Éxodo 6
6
1Te Cajwaltic la sjac':
—Ta ora to ya me awil te bila ya jpasbey te faraón. Melel ja' nax me ya yaq'uex loq'uel a teme ay bila tulan ya xtal ta stojole. Stuquel me ya yal te ya yaq'uex loq'uel —xi' te Diose.
Dios la xcha'yic' xan Moisés
2Te Dios la sc'opon te Moisés, jich la yal:
—JO'ON AJWALILON. 3Cac'oj jba ta ilel ta stojol Abraham, Isaac soc Jacob. Soc la cac'bey sna' te jbiile: “Dios te Spisil ya xju' yu'une”, xi' te jbiile. Ja'uc me to, ma ja'uc la cac' ta na'el te mero jbiile: “Jo'on Ajwalilon”,#Ex 3.13-15. te xie. 4La jpas trato soc, ja' te ya cac'bey sq'uinalinic te sq'uinal Canaán. Ja' nix te q'uinal te banti c'axic tel ta neelale. 5Ora yo'tic jna'ojix te ay awocolic te ja'ex te israelex te bit'il yacalex ta sujel ta at'el yu'un te egipcioetique. Ja'uc me to, ay ta co'tan te trato cu'une. 6Jich yu'un baan albeya te alumal te Jo'on Ajwalilone. Ya xba jcoltayex loq'uel ta mozoil soc spisil te at'el te tenbilex ta spasel yu'un te egipcioetique. Ya me cac' ta ilel cu'el. Ya me jcoltayex loq'uel a ta swenta te bila muc' ya yich' pasel ta stojolique. 7Ja' mero lum ya xc'oex cu'un, te jo'one ja' me Dioson awu'unic. Jich me ya ana'ic te jo'on Ajwalilon te Dioson awu'unique, te la jcoltayex loq'uel ta tulan at'el te tenbilex ta spasel yu'un te egipcioetique. 8Tey ya quiq'uex bael a ta q'uinal te la calbey Abraham, Isaac soc Jacob te ya cac'beye. Jich yu'un ja' me ya xc'ot ta awentaic cu'un. Jo'on te Ajwalilone —xi' te Diose.
9Te Moisés la yalbey te israeletique; ja'uc me to, ma ba la yich'beyic ta muc' te sc'ope, yu'un chebajemix yo'tanic ta scaj te tulan ta jyalel te mozoinele. 10Te Cajwaltic la yalbey te Moisés:
11—Baan albeya te faraón te ac'a loc'uquix bael ta Egipto te israeletique —xi'.
12Te Moisés la sjac'bey sc'op te Cajwaltique:
—Te israeletic ma xyaiyboniquix stojol jc'op. ¿Ja'uc to bal c'an yaiybonix stojol jc'op a te faraone, te wocoltic ya xloc' te jc'ope? —xi'.
13Jich yu'un te Cajwaltic la yalbey xan mandal te Moisés soc te Aarón te ya yalbeyic xan te israeletic soc te faraón te tulan mandal yich'ojiquix te ya xloc' bael ta Egipto te israeletique.
Sbiil antiguo sme'-stat Aarón soc Moisés
14Ja' sbiilic te me'il-tatiletique: Te snich'nab Rubén te sba snich'an Israel, ja' te Hanoc, Falú, Hezrón soc Carmi. Ja'ic te jun nax sts'umbalic ta swenta Rubén.
15Te snich'nab Simeón ja' te Jemuel, Jamín, Ohad, Jaquín, Zohar soc Saúl te yal te jtul cananea-ants. Ja'ic te jun nax sts'umbalic ta swenta Simeón.
16Te Leví cuxin juclajuneb sjucwinic (137) ja'wil. Jich sbiil snich'nab, te banquilal soc ijts'inal: Gersón, Coat soc Merari. 17Te snich'nab te Gersón te bit'il jun nax tel te sts'umbalique, ja'ic Libni soc Simei. 18Te Coat cuxin oxlajuneb sjucwinic (133) ja'wil. Ja' snich'nab te Amram, Izhar, Hebrón soc Uziel. 19Te snich'nab Merari, ja' te Mahli soc te Musi. Ja'ic me te jun nax sts'umbalic ta swenta Leví, te banquilal soc ijts'inal.#Nm 3.17-20; 26.57-58; 1 Cr 6.16-19.
