Malɛkɛ 9
9
1Isa k'a fɔ ai yɛ kɔtunun, a vɛɛ: «Ǹ'i tuɲa fɔ ài yɛ, a dɔlu y'ài tɛma jan minu tɛnala saya masɔlɔnna, fɔ ai vɛ Ala ya masaya lankɛnɛmayatɔ yena fangamaya boloma.»
Isa kɛɲa ka jɛlɛma teme
Matiyu 17.1-13; Luka 9.28-36
2 #
2 Piyɛli 1.17, 18. Tele wɔɔlɔ timinnin kɔ, Isa ka Piyɛli ni Janguba ni Yohana kili, ka taa ai le ai ta fan tini jaan dɔ kɔkan. Ai ka to je, Isa kɛɲa ka jɛlɛma ai ɲana. 3Aa faanilu ka gbɛ pepe fɔɔ k'ai mɛnɛn gbesekele. Ai gbɛnin tɛɛ teme, mɔɔ foi tɛ dunuɲa min yi se faani gbɛla ka se wo lɔ. 4Wo kɛ, Nabi Iliya ni Nabi Musa ka bɔ gbɛ la ai ɲakɔlɔ. Wolu ni Isa tɛɛ kumala i ɲɔɔ fɛ. 5Piyɛli k'a fɔ Isa yɛ, a vɛɛ: «Kalanmɔɔ, a bɛnyine m'i to jan. Diɲa m'i gbaa sawa lɔ: i ta kelen, Nabi Musa ta kelen, ani Nabi Iliya ta kelen.»
6A do tɛɛ m'a lɔn a tɛɛ min fɔla, kamasɔlɔn ailu mɔɔ sawa tɛɛ siyanna bubale. 7#Matiyu 3.17; Malɛkɛ 1.11; Luka 3.22.Wo kɛ, sanbiliya ka na bilin ai kunna. Kumakan dɔ ka bɔ sanbiliya lɔ, a vɛɛ: «Ǹ diyanan Denkɛ le ne. Ài y'ài tolomalɔ a la.» 8Ai do k'ai ɲa kaa ai laminin nɔ telemanin, kɛɛ ai ma mɔɔ ye ai fɛ je, fɔ Isa kelen.
9Isa nu jiitɔla tini la, a k'ai jamali, a vɛɛ: «Ài na min yena, ài kà wo fɔ mɔɔ suu suu yɛ bene, fɔɔ Mɔɔnivin Tanin v'i wulila ka bɔ saya lɔ.» 10A kɔbiladennu ka kuma wo labato, kɛɛ ai k'a kɛ i ɲɔɔ maɲiningale, ai vɛɛ: «A tɛɛ a fɔla ko: ‹K'i wuli ka bɔ saya lɔ›. Wo kɔlɔ yi mindɛ le?»
11 #
Matiyu 11.14. Wo kɔ, ai ka Isa maɲininga, ai vɛɛ: «Mindɛ lɔ seliya kalanmɔɔlu y'a fɔla ko Nabi Iliya le ka kan ka na kunfɔlɔ le?»
12Isa k'ai javi, a vɛɛ: «Tuɲa le, Nabi Iliya ka kan ka na kunfɔlɔ le ka ko bɛ lɔbɛn. Kɛɛ mindɛ lɔ a sɛvɛnin kitabu kɔnɔ ko Mɔɔnivin Tanin ka kan ka tɔlɔya bubale, ko mɔɔlu kɛtɔ ai banna a lɔ? 13Ǹ'a fɔ ài yɛ, Nabi Iliya vɛ ban nala. Kɛɛ mɔɔlu k'ai sawonanko bɛ kɛ a la iwo a sɛvɛnin teme kitabu kɔnɔ ka bɛn a ma.»
Isa ka den jinatɔ lakɛnɛya teme
Matiyu 17.14-20; Luka 9.37-43
14Isa nu ka se a kɔbiladen tɔlu ma mingɛ, ai ka jama ba ye ai laminin nɔ. Wolu ni seliya kalanmɔɔ dɔlu tɛɛ i ɲɔɔ sɔsɔla. 15Jama ka Isa ye mingɛ, ai ka kawakoya bubale ka bɔli ka na a labɛn. 16Isa k'a kɔbiladennu maɲininga, a vɛɛ: «Àilu ni minu i ɲɔɔ sɔsɔla ka bɛn mindɛ ma?»
