Éxodo 26
26
Ch'ul Nailpac' Templo
(Ex 36.8-38)
1“Pasa Nailpac' Templo ta lajunlijc' lino-pac' te lec ts'otbile, jalbil me ta stsotsil chij bonbil ta morada, púrpura soc tsaj. T'ujbil me xch'alil ta ts'isel sloc'ombail tey a te querubinetique. 2Pajal me sp'isol juju-jlijc' pac': Lajchayeb metro soc olil te snajt'ile, cheb metro te sjamalule. 3Tsaca ta ts'isel yo'lijq'uil, ya me sjel sba juju-jtebuc te sti'ile. Ja' ni me jich ya apas te yan jo'lijq'ue. 4Ya me anajc'anbey bayal xchiquin ta sti'il te sba lijq'uil pac' ta lijq'ue. Ts'otbil me te xchiquine, morada me te sbonile. Ja' ni me jich ya apas te yan lijq'ue. 5Te sbabial soc te xchebale, ya me anajc'anbey lajuneb yoxwinic (50) xchiquin. Nujp'ulnujp' me ya yil sbaic te xchiquine. 6Ya me alucanlabey lajuneb yoxwinic (50) staq'uinal te pasbil ta oro, swenta yu'un ya me syac sba ta xchebal. Jich me jun nax ya xc'ot ta swolol a te ch'ul awilale.
7“Ya me apas bulucheb ta jlijc' jalbil stsotsil tentsun ta swenta smujq'uil ta sba te Nailpac' Templo. 8Te juju-jlijq'ue pajal me te sp'isole: Oxlajuneb metro soc olil te snajt'ile, soc cheb metro te sjamalule. 9Tsaca ta ts'isel yo'lijq'uil. Jich nix me xapas te yan waclijc' xane. Te swaquebale ya me apux tel ta yelaw te Nailpaq'ue. 10Pasbeya lajuneb yoxwinic (50) xchiquin, najc'anbeya ta sti'il te jlijc' ta slajibale. Jich nix me lajuneb yoxwinic (50) xchiquin ya apasbey ta sti'il te xcha'lijq'uile. 11Ya me alucanlabey lajuneb yoxwinic (50) staq'uinal pasbil ta bronce. Tey me ya awac' soc a te xchiquin te yane, swenta yu'un jun nax me ya xc'ot ta swolol a te Nailpac' Temploe. 12Te bit'il najt'ic te juju-jlijq'ue, te olil ya spas jilel sobraile, ya me xlijc'ajic coel ta spat te Nailpac' Templo. 13Jich me ya smucbey coel a ta xchebal spat te sobraile. Jo'eb yoxwinic (45) centímetro ya xjil te jun spate, soc ja' nix jich jo'eb yoxwinic (45) centímetro ya xjil te yane.
14“Pasbeya smujq'uil te Nailpac' Templo ta snujc'ulel tat chijetic te bonbil ta tsaje, soc muca xan ta t'ujbil nujc'uletic ta mero sba.
15“Pasa marcoetic ta acacia yu'un te Nailpac' Templo te toj ya atejc'anlaye. 16Te jujun marco chanchaneb metro soc olil te snajt'ile, jo'eb xchanwinic (65) centímetro stuquel te sjamalule. 17Che'cheb me ya apasbey loq'uel slawux-te'el te jujun marco, yu'un me ya snup' sba ta lec soc a te yane. Jich me xapasbey spisil te yantic marcoetic yu'un te ch'ul awilal. 18Te c'alal ya apase, jtab me marcoetic ya awac' ta stojol sur. 19Ya me awac'bey cha'winic (40) snactijib ta plata ta yet'al te marcoetique. Te jujun marco cheb me snactijib ya yich' ta swenta te cheb slawux-te'ele.
20“Jich me xapas ta yan spat te Nailpac' Templo ta stojol norte. Ja' ni me jich jtab marcoetic tey a. 21Jich nix me cha'winic (40) snactijib plata ya awac'bey, swenta yu'un ta yet'al jujun marco ay me cheb snactijib tey a. 22Ta spat te Nailpac' Templo ta stojol smalib c'aal, waqueb me marcoetic ya apasbey stuquel. 23Cheb xan me marcoetic ya apasbey ta swenta jujun xujc' ta spat. 24Che'cheb me ya awac' sjoin sbaic c'alal to ta cajal ta bay sbabial te xch'ocowile. Jich nix me ya achajban te cheb marcoetic ta swenta te jujun xujq'ue. 25Ay me waxaqueb marcoetic, soc waclajuneb snactijib pasbil ta plata, melel cheb snactijib ya yich' ta yet'al te jujun marcoe.
26“Ya me apasbey jo'ch'ix ste'el ta acacia ta swenta te marcoetic ta yan spat te Nailpac' Templo. 27Ja' nix jich jo'ch'ix ta yan spat, soc jo'ch'ix ta spat ta stojol smalib te c'aale. 28Ay me ste'el ya xc'ax ta olilal ja' to me ya xc'ot ta loq'uel ta jujun spat te sti'ile. Mero olil me ya awac' c'axel ta spat te marcoetique. 29Ja'uc me to, ya me apac'bey ta potsel ta oro te marcoetic soc pasbeya ch'ocowiletic ta oro. Jich me xapac'bey ta potsel ta oro te ste'ele. Ya me axij c'axel ta bay te ch'ocowiletique. 30Pasa me te ch'ul awilal jich bit'il ac'botat awil seña sp'isol ta wits.
31“Ya me apas pac' te ya atsal ta maquel a te yutil ch'ul awilal. Jalbil me ta naubil stsotsil chij te bonbil ta morada, púrpura soc tsaj, soc ta ts'otbil lino. T'ujbil me ya yich' ch'alel ta ts'isel ta pasel sloc'ombail tey a te querubinetique. 32Ya me alucanlabey staq'uinal te pasbil ta oro, tey me ya ajojc'an a. Chaneb me yoyal ya apasbey ta acacia. Ya me yich' paq'uel ta potsel ta oro, soc ay me snactijib ta plata. 33Jojc'ana tey a soc te staq'uinale. Jich yu'un te scajonil trato tey me ya awac' ochel ta yutil te tsalbil ta paq'ue. Jich tsalbil ya xjil te Ch'ul Awilale, soc jtsal me ya xc'ot te Mero Ch'ul Awilale.#Heb 6.19; 9.3-5. 34Cajana ta sba te smajq'uil sti' scajonil trato, ta bay te Mero Ch'ul Awilal. 35Ac'a te mesa ta spat te paq'ue ta stojol norte yu'un te Ch'ul Awilale. Te scajtijib c'ajq'ue ac'a ta stojol sur ta bay stojol te mesae.
36“Ya me apasbey smajq'uil pac' ta yochibal te Nailpac', jalbil me ta stsotsil chij bonbil ta morada, púrpura soc tsaj, soc te lequil ts'otbil linoe. Buen lec me ya yich' ch'alel ta ts'isel. 37Ya me apasbey jo'eb yoyal ta acacia. Ya me apac' ta potsel ta oro, soc ya me alucanlabey staq'uinal te pasbil ta oro, soc ya me apasbey jo'eb snactijib ta bronce te oyetique.
Iliyochaguliwa sasa
Éxodo 26: TZOXCH
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Biblia en Tzeltal de Oxchuc y Tenejapa © Sociedad Bíblica de México, A.C., 2001.