20Te Amram nujbin soc sme'jun, ja' te Jocabed. Ayin alaletic yu'unic, ja' te Aarón soc te Moisés. Te Amram cuxin juclajuneb sjucwinic (137) ja'wil.
21Te snich'nab Izhar, ja' te Coré, Nefeg soc Zicri.
22Te snich'nab Uziel, ja' te Misael, Elzafán soc Sitri.
23Te Aarón nujbin soc Elisabet te yantsil-nich'an Aminadab, ja' xwix te Naasón. Ayin snich'nab Aarón, ja' te Nadab, Abiú, Eleazar soc Itamar.
24Te snich'nab Coré, ja'ic te Asir, Elcaná soc Abiasaf. Ja' me te jun nax sts'umbal te Coré.
25Te Eleazar, ja' te jtul snich'an Aarón, nujbin soc te jtul yantsil-nich'an Futiel. Ayin alal yu'unic, ja' te Finees. Ja'ic tatiletic yu'un levitaetic te jun nax te sts'umbalique.
26Ja' nix Aarón soc Moisés te albotic yu'un Cajwaltic te ya sloq'uesic ta Egipto spisil ta jchajp te israeletique. 27Melel ja'ic te Moisés soc Aarón te la sc'oponic te faraón te ajwalil ta Egipto te ya sloq'uesic bael tey a te israeletique.
Dios la yic' Moisés soc Aarón
28Te c'alal c'oponot yu'un Dios te Moisés ta Egipto, 29jich la yal:
—Jo'on te Ajwalilon. Albeya te faraón te ajwalil yu'un Egipto ta spisil te bila ya calbate —xi'.
30Moisés la sjac':
—Cajwal, mero wocoltic nax ya xloc' te jc'ope. ¿Bit'il c'an yaiybonix stojol jc'op a te faraón? —xi' te Moisese.
Iliyochaguliwa sasa
Éxodo 6: TZOXCH
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Biblia en Tzeltal de Oxchuc y Tenejapa © Sociedad Bíblica de México, A.C., 2001.
Éxodo 6
6
1Te Cajwaltic la sjac':
—Ta ora to ya me awil te bila ya jpasbey te faraón. Melel ja' nax me ya yaq'uex loq'uel a teme ay bila tulan ya xtal ta stojole. Stuquel me ya yal te ya yaq'uex loq'uel —xi' te Diose.
Dios la xcha'yic' xan Moisés
2Te Dios la sc'opon te Moisés, jich la yal:
—JO'ON AJWALILON. 3Cac'oj jba ta ilel ta stojol Abraham, Isaac soc Jacob. Soc la cac'bey sna' te jbiile: “Dios te Spisil ya xju' yu'une”, xi' te jbiile. Ja'uc me to, ma ja'uc la cac' ta na'el te mero jbiile: “Jo'on Ajwalilon”,#Ex 3.13-15. te xie. 4La jpas trato soc, ja' te ya cac'bey sq'uinalinic te sq'uinal Canaán. Ja' nix te q'uinal te banti c'axic tel ta neelale. 5Ora yo'tic jna'ojix te ay awocolic te ja'ex te israelex te bit'il yacalex ta sujel ta at'el yu'un te egipcioetique. Ja'uc me to, ay ta co'tan te trato cu'une. 6Jich yu'un baan albeya te alumal te Jo'on Ajwalilone. Ya xba jcoltayex loq'uel ta mozoil soc spisil te at'el te tenbilex ta spasel yu'un te egipcioetique. Ya me cac' ta ilel cu'el. Ya me jcoltayex loq'uel a ta swenta te bila muc' ya yich' pasel ta stojolique. 7Ja' mero lum ya xc'oex cu'un, te jo'one ja' me Dioson awu'unic. Jich me ya ana'ic te jo'on Ajwalilon te Dioson awu'unique, te la jcoltayex loq'uel ta tulan at'el te tenbilex ta spasel yu'un te egipcioetique. 8Tey ya quiq'uex bael a ta q'uinal te la calbey Abraham, Isaac soc Jacob te ya cac'beye. Jich yu'un ja' me ya xc'ot ta awentaic cu'un. Jo'on te Ajwalilone —xi' te Diose.