17Kɛ́ dɔ ka to jama tɛma k'a fɔ Isa yɛ, a vɛɛ: «Kalanmɔɔ, ǹ nanin ǹ denkɛ le i fɛ, kamasɔlɔn jina le y'a lɔ min v'a kɛ bobo le. 18Jina wo v'a minala kotan, a a labenna duu ma, k'a dakaanvu bɔ, k'a ɲii sii i ɲɔɔ na, ani k'a fali ja a kan. Ǹ n'i kɔbiladennu madiyala ko ai yi jina wo gbɛn a lɔ, kɛɛ ai do pa ma se.» 19Isa vɛɛ ai yɛ: «Àilu limaniyabalilu! Ǹ'i to ài tɛma k'àiya ko mina m̀ ma haan fɔɔ waate mindɛ? Na denni le ǹ fɛ jan.»
20Wo fɔ, ai ka na denni le. Jina ka Isa ye feeya, a vɛ denni lajaajaala telemanin. Denni k'i ben duu ma, k'i kulukulu k'a dakaanvu bɔ.
21Wo kɛnin, Isa ka denni fa maɲininga, a vɛɛ: «Wo n'a lasɔlɔnna waate mindɛ?»
Kɛ́ do vɛɛ: «Ka ta a dennintɔ waate ma. 22Jina v'a mina siɲa siyama le k'a laben taa la niwotɛ ji lɔ, fɔsa a a faa. Ni a see ka k'i yɛ ka ko dɔ kɛ, hena mɔ la, i yi mɔ madɛmɛn!» 23Isa vɛɛ a yɛ: «Mindɛ kɛnin i n'a fɔla, i vɛɛ: ‹Ni a see ka k'i yɛ ka ko dɔ kɛ?› Ni limaniya ka kɛ mɔɔ min bolo, ko bɛ yi sene kɛla wo tii yɛ.»
24Denni fa ka gbanɔ telemanin, a vɛɛ: «M̀'ɛ limaniya! Kɛɛ fɔ i yi m̀ madɛmɛn k'a dɔ kafon ǹa limaniya kɔkan.»
25Isa ka jama bɔlitɔ ye nala a ma mingɛ, a ka jinajuu majaman, a vɛɛ: «Ile jina, min yi mɔɔ kɛla bobo ni tologbɛlɛn ne, ǹ'a fɔ i yɛ, i yi bɔ denni min nɔ. I do kà don a lɔ butu.» 26Jina wo vɛ gbanɔla ka denni lajaajaa gbiligbili ka ban ka bɔ a lɔ. Denni kɛnin tɛɛ iwo fuleni. Wo lɔ, mɔɔ siyama vɛɛ: «A vɛ sa!» 27Kɛɛ Isa k'a mina a bolo ma k'a lawuli, denni do k'i lɔ.
28Isa don bon na, a kɔbiladennu k'a maɲininga doon nɔ, ai vɛɛ: «Mindɛ lɔ ǹu ma se jina wo gbɛnna?»
29Isa k'ai javi, a vɛɛ: «Jina min suu koni, foi tɛ se a gbɛnna ni Aladali tɛ.»
Isa ka aa saya ni a wuliko fɔ kɔtunun
Matiyu 17.22-23; Luka 9.43-45
30Isa nu vɛ bɔla je ka Galile koovi lɔtimin. A tɛɛ tɛ a fɛ mɔɔ y'a lɔn a yi tɛɛminja, 31kamasɔlɔn a tɛɛ a kɔbiladennu le kalanna. A do vɛɛ ai yɛ: «Mɔɔnivin Tanin yi don bolo le ma mɔɔlu bolo, minu kɛtɔ a faala. Kɛɛ tele fila a sawana, a wulitɔ ka bɔ saya lɔ.»
32Kɛɛ wo bɛ n'a kɛ, ai m'a kumakan ɲaye, ai do tɛɛ siyanna a maɲiningako lɔ.
Jene yi ɲamɔɔ le?
