔthan. Ȧtesoma-e afəm agbȧthi aŋ der, aŋ kɔnɛ, ɔwa aŋ ba hɛ ras alɔkɔ tə kədi. 32kaŋ bȧkȧ rə abil kaŋ kɔnɛ dɛr ɔyeŋ ŋa son. 33Ɔwa aŋfəm aŋ nənk ŋa maŋ kɔnɛ-e, ka agbȧthi aŋ tȧrȧ kɔ, ɔwa aŋ gbukɛ kəwur ka tapet bɛ-e, kaŋ mɔtha bek ri. 34Ma Yisɔsȧŋ ɔ wur ro bil-e, ɔ nənk runiya rəbana ka ȧney abana aŋ wop kɔ, pəkasifɛ aŋ yi mɔ təlɔmɛ aŋa te ba utɔl, kɔ təp kəthəksa ŋa mȧtȧy məgbathi. 35Ma aret rə yema wɔŋ-e, aŋkarande ŋɔŋ aŋ der ro ŋɔŋ, aŋ pa, Ɔdɛr ɔwe-e, dɛr ɔyeŋ wɔŋ, ɔwa aret rə yema wɔŋ. 36Ter ŋa aŋ kɔnɛ kȧmȧ aŋ kɔ ka atɔr yi ka tagbɔm, aŋ wayanɛ yɛt ɛdi. 37Ka Yisɔsȧŋ ɔ pa, Sɔŋ ŋa nu yɛt ɛdi. Kaŋ pa ro ŋɔŋ, Sə kɔ wai təbo ta ɛsiliŋ tɛmɛ tərəŋ-i kȧmȧ sə sɔŋ ŋa aŋ di-i? 38kɔ yif ŋa, Mɔlɔ təbo nə ba-a? Kɔ kəli. Ma aŋ tara-e, aŋ pa, Tamath, yi ɛlop ŋarəŋ. 39kɔ yamari ŋa kȧmȧ aŋ yɔ aŋfəm aŋ yirȧ rə ɛniŋki ka akereŋ kəŋeseŋ. 40kaŋ yirȧ rə təkos rə tɛmɛ tɛmɛ yi rə təgba tərəŋ tɔfɔt təgba tərəŋ tɔfɔt. 41Ma ɔ po gbasi tabo tamath yi ɛlop ŋarəŋ-e, ɔ lakthɛ ka Kuru, ɔ ruba, kɔ siməth tabo, ɔ sɔŋ ti aŋkarande tə kəbot rodi ka aŋfəm. Kɔ yerəs ɛlop ŋarəŋ ka ŋa bɛ. 42Ka ŋa bɛ aŋ di, aŋ namra. 43kaŋ lasər təbəlai tɔfɔt tərəŋ yi ɛbɛm ya tabo yi ɛlopȧŋ. 44Ɔwa ŋa aŋa di tabo yi ɛlopȧŋ aŋ yi afəm aruni ɛwul tamath. 45Ka ɔlɛmp wati ɔ yɔ aŋkarande ŋɔŋ aŋ bȧkȧ ka ȧŋbil kȧmȧ aŋ təmȧ kədi kəkɔ romɔri ro Bɛthsayda, ma kɔnɔ ɔ tiyȧ yɔ ȧruniya rə sakanɛ. 46Ma ɔ po tiyȧ ŋa aŋ kɔnɛ-e, ɔ kɔnɛ ka kateŋ tə kəramnɛ. 47Ma rȧfɔy rə bek-e, ȧŋbil aŋ yi ka kȧbȧŋ ratɔŋ, ɔwa kɔn son ɔ yi ro gbaŋ. 48kɔ nənk kəpa aŋ sɔmpanɛ ɔthasər ka kəŋas-e, kotȧy-e aŋfef aŋ təmȧ ŋa rodi. Ɔwa ma rasɔk rə yema bek-e, ɔ der ro ŋaŋ, ɔ kɔth ka kȧbȧŋ rokɔm, ɔwa ɔ yema thas ŋa. 49Kɛrɛ maŋ nənk ɔ kɔth ka kȧbȧŋ rokɔm-e, aŋ nanɛ kəpa amɔmpila wɔŋ, kaŋ sel ɛrɔŋ, 50ȧtesoma-e ŋa bɛ aŋ nənk kɔ ɔwa pə kɛtha ŋa. Ka ɔlɛmp wati ɔ fɔfȧnɛ ŋa, ɔ pa, Bȧk nu təbuth, minɛŋ; te nu nesa. 51kɔ wɔŋ ro ŋaŋ ro bil, ka aŋfef aŋ thɔfəla, kaŋ kabanɛ ɔthasər, 52kotȧy-e pə sɔk hɛ ŋa ta amisali ŋa tabo kɛrɛ a bȧkəs tabuth taŋ.
53Maŋ po fəsi-e, aŋ bek ka aŋgbaŋ ro Kɛnɛsarɛt-e, kaŋ sɔ ro gbaŋ. 54Kɛrɛ maŋ po wur ka ȧŋbil-e, ka ɔlɛmp wati aŋfəm aŋ tȧrȧ kɔ, 55kaŋ gbukɛ gbukɛ ka ɔdɛr wati bɛ-e, aŋ təp kəkera ŋaŋ aŋa tu ka tafənt taŋ ro aŋ təl kəpa ɔ yi. 56Ɔwa dɛr o dɛr ro ɔ wɔŋ-e, rə təgbɔm-e, rə təpet-e, thalɔm ka aŋthɔf-e, aŋ bot aŋtui ka asoŋ, aŋ nɛmthɛnɛ kɔ kȧmȧ aŋ gbons gbo ɛlɛmpɛ ya aruma rɔŋ. Ɔwa ukin o kin ɔwe gboŋ kɔ ɔ sɔthɔ kəyeŋk mədɛr.
Iliyochaguliwa sasa
Mark 6: TMNNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Themne New Testament © The Bible Society of Sierra Leone, 2009.