9Te Moisés la yalbey te israeletique; ja'uc me to, ma ba la yich'beyic ta muc' te sc'ope, yu'un chebajemix yo'tanic ta scaj te tulan ta jyalel te mozoinele. 10Te Cajwaltic la yalbey te Moisés:
11—Baan albeya te faraón te ac'a loc'uquix bael ta Egipto te israeletique —xi'.
12Te Moisés la sjac'bey sc'op te Cajwaltique:
—Te israeletic ma xyaiyboniquix stojol jc'op. ¿Ja'uc to bal c'an yaiybonix stojol jc'op a te faraone, te wocoltic ya xloc' te jc'ope? —xi'.
13Jich yu'un te Cajwaltic la yalbey xan mandal te Moisés soc te Aarón te ya yalbeyic xan te israeletic soc te faraón te tulan mandal yich'ojiquix te ya xloc' bael ta Egipto te israeletique.
Sbiil antiguo sme'-stat Aarón soc Moisés
14Ja' sbiilic te me'il-tatiletique: Te snich'nab Rubén te sba snich'an Israel, ja' te Hanoc, Falú, Hezrón soc Carmi. Ja'ic te jun nax sts'umbalic ta swenta Rubén.
15Te snich'nab Simeón ja' te Jemuel, Jamín, Ohad, Jaquín, Zohar soc Saúl te yal te jtul cananea-ants. Ja'ic te jun nax sts'umbalic ta swenta Simeón.
16Te Leví cuxin juclajuneb sjucwinic (137) ja'wil. Jich sbiil snich'nab, te banquilal soc ijts'inal: Gersón, Coat soc Merari. 17Te snich'nab te Gersón te bit'il jun nax tel te sts'umbalique, ja'ic Libni soc Simei. 18Te Coat cuxin oxlajuneb sjucwinic (133) ja'wil. Ja' snich'nab te Amram, Izhar, Hebrón soc Uziel. 19Te snich'nab Merari, ja' te Mahli soc te Musi. Ja'ic me te jun nax sts'umbalic ta swenta Leví, te banquilal soc ijts'inal.#Nm 3.17-20; 26.57-58; 1 Cr 6.16-19.
20Te Amram nujbin soc sme'jun, ja' te Jocabed. Ayin alaletic yu'unic, ja' te Aarón soc te Moisés. Te Amram cuxin juclajuneb sjucwinic (137) ja'wil.
21Te snich'nab Izhar, ja' te Coré, Nefeg soc Zicri.
22Te snich'nab Uziel, ja' te Misael, Elzafán soc Sitri.
23Te Aarón nujbin soc Elisabet te yantsil-nich'an Aminadab, ja' xwix te Naasón. Ayin snich'nab Aarón, ja' te Nadab, Abiú, Eleazar soc Itamar.
24Te snich'nab Coré, ja'ic te Asir, Elcaná soc Abiasaf. Ja' me te jun nax sts'umbal te Coré.
25Te Eleazar, ja' te jtul snich'an Aarón, nujbin soc te jtul yantsil-nich'an Futiel. Ayin alal yu'unic, ja' te Finees. Ja'ic tatiletic yu'un levitaetic te jun nax te sts'umbalique.
26Ja' nix Aarón soc Moisés te albotic yu'un Cajwaltic te ya sloq'uesic ta Egipto spisil ta jchajp te israeletique. 27Melel ja'ic te Moisés soc Aarón te la sc'oponic te faraón te ajwalil ta Egipto te ya sloq'uesic bael tey a te israeletique.
Dios la yic' Moisés soc Aarón
28Te c'alal c'oponot yu'un Dios te Moisés ta Egipto, 29jich la yal:
—Jo'on te Ajwalilon. Albeya te faraón te ajwalil yu'un Egipto ta spisil te bila ya calbate —xi'.
30Moisés la sjac':
—Cajwal, mero wocoltic nax ya xloc' te jc'ope. ¿Bit'il c'an yaiybonix stojol jc'op a te faraón? —xi' te Moisese.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Biblia en Tzeltal de Oxchuc y Tenejapa © Sociedad Bíblica de México, A.C., 2001.