Matiyu 18.1-5; Luka 9.46-48
33Wo kɔ, Isa nu ka se Kapɛlɛnamu. Ai ka to bon na, a k'ai maɲininga, a vɛɛ: «Ài tɛɛ kumala ka bɛn mindɛ ma siya la?» 34#Luka 22.24.Ai do ka jeden, kamasɔlɔn ai tɛɛ i ɲɔɔ sɔsɔla siya la ko jene yi ɲamɔɔ le ai tɛma. 35#Matiyu 20.26, 27; 23.11; Malɛkɛ 10.43, 44; Luka 22.26.Wo lɔ, Isa k'i sii k'ai mɔɔ tan ni fila (12) kili. A do vɛɛ ai yɛ: «Ni mɔɔ min y'a fɛ ka kɛ ài bɛ lɔ ɲamɔɔ le, fɔ wo tii yi kɛ ài bɛ lɔ kɔfɛmɔɔ le le, ani ài bɛ ya bɔiden.» 36Wo fɔ, a ka denni dɔ ta k'a lalɔ ai tɛma, k'a bolo mɔlɔmɔlɔ a ma. A do k'a fɔ ai yɛ, a vɛɛ: 37#Matiyu 10.40; Luka 10.16; Yohana 13.20.«Ni mɔɔ mɔɔ k'a bolo sii denni min ɲɔɔzii kɔlɔ ka bɛn ǹa ko ma, wo tii v'a bolo sii ǹe gbu kɔlɔ. Ni do mɔɔ min k'a bolo sii ǹ kɔlɔ, wo tii m'a bolo sii ǹe kelen kɔlɔ, mafɔ ǹ kelaba fana.»
Mɔɔ min tɛ mɔ juu le, mɔ dɔ le wo tii le
Luka 9.49-50
38Yohana k'a fɔ Isa yɛ, a vɛɛ: «Kalanmɔɔ, mɔ na kɛ́ dɔ yena, a tɛɛ jinalu gbɛnna mɔɔlu lɔ i tɔɔ lɔ. Mɔ k'a fɔ a yɛ a yi nɔningɛ wo ma, kamasɔlɔn a tɛ mɔ dɔ le.»
39Kɛɛ Isa do vɛɛ ai yɛ: «Ài kà a dansii wo la, kamasɔlɔn mɔɔ suu suu tɛ se kawananko kɛla ǹ tɔɔ lɔ, ka ban ka kuma yon fɔ m̀ ma. 40#Matiyu 12.30; Luka 11.23.Mɔɔ min tɛ mɔ juu le, mɔ dɔ le wo tii le. 41#Matiyu 10.42.Ǹ'i tuɲa fɔ ài yɛ, ni mɔɔ min ka ài sɔ jiyafɛ ɲa kelen na minji lɔ, kamasɔlɔn ài yi Masa Tɔɔmasenin ta le le, wo tii kɛtɔ wo balayi sɔlɔnna feu.
Mɔɔlafilikolu
Matiyu 18.6-9; Luka 17.1-2
42«Ni mɔɔ mɔɔ ka kɛ sabu le ka denni minu kelen lɔ julumbu tala minu limaniyanin m̀ ma, a tɛɛ bɛnne wo tii ma ka kawa ba sili a kanna k'a lafili kɔɔ duunba lɔ. 43#Matiyu 5.30.Ni i bolo k'i lɔ julumbu tala, i y'a tɛɛ a la k'a lafili. Kamasɔlɔn ni i bolokelentɔ ka don niimaya banbali lɔ, wo le fisayanin i ma, jani i bolofilatɔ la yi fili jahanama taa banbali lɔ.#9.43 Sɛvɛli kɔlɔ dɔlu ka haya min la a kɔkan: 9.44 45Ni do i sen k'i lɔ julumbu tala, i y'a tɛɛ a la k'a lafili. Kamasɔlɔn ni i senkelentɔ ka don niimaya banbali lɔ, wo le fisayanin i ma, jani i senfilatɔ la yi fili jahanama.#9.45 Sɛvɛli kɔlɔ dɔlu ka haya min la a kɔkan: 9.46 47#Matiyu 5.29.Ni i ɲaden kelen k'i lɔ julumbu tala, i y'a bɔ a lɔ k'a lafili, kamasɔlɔn ni i ɲakelentɔ ka don Ala ya masaya lɔ, wo le fisayanin i ma jani i ɲafilatɔ la yi fili jahanama, 48mɔɔsoodɔn tumunilu tɛ sala tɛɛminja, ani taa la tɛ sala tɛɛminja.
49«Taa kɛtɔle mɔɔ bɛ kan iwo kɔɔ, k'ai sɛnɛya.
50 #
Matiyu 5.13; Luka 14.34, 35. «Kɔɔ yi fen kein ne le. Kɛɛ ni kɔɔ diyaya vɛ bɔla a la, a yi se diyala di kɔtunun? Diyaɲɛ yi to ài wotɛ, iwo kɔɔ yi dɔnnifen diyala teme, ani josolajii yi to ài wotɛ.»
Iliyochaguliwa sasa
Malɛkɛ 9: MBT2023
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Manya Bible Translation, © SIM International, 2023